LoLokSze的个人专页

初試豚王～湯底濃郁 ，還有其他湯底選擇多叉燒半肥適中！加點紫菜及温泉蛋，蛋中間半熟！紫菜一大塊~滿足綠茶、橘子可樂想試下特別味，所以點左，但又幾好飲！總括黎講，不錯！…查看更多

公司喺附近，所以我哋有時午餐都會嚟呢度食燒春雞因為真係平靚正！半隻燒春雞配沙律-燒春雞新鮮熱辣，肉質鮮嫩！配少少喼汁食真心推介一到食啲雞油一度滴落嚟係呢個時候唔可以顧儀容！伴隨着手套原隻撕開仲有好貼心嘅濕紙巾～另外呢度嘅扒餐都唔錯，男朋友果次叫左豬肋骨配薯菜飲品選擇都好多，叫咗雜果賓治配青蘋果🍏…查看更多

今日同男朋友嚟朗豪坊元氣度食下午茶，覺得幾抵食所以推介一下。大約50-60$ 套餐有不同選擇，叫咗炸番薯薯餅、烏冬同埋以上嘅壽司拼盤。一個人食嘅話都夠飽另外非常之推介，上面嘅刀貝壽司！真係好新鮮脆口忍唔住食咗幾件另外套餐加配左鰻魚手卷，都係好抵食好大塊鰻魚…查看更多

呢間點心係我經常性選擇嘅鋪頭。因為食物選擇多好味大份賣相吸引！如果下午2:30入座，仲有八折優惠！好底食鳳爪排骨飯-排骨嘅份量等於1籠點心有多！兩個人share絕對夠～而且全部都係新鮮熱辣上枱！千島蝦炸春卷-食第一啖嘅時候仲比裏面嘅沙律醬辣親~上菜速度好快全部食材都新鮮熱辣燒汁釀茄子-大大件而且上邊嘅蝦滑真係好正都係要等一陣先食因為啱啱炸起真係好熱。另外仲有釀尖椒 我個人覺得尖椒更加好味！粉絲蒸鮮魷-魷魚彈牙，粉絲香濃。唯一嘅缺點就係粉絲太少。總括來講係性價比高，價錢會貴過酒樓少少，但係絕對超值回味無窮。另外個缺點就係職員禮貌一般。…查看更多

前排男朋友同我講想食韓燒，我就做咗啲功課，見呢間係旺角同太子交界嘅自助韓燒好吸引所以就帶男朋友嚟試吓。睇睇主打嘅Menu先～海鮮同肉類有好多選擇仲有唔同嘅韓式小食、蔬菜！好吸引啊！而且咁嘅價錢可以食到韓式自助放題真係好抵呀！點完食物之後職員仲細心講解，話我地知呢個蘿蔔唔係頭盤嚟，係我哋用嚟清潔爐用既~當然唔少得仲有泡菜同埋涼拌大豆芽啦~~第一回合-海鮮類蒜容芝士生蠔啊！仲有大蝦扇貝等等～每隻蠔到係新鮮開既 第二回合-肉類跟返你點嘅份量落單～好適合細胃口又喜歡多選擇嘅人必食推介雞腎！超爽口醃料好惹味當然仲有唔少得五花肉加泡菜加生菜嘅食法還有唔同嘅韓式醬料俾你選擇最後我哋都試咗唔同嘅韓式炸雞最喜歡嘅就係柚子味炸雞總括來講，鍾意韓國食物嘅朋友一定要黎試吓！真係滿足晒你咁多個願望種類味道價錢絕對值得一試～…查看更多

同男朋友今日嚟咗試呢間吉列豬扒店~想講下呢度嘅餐牌其實真係做得幾吸引，尤其係飲品，非常多選擇！但可惜嘅係，黎到嘅飲品同餐牌上係有啲出入。。同男朋友都係叫咗乳酸爆爆珠飲品。非常甜🙈🙈感覺好一般！叫餐加半價就可以有飲品。鰻魚滑蛋稻庭烏冬-鰻魚滑蛋同餐牌上。。好大差別下🙈🙈見到嘅時候都嚇一嚇～食落口都係非常之普通，蛋稀 汁咸，鰻魚都唔好食相反男朋友個餐就比我吸引好多~大阪燒吉列豬扒-果醬同埋豬扒都唔錯嘅佢個餐仲有麵豉湯添。…查看更多

一直對小店都情有獨鍾❤️呢度係主打台灣嘢食，另外裝潢幾特別。但係我想坐嘅卡位都冇晒啦，晚上時間得返圓枱，多數都要搭枱嘅。睇到餐單就會回味台灣～當然價錢唔同啦🙈而且都明白呢度係銅鑼灣地段，所以價錢都係想像之內。鹽酥雞滷肉飯-分量唔算好大，鹽酥雞超酥脆咁上枱滷肉飯不過不失加上小青瓜，好夾鹽酥雞就有少少失望，因為佢係切片嘅雞塊，炸得有少少乾:(奶蓋烏龍茶-唔錯，都幾香濃，茶味可接受。大腸包小腸-係我其中一個最愛嘅台灣小食之一！呢款唔錯，醬汁同台灣味道一樣！配上蒜片更加香！炸蝦餅-都幾大塊，而且入邊嘅蝦肉好足夠，醃得好夠味，係推介既…查看更多

呢個可以叫章魚小丸子四粒或者八粒。當然係多啲抵啲啦，但係同男朋友個胃口細啲，所以我哋就買咗四粒黎試吓。唔錯唔錯，皮薄，裏面好大塊章魚！總括嚟講下次會叫8粒~~好味🐙🐙🐙🐙…查看更多

每次嚟SOGO行街經過呢間bake~都會比去櫥窗嘅芝士撻吸引住每次都會忍唔住叫番個！見到優惠係買五送一！好多人都買一盒盒。我同男朋友就為咗食多啲其他嘢，所以就買咗一個黎試下先！其實芝士撻出左爐應該有一段時間，雖然少少微暖，但係依然都好香口好正！濃郁嘅芝士味～裏面個餡非常滑溜！…查看更多

今日落咗黎SOGO行街，見到呢間麵包店出邊排晒人龍，心諗應該唔差所以又跟隊試吓！男朋友話之前食過呢款蜜瓜包好食，所以就試吓啦！總共有三種味道選擇雲呢拿檸檬乳酪同埋焦糖味男朋友話之前試過雲呢拿味都唔錯。咁我今次就揀咗檸檬乳酪味。標籤上面寫咗可以解凍10分鐘味道更佳！個表面有啲似菠蘿包$25個-裏面充滿着檸檬乳酪嘅cream！陪住有啲冰凍嘅口感，有啲似雪糕有少少酸味。總括嚟講都唔錯嘅，但係如果一個人食一個應該有啲濟。呢間麵包店嘅麵包多種類幾多，下次會再嚟試吓其他！…查看更多

一直期待左食沾麵到幾耐，所以上網搜尋過，特登嚟試吓風雲丸。呢度特色係石鍋沾麵，石鍋新鮮熱辣滾住上枱，另外，麵既份量200 300 400g到係免費選擇，呢樣係幾貼心！但係失望在，叫左咖哩湯。。真係咸到食2啖就不能入口我算食得咸。。但真係過份咸！普遍來講都係普普通通，價錢都唔算平價。總括嚟講都係試一次就算:(…查看更多

轉左新工就好掛住d舊同事，襯今日我放假就去荃灣搵佢地食dinner，聚下舊佢地就推介左呢間鳥山名，係佢地成日既餐廳黎太耐無食壽司啦～今餐主攻魚生類款款壽司同刺身飯都好吸引呀每件壽司入面都有少少wasabi，同正宗日本壽司一樣而帆立貝壽司我地食完係要再encore，因為太好味原隻活赤貝壽司都好鮮甜，$62/2件真係好抵！御飯-睇餐牌上既相以為係好細隻個d甜蝦，點知原來係好大隻既赤蝦，d赤蝦仲粗過我隻手指！三文魚腩都好好味我平時食串燒必嗌雞皮同牛舌！呢度串燒大部分都係有2串雞皮油脂多，好邪惡但無得輸，口感一流好多塊牛舌串埋一齊，唔會太簿身，因為我覺得太薄身既牛舌，燒完會無左個口感，呢度即厚度做到唔錯！食完條舌頭有少少麻。鍋物都好吸引呀，下次嚟試吓先。下次一定搵成班舊同事再食呀！…查看更多

每次行過油麻地見到街貼，都有衝動想試吓。所以今日就黎試吓價錢60$- 焦糖梳乎厘加牛乳雪糕，等左大約15到20分鐘。梳乎厘感覺較細件，感覺就普普通通。雪糕牛奶味幾重都唔錯嘅。總括黎講，冇想像中咁滿意。打完今次卡應該都唔會再試…查看更多

今次係同男朋友第二次嚟食，我覺得呢間係mk算係唔錯嘅選擇。價錢中等，食物份量都算幾多！雞c撈濛 &越式拼盤-除咗蝦餅硬左少少之外，其他都值得一試牛油雞翼-上一次黎喉嚨痛就冇叫到，但係見到人叫嘅時候真係好吸引。就今次叫黎試吓啦，但係同我想像中係有啲出入，雞翼醃得味道唔夠，有小小失望但係總括嚟講呢間餐廳都係一個唔錯嘅選擇，食物大份，價錢中等，食物新鮮熱辣…查看更多

今日同男朋友約好咗嚟奧海城睇戲，所以我哋入戲院之前，就喺附近睇吓有咩啱我哋食啦。男朋友話想飲下啤酒，然後就去咗附近博文街，行過見到呢間餐廳好吸引，就決定入去試吓啦店舖雖然唔大，但係裝潢好特別！感覺就好似去到外國嘅小店一樣，好有氣氛㗎！然後我哋就坐低睇吓餐牌先。每樣食物都好吸引，我哋就叫咗一份沙律一份主菜同埋一份薯條。西班牙風乾火腿配凱撒沙律沙律菜好新鮮配上少少酸瓜，非常開胃其實我好想試埋香蔥芝士薄餅，但係我哋個胃比較細，男朋友我有比較想食薯條，所以我哋就試吓啦薯條香脆，加上芝士、調味粉同埋香蔥，真係食唔停口主菜我哋就揀咗德國鹹豬手，另外配菜有薯仔酸菜加上芥末！消除左油膩感配埋啤酒真係一流呢款德國啤酒非常推介！！erdinger weissbier總括來講，食物性價比高，份量非常足夠，而且新鮮熱辣！得閒同朋友嚟傾計飲下啤酒真係好舒暢！推介…查看更多