babyJessie的个人专页

【南瓜巴斯克真係有驚喜！🎃】嚟到呢間cafe，試咗佢哋萬聖節限定嘅南瓜巴斯克，真係好有驚喜！蛋糕口感綿密細滑，好似食緊新鮮南瓜蓉咁，仲食到一絲絲南瓜粒，增加咗口感。甜度調得剛剛好，唔會太膩，突出咗南瓜本身嘅天然甜味。可惜店員話只係Halloween限定，做到今個月31號就冇喇！另外叫咗杯Flat White，店員好細心問我鍾意啡味重啲定奶味重啲。我揀咗啡味重啲，佢就幫我加多個shot。可能因為轉咗oat milk關係，感覺咖啡味有啲過重，如果唔加個shot可能會更啱我口味。整體嚟講，今次體驗唔錯，特別係件南瓜巴斯克會再encore！…查看更多

今日落雨經過深水埗，搵咗間Cafe避雨兼醫肚。叫咗杯Flat White同All Day Breakfast，整體有驚喜但都有啲地方可以改善☕️ Flat White咖啡咖啡確實唔錯！口感順滑，咖啡同奶比例平衡，香味濃郁，飲完喉嚨冇酸澀感，值得一讚～🍳 All Day Breakfast牛肉All Day Breakfast份量正常，但驚喜在於牛肉真心好食！肉質軟嫩又多汁，調味恰到好處，唔會過鹹，同炒蛋、沙律搭配幾和諧。令人失望嘅係水係自助 但星期六日需要加收服務費，既然自助，點解要收？呢點真心扣分。總結：食物同咖啡質素不錯，但定價進取+服務費爭議，未必會主動回頭。如果價錢調整返合理啲，或者取消服務費，會更值得推薦！…查看更多

今次試咗 Tuned Coffee & Roastery 兩款主打——松露油忌廉大啡菇貓耳朵同Pineapple Long Black，整體有驚喜亦有改進空間！松露油忌廉大啡菇貓耳朵：香濃但口感可以更好大啡菇煮得恰到好處，保留到鮮嫩多汁嘅口感，松露油忌廉汁嘅香氣好突出，一上枱就聞到濃郁松露味，鍾意松露嘅朋友應該會鍾意。不過貓耳朵麵質偏軟，咬口唔夠，同濃醬搭配有啲「糊口」，如果改用更有嚼勁嘅手工貓耳朵可能會更好。整體味道偏重，食到一半會覺得膩，建議加啲清新配料（如火箭菜）平衡。Pineapple Long Black：酸甜清爽嘅咖啡變奏呢杯特調咖啡反而有驚喜！Pineapple 嘅酸甜同咖啡嘅苦香意外地夾，入口先係明亮果酸，之後咖啡回甘慢慢浮現，好適合夏天飲。不過個人覺得咖啡味可以再重啲（而家果甜搶咗少少），甜度亦可以減半，等咖啡嘅層次更突出。環境與咖啡專業度店內工業風裝修有格調，咖啡師手勢專業，單品咖啡選擇多，明顯係專注咖啡品質嘅店。如果貓耳朵能提升口感，同咖啡一樣有心思就完美啦！總結：咖啡黨必試佢哋嘅特調（尤其果酸愛好者），至於主食… 或許留肚試其他輕食更穩陣。下次會再嚟專攻手沖！…查看更多

今次去咗 Twist on Coffee Club，試咗兩款招牌美食——紅菜頭班尼迪蛋同Berry Smoothie，真係令人眼前一亮！紅菜頭班尼迪蛋：健康與美味的完美結合傳統班尼迪蛋就食得多，但用紅菜頭做底真係第一次試！紅菜頭天然嘅甜味同微微 earthy 嘅香氣，配上流心嘅水波蛋同荷蘭醬，口感層次豐富之餘，仲多咗一份健康感。麵包底烘得香脆，整體搭配好平衡，唔會太膩，啱晒鍾意輕食又追求創意嘅朋友。Berry Smoothie：清新爆棚嘅果香盛宴飲品方面，Berry Smoothie絕對係夏日首選！混合咗多種莓果，酸甜適中，質地順滑得嚟又帶少少果肉口感，飲落去即刻醒神。而且甜度自然，冇人工糖漿嘅假甜感，感覺好fresh，同紅菜頭班尼迪蛋一齊食簡直係絕配！環境與服務餐廳環境簡約有格調，採光充足，好適合打卡或者同朋友慢慢傾計。服務生態度友善，上菜速度合理，整體體驗好舒服。總結：如果你鍾意試新嘢，又追求健康同美味兼備，Twist on Coffee Club 嘅紅菜頭班尼迪蛋同Berry Smoothie絕對值得一試！下次會再嚟encore，可能試埋其他創意菜式～…查看更多

cafe裝修全黑都好打卡able嗌咗一個雜菌卷卷意粉with口水雞扒同flat white個意粉好香菇味 汁都好濃 意粉都掛汁但口水雞扒就唔熱嘅 又霉Flat white都好淡 又唔熱 個杯都有少少high到焦糖糖漿 唔係好乾淨咁服務的話唔會太熱情主動水都係要叫佢俾先拎過黎其他枱都會主動上嘅唔知佢係咪唔記得我呢枱啦加水都好主動嘅但呢個意粉要142就唔係好值得啦餐廳位置離地鐵站比較遠之前試過佢嘅土瓜灣分店嘅食物就好出色嘅呢間就有啲失望…查看更多

個個都話好食原來都係不過如是平係平 但好細串 完全食唔飽 只可以當宵夜而且無味又唔熟 燒到乾嗌咗日式港式 完全食唔出有咩分別同一串翠肉瓜 一舊生生哋 一舊燶燶哋 燒到咁都係天才唔會有下次…查看更多

沙律菜好新鮮牛油果唔夠熟紫薯芋泥好香濃食到粒粒紫薯同芋頭 應該有加牛奶厚蛋燒都好吸引三文治都好想食下次會試呢兩樣我諗住係餐廳食埋先走，但室內位置比較少，已經滿座我就出咗門口食其實都真係幾熱好彩老闆娘攞咗部風扇俾我真係多謝佢🙏…查看更多

比較平 但係無乜味 唔夠火燒烤味 同好細串 白鱔都唔推薦 得雞翼比較正常唯一優點比較平 都有堂食位店員服務態度都好好 好有禮貌速度都好快 就算好多人 落單到自取都係15-20分鐘…查看更多

第五波疫情之前成日同朋友去urban大大話話都有幾十次 都認得好多貓貓每次去幾乎都有新貓有啲舊貓就唔知去咗邊以前最鍾意嘅雞蛋仔消失咗一排今次去竟然見到佢 以前雞蛋仔好靚仔好乾淨依家雞蛋仔好多眼屎 啲毛都好黃 樣都好殘以前urban無咁多貓 貓嘅活動空間都多啲依家多咗貓 貓嘅活動空間都唔夠而且發現啲貓變到好污糟啲貓毛好黃又打結而且現場好大浸貓屎味有幾隻貓會走上枱 我同朋友好明顯見到pat pat有屎💩有幾隻貓都係臭貓屎味踩上條褲 褲都有啲痕跡 我估應該係太多貓 貓砂盆唔夠 又無人及時鏟屎本身位置都逼 最後得幾分鐘就係咁趕我哋走…查看更多

urban開咗新店好開心舖頭闊落好多 貓貓都多空間走動每次去都係追住雞蛋仔跑黎跑去雞蛋仔真係好靚仔不過好cool雞蛋仔訓覺個樣都好得意架乳酪貓最貪玩 知道我有玩具就圍住我新店可以餵罐罐一攞罐罐出黎就幾十隻貓圍住我全部都係用QR code落order食咗個牛扒唔韌不過就無咩牛味不過貓cafe唔會期待食物好好食 睇貓貓就夠啦環境都好乾淨唔會有臭味 貓貓全部都好乖會再去搵雞蛋仔！！！！！！！！貓cafe黎講 urban環境舒服食物質素都高 價錢黎講物有所值…查看更多

上次飲又真係幾special 有幾樣果汁mix埋一齊又有唔同味道行開尖沙咀就過去買咗杯紐扣買紐扣之前又買咗杯芋頭鮮奶跟住sales 哥哥見我揸住杯嘢飲就問我杯嘢係唔係有奶跟住話杯紐扣入邊有檸檬，唔可以同牛奶一齊，原來檸檬同牛仔一齊飲會肚痛跟住佢就幫我走咗塊裝飾用嘅檸檬好彩sales 哥哥細心唔係我就肯定一晚都肚痛杯紐扣都好靚個好靚嘅sales 姐姐仲提醒我要攪勻飲佢仲有儲印仔嘅卡，一個月內夠24個印就送四杯嘢飲？？（好似係咁講）有d嘢飲可以儲兩個或者三個印仔…查看更多

一條友公司附近覓食，見到呢間評論不錯所以一個人都去試下去到幾乎坐滿但仍然有位間鋪出名all day breakfast 我見隔離台有件睇上去的確唔錯因為想食salad就叫咗個雞柳沙律呢度係先俾錢跟住水同紙巾都係自助等咗10分鐘個沙律就嚟咗我第一啖先試雞柳雞柳完全無冰鮮味煎得啱啱好好好味成個沙律只可以講雞柳係超正沙律菜就不過不失 食到尾仲太鹹不過有機會都係會約朋友再去一次…查看更多

霸嗎拉麵幾出名下 睇唔多人排隊就諗住試下叫咗一個豚肉叉燒同雞肉叉燒 兩個都比較肥 肉質都算嫩 不過唔多新鮮 可以講係失敗 溫泉蛋比較嫩 都算OK 最失望係一個眼線畫得勁誇張嘅呀姐服務態度好差…查看更多

東張西望打曬廣告 又話主打台灣正宗傳統擔仔面 吹到咁犀利 睇openrice 次次都排長龍 咁就下午茶試下老實講 去到見都少人 已經feel到少少伏首先必點招牌擔仔面 睇佢先28一碗 好似好平 睇相係得兩啖咋個賣相唔錯 但味道實在唔掂lor 個麵係冇味道 要索返d湯先有小小味 好大滾水味 都係預計中伏跟住因為最低人均消費60焗住叫咗個安平蛤蜊湯？？？寫住係招牌我先點 我想講佢係勁多薑絲 啖湯蛤蜊味食唔到 就姜味重 冬天飲同埋胃唔舒服飲就幾正 d蛤蜊即係生蠔仔都唔會腥 所以呢個還算OK總體覺得唔會再嚟…查看更多

叫咗個牛肉拉麵 到嘅時候冇咩人 所以好快個麵就嚟咗個麵不過不失麵冇期待嘅咁彈牙個湯底都OK 幾濃個麵都幾大份 可以食飽配料都幾多不過應該唔會再試呢個牛肉麵有好多甜品下次應該試下…查看更多