Siu siu ma的个人专页

已經試過幾次食呢間，D麵係ok既。今日由於心情麻麻，諗住食碗貴野安慰下自己啦，於是落左個招牌鵝肝煎蛋拌飯。個賣相OK既，但嗰3片鵝肝有少少黑左D囉😃落左佢地叫一定要落既豉油撈埋，唔知點解成啖飯己連埋配料有少少苦苦地，而個鵝肝…. 我只勉強食左一塊，係有D乾、苦同＇漏＇。成碗飯食剩一半同2片鵝肝，我都唔想嘥架，但真係好難食😅食完本身麻麻既心情，食完更加….🫠…查看更多

每次經過都想試，但今日試左後應該冇下次囉，除非嗰日成間鋪得我一個人啦。7點56分落單，等左十幾分鐘左右（當時間鋪有7成滿）見附近兩枱遲過我都有得食，於是叫侍應幫我睇下，佢淨係去左撳電腦話有落單，冇入廚房問…等到8點35分先有得食…D刺身仲有少少冰凍同出水，但整體都OK既…查看更多

今日入左去食早餐，叫左杯凍蜂蜜綠茶，攞起飲時，發現個杯有漏滴左幾滴喺我條褲度，痴笠笠的，張枱都有一小攤水，我同個侍應講，佢話少少漏係咁㗎啦，唔係漏好多就得啦，好多隻杯都係咁。然後問佢有冇濕紙巾想抹下條褲，佢就一野劈咗幾張紙巾係張枱度，跟住我話有冇濕紙巾，想抹吓條褲滴到癡立立，佢同我講冇，仲話咁使唔使換過杯俾你丫🙄甘係咪要怪我唔夠幸運，揀唔中隻唔漏既杯丫…查看更多

嗰日同好耐冇見既朋友行荃灣，行開見到呢間餐廳望入去好特別，好似遊樂場甘。就排左一陣隊，入左去試。桂花蜜橙雞翼~雞翼同D桂花蜜好夾，幾好食，但略嫌D蜜好多都好重手下，而D蜜橙可有可無黑松露蜆肉磨菇意大利麵~蜆肉好少，普通，質數同蕯利亞差不多芝士焗煙肉薯皮~D煙肉焗到燶哂黑麻麻，同侍應講佢答唔到要問經理，個經理答:係甘架。紫薯雪糕窩夫~普普通通…查看更多

今日同男友喺銅鑼灣行完花展，就喺附近揾嘢食，見到呢間門外電視展示既食物又吸引，內面裝修又特別，好似日本啲居酒屋甘，於是就入去試下。叫左杯生啤~，幾好飲，易入口螢光魷魚漬~呢個我覺得超好味值得推介大家試下，咸咸地好開胃鰻魚飯~肉質嫰滑，撈埋個燒汁好香芥末牛油果蝦+餅~好特別既口感，個餅又鬆化，兩者加埋好夾炸蝦~送洒一流近江牛串+雞軟骨~牛肉口感好juicy ;雞軟骨我覺得係我食過甘多最好食既一間，香口、又有口感牡丹蝦~肉質彈牙又新鮮下次出城黎港島區一定會再黎，環境又舒適，因為有咕挨住坐;食物質數又ok;而且店員又熱情，不停推介我地有咩好食…查看更多

同男友喺the one睇完戲，周圍睇下有乜好食，見到金寶最多人一定冇死勒，等左十零分鐘左右，終於有位。我地坐底後，仲有好多人排緊隊架，下次都係book定好D生蝦刺身~肉質新鮮又厚肉，D汁酸酸辣辣好惹味細併盤~炸野唔油，春卷好鬆脆、炸蝦餅好有咬口椰青海鮮飯~原隻椰青上，外表已好吸引，除左海鮮仲有椰肉同埋有香濃既椰香味咸魚炒豆苗~豆苗新鮮同埋真係有一粒粒見得到既咸魚。因為通常出面嗰D都係食到陣咸味但見唔到舊咸魚泰式大蜆鍋~D蜆勁大隻冇沙，個湯酸酸地加埋D香茅好開胃…查看更多

是日去左呢間成日都想試但又成日都冇位既鍋居，一去等都唔洗等就已經有位，可能嗰日冇乜人既關係。我地揀左個鴛鴦鍋湯底，個沙嗲湯好香，味道又唔會太過濃，又唔油手切肥牛~肥瘦分怖適中手打墨魚丸~食落彈牙，仲有粒粒墨魚粒好有咬口新鮮淮山~煮一陣已經好粉，唔會好似其他火鍋店要煮好耐油麥菜~新鮮又洗得乾淨響鈴~比普通出面食既大舊好多脆就脆既，不過太大舊食係上黎有啲困難囉…海蝦~好新鮮，上枱果陣仲郁郁下不過除返開一隻要$30就真係貴左啲！整體黎講食物質數都，係價錢略貴，2個人食左$700，但都會再黎既。…查看更多

收左工後又去左荃灣食嘢，平時等車時成日都見到呢間幾多人下，又標明唔用味精，所以今日一於試下呢間杯椰汁三色冰，D料勁少，椰汁味勁濃，覺得麻麻呢個係個餐跟埋既小食香茅豬扒同扎肉濱海，濱海幾好食，料夠足又香。但豬扒就唔夠香茅同一塊普遍炸豬扒冇分別個火車頭D湯食落真係唔覺有味精，同埋D九層塔好香，但牛肉非常韌，好難咬柚子鮮蝦沙津，D柚子唔酸但D蝦有幾隻冇挑腸食物質數都還可以，但當晚去時大概九點幾、十點，每次有客人入黎，員工們都好似唔多開心咁。怕阻住佢地收工？…查看更多

放左工後約左男朋友一齊食飯，一個又想打邊爐，一個又想食剌身，於是揀左呢間2樣都有既日式火鍋放題。我地揀左個昆布湯底，同埋揀左極上安格斯牛小排放題。D小牛排唔錯，其它就不過失。佢仲跟左呢2兜唔知咩，前面嗰兜好似好肥既野都幾好食。刺身選擇非常之少，而且麻麻地，D蝦好似比左片左幾刀甘、希靈魚又有刺(骨)。最放得落口既得櫻花魷魚。最後我地仲出去自制天婦羅，都幾得意，食材新鮮總結:有少少美中不足既係D自助食材都冇標明係咩，而D刺身有少少揾笨，款少又唔夠新鮮:(…查看更多

聽同事講呢間ok,於是book左9點半去試下環境好靚，啲燈飾好特別，同埋坐位都好舒適，有一半都係卡位。仲有一樣好貼心既係竟然有usb充電插座。我地兩個人叫左呢個餐，再加左$3O升級任食放題，可能太晏既關係鮑魚冇哂，換左聖子比我地。配料到左，望落好新鮮店員好細心幫我地將D配料放落粥度，然後提我地計時器響左後食D咩先。滾左後，我地終於可以開動勒！D海鮮除左望落新鮮，食落都好鮮甜，豬骨都好正然後我哋加咗芫茜、蔥同埋菜脯落去，搞咗一陣之後就可以食粥啦 D粥完全吸收哂海鮮味道，所以非常鮮甜， 同埋有菜脯所以非常有口感食完粥後就叫咗啲配料嚟打邊爐勒。 響鈴超大條 ，最重點推介既係超長既蟹柳同埋魚皮 ，蟹柳就算煮耐左都唔會爛同散; 魚皮非常之脆而且無油益味。仲有D貢丸應該係新鮮自制，有好香嘅芹菜味同埋冬菇，同出面嗰D好唔同，非常仲有另一推介嘅係豬潤同埋豬頸肉，豬頸肉係超推介大家，同埋佢啲蔬菜類都好新鮮。總結:食物質數都好好，員工都好細心，又主動幫我地換碟、加粥。而且用粥打邊爐感覺上冇甘熱氣;同埋食物擺碟好有心思…查看更多

同幾位朋友喺旺角韓燒完仲有D 意猶未盡，於是喺附近見到一間應該係新開既發記，佢D裝修同旺角舊嗰間都非常唔同，非常之特別。朋友a,b都揀左楊枝金露，佢地話D柚子都好苦同酸而我就叫左紅棗雪耳燉圓肉~一個字甜到飛起，啖啖都好似吔緊砂糖甘朋友c叫左百合雪耳燉雪梨~個口感同我嗰個一樣，得個甜字總結:又細兜又貴，自己屋企煮嗰D好過佢好多………查看更多

是日同亞媽出左荃灣行左一陣街，然後揀左呢間試下。揀左個2人餐。首先個冬蔭公黎左，用左個微型小爐上枱，爐下有個好細既蠟蠋仔'慶'住，諗住碗比丫媽飲左先勒，點知係佢話係凍既，甘就倒反落去再'慶'熱勒。由於佢火力太微弱，個兜又厚身，搞左成半個鐘先叫做暖可以飲到併盤~炸蝦幾好味唔太油、扎肉係冰凍，串燒係凍既。扎肉本人平時好少食唔知係咪冰凍上喇，但串燒真係接受唔到係凍架羅，叮反熱都好丫，大佬咸肉炒芥蘭~份量少，芥蘭清脆新鮮香芋海鮮焗飯~呢個飯好食，但芋頭唔夠多同埋唔夠粉…查看更多

呢日約左幾個舊同事食宵夜，其中一個介紹話呢間幾好食，於是就去試下。蝦蛟啲皮都幾薄，蝦都新鮮大隻鳳爪冇乜特別正正常常，但底下有好多舊芋頭晾住，所以D鳳爪好少咸水角唔會太油，但皮厚餡少山竹牛肉只可以形容佢係幾粒發漲左既肉球 排骨冇乜特別呢個係我同事推介話好食既籠仔蒜茸海蝦飯，。。。。成兜嘢完全係一兜白飯、蝦、蒜茸然後乜味乜汁都冇，上面D蒜食落陣味好怪奇，本人覺得好似殺虫水味真係要多謝我位好同事鮮蝦腸粉層皮都算滑 粉果同菜苗蝦餃兩個D餡都新鮮個金錢肚非常難食，有陣好奇怪既味道，同埋個底又係有好多舊芋頭晾住，又係揾笨之作。人地出面就算揾野晾住都會揾白蘿蔔勒，用芋頭好九唔搭八又一難食之作，咪睇佢有甘濃既醬汁，個茄子完全冇味，個魚肉亦都好奇怪好似好粉甘，完全唔似魚肉燒賣D肉質好奇怪又唔似肉，總之難食總結: D野食真心難食，唔信既大家可以去試下。D侍應亦都好唔惦，叫人又冇人應，個個走哂去入面係度吹水。加單時，諗住遞單比佢地勒，個侍應企係收銀度叫我地逐個逐個話比佢聽，懶到甘…查看更多

同朋友約左喺旺角食晚飯，即興想食韓國菜，上openrice見到有2間都想試下，但一間要提早預約，所以揀左呢間。大邱辣醬無骨雞(小辣)$98~D雞份量勁勁勁少羅。味道oK既，小辣都已經覺得好辣鱈魚乾海螺伴麵$108~成兜野D麵得幾注，最好味係D海螺同魷魚。完全唔明點解值$108芝士蟹子蛋卷$108~最好味係呢味，但D蟹子一夾就散哂菠蘿芒果燒酒$148~對2個人黎講係好大壼，飲落味道好似果汁甘，飲耐左先覺暈陀陀總結，貴得黎有少少揾笨，唔會再去…查看更多

放左工又落左荃灣食飯，食反間好耐都冇食既巴巴站。今次黎到冇乜人，可能夜喇印度芒果賓治~口感好特別，略嫌酸左少少。同埋以為同幅圖一樣有D雜果喺度，點知……烤雞卷~雞肉鮮嫩，而且烤得好香好惹味，D菜又新鮮，加埋D醬汁，咬落好juicy好彈牙嘅炸魷魚，配埋佢地果隻酸酸地既醬汁，好惹味！傳統咖哩海鮮~有魚、魷魚、蝦,雖然煲仔細細，但D料都算多 薄餅外脆內軟 ，而且份量啱啱好，點埋咖哩汁一流蘋果金寶~唔會太甜，還可以。總結，D侍應好有禮貌，裝修好有特色，係地方細左D…查看更多