CO飲CO食的个人专页

呢間川味美食之前去荃灣已經幫襯過好幾次，今次叫左個金湯酸菜魚，餐牌價錢是$110，加一份米線是$6，我叫左2份米線，下午茶送飲品，黎左張單，我見價錢唔啱，於是問落單個位呀姐，點解唔啱數，佢話米線$8份，我話餐牌寫$6，佢好理直氣壯咁話，電腦係$8不嬲都係咁樣，我話咁你要改返個餐牌先得喎，客人係睇餐牌，佢仍然好霸氣堅持不嬲係咁，然後就行左幫，其實比多$4唔係咩大問題，佢唔跟餐牌收錢，擺明自己唔啱仲咁惡，…查看更多

家住附近，起初看到是做粉麵覺得價格貴了一點點，見後來做優惠送菜送飲品便去一試，叫左牛肚河好似35蚊，味道跟size也很好，很大碗，湯很濃夠熱，而且河粉是幼河粉，幼好多，送油菜同飲品，這是第1次幫襯第2次是午餐，現在早市午市都有點心，但我見有午餐便選了午餐，叫左之後有點後悔，怕是像粥店的米粉整定又無料，始終只係36蚊，後來又見到蒸飯好似好吸引，不過叫左費時咁婆媽改啦，咪試吓，店員叫我坐低等等，後來等了一段時間，咦…唔通係即炒? 36蚊咋喎，攞到返屋企食好有鑊氣，好多料，好味，食到底仲好好咁怕辣熔個盒有2片生菜墊住，睇得出好多位都好細心想做好啲，而且味道唔錯，值得推介大家一試…查看更多

家住附近，開店時專做潮州粉麵感覺價格較高，做推廣送菜送飲品，於是一試，牛肚河用幼河粉夠滑，湯夠熱夠濃，而且份量很足，不錯，這是第一次幫襯，第2次是午餐，叫了家鄉炒米粉外賣只是36蚊，想想有點怕是整定夾出黎個啲，又見到蒸飯賣相不錯(現在早午市都有做點心)，真係有啲後悔，想轉軚(算吧啦)，侍應叫我坐低等等，我出左門口等，等了差不多5-10分鐘，咁耐唔通即炒? 返到屋企應該侍應聽錯我要河粉，比錯左三絲炒河(同價)，不過我都無所謂，餸很多，夠鑊氣，味道很好，真係即炒，仲好細心墊一塊生菜以免高溫直接接觸發泡膠飯盒，值得推介…查看更多

試食報告20160812，串盞食物: 欣賞既有茄子，多春魚，羊架，牛舌，雞翼，雞軟骨不得不讚朋友落錯單，本想叫4粒既墨魚丸叫左錯4串，但出奇地好好食，香口彈牙，有肉粒，招牌凍蜆好惹味 ， 鹽酥雞好香口，但大蝦就唔夠爽，菠蘿唔夠甜， 仲食左雞腎，雞皮，京蔥五花腩，燒帶子，牛柳粒，蘆筍，粉絲焗金菇，燒魷魚乾，都ok環境/舒適度: 全店室內12個位，室外2個位，圓櫈，坐得耐我patpat痛清潔度/服務: 服務細心，唔會吹人落單，我撥一撥扇老闆即刻識做開大冷氣，我白坐左大半個鐘都無黑我面，讚!價性比: 坐吓傾吓食吓3個鐘，除開都係200蚊，抵啦！跟手過隔離食埋松記做甜品，good!…查看更多

試食報告20160730，麵屋丸京-濃厚半熟蛋拉麵食物: 都幾有日本拉麵既水準喎，湯夠濃厚， 糖心蛋咸左少少，但都好好味， 略嫌湯底油脂比較多，麵身彈牙爽口環境/舒適度: 目測有一半座位都係面壁既高椅，半企半坐，唔太舒服，普通座位應該會好啲清潔度/服務: 等候期間侍應有不時安撫客人，入座點單查詢時沒有耐性回應，筷子盒無筷子，侍應無補充，只係比2對我，仲有一支係崩咗，台面有啲笠痴痴，冷氣啲塵好厚，有待改善價性比: 食物係唔錯，今時今日68蚊食個有水準既拉麵，都算係咁！…查看更多

同朋友係附近唱完K, 搵下有咩好食, 發現討論區有CHING推, 一於去試下, 我地慣左早食飯, 費時人多等位, 5點幾已經去到食DINNER , 當時得2台單身男, 咁見佢海南雞出名, 就食海南雞啦, 好似一碟飯45蚊, 我地叫左個湯10蚊, 雞醬有泰式辣汁, 我覺得唔夠辣, 唔夠野味, 醬油, 正常, 薑蓉, 唔知有無食錯, 係落左沙薑粉....第一啖覺得幾香, 但食食吓又覺得好似遮左D雞味, 令我對D雞反而無咩印象, 不過幾特別, 都滑既D肉, 個湯好濃, 通常海南雞飯店個湯都好飲, 咁多雞骨煲出黎, 正!…查看更多

食黎食去沙嗲牛, 炸菜肉絲, 間中都要轉下口味, 找到呢間早餐都幾多選擇, 就試一試佢, 我叫左蓄茄湯牛肉公仔麵, 放係面d蓄茄好似係就咁放上去, 無煮過, 凍既...個湯底就幾濃郁, 牛肉無la過, 有口感, 整體都係讚...老公個時菜班球湯米線...劣評如潮...滑瀨泦...又腥...最過份係...杯熱華田淡過水...…查看更多

我未食過黑蒜油, 有聽過人地話出丁個黑蒜油好好味, 但老公又話一般...最後都仲未試...個打邊爐真係好少料(有一樣非常不滿係...唯一一舊粟米, 竟然被批去三邊, 得番一邊仲要有兩粒係爛既, 我最後諗住食個緊餘幾粒...放左入口都吐番出黎...唉...1/4條粟米到底值幾錢???)...我地加左半磅牛, 咁個餐就叫豬啦, 點知最後佢比錯左, 搞到全部都係牛...全靠個麵...如果唔係, 我都唔飽...個黑蒜油比我想像真係...無咩味, 佢仲跟左一碟好似生蒜蔥既汁...我都唔知要黎點野食定加去個麵度食架, 不過我點完, 食麵時我覺得唔夠味都係撈鬼埋佢...老公食蒜香牛柳石頭飯...我之前係屯門食過, 好濕, 唔夠乾, 今次呢度乾好多, 石頭飯既感覺都返晒黎...似樣, good!…查看更多

睇雜誌介紹, 話個度D豆漿自家日日新鮮制造, 於是就捉老公陪我去試, 我要一個咸豆漿, 咸栥飯(佢有甜架...我從未食過, 感覺怪怪咁), 咸豆漿料我覺得少左D, 炸菜有渣, 又唔夠咸, 蝦仔無咩味, 所以令個咸豆漿好平凡, 栥飯反而OK, 肉鬆香口, 但有一兩粒好硬...牙都痛(可能係本人問題)老公要左個熱豆花, 本來店員話無, 跟住仲話咁熱邊有人食熱...真係無禮貌...咁佢話無, 就諗住叫個粉果食啦, 叫完佢又話有碗熱懶懶, 問都唔問就放低...喂!你話無我叫左粉果啦, 咁算點呀, 無啦啦又叫多樣...好在...豆花同粉果都好食, 豆花夠滑...凍既通常就差得遠了...所以...呀姐...點解大熱天時仲要食熱嗜...咁都唔明...粉果D葛好香好好味, 後來仲再來一客添:)…查看更多

搵左好幾日炸雞肶紅豆冰, 而家D物價真係LAI利...閒閒地食個TEA都要25蚊, 緊係想食個有水準架啦...呢度下午茶原來免費轉紅豆冰...呀...我竟然食緊先發覺, 叫左凍檸茶...激死我...老公食乾炒牛河, 唔太油, 夠鑊氣, 唔會一舊舊河粉痴埋一舊, 香口, 唔錯.我個雞肶好好味, 外面乾身, 裡面D肉好滑, 仲有一種唔知係唔係南乳味...有種咸香, 但唔係好咸個D, 仲可配埋粗薯條, 如果D薯條可以再熱辣辣D就仲好~…查看更多

麗港城呀四快餐...係! 無錯係快餐, 未食之前, 成日聽老公話好食, 我心諗...快餐?有幾好食...仲要叫呀四...=.​=" 好啦, 既然無咩胃口, 近近地, 試下啦...只要係我未去食過我都有興趣試架...芝士焗​肉醬意粉, 真心講已好耐無食過呢個味道, 而家D餐廳既肉醬味好似太突出, 食唔到個汁既美味, 有人同我講過, 以前呢D茄汁要加芬達去煮, 先好味...呢個就有以前個個味道...食到乾乾淨淨.​..時菜班腩, 老公FAVOUR~五月十九日先食完...六月一日又去食過...ENCORE肉醬意粉, 個汁真係好味, 好濃, 好野味, 又唔太咸, 條條意粉都沾滿汁, 雖然肉醬唔多...另外今次老公食福建炒飯, 跟酒樓的相比, 實在太"流"了, 竟然配料係蟹柳? 獅子狗卷? 真係有D奇怪...味亦唔香, 無炒飯味...失望!…查看更多

呢排都係去新蒲崗試新野, 原因公司附近有小巴去, 方便! 新蒲崗可能大家覺得唔會諗起既"蒲點", 但對於唔蒲既食友, 原來都係卧虎藏龍既地方...哈哈~今次食左3樣野...鹵水拼盤(有墨魚, 生腸, 紅腸, 爽肉, 鹵蛋, 豬耳, 鴨腎, 鴨潤/​心, 大腸, 豆腐...勁, 未食過咁多款式既拼盤$60)抵~鼓汁蒸大白鱔...新鮮, 脆口, 正~$75, :)魚湯浸大蜆, 魚湯中加有胡椒, 粉絲, 香芹, 無咩特別, 我由其唔鐘意食粉絲時咬到粒粒胡椒...唔LIKE:($6​5 白飯$6…查看更多

因為好耐無食過牛什粉喇，所以就試吓呢間，叫左個牛什米，牛腩河，油菜同凍豆漿。我諗呢度應該好多熟客仔，d人客見有新客人入㴝都好自覺埋單走人，我諗係因為老闆佢地幾好人！牛腩河- 牛腩鬆軟, 好味:)牛什米 - 牛腸香, 肺入味, 牛肚都係好鬆軟, 好味:)豆漿 - 甜左DD咁多多.腩汁菜心 - OK啦, 係而家唔當造啫…查看更多

個日本來去左荃灣, 但人太多, 放假想RELAX D, 諗住去個少人D既地方...點知原來元朗都好多人, 失望...我地對D舊舊地既"疑似老字號"都會有心去支持吓, 試吓, 點知...魚翅餃...蒸左十個鐘咁...你話會點? 仲要個皮乾晒牛肉腸...厚! 厚! 厚! 牛肉無牛肉味, 想點呀?牛肉蒸飯...佢個名叫彈牙...我一D都唔覺得!!!! 林過豆腐花...又係無牛肉味我真係未食過D咁難食既點心…查看更多

本來想食一個有龍蝦既餐, 店員話而家做唔到1980啦, 要加到2480, 於是叫左另一個1380既餐, 即十二人餐就只有呢個, 再加扇貝$25一隻同賴尿蝦$90蚊一隻, 我明白百物滕貴, 將價就貨, 但味道起碼應該有D水準...蝦...好細隻, 豉油王爆, 蝦壳部份可以食埋, 味道偏咸蟹...D薑蔥最搶手, 其實蟹味道都唔差, 又係細左D囉咕嚕肉...茶記貨式魷魚...一D都唔野味, 得個炸字魚...味道OK, 生熟油好香, 蔥唔夠多扇貝的粉絲發過龍, 差不多有米線咁粗, 入口即溶, 好難食...又唔夠味, 炸蒜又有苦味賴尿蝦無咩用, 只能一開二伊麵...偏咸炒飯...無食鮑魚, 其中一隻唔知點解會有D一粒粒野, 實在有D驚, 叫店員幫我地換,佢當然唔想換, 我地多番請求下...終於換左...唔該...唔該晒送既果盤加桂花糕...一上台已見到有隻冰河時期 "螞蟻"係舊桂花糕度...點食呀!仲有, 一個十二人餐, 竟然得六瓘汽水, R晒頭...…查看更多