ELTONYPK的个人专页

平時去食一個酒店級數既自助餐都講緊差唔多要＄7xx - 8xx既價錢仲要唔知佢係咪好食。呢間南灣如心酒店I-O-N餐廳絕對性價比高，環境舒適又夠哂寬敞。今次去仲要撞正萬聖節，室內裝飾同食物都極有節日氣氛 ！一坐低已經有兩個welcome drinks 送返，可以揀有酒精同冇酒精食自助餐一開始就一定會係揀沙律開開個胃呢度令我覺得有驚喜係竟然見到水耕種植既蔬菜 ！其他食物方面種類都好多，自製湯麵嘅湯底都好多種類，又多餸菜揀，不錯不錯。甜品又夠多夠豐富，造型盞鬼。最重要成餐飯都係飲品任飲同haagen dazs任食下次都一定要再黎食 ！…查看更多

知道如心銅鑼灣海景酒店呢度開左阿翁小館就一直都想黎試下。所以襯呢排又係食大閘蟹既好時機就一次過黎體驗下。結果成個套餐由頭到尾都咁高質精彩！絕對值得推介！ 今次揀左呢個至尊大閘蟹鮑翅宴。 直接唔囉嗦，生拆大閘蟹粉翅！超鮮濃又滾燙既魚翅加上大閘蟹既香甜，絕對大享受！然後就黎重頭戲既28頭特選吉品鮑。鮑身完全軟熟，一切開已經呈現令人動容的溏心，口感柔韌又夠入味，水準極高！ 六両江蘇大閘蟹，今次係蟹公！蟹膏黏糯軟滑，口感香濃幼滑，蟹肉夠結實！ 呢個蟹粉蟹肉炒飯又係一個盡顯功架既一道菜！滿口都係充斥住蟹粉蟹肉既香氣！點會估到平平無奇既一個炒飯可以出到黎咁既效果！充滿驚喜最後就係燉官燕同埋合桃酥、金瓜布甸連去到最後既甜品都係帶俾人最極致的粵菜體驗正正式式畫上完美的句號。…查看更多

今次黎試下呢間糖水 一入到去就覺得好特別 係學校既枱凳 仲要連menu都係功課簿 又有學生時期既locker 實在太充滿呢個學生時期既回憶 連啲野食名都好有創意 有miss 又有呀sir 我同朋友叫左 暗戀阿里山同芝修女雖然2個甜品價錢都略為貴左啲 但賣相同味道都ok 由於太急不及待食所以無影到相…查看更多

happy friday去cwb同班朋友chill下～餐廳裝修得幾靚，仲有outdoor area～一坐低嗌左杯gin tonic先～揀左隻日本既gin，有少少花香味～taro chips配牛油果醬，個牛油果醬配落幾清新，係送酒佳品！白酒煮青口，個汁好味到想當佢湯咁飲青口亦都唔會鞋口～哩個M5和牛出色，每一塊都完全唔會un，牛味都好出，仲要只係$298，哩個價錢食到和牛好抵呢～海膽吐司，全部一口size的的骰骰好得意，每份舊海膽都好大舊，唔會唔夠味！黎多個海膽意粉，d泡沫其實係無咩味道，但係賣相特別～成個意粉都係海膽味，個醬本身已經係海膽，再加埋面頭再有海膽係到夠哂濃郁～蟹肉扁意粉，真係好多蟹肉，有少少辣，但就會更香口，有種食緊麻辣火鍋索住鼻水但係因為好食都要繼續食果種感覺難得捱到星期五，真係要對自己好啲！草埋草埋就係等哩兩日可以食好少少！…查看更多

尖沙咀多野食就係人都知，估唔到今次係新文華中心有一間隱世鐵板燒餐廳一入門口見到sake櫃，非常多選擇～不過今次等我清醒食完哩餐先！今次嗌左個鐵板珍寶大蝦和牛料理試試佢先～首先前菜有枝豆＋炸鱈魚枝豆都係正常發揮，但係特別想講下個炸鱈魚，平時送酒小食前菜﹐魷魚、雞泡魚就食得多，但我自己都係第一次食炸鱈魚，佢無平時既魚類前菜咁硬崩崩，反而係輕身脆口，亦都唔會腥！哩個我都幾驚喜～刺身方面有汁燒鮑魚、拖羅、帶子、甜蝦。拖羅好厚切，雖然佢係鐵板燒餐廳但係刺身都唔錯，唔會係薄薄一塊。黎到重頭戲之一珍寶蝦，上枱已經好貼心幫我地切開左一口份量。隻蝦煎得非常香口，油香逼哂蝦味出黎，讚！串燒有雞肝、雞翼、西班牙豬肋條。燒到個面微焦少少脆，豬肋條亦燒得岩岩好唔會un～A4和牛（我地揀薄切）上到枱和牛入面包住調味好既香蔥，上面有啲蒜片，令塊和牛無咁漏，亦更多口感～海膽三文魚籽飯，份量無同你慳，而且海膽同三文魚籽都好新鮮～最後仲有個炒雜菜＋炒飯，真係飽到上心口呀～last飲多碗麵豉湯暖暖胃，食埋個雪糕作甜品結尾～…查看更多

早排因為身體問題唔食得海鮮，終於可以解放啦！哩間餐廳有得食生又有得食熟，正所謂小朋友先做選擇，大人全都要！首先薯仔沙律咁足料得唔得架？？？超大碗而且食到唔少細細既薯仔粒粒。左口魚刺身，鮮甜呀～驚喜係主打磯燒既餐廳，魚生都選材好好！跟住係哩個焱丸號壽司。我同友人都唔知係咩黎，最鍾意試下新野。黎到我地仲問：壽司？飯呢？原來d飯係d料下面，上面有吞那魚蓉、海膽、蟹柳等等，真係足料到遮住哂d飯哈哈！但係所有材料都食得出好新鮮，係一款有質都有量既菜式！因為我地嗌左兩杯燒酒（唔記得左影相！係荔枝烏龍茶加燒酌），嗌左個炸蓮藕片送下酒。將蓮藕片切到好薄再拎去炸，忍唔住一塊又一塊，口感得意，仲易上癮過薯片。跟住就開始燒啦～店員都好細心問我地需唔需要佢地幫手燒，我地手殘就拜託左店員幫忙。首先有兩個帆立貝燒，一款係松葉蟹膏，一款就係海膽。兩款雖然唔同味﹐但係用料都好新鮮，而且配合濃郁味道既海膽同蟹膏，唔使10秒就清左。然後係滿滿既蟹膏呀！一個係味噌，另一個係黑松露味。兩個d蟹膏都係滿滿，我同朋友都忍唔住嗌左碗白飯黎送蟹膏，太好送飯啦。黑松露味會咸少少，但係都唔係遮左蟹味。我個人推介味噌味，個鮮味更加突出！烏賊磯燒真係好香，就好似去海洋公園聞到果陣味咁，係會引到你去買黎食。店員幫我地燒到微焦，唔會過熟，色水同味道都好好。最後飲飲下酒仲係想食多樣炸物，就叫左個轟炸雞。係日式既炸雞味道，送酒佳物。又一餐飲飽食醉～滿足。…查看更多

無得去旅行，唯有係香港飲飲食食啦～入到餐廳，環境係舒服既中菜館。今日主力係想黎食北京填鴨三食！第一食係鴨肉雲吞湯，上到黎見到係乳白色，一d都唔覺得油，反而係淡淡既鴨香。等主角出場之前，食個小籠包先同香蔥煎餅先！小籠包皮夠薄，味道正宗！一咬開d湯汁就爆出黎，要小心辣口！香蔥煎餅竟然令我有種食到兒時小食既感覺，好香蔥味，煙煙un un。終於等到我最期待既北京填鴨啦！店員仲好細心推介我地唔同既食法，建議我地試下先食塊皮，唔會太肥太油但係成個咀都充滿鴨香，微微脆口，非常香口！之後再用皮包住鴨皮、鴨肉、青瓜、蜜瓜等等配料食，加少少醬汁，太滿足啦！第三食係椒鹽香酥鴨架，好似鴨版既椒鹽鮮魷咁，香口小食！哩個時候特別飲返杯酒添呢～同行朋友怕唔夠飽，嗌多左個糯米炒蟹。本來以為最後食糯米飯可能會有d飽，點知我地竟然成碟清左！首先係好多蟹膏，而且個飯吸收哂蟹既味道同精華，非常有驚喜！食完哩餐又當去完一個旅行啦～…查看更多

天氣啱啱轉凍，最啱食啲暖粒粒嘅嘢！咁啱同fd去左銅鑼灣，眾多選擇之中最後決定試下渝味曉宇，因為重慶火鍋辣野聽就聽得多，食就真係第一次。首先講下個環境，每張枱嘅距離唔會太近，啲位都好闊，坐得好舒服。張枱亦都唔會太細，啱哂打邊爐擺嘢。一入黎已經覺得呢度啲姨姨好親切，幫我哋安排好晒啲位之後即刻俾個紙袋我哋帶住個口罩。跟住陸陸續續遞上茶同埋糖水，個糖水絕對唔係Hea，係好足料嘅冰糖雪耳糖水，話驚我地食唔到咁辣就可以隨時飲兩啖糖水舒緩下，值得加分😆我地叫左蕃茄麻辣鴛鴦鍋，湯底果然都係冇令我地失望，一樣好足料！有足一個蕃茄，係真蕃茄味，唔係一般溝好多茄膏嘅蕃茄湯。麻辣嗰邊越煲越入味，直頭係辣得過癮！*食得辣嘅朋友，極力推薦你地放個凍豆腐落麻辣嗰邊食！配料方面，我地諗住可以試多啲唔同嘅嘢，大部分都叫左半份，平時喺出面叫半份多數唔夠食，呢度絕對冇呢個問題(以三個女仔為基準)上圖嘅嘢全部都係每樣半份，睇落都已經滿足☺️我地嗌左特別啲嘅有香鹵豬大腸、鮮蝦雲吞、手打蝦滑、手打四寶圓、鮮龍躉片、白鱔、桂花蚌。不得不讚呢度嘅海鮮都好新鮮，性價比極高！特別係鮮龍躉片同白鱔，好出色！呢度仲會插個牌仔提你淥幾耐，當然仲有提供計時器啦！好細心打邊爐當然唔少得肥牛，我地叫左一份，有7-8片，每塊都肥瘦厚薄都適中，亦都新鮮，食埋其他野，每人食兩片都已經夠哂！最後梗係食粉收尾啦！我地叫左曉宇苕粉，係闊身嘅薯粉，放落麻辣嗰邊又係有一個令人停唔到口嘅魔力🤣總括嚟講，呢度嘅環境係令人坐得好舒服，乾乾淨淨唔會太嘈雜。而且食材新鮮高質，以咁嘅質素，價錢亦比出面打邊爐平啦！仲要係銅鑼灣中心地帶，夠哂方便，一定會再幫襯！…查看更多

難得出港島一轉，search下銅鑼灣有咩新餐廳開左，比我發現原來ninetys開左出嚟哩到！上到去見到裝修都係一如以往咁簡約，好岩打卡呀！我地4個人一人揀左一個dish，首先係我平時去親都嗌嘅siu wan rice燒魂飯，佢用左伊比利亞嘅黑毛豬整嘅叉燒配上煎蛋同已經有饅魚汁嘅飯，黯然燒魂得嚟食到好高質嘅味道。叉燒個肉質好嫩，一啲都唔un！而且有饅魚汁甜甜地嘅味道，同叉燒、煎蛋撈埋嚟食真係好配合。每次我都必叫！跟住係哩個holy crab benedict，故名思議就係蟹肉burger，朋友本身以為個蟹肉會係好似平時啲burger咁碎上，但係佢係整左做crab cake咁，加埋啲洋蔥同生菜一齊食，出奇地好fresh~而且啲洋蔥已經係炒到入哂味，個burger唔需要加任何sauce都okay，反而令佢唔會咁重口味，同時唔會覺得dry。點都要嗌返個飯/意粉，所以嗌左最basic嘅black truffle pasta。最特別之處係佢啲意粉係空心，會更有咬口同彈牙。啲菇都好大塊，朋友們仲話覺得哩個最有驚喜，估唔到周圍都有嘅哩個意粉哩到會咁好食最後仲有哩個beef cheek，係牛嘅面豬登，下面仲有已經調好味嘅薯蓉。講明係面豬登，當然係完全唔un啦！但係再值得一讚嘅係佢地個薯蓉係會食到有啲薯仔粒。我最怕用粉開出嚟嘅薯蓉，佢哩到個薯蓉加埋啲汁真係好好食！我地各自都嗌左啲野飲，咖啡方面佢地有得揀Fruity/Choco blend，我地都係揀左choco blend。嗌左一杯latte、一杯flat white、一杯macchiato。唔飲咖啡位朋友就嗌左杯lemongrass & ginger。啲咖啡拉花好靚，而且仲會有一碟仔藍莓比我地令個味蕾清新啲先去飲咖啡。鍾意飲咖啡嘅朋友都好滿意！杯mocktail都好清新。而家ninetys開左黎銅鑼灣，以後係到行街又多個tea time/晚餐選擇…查看更多

住咗北角咁多年，都好少一人火鍋，開咗海之戀之後知道有呢間一人火鍋，就急不及待同朋友嚟試。我叫咗豆乳鍋，男朋友叫咗豬骨鍋，呢兩款都屬於比較淡味，不過同時亦都唔會遮蓋到食材嘅鮮味，佢另外仲有麻辣，牛骨，泡菜之旅相對重口味嘅火鍋。不過出邊有超級多調味料俾你選擇，加分個湯底一上完之後佢就會提供幾款肉俾你，你食咗好味就可以跟住狂叫，當然唔好浪費啦，我係叫$238嗰個餐，再加$48任食海鮮，坦白講太值得食佢啲海鮮，可能因為我唔食青口，元貝又麻麻，相對選擇好少。不過啲牛肉就真係好唔錯，有肉味，佢出邊仲有得睇住即場切，感覺好新鮮。另外要讚嘅就係甜品同熱食同飲品，選擇都好多，竟然有我最鍾意食既orea 雪條！總結，好抵食，又唔使等好耐，呢個冬天一定要密密去。…查看更多

今日食咗個好出色嘅Omakase,所以又攰又飽之下,都要打返篇食評俾佢先,我主要講講自己鍾意食嘅邊幾款野,因為實在太多道菜,但OpenRice最多只可以帶12張相。呢到呢度個環境俾人感覺好高級好有私人空間好似啲隱蔽小店通常呢種小店，有驚喜，加上師傅同店員服務態度都好好令人感覺好舒服。呢個係海鰻BB，我從來都冇食過，聽講產量都好少，原來佢嘅口感好滑，同成長左既海鰻完全唔同。燒白子最驚喜，好滑又好濃，完全唔會覺得核突，我本身仲同師傅講我唔食，點知師傅話佢呢到做法同出面酸汁唔一樣，唔會腥，果然一試難忘。另外個白蝦，上面有啲安康魚肝，識落有啲漿口嘅感覺，好似食緊啲蝦膠！好鮮味！燒帶子海膽，非常新鮮，帶子好大件，切開中間夾著好大塊海膽，好豐富嘅口感，成件事好夾。喜之次壽司，出名貴，我都係第一次食，幾重魚味，但又唔會腥。汁煮鮑魚壽司，個汁原來來自於鮑魚肝，所以成件事就係好濃郁嘅鮑魚味，調味得啱啱好.唔會太咸！香蔥芝麻拖羅手卷，師傅即場燒啲魚油落去，所以個手卷份外香，而且拖羅用比起飯更加多，食落口超滿足。最後個綠茶布甸都好出色，好濃好濃嘅抹茶味，加上十勝紅豆，冇得輸嘅組合。…查看更多

慶祝朋友生日聽講呢間 omakase 性價比高就等我哋黎一試啦！嗰日有好多嘢食食到我哋眼花撩亂！太多嘅菜式不能盡錄就揀啲特別啲嘅你介紹啦！先來一個開胃菜係 bb油甘魚 師傅都有講明魚味冇咁重但係我哋都食得出非常嫩滑！北海道帆立貝連埋裙邊入面仲有北海道海膽同埋蓮芋 帆立貝有燒過冇咁溜 配合埋蓮芋非常清爽！鮃鯛 配合埋上面嘅柚子 調味有少少辣令人想一食再食！雞泡魚干 同平時我哋喺出面居酒屋食嘅完全唔一樣 佢嘅表面係乾咗但係食到入面嘅鮮味同埋魚味仲好Juicy 雖然師傅話味道可能會比較淡但係我食到好重嘅魚味 不妨一試！去到最後我哋食咗一個圓滿嘅句號就係最中餅 威化嘅外皮包着雪糕同埋佢紅豆又唔會太甜為我地晚餐增色不少！下次一定會再嚟！…查看更多

為左慶祝朋友升職，決定去帶佢飲杯野兼食餐好！又黎咗Nathan left！朋友想有得聽歌chill下。餐廳一共有兩層，想睇下街景可以坐樓下open area，如果想好feel啲就可以揀樓上，原來9點後仲有live band演出𠻹！Fall in love $98好濃郁嘅whiskey酒香，因為溝左咖啡酒、白朱古力同Earl Grey冰，加埋啲爆谷一齊食，威覺好似焦糖咖啡～而且cocktail嚟講口感好豐富Be back together $138朋友揀呢杯Gin味重，溝埋梳打水同乾橙，感覺好fresh，好似飲緊梳打特飲咁解渴一唔覺意真係會飲多幾杯～龍蝦尾扁意粉 $218龍蝦肉鮮甜意粉彈牙，配菜都好足料，有齊腰果、雲耳、荷蘭豆呢啲中式配菜，有啲似食緊粵式小炒，比起起傳統做法嘅意粉，呢個fusion意粉夠晒特別～威靈頓美國牛柳主角手嚟喇～朋友同我都好鍾意食beef wellington，呢度嘅牛柳火喉啱啱好，內質軟腍juicy，外層嘅酥皮都好鬆軟香脆，加埋個燒汁，超讚！總結嚟講餐廳環境同食物都係高水平，而且服務員都好耐心為我地命紹唔同cocktail，加埋live band演出，下次都會再黎…查看更多

近排心情好差，成日都想食啲好嘢去慰勞下自己，見到呢間都好多好評，有啲似日本 居酒屋，裝修得好靚，木系style,貼左好多日本嘅海報,聽聞仲係一間黃店。我叫咗個刺身三點先，分別係油金魚，帶子同三文魚，幾新鮮又夠厚切！性價比幾高。芝麻醬椰菜夠爽口，又唔油，食燒野偶爾可以食一兩啖，其實幾夾。焱丸號壽司要大讚，一黎到好多料，勁好打卡，有甜蝦沙律，海膽，蟹柳，吞拿魚茸，帶子，堆到成座小山丘咁，仲要每樣材料都好新鮮，呢個真係絕對要試。黑松露蟹肉甲羅燒，好香黑松露味，然後好多蟹肉啖啖肉，略嫌有少少咸，配個白飯就一流啦，因為覺得好食，所以我哋又叫多個蟹味增甲羅燒，朋友覺得呢個好食d,但我就中意黑松露多d,所以話口味真係人夾人。跟住叫左鮑魚同帶子磯燒，店員拎出嚟嘅時候仲識郁㗎，就知道好新鮮啦，佢哋仲會幫我地燒埋，火候剛剛好，鮑魚好有彈性，帶子就好juicy!大推!!最後叫咗個冷蕎麥麵，份量都幾多，又唔會凍到結晒冰，食完就飽飽啦！總括嚟講，呢餐好滿意呀！應該會不停回頭。…查看更多

同幾個best friend 食dinner💕餐廳地方大，裝修OK！又有live band，好relax呀😎店員耐心介紹菜式，款式選擇又多，加上份量又岩岩好，好岩同朋友一齊share😋總結一句食物高質service好，整體中上水準，可以再一次回頭👍🏻👍👍👍…查看更多