Eforeat.的个人专页

我仲記得開張既第二日諗住去試下,但去到見到龍尾排到去洗手間位置,個日唔係幾想等,所以留返下一次先試下到左今日平日,大約中午12:30到達,條隊唔算太長,唔洗排到去洗手間,點知排下排下都要用50分鐘排隊期間諗好食咩,坐低就即刻落單,因為我地見到落單後要等20分鐘以上先會上食物果然等待20分鐘先上第一樣咸pancake - 厚切煙肉炒蛋pancake $128pancake同平時既顏色唔同,原來係因為用上全麥,咬落口感比較實,但都係鬆軟隔多數分鐘,第二樣甜pancake終於上台 - 期間限定既古典魅惑pancake $138賣相好靚,但因為好肚餓既關係,影左張相已經大啖大啖放落口pancake加上紅桑子醬,酸酸甜甜好夾,再加上有少量果仁碎,食落令口感更加豐富但食完兩塊之後開始覺得有少少滯,本身仲以為一人一份都唔夠飽,想叫多份因為食過一次其他店舖既pancake,都好似食空氣咁,食完好似無食但呢度唔會,一人一份係岩岩好…查看更多

其實今次唔係第一次食227甜棧,我諗我都食過大約6-7次鐘意佢既原因係因為養生,第一次去食係見到雜誌介紹,餐牌上有好多款養生甜品,但我次次去都係食自己選擇配料既豆腐花有十幾款配料可以自行選擇,每款都寫上唔同既功效,可以按自己既喜好兩款配料$31,四款配料就$38我今次選擇了紫米,桂圓,芋圓,山藥配薑汁黑豆腐花如果薑汁味可以再濃返少少,同埋豆腐花既份量再多返少少就完美喇因為都要成$38一碗,份量略為少另外,佢仲會免費提供熱茶供應,同朋友食完飯再去呢到坐下都係一個唔錯既選擇!…查看更多

前排見到有朋友post左張海記芋圓既相,覺得好吸引,一直都想搵機會黎試下咁岩當晚晚餐唔係食得太飽,決定去試下!本身以為要去太子,但原來尖沙咀都有分店九點幾入到去人唔算多,坐低諗好食咩就要去收銀處落單比錢呢間感覺係無咩服務可言 見到有其他人不斷嗌呀姐,呀姐都係各有各傾計本來我係為左試芋圓而黎,但最後竟然敵唔過一碗合桃糊,因為睇圖好吸引,面頭有一層合桃碎 一碗沙沙合桃糊$30 最後無令我失望,面頭好多合桃碎增加口感下次有機會既話會試下紫薯芋圓…查看更多

係屯門長大,一定唔會對上海豆漿大王感到陌生,呢間真係由細食到大既小店雖然中間加過好多次價,但份量仍然係咁大份,味道仍然同細個食既差唔多,回憶黎架每次去大多數會叫上海雲吞麵,但可惜既係當晚雲吞賣晒(宵夜時段)唯有叫上海排骨配榨菜上海麵份量多,上海排骨油左少少,但唔會太乾身,三十幾蚊黎講其實都算抵食除左有湯麵/撈麵,仲有菜飯(份量超級多,而且可以加肉鬆!!!)提外話,我好鐘意飲佢地既豆漿,而且熱豆漿係無糖架,想要甜既就要自己落糖喇…查看更多

每次有同事話想食韓國菜,必定會選擇秀每次去食都坐滿人,但唔駛點等位就有得入有好多款可以選擇,落完單就會上四碟前菜,我最鐘意食佢個甜薯仔!之前試過泡菜豆腐湯,冬天食就最岩,因為夠熱同夠辣但我多數會選擇韓國粉絲炒豬(可以選擇牛/豬/雞,價錢都係$70)每次上碟都係粉絲多過飯好多好多,因為粉絲先係主角嘛望落好似有D油膩,但食落唔算油,粉絲好彈牙,不過可能因為炒絲太多,變左肉比較少,所以想食肉為主既就唔好叫呢個喇…查看更多

每日返工食黎食去都係個幾間,當日真係諗唔到食咩好,咁岩有人提意試下板長既LUNCH,個下先知原來板長都有套餐提供餐牌上大約有十款午市套餐提供,唔鐘意食魚生既都有數款熟食套餐選擇而我就選擇了牛肉蕎麥麵加壽司套餐,套餐包括日式蒸蛋及沙律,價錢$85當初睇相以為份量唔算多,但食食下先發現根本食唔晒,食完壽司已經唔係好食得落蕎麥麵味道唔錯,只係份量對於我黎講有D多下次去食會學隔離台咁,兩個SHARE同一個套餐,再單點其他壽司,份量係岩岩好!…查看更多

前排上網見到有人介紹呢間新開張既牛角次男坊,而且價錢唔太貴,一直都想搵機會試下!咁岩有晚放工要去荃灣,就決定去埋呢到試下堆到成座山咁既牛丼星期二晚七點鐘到達,已經見到門口有大約十個人等候入坐眼見入面座位唔算多,等位都要大半個鐘籌號到,要先係門口比錢落單,先會安排位置我選擇了次男坊丼,配經典牛角飯燒肉汁,其實佢仲有好多配料可以加,最平都要$60因為唔知牛丼既份量,所以無加任何配料一坐低就會比一碗麵豉湯,等大約15分鐘就到牛丼出場賣相無令人失望,果然係堆到好高,牛既味道都係正常,唔會太"UN"但紫菜就好大問題三塊都係淋,我唔太鐘意食一開始以為好少飯會唔夠飽,但唔知係唔係太多肉既關係,食到最後有D流整體黎講$88都可以試下…查看更多

曾經有次夜晚行街經過門口發現晚市都係散嗌為主,價錢都偏貴,所以一直都未有機會去試直至前排有朋友介紹先知星期六日既午市都有定食套餐提供,今個星期六係屯門西鐵附近,就決定去試一試位置方便,去到門口雖然見到幾對人等緊位,但拎飛等左一陣已經可以入座安排左卡位比我地,但要同人搭台,有少少擠迫午餐定食由$68起,每份套餐包沙律,兩串串燒,麵豉湯同飲品當日選擇了一份豬軟骨定食同一份豚肉燒定食,味道正常,只係豚肉燒略為乾身,比較"鞋"整體黎講,午餐都幾抵食,兩串串燒有加分…查看更多

星期六晚想係銅鑼灣搵一個坐得舒服又唔需要等太耐位既餐廳,腦海中第一時間就出現MUJI CAFE,當晚6PM去到,唔需要等位,食過好多次,永遠都會選擇四品料理,比自己試多款嘛$108四品可以選擇兩款冷盤+兩款熱食每次去都會選擇紫薯青蘋果沙律,紫薯同青蘋果兩樣加埋好夾雖然睇落份量好少咁,但其實食晒全部係岩岩好!…查看更多