LamIvan0102的个人专页

今日比尖沙咀朋友拉左去食印度菜, 仲以為係去重慶大廈; 舖頭位於阿士厘道商廈樓上, 好在等車立排隊上去唔洗太耐上到去都有少少擔心架, 全部都係印度人STAFF, 自己英文又係有限公司, 好驚會出現雞同鴨講..好在員工好親切,餐牌都有中文版哈哈; 好快坐低左就叫野啦點左客香辣芝士炒飯, 一個咖哩椰菜花, 另外再點左個湯同一個薄餅等左陣終於上菜啦, 本來好灰因為我無肉不歡, 但呢餐素菜食得好開心..咖哩香料味好重, 種香辣同坊間d死辣差好遠, 食得出係落左心機架, 炒飯加埋咖哩雙重香辣好醒胃薄餅即叫即整即焗, 質感鬆軟, 淨食入口好強麵粉香, 沾完咖哩後又另一番風味…查看更多

行左陣街到左晚飯時間 想食上海茶即刻搵下有咩餐廳 一搵就搵到上海南國 見到同小南國係同集團 諗住唔會太差 點知真係中左大伏 入去個陣有好多要吉枱 三個人拎住幾袋戰利品 諗住可以坐卡位舒服d 經理話冇訂位就冇卡位坐😩 俾左張三人圓枱我地 食左成餐飯 卡位仲有幾張冇人坐過 餐牌上有不少都要兩位起 焗住人叫 最後叫左個上海粗炒 一個獅子開大口 一個紅油抄手 整體上野食係凍凍地 唔太暖😖 上海粗炒簡直係過份😠 完全冇鑊氣 係恰熟左d麵 再落配料 調味料炒埋左一齊 本身諗住嗌個炸銀絲卷 明明餐牌上有 落單店員態度不好話冇呢樣野 很奇怪🤨 茶位每人$12 前菜係一碟普通份量既恰花生$20 呢間野食一次好了 不可一不可再😤…查看更多

上星期有事出深水埗，眾所周知深水埗有大量地踎小食店，本來打算隨便食d野就算，但大熱天時企街咬小食真係搞唔掂，食龍肉都無味。去到黃金對面見到有間幾新淨舖頭食台灣野，店面企理，二話不說走入去試下先！店內掛左好多台灣得意標語同掛畫，加上夜市小食檔燈箱配合埋工業風裝飾，成件事RAW得來又好有風格。坐低後檯面畫紙落單，叫左個紅燒半筋半肉麵試下先。等左十分鐘都冇就上菜了。侍應一放低就聞到湯底香，好想即刻捧起個碗飲呀！湯底入口香醇微辣，但又唔會油膩同過份重味，因為每啖到細味到湯底落足心機嘅香料味，飲得好舒服。牛肉同牛筋都炆煮得好稔好入味，入口即化，基本上連咬都唔洗點用力，真係好感動；份量都好慷慨，一個字抵呀！估唔到隨便搵間小店入去都有驚喜。食完個麵有d唔夠喉加多個炸雞排，呢個好快五分鐘左右已上座，新鮮熱辣又大件，又唔會有坊間炸小食店肥膩，值得推薦！…查看更多

係九龍城 有好多唔同既泰國餐廳任君選擇 今次我同朋友就黎左呢間小曼谷大開食戎❗一坐低唔洗諗 串燒 豬頸肉 鳳爪沙律 生菜包一定走唔甩 我地仲驚唔夠飽叫多左個菠蘿炒飯 點知最後因為啲份量太大份食唔晒😌比起屯門個間小曼谷 呢間既串燒同豬頸肉都比較香口 肉質亦都唔會太硬 點埋個秘製醬汁 個味道更上一層樓👍生菜包都無令我地失望 唯一唔好既就係我地唔食洋蔥 但肉碎入面有太多洋蔥 有啲失分 最後到個菠蘿炒飯 亦都非常足料 但因為走唔晒要打包 就算到另一朝食返都覺得好好食 口感好滿意😁今餐每人平均$150 可以食到唔同種類既泰式野 絕對係值值值❗❗❗…查看更多

去到屯門搵食 有咩理由唔去三聖邨既海天花園酒家尋覓高質既海鮮呢😍身為一個海鮮愛好者 黎到海鮮酒家絕對唔少得花蛤 扇貝同鮑魚啦🍴豉椒炒花蛤 淨係聞落去都feel到佢個種鑊氣 食落去 簡直抵受唔到要食第二粒既衝動😭粉絲蒸扇貝 唔單只個扇貝有味 連啲粉絲都入晒味 一啖食得肚真係回味無窮😵至於薑蔥炒鮑魚 佢係無花無假完隻鮑魚炒 食落去唔會太硬 個質地岩岩好 加埋薑蔥吊一吊味 成件事即刻昇華左❗呢間海鮮酒家既水準 一定唔會比西貢既海鮮差好多 值得大家慕名而去試一試…查看更多

最近石門京瑞商場開左幾間連鎖台式飲品店 但口味單一 開始有啲悶 但近一兩個月就開左呢間新既特色飲品鋪 啲飲品好多都未見過 令到好多人都去左試一試🍻我地分別叫左搗蛋雜梅茶 香蕉朱古力 奶抹茶同鮮忌廉蓋茶 香蕉朱古力既朱古力味偏濃 帶少少苦味😞而奶抹茶同忌廉蓋茶都尚算一般水準 唔算太差 而最好飲既就係搗蛋雜梅茶😍第一 佢係第一間有呢種梅茶買既飲品鋪頭 第二 佢既梅味同茶味係一個好好既配搭 唔會過酸或者過苦 對提神解油都好好 係一杯飯後飲品之選👍…查看更多

早兩日同屋企人係荃灣飲茶閒聊 無意中物識到呢間非常好食既唐宮小聚❤入去坐低一打開餐牌 睇到好多好精美既點心令到我好驚訝 各式各樣既點心我都無食過 就求其叫左少少試下😂味道最吸引我既係個蝦多士🍤佢炸得唔會好油 個味道岩岩好 上面隻蝦亦都非常新鮮 最後仲encore多兩碟！！！而外貌最吸引我既係個"豬仔"包 佢個樣得意到令我唔捨得食佢 佢入黎食紫薯 無論係外觀同口味 都好適合少女們黎打下卡 試一試😄至於其他食物 都算高質 對於中意食特色點心既人黎講 呢間絕對係必食之選👍…查看更多

係荃灣廣場行行下有啲餓 就心血來潮好想食eurogogo個蜜糖雞翼 最後梗係無令我失望😍我入座既時候係17:47 下午茶時段18:00就完 梗係即刻叫個最想食既蜜糖雞翼同pizza啦🍴個雞翼真係一流 蜜糖多得黎唔會太甜 個皮煎到脆一脆 兩者一齊係perfect match 但因為啲野食有啲熱氣 所以就叫左杯芒果特飲 亦都係高水平👍解渴得黎仲有少少芒果果肉 加埋其他野食係一個好完全既下午餐❗雖然埋單有啲貴 但係呢個性價比絕對值回票價😝…查看更多

堂食Pizza Express就食得多 所以今次試一試外賣既質素😎叫左四式芝士pizza同一個salad 等左十五分鐘左右 職員就將兩盒野用繩綁埋一齊 無用袋裝住😌兩款野食一凍一熱 一齊放令到好快凍左 但整體上味道都好好👍四種芝士加埋唔會好重口味 薄薄地都幾有脆口 但對於中意食厚批既朋友就有啲保留喇 至於沙律 嗌左個大size 所以送左兩條麵包仔 菜都好新鮮 總括黎講 外賣既pizza express都唔會比堂食輸蝕 只係輸在凍左啲😂…查看更多

有日係石門京瑞商場食lunch 見到一間新開既台灣食店 就決定同朋友入去一試🍴我叫左口水汁撈麵配川辣豚肉 撈麵個質地同味道都好好 好難得係呢個商場搵到高質野食😂我有個朋友就叫左湯麵 但麵質比較淋 有啲失分😞每個餐仲有台式飲品送 味道都非常好 埋單平均每人只係60蚊 對於一個好食既lunch黎講絕對唔算貴 總括而言 係石門呢片食物沙漠 呢間台式食店絕對高質👍特別係口水汁撈麵 佢個辣味非常適合中意食辣既人 真係值得一試😍…查看更多

一心諗住去食pizza 入到一間覺得實冇死既pizzahut 點知失望而回😩 叫左個二人套餐 有兩碗湯 一個意粉/飯 一個小食 一個pizza 兩杯野飲 講下個湯先 嗌左兩碗忌廉磨菇雞湯加$10要酥皮 一上碟見到兩個酥皮唔同色 一個冇色一個金黃色 都知有少少不妙 好彩味道都okay既 到之後個小食 葡汁焗蔬菜 哇 個葡汁浠到冇得再浠 成碗野食淡而無味 已經開始唔期待之後既野食 到肉醬意粉 d粉好硬 d汁一patpat 凝固左 完全食唔到 到pizza喇 叫左芝心批既超級至尊 呢個平平無奇 最後叫左8隻辣雞翼 係成餐飯最正常既野食 野飲方面 嗌左杯凍檸水同百事 黎左凍檸水個陣發現佢冇俾飲管就叫佢俾番 個侍應諗住插番飲管 點知佢d手指都插埋😱 整體黎講 冇諗過一間大眾化既pizzahut會係甘樣 成餐飯都聽住侍應係甘打爛野 臨走前仲見到侍應汁野個陣有如打籃球射波一樣 可惜唔中個盤 枝叉連飯跌落地下 搞到成地都係 個侍應扮睇唔到走左 呢間野真係好特別😵…查看更多

本身想搵一間餐廳食all day breakfast 點知發掘到一間超高質牛扒❗入到去 佢間環境好舒適 服務亦都非常好 所有食物既擺碟都好靚 令到成餐飯都非常高級😝首先黎左一碟肉醬磨菇長通粉 個蕃茄汁唔太酸 味道岩岩好 肉醬同磨菇都夠多 係必食之選👍之後黎左個重頭戲 牛柳同安格斯漢堡 兩樣都揀左五成熟 個牛柳絕對係驚為天人 肉味非常好 個熟度真係五成 無因為熱力令佢變成八成 個漢堡都好令人回味 塊漢堡一啲都唔硬 正到爆👍😍而高級牛扒黎講 平均200幾蚊一個人絕對唔算貴 一定會帶比你無窮既驚喜😜…查看更多