Sto5rm的个人专页

心血來潮想食韓國嘢，於是就用網上外賣平台落外賣自取叫咗個芝麻照燒雞扒芝士燴飯，辣八爪魚炒野菜年糕同冷壓檸檬茶。先唔講嘢食嘅味道，講等侯時間真係火都嚟！18:42分網上外賣平台落單，取餐時間寫18:52，我18:50分到，52時狀態已經係等候取餐，56分都未見出嚟我就問個餐有未，收銀問廚房有未，廚房話未有，然後應該鬧個收銀做咩催/問有未，咁你話取餐係52分，我見56分都未有問下有冇問題？如果要耐啲時間你就唔好話52分拎得啦！然後等到7點都未有，我再問個收銀俾埋佢睇都未有，然後取餐時間由18:52變咗19:02！唔洗問阿貴，19:02都未有啦，結果等到19:14分先有得拎！之後睇返張單，佢寫預計取餐時間係19:04！啲嘢等咁耐已經火都嚟，點知啲嘢食仲衰！個芝麻照燒雞扒芝士燴飯啲芝士少得可憐，燴飯可以有啲飯係硬嘅！然後個辣八爪魚野菜炒年糕，啲年糕舊舊都痴埋一齊，又唔入味，個八爪魚簡直係難食！仲要有幾舊細細粒唔知係咩嘅硬嘢喺入面！唯一最好嘅竟然係杯冷壓檸檬茶。。。我都唔明啲間咁嘅嘢點解可以咁多人去食，態度又差嘢食又差，真係唔會再幫襯！…查看更多