BellaL的个人专页

睇YouTube有人介紹過嚟食嘅，但就10分失望，佢價錢係唔貴，但QR code落單又要收加1 ，水都冇比杯，啲Staff行行企企吹吓水咁，走都冇講聲多謝，體現到依加香港既餐飲服務態度😂冇服務都算啦，食物真係唔掂，試過肉骨茶，啲料煮得好腍，但完全冇味嘅。肉骨茶都唔夠味，一大煲，感覺八成都係水，味道淡，亦冇乜藥材味。另外榴槤多士，個樣幾靚仔，但擺咗一陣啲包就腍晒，口感一般。奶茶好大杯，但甜到阿媽都唔認得，如果想飲記得要減少煉奶。仲有個炒貴刁，算係成餐比較正常，似辣嘅炒河粉，無肉嘅，係有臘腸。總結，成餐飯都唔覺係馬來西亞風味，似港式茶記質素，不會回頭了。…查看更多

同同事食過呢間店好幾次，地方坐得舒服。但食物真係一般，第一次食意粉好淡唔夠汁唔好食，二次risotto都係一般，湯唔熱，結塊，味道古怪。今日食第三次，燒春雞好乾，碗湯都係一貫作風地難飲。如果考慮加錢飲嘅就勸退了。最詫異係服務，我食咗同事沙律吧拎返嚟嘅食，就比店員審犯咁，一輪嘴問我隻碟上面嗰啲係咪嘢食，喺邊度嚟，係咪食物😨其實你好地地同我講話加反錢冇問題，唔需要好似審犯咁。基於服務差，食物一般唔會再嚟……查看更多

經過成日見人排晒隊，啲食評又話好驚喜，可能係我期望過高，走去食完一次，真係不再回頭，雞蛋仔冇蛋香，好一般🥶🥶如果要等同埋比呢個價錢，唔洗食佢😌格仔餅未試過，亦都唔諗住試啦😀…查看更多

weekend去食左個late lunch，見陽光普照又唔太凍所以想轉outdoor，問侍應，佢就話要問下reception，答覆係出面比人book左，所以無得轉…兩人去食但得一份餐具🥵食物水準不錯但等得耐，份量小，當日大概只有兩成客人，侍應行行企企，又行埋一邊吹水，水冇晒都冇人主動加…坐坐下見到對面入嚟無耐嗰台客，可以掉位出outdoor，真係火都嚟埋🥵真係唔知佢咩準則，我入嚟先，見到出面有位但又唔俾我調，其他人又得！？用餐體驗真係好差，價格高，職員質素低，問佢有咩推介答唔出，唔記得咗個餐有冇跟甜品，問佢又話唔知🤔🥵心諗，你係咪喺度做㗎？好明顯係扮緊高級餐廳但基本野都做唔好嘅感覺🥴無下次…查看更多

來到叫咗兩個餐，其中雞扒表現正常，但係羊架配西冷真係中哂伏！西冷望落去都唔似一塊扒，夾硬切到細細舊，收108蚊，份量少都算，落單時候問我哋要幾多成熟，答左佢5成，原來只係指羊架，所謂嘅西冷柴到不得了石頭咁硬。咁我哋就問吓店員，乜唔係五成熟咩？佢話西冷要全熟，係咁架。我地再話，真係好柴喎，佢無理，之後急急腳走開😰聽完西冷要全熟真係黑人問號，服務真係不予置評，意見又唔聽，成個感覺都好差，呢個價錢我寧願食茶記，好食好多，仲有得找！…查看更多

之前有朋友介紹過嚟食過一次，覺得唔錯，不過今次真係大獲！食食下之際發現有隻死咗嘅昆蟲喺碟酸菜魚上面，即刻冇晒胃口，加上今次叫嘅黑魚切得好薄之餘，每啖都有勁多骨，同對上一次食嘅質素差好遠。生腸成78蚊，但係一個西餐湯碗咁上，仲有d好怪既酒精味，完全唔值呢個價錢，而且都唔爽口。全餐飯最正常係嗰杯水果茶，叫做飲得落口......店員服務一般般，碗碟洗唔乾淨，又油又有污跡，喺呢個環境底下仲咁唔注意衛生，真係冇下次…查看更多

平時好少打食評，嗰日行過K11後面後見到呢間店幾搶眼，行過去望下，店員話係新開韓國過嚟嘅果汁店，生果即叫即搾，就叫咗杯西柚汁，出奇好飲！酸酸甜甜而且回甘，啱晒本身唔鍾意飲甜野嘅我之後朋友過到嚟又叫咗另一杯士多啤梨香蕉奶，嗰陣好似做緊第二杯半價，抵到爛！味道一啲都唔假，士多啤梨酸酸地，加埋香蕉夠熟所以好甜，朋友話超好飲，佢好似加配牛角包同熱狗都係$10 ，但啱啱食完野太飽就冇試到了，一杯嘢飲再加一個包真係夠平時午餐份量，價錢絕對可以接受，在尖沙咀來說🤣…查看更多