ywabmbf的个人专页

星期六晏晝3點去到都有唔少人等緊位～ 餐廳環境好大，仲有室外！想坐室外嘅朋友記得攞位嘅時候同店員講😉 夜晚仲可以shisha，啱晒同三五知己好chill咁飲嘢傾偈🍹台北燉牛肉意粉見呢個好多人都推薦，果然又真係幾多食喎😚 牛肉粉嫩，食落唔會乾柴柴🐮 醬汁有少少辣又帶輕微嘅麻，好香花椒味🌶 意粉唔會太淋，仲掛晒汁，非常惹味🤤 而且份量都唔細架👍🏻炸魚薯條魚柳有5大嚿🐟 外層炸到脆卜卜，炸醬厚薄適中；入面魚柳質感嫩滑同juicy😋 沾埋中間微辣嘅沙律醬，食落唔膩反而仲好開胃🤣 薯條正正常常啦🍟 除咗啲炸嘢仲配有沙律菜，俾大家refresh吓，咁唔會太滯太膩🥗焙茶芝士蛋糕身為焙茶控嘅小編一見到menu上有，仲要好似呢個味未必成日有賣，諗都唔諗即嗌🙈 巴克斯芝士蛋糕質感軟滑同creamy🥰 芝士味濃郁之餘🧀 焙茶味係有嘅，但唔算突出☕️ 味道甜而不膩👏🏻 面頭再淋上焙茶漿，賣相更好睇💕 overall嚟講都值得一試～…查看更多

去開九龍灣見到呢間主打台灣菜🇹🇼嘅食店都幾多人排隊👣 仲聽到收銀處部外賣平台機係咁響，咁多人幫襯相信應該唔錯掛～可惜...紅燒牛腩麵(油麵)menu明明寫係牛腩，但唔知點解成碗都係牛𦟌😮 仲有啲好厚有啲好薄?! 睇在啲肉都夠腍同入味就算數啦🤣 湯底牛味唔算濃😔 另外唔知係咪煮得太耐，油麵食落質感偏軟🙈 不過油麵始終冇刀削麵咁掛湯，建議大家要叫就叫刀削麵啦😅懷舊魯肉飯(小)五花肉半肥瘦，食落有啲肥溶喺口，啲肉就有咬口🐷 肉同汁份量都足夠撈飯🍚 味道係可以嘅，唔會太濃/甜/鹹，但就普普通通，唔係啲人講到話食到台灣嘅味道🤭鹽酥雞以價錢$38嚟講，佢嘅份量真係幾多👏🏻 炸漿唔會過厚，雞肉夠juicy🐔 調味適中，亦唔太油膩😋 呢個係全餐最推介⭐️玉米起司蛋餅蛋飯質感QQ der～ 味道中規中矩... 可惜唔夠熱，芝士拉唔到絲🥲 都係程班長嘅蛋餅最好食～其實以價錢嚟講真係算平，款式種類尚算多📝 不過食物質素相對冇咁高，一分錢一分貨啦～ 咁啱經過而又台灣癮發作，都可以一試嘅🤣…查看更多

呢間小店人氣一直高企💫 平日6:15pm度去到已經開始要排隊，條龍仲越嚟越長👣 等候期間店員會派餐牌俾大家可以諗定食咩📝 用餐時間60分鐘，所以都唔算等咗太耐⏱ 然後一坐低好快就有嘢食👏🏻 臺南蝦捲便當好豐盛嘅便當🍱 有別於平時一個盒入面有幾格放配菜同飯，呢度嘅係走大碗飯路線🍚 台式蝦捲喺香港真係好少見🤩 口感彈牙，調味啱啱好🦐 配菜方面都好出色，最鍾意螞蟻上樹❤️ 辣辣地，好惹味，送飯一流😋 而溏心蛋非常入味，令成個便當更完整同完美🥚香酥排骨便當呢個便當對比蝦捲嗰個真係好好好大份👀 除咗相中面頭嗰大塊排骨，其實下面都仲有一塊😳 表面炸到好酥脆，唔油膩👍🏻 不過食咁多會怕喉嚨痛喇🤣 排骨好juicy同一啲都唔嘞口🐷 成碗嘢大過塊面，所以連配菜同飯都特別多🤪 建議女仔可以叫少飯，或者同人share👯‍♀️所有便當都包高山茶或養生湯，又可以補差價轉其他嘢飲。小編s當晚叫咗養生湯同黑糖冬瓜茶🥤 櫻花蝦昆布味噌湯好足料🥰 有勁多櫻花蝦乾，三四塊厚厚嘅昆布，鮮味十足🌊 而黑糖冬瓜茶唔會太甜，消暑又解渴🧊 唯一可惜嘅係冇得加配滷肉😢 店員話因為太受歡迎，好多客人都會加🙈 為咗令想食滷肉便當嘅客人食到，所以暫停加配... 不過都好嘅，小編s有馬上再去幫襯嘅衝動💪🏻…查看更多

平時lunch time見咁多人排隊，放假經過忍唔住要試吓～ 食完就知呢間小店人氣高企唔係浪得虛名👏🏻特別推介忌廉雞肉同燴牛肉汁✨忌廉雞肉汁好creamy，奶油味好香🍼 但又唔會太漏👍🏻 雞肉肉質唔會好老好嚡🐔 而自家秘製燴牛肉汁，味道同蛋包飯勁match🥚 有肉味得嚟又唔會霸道到搶晒滑蛋嘅香味😋 牛肉份量仲非常之多😍 相比之下咖喱豬肉就普通咗少少，就係平時日式咖喱磚煮出嚟嗰隻味🙈和牛漢堡成個拳頭咁大👊🏻😂 切開都仲見到入面係粉嫩色💕 牛味突出，食落juicy🐮 不過肉質略嫌鬆散咗少少... …查看更多

鴨肉入沾白布烏冬鰹魚湯入面有大量京葱，飲落除咗有魚同醬油嘅甜味，仲有好香嘅葱味😚 鴨胸有3大嚿厚切嘅🦆 雖然表面有炙燒過🔥 但始終係現成雪藏質素，吸收唔到鰹魚湯味，淨係得佢原本嘅煙燻鹹味，有啲失望喇🥺 烏冬好滑，有咬口，配鰹魚湯好好食🥰冷汁天婦羅白布烏冬有胡麻醬同鰹魚汁兩款醬汁，配冷烏冬都好夾 ✨ 胡麻醬唔係現成一支嗰啲嘅味，芝麻味再重啲😍 味道清新啲，食落冇咁漏👍🏻 鰹魚汁好清甜，醬油味唔會濃到蓋過魚嘅香味🐟 冷白布烏冬更煙韌彈牙，好得小編歡心💕 另外天婦羅都好有驚喜🤩 炸醬外皮酥脆，厚薄適中😋 炸蝦爽口彈牙🦐 其他就全部都係蔬菜🍄🥕🍆🎃烏冬勁大塊，好難夾同夾起上手都幾重🥢 放完落碗湯或汁度，夾上嚟食又冇額外一個碗裝住，又唔想直接整污糟個竹籬，要好小心先唔會一路食啲湯/汁飛到周圍係😂 真係好難保持儀態🙈 尤其係唔識揸筷子嘅人，會食得仲”論盡“😅 總括嚟講如果唔洗排隊的話，試吓都無妨嘅😊…查看更多

呢間出色嘅馬來西亞餐廳應該冇人唔知掛😎 好彩而家多咗好幾間分店，大家可以揀間就腳啲嘅🤪 招牌沙煲老鼠粉原煲熱辣辣咁上🔥 趁生蛋未熟晒就快快手撈均成兜老鼠粉🥢 配料有魚仔🐟，蝦米🦐，炸肥豬肉粒🐷，乾蔥蒜等等～全部都好香口，幾惹味👍🏻 不過略嫌唔夠鹹，“啊餓”加咗唔少黑醬油，先夠皮🤣 另外份量都唔少，建議2人以上先好嗌🙈百吉爺肉骨茶配棒棒骨肉骨茶顔色深，好香當歸藥材味，入口較甘。入面有唔少豆卜同金菇🍄 索晒啲湯嘅精華🤩 棒棒骨啲肉一咬就甩，仲好腍好入味🦴 配埋黑醬油，辣椒粒🌶同生蒜🧄真係好好味😋** 本身每位客人都附送一碗肉骨茶淨湯🥣 如果係第一次食嘅可以試咗先，真係啱飲先叫肉骨茶配其他配料🍲椰香咖央多士十分推薦✨ 雖然又有牛油又咖央，勁肥，但越邪惡嘅嘢就越想食😈 烘過嘅多士暖笠笠，超脆🍞 夾住嘅滑口嘅牛油🧈同咖央，口感豐富🥰 真係就算幾飽都一定要叫!!!🙌🏻美祿恐龍味道正常，就係美祿味🍫 但唔知點解每次食馬拉嘢都一定會嗌🙈椰汁班蘭冰呢個反而有啲驚喜🤩 唔太甜得嚟，椰汁🥥同班蘭味都好突出😚 完全唔係香精嗰啲假班蘭味👍🏻 最底仲有啲西米，增加口感👏🏻…查看更多

飛驒和牛漢堡伴炸甜番薯條和牛漢堡扒juicy，牛味濃郁🐮 入面呈粉紅色，生熟程度啱啱好😍 肉質鬆化，唔會過實👍🏻 麵包鬆軟🍞 加埋芝士，蕃茄同沙律菜一齊食，其實份量都幾大🍔 炸甜番薯條都算粗大，就算冇乜調味都好甜好好食🍠😋西京燒比目魚配炒野菜．香草烤新薯比目魚有2大嚿，肉厚嫩滑🐟 配上西京白味噌醬汁，鹹鹹甜甜好惹味🤩 炒野菜有冬菇🍄，秋葵，珍珠荀🌽同椰菜等。新薯烤到好香，入面質感綿密🥔 最特別係有幾塊炸咗嘅薯片，好脆⚡️ 口感豐富👏🏻2個set都包咗餐湯🥣/沙律🥗同飲品🍹價錢合理～ 員工好nice好有禮貌🥰 最重要係用餐環境好闊落，坐得好舒服😌 如果可以坐近窗邊有自然光，影相打卡一流📸…查看更多

餃子有超過10款嘅選擇，雞牛豬羊肉餡都有🤩 雙拼仲唔洗加錢添✌🏻椰菜冬菇雲耳豬肉餃 & 白菜豬肉餃 (湯)湯底有番茄薯仔魚湯同雞湯揀～小編s大推番茄薯仔魚湯🌟 番茄味突出🍅，魚湯鮮甜🐟 講番餃子本身，呢兩款機本上係冇得輸嘅組合😌 雲耳爽口，加埋椰菜絲同冬菇片🍄，口感多層次😋 兩款豬肉餃都好juicy，肉質唔嚡口同乾爭爭🐷南瓜忌廉雞肉餃 (煎)一咬啲南瓜蓉咇晒出嚟🎃 入面仲有細細嘅南瓜粒，增添口感🥰 南瓜忌廉味好香好rich，配雞肉幾夾🐔👍🏻 煎粟米芝士雞肉餃 (煎)芝士呈半溶狀態🧀 粟米爽口又大大粒🌽 雞肉相對有啲少🙈 外面煎到脆卜卜，入面好juicy 💦 麻辣手拍青瓜份量都唔少🥒 不過麻辣味可以再濃啲...p.s. 星期日lunch time去都有唔少人排隊等位同等外賣... 等緊入座嘅時候睇住啲選擇一個一個售罄，真係好緊張🤣…查看更多

見到官網訂位系統show啲日子都幾full，所以一早book定三星期後嘅星期六～一開始就上麵包，ham n cheese🧀🍖同smoked salmon🐟 淨係見到個bread platter都勁開心💕 牛角包好酥脆🥐 就連果醬同佢個homemade nutella都好高質👏🏻 誠心推介俾各位包控🍞🥖 其實食晒都有啲飽🙈主菜個pork belly果然係signature dish👍🏻 雖然肥咗啲，但食落有啲焦香同好入味🐷 配埋椰菜沙律，個汁酸酸地可以中和豬腩嘅油膩感🥗甜品梳乎厘同mille feuille都好得小編s歡心🥰 梳乎厘朱古力味勁濃郁，質感輕盈🍫 mille feuille大大件，酥皮好鬆脆，又重牛油香🧈 最後嘅uni french toast係額外加嘅～ 賣相打卡一流📸 海膽份量都唔少，好rich好creamy🤤 …查看更多