AdaLawwh的个人专页

之前聽friend講話「一生懸麵」好食，今日終於嚟左荃灣間分店食佢嘅沾麵😋😍我地七點幾去到已經坐滿晒人😂要等一陣先有位～我同朋友分別叫左一碗海老沾麵同埋辛辣沾麵～再加左一碟餃子😋餃子一共有5隻，雖然細細隻但好多肉汁👍🏻沾麵方面，兩款沾麵都有兩塊火炙叉燒同埋半熟蛋，份量都足夠～ 海老沾麵個湯入面有好多櫻花蝦，而且好香🤤麵條亦煮得恰到好處，彈牙得嚟同個湯好夾～至於辛辣沾麵嘅香辣湯都好突出😍忍唔住不停咁飲！佢辣得嚟又唔會好鹹👍🏻而且我哋亦都嗌咗嘢飲去解辣～ 我叫左一支荔枝茉莉綠茶，朋友就嗌左一罐啤酒～荔枝茉莉綠茶個包裝好得意，不過就有少少偏甜😂總括嚟講，兩款沾麵都各有特色，個人比較中意辛辣沾麵個湯底，大家經過路德圍附近都可以去食下👍🏻🤤…查看更多

最近係社交平台見到話長沙灣有間串燒$100/10串，覺得好抵就嚟左食～😍19:00嚟到門口已經超多人排隊🫣串燒種類有好多，同埋每串都好大份，平均一個人10串其實都好夠食～ 仲有得嗌粉絲煲、花甲煲等等，而且串燒有得揀辣或者唔辣（蜜糖味）～～野飲亦有好多款揀～😙不過串燒要預等嘅時間有少少耐，大約15-20分鐘～但整體嘅水準都好好！👍🏻👍🏻😍又平又抵食！平均都係$100-150/ppl😋😋…查看更多

係大角咀食完dinner，諗住係附近求其揾間甜品鋪，咁就出事！呢間鋪限每人一定要叫一份甜品，仲要每個甜品都$50-70以上，$50幾個啲係平時出面$30幾-$40嘅芋圓/ 楊枝甘露嗰啲，唔明點解收咁貴… 而且有啲大刨冰$108想同frd share都唔得… 因為每人要叫一份🫣諗住以為貴啲就好食？ 錯啦！係全部都唔好食… 我地一共6個人，點嘅野都唔同… 但都一樣唔好食，仲要係大家一致認為唔好食🥲雖然係黃店，但真係試一次都嫌多🫣🫣性價比極低嘅甜品鋪… 唯一好嘅係佈置幾靚同埋歌好聽🫣…查看更多

諗住同朋友係尖沙咀食dinner, 見到尖沙咀有間個名好搞笑嘅cafe叫「What's up cafe喺度做乜」, 於是就入左去試下～😋我哋叫咗一碟鹹蛋黃雞翼、一碟燒牛肉眼黑醋意大利粉同埋一份澳洲羊架拼德國膠🤤💕兩個主食都係包埋餐湯同蒜蓉包👍🏻而且仲包一杯飲品🤩鹹蛋黃雞翼一嚟到嘅時候係熱辣辣、脆卜卜！勁好食🤤然後羊架我地叫左七成熟，啲肉質好嫩滑，再點埋佢個薄荷燒汁簡直一流🤤德國腸亦好重香草味～而且有紫薯、粟米、秋葵做配菜👍🏻至於燒牛肉意大利粉亦相當出色😍牛肉份量極多，同埋燒得好香口❤️‍🔥餐廳最近仲有個每日+$1優惠，食滿$150就可以+$1有冰鎮鮑魚兩隻👍🏻啲鮑魚大大隻、啖啖肉🤤💕如果去開尖沙咀不妨試下呢間幾抵食嘅cafe！🤑…查看更多

近排去咗觀塘嘅板神居酒屋食飯🥰之前食過其他分店嘅鐵板燒都覺得唔錯，所以今次就帶埋屋企人一齊嚟食👍🏻我哋叫咗一個激安餐同埋一個櫻島二人前套餐，四個人share食都夠飽，因為佢啲套餐有好多唔同款式嘅食物😋😋兩個套餐都係有沙律嘅，加左酸酸哋嘅汁好開胃👍🏻而且兩個餐都有刺身，所以師傅將兩個餐嘅刺身都放埋咗一齊，刺身好鮮甜！仲要係厚切！😍😍之後就輪到激安餐嘅鐵板龍蝦🦞同埋櫻島餐嘅鐵板大蝦🍤龍蝦肉質厚實，又新鮮😋食到舔舔脷👍🏻鐵板大蝦一樣都係賣相好靚，而且好好食！然後就輪到櫻島餐嘅比目魚大蜆湯，飲落好清甜，又有淡淡嘅比目魚味，而且落咗少少清酒同洋蔥入去，係好獨特嘅菜式👍🏻🥰🥰跟住就到激安餐嘅招牌菜式：美國薄燒牛肉😍牛肉入面加咗蒜片同蔥，令到個口感昇華咗好多！櫻島二人餐亦都有牛肉，不過係金箔牛肉，牛肉嘅頂層有層閃閃發光嘅金萡，打卡一流！🤩而且下面係玫瑰鹽，如果覺得唔夠味仲可以輕輕抹一抹加啲鹽，不過個人覺得唔加都夠味～再之後就係激安餐嘅炒雜菜，有芽菜、白菜等，都炒得幾香口～兩個套餐都有炒飯，炒飯加左蔥、煙肉同蛋，好滿足❤️‍🔥之後就到龍蝦湯同麵豉湯，亦都加左蔥花，令碗湯更加香👍🏻跟餐嘅甜品係日式蕨餅，煙煙韌韌，又唔會話好甜👍🏻最後，店員仲送咗款佢地將會新推出嘅海膽、三文魚魚子、吞拿魚杯比我哋試🤤賣相靚得嚟又好食！👍🏻😋😋地址：觀塘駿業街44號銀八7樓…查看更多

今日同朋友係尖沙咀行街行到攰攰地，就坐低左入呢間專食牛腩嘅鋪頭～我同朋友分別叫咗上湯崩沙腩飯同埋崩沙腩撈麵，然後再加咗一碗雲吞，同埋一碟通菜😋崩沙腩原來係牛嘅橫膈膜，表面有一層橫膈膜連埋啲腩肉，筋膜又連埋少少肉，軟腍味香，肥瘦剛剛好，係牛腩當中極為矜貴嘅肉。崩沙腩配飯或者配撈麵一樣都係咁夾👏🏻啖啖肉！而且崩沙腩大約有8-9件，好抵食👍🏻雖然話就話係專門食牛腩嘅舖頭，不過都想食吓佢嘅雲吞～佢地嘅雲吞大大粒，一共有6粒，好香鮮蝦味～😋而且碗入面仲會有好多生菜，唔會淨係得雲吞～夠哂開胃😆通菜份量亦都好足夠～個人覺得最好食都係崩沙腩撈麵😍如果未食過崩沙腩就一定要去試吓!!!…查看更多

今日去左觀塘行街，見到有間望落幾high class嘅西餐廳，又有二人晚市套餐，於是就同朋友入左去試下🤤佢個二人套餐有海鮮拼盤、餐湯、意粉、主菜（澳洲M4和牛/澳洲羊架 二選一）、同甜品😆望落都幾多野食～首先嚟嘅係海鮮拼盤😋😋有蠔、熟蝦、煙鱔、煙三文魚同埋墨魚沙律🤤隔離仲有個兜仔係裝沙律醬加埋Wasabi，用嚟點蝦一齊食都幾夾，辣辣地咁幾過癮！😋隻蠔就已經切好左係殼入面，方便哂大家食😂用隻叉咭住食就可以，唔洗驚整污糟手😂😂同埋蠔上面有魚子醬加海膽，令隻蠔更加好食😋墨魚沙律就煙煙韌韌咁好彈牙！個日餐湯就係羅宋湯，都好足料，而且好鮮甜😋意粉方面，就有黑毛火腿意大利粉😆無諗過黑毛火腿撈意粉又幾夾~👏🏻而且仲有香蒜、辣椒、橄欖油加埋一齊，令整碟意粉更加升華😆至於主菜，我哋揀咗炭燒澳洲M4和牛🤤要左5成熟～牛肉嘅肉質嫩滑，唔會靭！撈埋佢個牛肉汁嚟食更加好食！另外仲有蕃茄、焗薯仔、南瓜同大蒜做伴菜～當日嘅甜品係白桃味芝士餅～不過略嫌白桃味唔算好濃，反而芝士味較濃郁同出味🤤另外，我地兩個都叫左杯野飲，分別係Cosmopolitan同Aperol Spritz, 兩杯都係酒精濃度唔算高，好易入口～女仔都好啱飲！Btw餐廳裝修好靚！如果慶祝生日或者紀念日都好有氣氛😍而且啲員工服務態度都好好！…查看更多

最近同屋企人去咗觀塘嘅京滬佳餚食飯，真心好滿意！先講下佢哋嘅招牌小籠包，真係值得一試！皮薄如紙，入面包住鮮嫩多汁嘅豬肉餡，每一口都有湯汁同豬肉嘅鮮甜味道🤤🤤 勁想叫多幾籠🥹🥹再嚟就係香麻龍蝦荳腐花，好特別！好好味！龍蝦嘅鮮嫩肉質同香麻醬嘅濃郁味道結合得好好，加埋豆腐花嘅滑嫩口感，成個菜更加豐富有層次，私心最推薦依道菜！😋😋紅燒鮑魚鵝掌都好出色，鮑魚嘅鮮香同鵝掌嘅軟滑質感完美結合💓 老上海炒飯炒得香口，米粒飽滿，配料豐富，真係令人食得好過癮🥰金湯酸菜魚同京滬香酥烤鴨都係我好鍾意嘅菜式。金湯酸菜魚湯底酸辣可口，魚肉鮮嫩，令人食得好開胃。京滬香酥烤鴨就更加唔駛講，片皮鴨一定係世一架啦🤪 外脆內嫩，肉質鮮美，可以自己食晒一籠😝如果鍾意中式菜嘅就一定要嚟依間試吓😍…查看更多

好耐無食鐵板燒，聽朋友講板神嘅鐵板燒服務好好，於是就去左尖沙咀呢間分店，諗住去試吓佢嘅鐵板燒套餐😍🤤一入到門口，staff已經好有禮貌咁招呼我哋，坐低之後，staff會比個布籃俾我哋裝袋，然後就開始介紹有咩食物同埋特式飲品😙我地叫左個鐵板燒套餐，前菜有三樣，分別係：慢煮鴨胸、玉子燒、同埋一個用脆片裝住左Cream cheese +牛油果粒+蕃茄。個脆片有少少似蝦片咁，包住啲餡咁食個口感好飽滿～然後個慢煮鴨胸煮得好淋好入味、唔會太鹹～玉子燒就好重蛋香味😋之後就輪到沙律，有沙律菜、車厘茄同埋蘆薈粒，佢嘅沙律落咗柚子汁，酸酸甜甜咁好開胃😆再之後就係上左我最中意食嘅刺身🤤🤤有帆立貝、油甘魚同吞拿魚，啲刺身好新鮮，而且每件都好厚切😋食完前菜同刺身，就輪到重頭戲嘅鐵板燒😍鐵板燒師傅將北寄貝燒熟，再放上殼入面，下面就係加左個類似炭精，然後一點火就可以一直有火咁燒住😍打卡真係一流！而且燒完嘅北寄貝肉質鮮甜、又有彈性😋再之後就係燒龍蝦🤤🤤師傅加埋個龍蝦汁真係好濃味😋食到咁上下飽，就有碗和牛湯消一消滯，店員話係用牛嘅肩胛位嚟煲，所以肉質比較嫩滑，而且加左茉莉花茶，所以可以解膩，另外仲有少少菇同蔥，令到成碗湯更加香😍飲完湯就輪到燒牛肉同豬肉😋牛肉嫩滑，包埋啲蒜片脆卜卜咁、好好食🤤跟住師傅再炒左個飯比我地食😂😂呢個套餐真係好豐富～啱哂我地呢啲大食嘅人😆最後就輪到甜品，師傅將士多啤梨燒左一燒，再放落碟，然後加左藍莓芭菲同埋焦糖多士🥰芭菲加埋焦糖多士都好夾，而且仲有士多啤梨嘅甜味，簡直一流🤤咁啱隔離枱有人生日，師傅仲用蛋漿寫左個「生日快樂」😂😆😆飲品方面，我地叫左兩杯無酒精飲品，佢係蝶豆花加埋櫻花蝦打成嘅泡，再加左少少咸檸檬同tonic水，味道酸酸地幾開胃～👍🏻🤤…查看更多

之前喺社交平台見到呢間餐廳個裝修咁靚，於是就諗住去試吓～一入到去的確係好似去左日本。食物方面叫咗佢哋最出名嘅牛肉壽喜燒套餐，套餐包埋串燒拼盤，有燒雞翼、燒菠蘿、燒豬肉、燒菇同埋燒秋葵，另外仲可以揀多兩款小食。小食方面我哋叫咗個蟹籽玉子燒同埋燒牛舌😋壽喜燒會有店員幫你燒，而且之後會有蔬菜、菇、豆腐～最後仲有個黑松露燉飯～野食方面正正常常，係玉子燒同燒牛舌比較出色🤤黑松露燉飯都唔錯！不過略嫌所有食物都偏貴😐而且套餐唔包飲品，要再加$28先有一杯🫣最後2個人埋單人均$300🫣…查看更多

今日去左新開無耐嘅啟德商場睇戲，再喺呢度食埋lunch，見到有間望落幾靚嘅茶樓，就入咗去諗住試吓😆呢間酒樓裝修得好靚，門口仲有bar枱🥂而且佈置得好有聖誕氣氛🎄入到去之後職員比咗個有9格嘅茶盒我哋，然後就介紹左幾款唔同嘅茶🍵我地揀左鳳凰單叢茶，佢嘅香氣濃郁，入口茶味甘醇。平時酒樓多數只有普洱、香片、水仙等等嘅茶，但呢間茶樓比其他茶樓多好多唔同款式嘅茶🤤而且個茶壺下面會放個小蠟燭令啲茶可以一直保持住個温度🤣餐廳Menu有好多選擇：首先點左份和牛酥，因為平時酒樓都無呢款點心～佢個酥皮好鬆軟而且牛肉好香濃😋之後下一款點嘅菜式係冬陰小籠包，呢個真係超好食👍🏻一啖咬落去有好多冬陰功湯係個口入面，啲湯唔算好辣，而且個皮夠薄！😍然後就輪到石燒板麻辣羊肉烤包，佢有個鐵板喺下面，而且聞落好香噴噴😋個包煎到脆卜卜，入面就有超多羊肉🫶🏻食落去亦唔會話好重羊騷味～之後我哋再點咗個胡椒龍蝦湯餃，一個碗係裝龍蝦餃，而另一邊嘅茶壺就係裝湯～將個湯倒落去碗入面就食得～😂而且佢隻餃入面啲龍蝦肉好多，啖啖都係肉！隻餃大到差唔多係我拳頭嘅size😆黑松露燒賣都好特別，有好香濃嘅黑松露味，令燒賣嘅味道升華左，而且燒賣入面啲蝦好大隻，啖啖都係蝦肉🤤我哋再叫咗碟黑毛豚肉叉燒腸，腸粉皮薄餡多😋😍而且佢個擺盤都好靚～除咗豉油之外仲有埋蔥油～甜品方面，我哋叫咗佢地最有人氣嘅石獅黑麻糕😍 佢係一舊以石獅子造型嘅芝麻糕嚟，芝麻味好重，而且又唔會太甜。總括嚟講，呢間係一間裝修好靚、食物質素亦相當好嘅新式酒樓👍🏻加上平時嘅酒樓都唔會有佢地提供嘅呢幾款點心，所以嚟開呢個新商場一定要試下！😆地址：九龍城啟德協調道2號AIRSIDE 3樓L301-L302號舖…查看更多

今日係太子食左間車仔麵，我揀左個三餸河粉，分別點左牛腩、牛肉餅&胡椒豬肚丸🤤朋友就叫左碗豬雜麵～另外再叫左兩款小食：魷魚鬚同埋蝦餅😋😋我碗麵嘅牛腩每一件都啖啖肉，而且湯底充滿腩汁～牛肉餅就有少少似牛丸咁、好彈牙！而且好重牛肉嘅鮮味～最令我欣賞嘅係胡椒豬肚丸！一咬落去係會爆汁～而且辣辣地好惹味😋🤤朋友碗豬雜麵上枱時，第一眼就被佢嘅份量嚇親！而且佢每款內臟都洗得好乾淨，完全食唔到臭腥既味道😍小食方面，蝦餅有5塊（$40），每塊都脆卜卜～仲有碟泰式辣醬🤤真係好好食！魷魚鬚亦都好大碟（$45），同埋辣辣地😋咬落亦都好彈牙～撈埋麵一齊食都好夾～總括嚟講，車仔麵同小食都幾高質，而且價錢唔貴，叫左咁多野食都係每人$100左右😆…查看更多

雖然係黃店，但覺得有大量進步空間🫤🫨我叫左個泰式濕炒海鮮河，朋友叫左個辣椒炒牛河。我個碗濕炒海鮮河嘅海鮮份量超級少，得少量蝦仔同一粒青口，而且河粉係痴埋哂一pat口感麻麻🫤仲要一上枱個賣相都好唔吸引，全部都係菜、菇同蘿蔔係面😳但$72一碗🙄🙄朋友嗰碟牛肉河就相對好少少，牛肉份量都ok，河粉偏辣，都惹味～另外我哋分別叫咗一杯芒果沙冰同埋椰汁珍多冰，呢兩杯野應該係呢一餐入面唯一比較滿意嘅😐🥲由於唔太好食嘅關係我同朋友都冇食晒，仲要出左餐廳之後再係九龍城食其他野嚟填飽個肚嘅空虛💸🫣…查看更多

荃灣高質炸豬扒🤤🤤！好食到要喺OpenRice寫食評😍今日去咗荃灣食lunch，見到間有炸豬扒同炸三文魚定食嘅餐廳，感覺好吸引就入左去😍定食包埋日式蒸蛋、麵豉湯同埋蘿蔔，而且佢可以免費追加白飯😋炸豬扒超級厚身，有5-6塊😋同埋個皮好脆卜卜，一咬落去好多肉汁！😍😋炸三文魚亦都好特別，因為好少見餐廳會有炸三文魚，亦都係炸到外脆內軟😆！而且加埋嗰個沙律醬一齊食超好食～好食到叫多咗一碟醬🤭地址：荃灣富華中心二樓（荃灣地鐵站B2出口一出就係）…查看更多

今日去左銅鑼灣呢間富山麵家食拉麵，上網見到佢有鬆弛熊主題，所以就揾埋同我一樣都中意鬆弛熊嘅friend去左食😂好可惜嘅係咁啱佢個主題早幾日完左，但佢有部分餐具同杯都仲有鬆弛熊公仔😍😍超級打卡able！🫶🏻拉麵方面我同朋友都點左碗「大胃王」拉麵😂見佢有5塊肉，感覺好豐富，而且價錢唔貴！我叫左北海道牛奶湯，朋友就叫左激辛味噌湯😋北海道牛奶湯超香濃牛奶味😆！朋友個碗亦都好惹味～好啱中意食辣嘅人！另外，肉質淋身易入口～拉麵嘅份量亦頗多，如果男仔食一定夠飽！小食方面我哋叫咗餃子同埋雞翼，兩樣小食都各有5隻～餃子皮薄，而且饀料多汁😙雞翼上面有芝麻，而且剪到脆卜卜～十分推薦😋😋飲品方面，我叫左杯凍鮮泡蜂蜜綠茶，見佢menu嘅賣相好靚😂😂係士多啤梨形狀🤣而且味道唔算甜～👍🏻朋友就叫咗罐日本巨峰提子梳打～都唔錯！餐廳仲有送鬆弛熊糖比我地，真係好得意！好唔捨得食🫣地址：銅鑼灣希雲街7號地鋪（銅鑼灣F1出口）…查看更多