ramenking的个人专页

雲吞鬆鬆散散，無香港風格。可以俾多八蚊去附近其他有雲吞賣既舖會舒服得多。單款麵 28，雙拼34，淨食一樣價。只收現金。份量普通偏少。雲吞裡面確實有蝦呢個算係咁啦，加上少量睇唔出係乜既肉，非常淺色但又唔似肥肉。但係呢類平到無可再平既粉麵店始終有個問題，就係味道始終有D唔到位。不過比肥仔記好，我去灣仔肥仔記食雲吞係已經開始腐壞變味。我食雲吞粗，粗麵好薄身，感覺奇怪。員工質素差欺軟怕硬。見到國內大佬模樣就客客氣氣，落單落錯咗都唔敢講一句，對我本土人就粗聲粗氣。只收現金但嫌我D紙幣有「跡」（本來係利是錢倒瀉水所以有幾噠紅色）拒絕收我張20 蚊。服務垃圾到極點既店，味道普普通通，除咗夠平+快已經無其他好處。28 蚊我俾多兩蚊去麥門食套餐好過啦。唔怪得附近店都排隊排到出路邊，但佢永遠可以坐低，縱使我旁邊客人都食得好慢。旁邊四個人全部比我早入座，我去到全部都已經食緊，到我走都未食完。兩個小姐姐齋聊天直到我走佢碗粉都無乜減少到，一個小姐姐睇手機，一個學生打機打到夠先開始食。唔會再黎啦。以後見到權記都唔會再去。…查看更多

好耐無食過車仔麵，想食牛腩咁就入去試試啦。味道唔錯，位置方便係正巴士站旁邊。今日食咗牛腩貢丸蘿蔔，三樣送 40 蚊。辣椒醬睇落唔拉但都係辣㗎。華富商場以外既一個選擇。我選咗粗麵覺得麻麻地，下次再黎選河粉可能好D。只收現金同支付寶。…查看更多

去完獸醫醫院探病之後食晚飯，叫咗四個菜，得風沙雞算好食，其他三個菜裡面D肉都係鬆肉粉太多。有個炒牛肉，我爸點，我忘記菜名，牛肉大大塊但係感覺古怪。另外我點既麻婆豆腐，橄欖菜四季豆，兩個菜裡面都有豬肉碎，但係已經用太多鬆肉粉肉質和味道大大受到影響，即是有時候太多鬆肉粉會令人感覺肉已經開始腐壞既感覺。四季豆其實炒得好好，有擭氣，但係原材料唔掂就係唔掂。旁邊食客想法一樣，聽到佢地話，除咗隻雞之外都好麻麻。雞 140 一份，豆腐四季豆 78 88 忘記啦。牛肉唔知道幾錢。同場好幾個生日派對，一個一圍，兩個兩圍。可能食特別安排既菜OK，但係臨時走入黎真係無咩好食。成個熟食中心晚上似乎佢最旺，其他幾個店我離開時候睇睇佢地桌上既菜都麻麻地樣子。跑馬地路過搵食可以避開熟食中心啦。…查看更多

想吃貝殼類產品，這家店午市套餐竟然有豉椒炒蜆！！好開心，我地一家人由午餐開始食到下午茶時間，食埋奶醬多漏華田先至走。忘記影相，菜品相當靚仔，食咗炒蜆（精彩），蠔仔餅，菠蘿咕嚕肉，口水雞，回鍋肉炒年糕（精彩），上海炒年糕。一邊食一邊奇怪點解評分低。根據觀察年紀大的街坊佔多，可能比較少有興趣上app打分。套餐+3 有豆漿，相當大杯而且都幾好飲，推薦。奶茶都好好飲。位置係新光戲院30 米左右。本來想點蟶子，鮑魚（53 一個，最少點兩個），可惜賣晒。有意食呢兩款菜就需要預定啦。睇餐牌有其他幾款菜品都係需要預定，但我忘記咗係乜。我地前一晚預訂咗所以無需等位。我見到基本上無需等位直接入座。…查看更多

小店無幾多款式，所以去過兩次已經試過大部分菜式。試咗牛肉湯河，撈檬，豬包，粉卷，豬肉角仔，咖啡，全部都好美味。最正係無添加味精，老闆話有些少材料裡面自帶味精無辦法，但之外就完全無再加。食完之後一D都唔口渴。老闆真係好人友善又親切。食飽想食甜品，問一問老闆有無甜品，老闆話得剛剛好只有 chocolate brownie 介唔介意，又係好美味。希望可以常常黎食。wonderful little restaurant that is cosy and what’s more they do not put additional MSG to their food, so that the only MSG comes from some of their ingredients. I really love they I don’t feel thirsty after eating there. Everything on their menu is wonderful and we chanced upon some off menu item as well. We were feeling greedy wanting to have something sweet following our meal. We asked if they have dessert and they offered us some chocolate brownie, perfectly made. Would love to come here often. …查看更多