肉肉陳vuv的个人专页

首先大人需要低消150蚊，呢度已經好搵笨，相當於谷著大人強制消費，仲要節假日俾埋139嘅清潔費，亦都貴得離譜，一個三歲小朋友同一個一歲小朋友，加埋兩個大人就要成650蚊，價錢呢啲都唔係重點，重點係啲食物質素係好難食，小朋友都食唔落，全部預製叮熱食品，都未坐低就要嗌定啲嘢食，小朋友全部都急著去玩，返到黎咩都凍曬，都唔知係咩規矩。最可惡嘅係有個平陰扎馬尾女侍應，小朋友只不過最後想影多張相，加埋時間連兩分鐘都無，黑曬口面唔耐煩，驚死人阻著佢搞衛生，咁嘅服務態度收埋服務費我都唔知服務係邊。最後都唔會再黎呢間，銅鑼灣店好過呢間多多聲…查看更多

今日禮拜日，諗住經過沙田同屋企人食台灣菜，入到座位，水都無杯，仲要收服務費，ok，呢啲都係小事。問題在於菜品，問咗服務員佢話今日無套餐無下午茶，咁咪點份正餐咯，七十幾蚊一個撈麵，我一個女嘅都完全食唔飽，見到個份量都呆咗，我敢保證正常餐廳下午茶嘅麵份量都唔會得兩啖咁離譜，我難以想像如果呢度下午茶嘅份量會係幾少，而且個麵完全係無味，價錢份量口味都唔成正價比，真係無下次…查看更多

好認真咁講，母親節餐飯晨早已經Book咗位，安排啲唔知咩位黎，景睇唔到都算，個位我估係全場最暗，同夜晚啲小夜燈咁嘅款。Ok，入正題，六個人坐落黎，大概隔咗五分鐘，即時上咗湯，望落啲湯渣真係熟口熟面，同平時大排檔188啲例湯係完全一樣嘅嘢，螺肉雞腳山藥湯，真係得啖笑。第二樣係兩樣嘢一齊上，一碟酸梅粉番石榴同冷盤鮑魚，我想講嘅係，冷盤呢啲唔係應該先上咩？咁就算啦，啲擺盤亂亂七八糟，連啲碟周圍啲汁都唔抹下，味道更加係毫無特色可言，最多就係切到一條條。第三樣係生菜包和牛粒，不功不過。第四樣全場最難食嘅涼瓜花膠，誇張到咩地步呢，係淨係想食入面嘅炒紅椒，其他都需要硬著頭皮去食。第五樣係乳鴿，同大排檔一樣嘅嘢，毫無記憶點。第六樣應該係全場唯一值錢嘅蟹，等咗唔知猴年馬月先到嘅菜，蟹腳還可以叫做鮮甜，下面燉蛋食唔出蟹味，總嘅黎講最貴就係呢區區幾條珊瑚蟹嘅腳。第七樣係泡飯，湯➕飯焦➕零零碎碎嘅肉菜，我想講六點入場，你八點先俾主食有邊間餐廳係咁上菜？成屋人一直係度等，最後啲服務員仲問返我地轉頭，仲差啲咩未上？？？第八樣真係唔提好過提，呢幾碗桃膠紅棗圓肉糖水就好似廚房賣曬啲精緻甜品，臨時緊急用材料煲出黎濫竽充數，入面嘅嘢價值應該連二十蚊都無。總嘅黎講，就係要賣相無賣相，要服務都要三催四請人地過黎換碟，加茶水，連有咩未出齊都唔知，仲好意思收加一，要景色更加無景色，要味道仲不如路邊大排檔，呢個餐你同我講值三千幾，都唔知點幫你地搵理由砌夠佢，一餐飯六點食到八點半，大人細路都辛苦，寧願俾五千幾食有素質嘅餐廳好過。…查看更多

夜晚七點幾過黎食門口連排隊嘅人都無啲位吉到爆咪坐咗張門口台咯點咗份餃子加拉麵就已經Feel到佢黑口黑面啲味碟係直接疊係張台度咩保護都無連基本衛生都唔做好 知唔知疫情嚴重唔食唔知 一食伏晒明唔明咩叫拉麵？明顯就係上海麵啦🤷🏻‍♂️啲餃子冬菇係無冬菇味嘅食得七七八八個碗仲有少少麵 先啱擺低對🥢個服務員阿姐即刻撲埋黎問咗一句快到我都反應唔過黎就收走我嘅嘢趕客仲咩店 係度搞笑❓❓❓唔會有下次👌…查看更多

大概夜晚七點左右到咗排曬長龍 仲俾一個撲街插隊🤬侍應似乎得兩個 理解人手唔夠好忙 但係速度有待提高 因為我一個大肚婆等佢哋執台都等咗好耐😓用餐時間比其他分店少10分鐘 得30分鐘 菜品又少上菜又慢 所以全程都食得好急 好似要同人爭食咁🙄點解話無下次呢 係因為我平時食開筲箕灣果間 今日突然有事過黎呢邊順便幫襯下其他分店首先食材新鮮度對比起黎就非常明顯 猴擒食咗五六碟個胃就已經開始唔舒服🤢其次啲碟同豉油樽都係癡淋淋 個位又大風又凍 啲壽司分類亂七八糟 完全唔敢睇電話 驚佢哋唔知擺去邊就錯過咗🤦🏻‍♂️可樂係常溫（常溫可樂真係好難飲）因為唔可以食生嘢 所以全部都係食熟嘅 我比較鍾意食七味三文魚 但係呢度整得就係半生不熟 筲箕灣果間完全熟曬真係唔知吞落去頂係唔好繼續食 真心影響胃口🤢下次都係去返筲箕灣食 位夠闊 燈夠光 重點食得無咁累…查看更多

無味 無味 無味！重要嘅事講三次！😵上次第一次黎食係上個月25號除開個酸菜魚唔夠酸之外 真心覺得其他好驚艷 因為又便又大份又好食今日再黎食返一樣嘅嘢 已經係大失所望😭一樣嘅酸菜魚 一樣嘅水煮牛肉兩份感覺就係滾水煮熟咁 咩味都無係嚴重到連個汁都無味 好似溝咗水咁🙄連老公咁唔挑食嘅人 都食得出同上次區別好大而且份量已經縮水到得返配菜係上面 啲肉寥寥無幾 唔知係轉咗師傅頂係縮減成本😡原本真係好滿意呢間鋪 以加水準發揮唔穩定 下次應該唔會再黎食😓…查看更多

原本思思念念諗住食羊肉麵 點知得返牛肉咁就將就下啦 牛肉拉麵好筋道 但係碗湯真心超鹹我已經算好食得鹹 都忍受唔到⋯⋯食咗一大半後面實在鹹到食唔落 明顯嘅味精湯🙂之後點咗一串烤肉 兩串羊肉串 講真 $18蚊一串唔算貴 重點係乾身又鞋 特別係羊肉串 完全食唔出羊臊味 天真以為同大陸燒烤一樣 點知差咗天同地烤肉就係燒五花肉 平平無奇 又大塊 牙口差啲都咬唔到對羊嘅期望真係好大 但係好失望 一個人Lunch食咗九十幾蚊 完全係食咗個寂寞☹️…查看更多

尋晚七點左右到咗北角呢間十二味四個人點咗一份酸菜魚 一份麻辣乾鍋口味份量黎講無太大問題 麻辣乾鍋四個人都食唔曬成間鋪頭最大問題係呢幾個服務員啊姐唔怪得個個都話服務態度差 係真心差到爆炸搞到顧客先係服務佢哋咁首先間鋪頭就無網 仲要電話掃碼落單明明間鋪就有Wifi 堅決話無 點都唔俾你用好似用緊佢屋企嘅Wifi咁上菜嘅時候係唔會同你講聲唔該借借基本嘅禮貌係完全無間鋪頭嘅燈光陰陰沉沉 張台同啲牌都有油跡四個人食咗五百幾 雖然平但係絕對唔會再返轉頭如果我係老闆 呢幾個服務員炒硬…查看更多

位置顯眼幾好搵✅服務態度都唔錯，有個姐姐幾好笑容✅同老公過黎食Lunch，午市好抵食，$48嘅午餐好多選擇，點咗一份水煮牛肉$60，一份乾煸四季豆$48，半打炸饅頭$30，牛肉辣度可以揀✅等咗大概十分鐘左右，出餐速度都可以接受✅水煮牛肉好大份，感覺比其他鋪頭正價牛肉份量仲多，入面有豆芽，BB辣都煮得好惹味✅乾煸四季豆直接光盤行動✅順便一提➕十蚊嘅珍珠奶茶都好正✅反而係多人推薦嘅炸饅頭好一般🥲總嘅黎講係一間唔錯嘅川菜，性價比高，會再黎幫襯✅…查看更多

今日同老公去形薈食日式料理 新開嘅鋪頭之前一直好期待But無期望就唔會有失望點咗一份芝士豚肉鍋 芝士完全唔融 凍冰冰 睇起黎就係一煲大雜燴 豚肉都好難食⋯⋯🙄滑蛋豬扒鍋都好一般 豬扒好乾身 老公都唔想繼續食落去😥唯一好味嘅竟然係➕20蚊嘅鰻魚炒飯同埋任飲唔嬲嘅提子冰🤭炸墨魚嘴就不功不過沙律其實可以加多埋水果 因為蔬菜沙律真系好少人會食🥱兩個人食咗二百幾其實無必要 因為呢兩個鍋我覺得單價最多值$40-50左右 70幾已經偏貴 畢竟味道跟唔上🤷🏾‍♀️…查看更多

碼頭酸菜魚好有特色 就係渡輪旁邊 位置超顯眼📍去到係一點幾 放飯時間人好多 就去咗二樓坐 風景肯定無一樓咁靚🥲午市套餐點咗一份酸菜魚 一份水煮牛肉兩個人先係$122 仲有嘢飲送好抵食👏🏻兩個份量都係啱啱好 可以食得好飽水煮牛肉微微辣 真系好正 入面有鴨血同其他配菜酸菜魚係完全無骨 好啱心水❤️唯一美中不足係個味太淡 又唔辣又唔酸 反而係水煮牛肉個汁更惹味 好開胃🤩服務態度好好 個個都好笑容 親切感十足 會再返轉頭幫襯🥳…查看更多

今日同老公一齊過黎東大街食泰國菜係OR見到呢間食評唔錯 就過黎試下唔試唔知 一試嚇一跳🤨一份泰式豬頸肉$65一份青咖哩雞炒飯$50一份泰式牛丸河粉$42價錢黎講算平平哋但係食物質素真系跟唔上🙅‍♂️豬頸肉好大份 但係食過咁多間泰國菜呢間肉質都算鞋 而且個汁唔惹味青咖哩雞炒飯真系刷新我對青咖哩嘅認知又辣又鹹又濕 完全食唔到咖哩味 辣到一邊流鼻水一邊勉強食曬入面嘅雞肉 個飯完全難入口泰式牛丸河都係好一般 個湯係完全無味唯一好味嘅嘢竟然係➕三蚊嘅泰式奶茶😑感覺呢間舖勝在服務態度ok 食物有待提高…查看更多

今日要去太古辦事係app度見到呢間台灣菜好評幾多幾吸引就諗住去試下一點排隊門口都排曬長龍 覺得應該都會幾好味兩個人點咗一杯珍珠奶茶 豬扒便當 紅燒牛肉麵同埋黃金地瓜條珍珠奶茶淡呱呱 珍珠又細粒又硬 成杯嘢完全無茶無奶味 仲不如街邊奶茶舖沖嘅好飲👎🏻豬扒便當九十幾蚊 真系食到人神共憤 成盤嘢得四件豬扒可以勉強入口 仲係口感又柴又乾身果隻 其餘兩格嘅配菜 食咗一啖已經影響胃口 完全清水煮熟 一啲味都無 花九十幾食四件柴身豬扒 簡直係無謂👎🏻紅燒牛肉麵算係唯一可以入口嘅嘢 入面有幾件牛筋牛肉 都好大件 霖霖地唔會太硬 麵條口感軟硬適中 都幾爽口 但係個湯就算係敗筆 一陣大陸即食麵嘅味道 同埋配送嘅酸菜少得可憐 唔值八十幾一碗黃金地瓜條三十幾唔貴 但係口味真心差勁 上面淋嘅甘梅粉完全係逐粒數住落嘅 除咗蕃薯味就係蕃薯味 食咗個空虛🙄兩個人食咗$251蚊 算係花錢買教訓啦 得個樣睇 食物素質完全跟唔上 唔會有下次…查看更多

地點位於金百利廣場8樓📍入到黎兩位泰國姐姐就好熱情咁招呼我地坐卡座服務態度好 值得表揚👍🏻同老公點咗份沙爹串燒 青咖哩牛肉 豬頸肉飯 同埋一杯珍多冰 個飯仲有冬蔭功湯送 正🌟意想不到嘅係呢間泰國菜口味普遍偏甜🍬青咖哩如果辣少少會更加好味 豬頸肉真系特別推介 薄薄地又唔會柴 入口即融嘅感覺❤️ 冬蔭功湯原本以為跟餐送嘅會一般般 竟然意外好飲 入面仲有好多雞肉 驚喜之選😻珍多冰系椰子味㗎 入面仲有綠色涼粉同芒果 不過就甜得滯 比較敗筆嘅就係串燒啦 得四串好唔抵食 最緊要肉質好柴 硬掘掘 沙爹醬完全同花生醬無區別 仲無咖哩醬好味 算係唯一中伏嘅嘢😢姐姐有禮貌 收走啲碗碟會問一聲 好有親切感🥰總結：值得下次返轉頭幫襯 不過唔會再食串燒…查看更多

原本諗住今日過黎食牛牛邊爐點知見到新開嘅魚舍，決定過黎試下新嘢兩個人點咗一份酸菜桂花魚$298加埋可樂配菜服務費就$403上菜嘅時候見到好大一份酸菜魚，覺得好抵好開心然後同老公食咗兩啖，成個人都洩曬氣人生第一次食完全唔酸唔辣嘅酸菜魚❓❓連啲湯飲一碗都覺得無味叫咗侍應姐姐拎入廚房加酸菜先有返少少味🤷🏾‍♀️最緊要係條桂花魚又厚又多骨 同埋臭腥🙄連我老公咁嘅雜食動物都話難食最後係因為唔想浪費先堅持食一大半邊食邊後悔點解唔去食牛牛放題😭總言之 真系唔會再黎下次…查看更多