Tracytung的个人专页

平時食開嘅黃店都係咖啡店為主好少係呢種街坊老字號上次嚟嗰時佢休息今次終於食到啦排隊等候嘅期間（等左大約15分鐘）一路喺度掙扎緊到底應該叫招牌排骨麵定係菜膽雲吞排骨麵最後叫咗後者咁就可以食到雲吞又食到排骨啦雲吞皮薄料多又大隻排骨炸得好鬆脆食落又唔油膩上海麵煮得啱啱好唔會太硬唔會太軟分量十足近排仲可以係邊度搵到啲$50落樓嘅午餐佢嘅CP值真係好高下次去食想試吓佢個牛腩麵仲有其他小食好似香炸豆腐、紫菜腐皮卷、炸雲吞等等…查看更多

生日飯梗係食黃店叫左個498二人餐再加d小食二人餐頭盤：～鹹蛋黃青木瓜沙律～惹味拼盤（加$20）主食：～泰式大蝦炒金邊粉（蝦好大隻，炒得夠乾身，食完一啖接一啖）～天多尼烤雞。班蘭青咖喱（ 食辣BB班嘅我食唔到）伴菜～香草蒜蓉包～泰式肥豆兒醬炒白菜苗飯品～青檸梳打我地三個人所以再叫左～烤雞/和牛沙嗲串燒（肉有d硬，但個味唔錯）～油酥手抓薄餅（怕唔夠飽而叫，點知多得濟，不過都好色唔油膩）～泰國奶茶奶蓋珍珠（都幾正宗嘅泰式奶茶，茶味濃）我會為咗個金邊粉而想再去食多次…查看更多

覓食團嘅朋友仔生日佢話想食片皮鴨所以就搵左呢間4個人叫左5樣野性價比真係好高～東北肉皮凍（食落好似啫喱）～老醋海哲頭（最好食嘅小食）～北京填鴨（半隻，跟12塊皮，填鴨唔會太肥，配青瓜同葱食落唔油膩，168真係好抵）～小雞燉蘑菇（份量完全比想像中多，啲木薯粉好入味，好彩冇叫多個飯）～糖醋里脊（就係平時食開嘅咕嚕肉）～高力豆沙（呢個係送嘅）雖然訂枱嗰度出咗啲問題但嘢食好食都冇咁嬲希望佢之後嘅服務態度都改善啦…查看更多

襯復課前同舊同事約飯好彩放寬左限聚令嘅用餐人數如果唔係5個人呢個數真係又唔知幾時先約到今次揀左「美味故事」雖然餐廳有宗教背景但一d都唔令人感到壓迫坐底就先送上一杯芒果沙冰因為太熱嘅關係相都唔記得影就飲有消暑解渴嘅效果叫左3個餐再加小食嘢飲～日式麻醬蟹柳沙律 ～柚蜜寒天海藻沙律～溫泉蛋蟹子沙律～韓風豆腐餅配木魚絲（小食）～紫菜雞卷（小食）～芝士配神秘波波卷（小食）～虎蝦青醬松子仁意粉～慢煮西班牙黑毛豬鞍扒（呢個有驚喜好好食）～慢煮香草三文魚～慢煮安格斯牛柳（呢個係加配）～水果茶（跟餐）～奶凍（甜品）可一也可再嘅餐廳…查看更多

舊同事食飯當然要繼續懲罰黃店同事又想食串燒喎所以就book左「心燒食堂」可惜餐牌上有幾樣想食嘅都冇有少少失望最後我地叫左～燒牛脷芯（食落幾林幾好食）～黑松露蟹肉炒飯（不過不失）～川辣拍青瓜（太辣食唔到）～炸七味魷魚鬚（粉感有d重）《本身想叫魷魚筒但冇》～燒芝士年糕餅（外脆內軟，芝士味濃）～燒菠蘿（新鮮菠蘿，燒完仲係好多汁）～燒豚肉露筍卷（不過不失）～Lychee temptation （荔枝沙冰，消暑解熱）～peach paradise tea～pineapple cooler下次可以再發掘下餐牌上其他嘢食…查看更多

好好珍惜返半日嘅時候放工可以去遠d食飯然後直接返屋企因為係lunch hour所以都要等一陣先有位差唔多到我地嘅時候餐廳會幫我地落定餐可以降低等嘅時間之前食過豬軟骨好食所以叫左豬軟骨定食Partner 們見我推介所以佢地就叫左豬軟骨丼同野菜咖喱豬軟骨飯丼同定食嘅分別係前者係一舊後者係兩舊可以按照返自己嘅食量而去揀唔好做大哂鬼啊豬軟骨好林好入味飯量十足亦有d配菜中和油膩感配合埋杯果汁係美好嘅一餐午餐啊！…查看更多

夏天黎到啦當然係要食冰啦冇諗過平日夜晚都咁多人排隊店員一開始已經同我哋講要等一個鐘等我哋有個心理準備或者決定係咪真係要繼續等落去因為同朋友一早決定咗係要食呢間所以決定等落去亦都可以將啱啱喺隔離食完嘅魚生飯消化下捱到咁上下嘅時候店員會俾menu你揀然後就會幫你落單所以入到去等一陣冰就會上嚟今次揀咗伯爵茶奶茶加白玉每次都會俾佢個外表震撼店員都話可以影咗相先再食伯爵茶味好香又唔會太甜冰十分之綿密入口即溶嘅感覺真係透心涼今個夏天應該會不停encore 🤫…查看更多

朋友終於可以出街食飯（因為疫情關係佢俾屋企人禁足🙈）因為想食Shari shari嘅關係所以決定係附近搵間餐廳食正餐先見到呢間係黃店同又唔係好多人排隊就決定食呢間叫左兩個飯～加州風味California 刺身三文魚、青瓜、雞蛋絲、三文魚、果仁芝麻醬～夏威夷風味Poh keh 刺身吞拿魚、新鮮海帶芽、紫洋蔥、蟹子、鰹魚醬油兩個飯都係叫咗Regular sizeChoice of base 都係揀咗壽司飯加沙律菜超足料料仲多過飯食落都幾飽下次試下其他先…查看更多

朋友同我慶祝生日揀咗呢間餐廳支持一下黄色經濟圈～一汁三菜前菜有冷盤同慢煮蛋隻蛋同柴魚湯撈飯好好食主菜揀左灸燒芝士漢堡扒豬牛雞所整成嘅扒配搭醬汁配飯一流一盤上黎好有氣勢～炭燒豚肉玉子蛋吐司配小蕃茄吐司烤得岩岩好配搭玉子同豚肉食落好夾～桂花傳統班戟最期待係呢個班戟桂花香味加雲尼拿雪糕配搭有煙韌嘅麻薯班戟出乎意料地夾～熱情果梳打係啲咁熱嘅天氣真係要飲返杯凍冰冰嘅梳打先得熱情果俾人有種清新嘅感覺總括而言呢間餐廳都值得再去之後搵日冇咁熱嘅試吓坐露天位先…查看更多

覓食團終於齊人好彩都只得4個人咁就岩岩好唔會俾人告？！～～～～～～係限聚令同食肆1.5米距離嘅情況下排隊等左大約15分鐘相比起疫情之前已經算係等得唔耐～～～～～～回正題之前缺席嘅朋友仔終於食到flipper’s 啦！佢叫左「士多啤梨藍莓香蕉班戟」其餘嘅人就叫左季節限定嘅「奇蹟之開心果雜莓班戟」～～～～～～奇蹟之開心果雜莓班戟係兩塊班戟上面加左開心果忌廉淋上熱雜莓果醬再加上入口即溶嘅棉花糖顏值同味道一樣高可惜得兩塊班戟有d唔夠喉（士多啤梨藍莓香蕉班戟有3塊的）但整體都保持到水準可以下次再食過！…查看更多

本身想食隔離海南雞但人太多就改食呢間叫左兩碗粉一個小食～越南火車頭牛肉粉（生熟牛肉、牛腩、牛筋、牛柏葉、牛丸）可轉檬粉～生牛肉牛腩河粉配料同粉嘅分量都好多但有同一致命傷個湯底太咸我『筆』走左兩碗仔湯再加一杯熱水都仲係好咸飲完成杯檸茶都仲係好口渴同左店員講如果冇咁咸就好啦店員都即刻同廚房反應返另外仲叫左炸蝦餅呢個就好食得多四件蝦餅都大大塊咬落幾彈牙性價比都幾高如果湯底有改善（冇咁咸）的話都會去再食多次…查看更多

覓食團 bucket list之一點知聚餐當日一個團員腸胃炎一個團員眼睛結膜炎去唔到淨返兩個都決定照去食所幸今次終於唔洗排隊去到就入得叫嘅當然係我嘅固定pick ~士多啤梨藍莓香蕉班戟水果新鮮士多啤梨大粒又唔酸班戟蛋味重唔重粉感食咁多次都係覺得驚為天人～lemonade 不過不失～芒果奶珍珠朋友見係推介就叫左但有d失望雖然芒果奶味道唔錯但珍珠太硬下次唔會再叫日本咁多過港龍食過幾間有過比較後Pancake 都係會揀返flippers!…查看更多

北角必食瑞士雞脾瑞士汁餐可以揀雞脾或者雞翼但抵食一定係雞脾之後可以揀唔同配搭嘅小食、飯、面食甚至甜品款式多到唔知點揀視乎自己嘅肚餓程度自由配搭第一次食實俾佢太多選擇搞到花多眼亂食左幾次就已經有自己嘅固定pick～瑞士雞脾～火腿蛋～炭燒豬頸肉米線～凍檸茶雞脾入味唔太咸另外大推炭燒豬頸肉！唔太硬又入味！溫馨提示瑞士餐係不設後加服務的（一般待應見你叫得雞脾加一配搭都會提你的）所以一定要諗好自己想食咩再叫啊如果唔係蘇州過後無艇搭…查看更多

Partner 帶我去試食☺️～巴生肉骨茶配油飯其實好怕肉骨茶嘅味道太重藥材味但呢個肉骨茶唔會唔覺唔覺就飲晒成碗肉嘅份量都多同埋質唔會太老～馬六無骨海南雞飯配白胡椒肉骨茶海南雞食落嫩滑白胡椒肉骨茶飲落胡椒味偏重有啲似飲緊胡椒豬肚湯唔食得辣嘅朋友可能會覺得好辣～馬來手工拉茶Partner叫咗少甜小冰但建議唔減糖減冰因為味道交淡～老街椰汁冰唔會太甜味道唔錯餐廳環境好有馬來西亞嘅感覺侍應都好有禮貌上菜速度好快可以試試…查看更多

好多朋友都推介茶聊今次終於到我試啦透過OpenRice訂位消費滿$200就送原味梳乎厘叫咗個Tea set 龍蝦蟹肉包同lunch set 鐵板鵝肝黑豚包嘢飲就叫咗火龍果四季春同埋髒髒黑糖珍珠鮮奶先上餐湯（羅宋湯）再上主食龍蝦蟹肉包足料啖啖肉鵝肝黑豚包黑豚嫩滑多汁配搭鵝肝味道好夾原味梳乎厘粉感較重但配搭雲尼拿雪糕同糖漿食落都唔錯髒髒黑糖珍珠鮮奶唔太甜珍珠有咬口環境都幾適合傾偈上菜速度都快服務態度都唔錯下次想試埋其他菜式…查看更多