jnlee28的个人专页

正餐食得少，正好令甜品好多選擇，揀左面書打卡率唔低嘅he she eat (luv the name:))一入去已經俾枱枱都食緊嘅波波玻璃杯吸引左，節省不少煩惱，哈哈有次試左pizza hut個玉桂蘋果crumble一洗我對尼類物體嘅陰影之後就好有興趣，加上我係綠茶愛好者，所以好快已經做到決定原來最底係綠茶慕絲，上面有林嘅玉桂蘋果，又有啲脆卜卜嘅粒粒，口感好得~綠茶雪糕幾甜，i like it~不過食完再食返慕絲就覺得慕絲好綠茶(浸澀味出左黎)xdd朋友食的無記錯的話係椰汁慕絲草莓雪糕，又係好靚~另一杯基本上好似楊枝金露所以無侵犯佢嚕…查看更多

久聞尼度晚市等位之瘋，所以一放工就飛黎行得夠快仲有位遲多幾個字就要等啦一路都對尼類風格情有獨鍾嗌左兩個set dinner (其實都唔set得去邊…因為湯同前菜要加錢，問左果晚前菜係芝麻包，唔吸引所無加)紅酒牛尾紅米飯，超超超好味呀個汁，好濃郁啲牛同蘿蔔索晒味！(惟獨啲牛尾骨要好俾心機"倫"~約初初識嘅男仔黎的話就遲啲先試啦) 我尼個牛魔王好滿意，下次試佢$199果個牛扒三文魚蘑菇長通粉，都好食，汁又夠，不過真係好細碟…散叫左小食牛油帆立貝，ichiban呢～六粒都唔算好細，邊焗得有少少脆，個汁較日式feel甜甜地，有好微量蒜蓉，下次會encore貪靚試玫瑰泡泡奶，好得意個頂突出黎的，好滑，但玫瑰味好淡，初初飲還ok，但食開野之後就變左無味下次試佢D朱古力~見隔離枱幾吸引朋友點左沙冰 綠色係薄荷蜜瓜，冰都好滑，但又係無咩蜜瓜味 黃色好似都係檸檬菠蘿果類，無深究嚕到7點打後真係超多人等，廢事牙住人(同埋唔係好夠飽想轉場)所以未夠2個鐘就走了幾時先真係有機會慢慢坐，睇下佢啲旅遊書呢…查看更多

都成大半個月之前食，所以有D唔係好記得，不過係好食的~應該都會再幫襯貪佢有中有西所以黎試下~裝修幾靚幾好feel~不過太暗唔係好影到相我地2個都幾大食架~首先嗌左一個水牛芝士pizza set dinner~頭盤麵包好有質感，配淡牛油~pizza薄薄地唔會好滯，蓄茄配芝士好香包一杯餐飲，我另外揀左熱情果smoothie~咬到果D熱情果粒粒酸到傻散叫左個泰式肉碎炒飯~order時員工有問我地辣O唔OK，之前係greyhound食過，諗住果度擺明泰式都唔辣所以不以為意，點知估唔到係辣到咁的!! 原來佢撈埋D辣椒碎入去炒，堅會食到噴火…但香草好香，好好食唔想放棄，所以我地嘗試撩返D辣椒碎出黎~好好多XDD 不過本身碟飯都深色，係咁暗既環境真係要落足眼力，諗返都好笑好彩我地另外叫左個好似係芒果蟹肉米紙卷~凍凍的，配個好清的汁，正好解辣 份量算唔細，不過如果唔點汁就淡左D可能因為碟飯要慢慢食，所以比預期飽，要打包半個pizza~不過我地仍然想食cake 望住個蛋糕櫃真係心大心細呀! 最後揀左朱古力橙同藍莓芝士~本身唔係好好cream, 所以朱古力橙略嫌大pat cream左少少~但2個都叫好好食~有一個缺點! 就係限時催還枱~不過明白的，員工態度亦可接受…查看更多

有個fd細個黎食過~之後一直講左幾年，終於同我黎食=v=地方唔大，但坐得舒服的 落地窗好開揚~不過其實只有幾張枱可以睇到幻彩詠香江(食食下熄暗左D燈..呆左..原來夠鐘8點 )翡翠螺好食，刺身都正常~蟹都OK的，但食左一兩啖好似好飽咁放棄左熱食唔算好特別，但好好味! 有即切牛肋扒，好嫩唔un * 有香草羊膝，勁林勁入味* 另外最深刻有味噌魷魚~蒸魚同日式雞扒都好食的沙律bar最多款~好多凍小碟都好食! 最記得黑椒吞拿魚同酥皮豬肉皮(咁岩詠香江搞到影得黑蚊蚊…)甜品都OK的，大路款式~服務好，有禮，不停幫我地refill橙汁總括係好食的無失望~不過我比較貪心，食buffet係要花多眼亂先夠刺激咁XD 所以寧願食貴少少果D嚕下次…查看更多

好多時搵食都會俾泰菜呀、雞煲呀、大排檔呀果D吸引左 (我認我重口味XD)今次放工個fd想搵間特色D嘅坐下~於是試下尼間gallery比唔gallery闊落D多位D，暗暗地幾好mood~哈哈~2條女都好大食XD 今次朋友岩岩病好，下次再黎要飲返杯先!!…查看更多

芝士7重奏~食信用卡有優惠果個餐沙律新鮮的~但個人中意芝麻汁果重多D, 尼隻撈醋好酸咁蒜蓉包次次必點個炸雞薯條同意粉正常貨仔~批好食呀~堅多cheese，邊都夠脆小食拼盤個蝦超好食呀!勁juicy個餐可以十幾定廿幾蚊加小食，揀左2個甜品最最最得係個蘋果crumble!!!一直對玉桂蘋果尼類物體無咩好感 (尤其M記個pie...)但尼個真係一改我嘅印象，好酥化，蘋果蓉好清再加埋個實心拳頭咁鬼大嘅雪糕~一凍一熱perfect match!!幾乎想encore唔知會唔會長期係menu呢?!??!仲有個bread pudding~um..都可以的，不過無咩特別印象…查看更多

家住天水圍，所以有時無聊就會搭K巴入流浮山逛下~果D海鮮酒家未食過，反而尼間舖仔經親都會忍唔住坐低招牌豆花~好滑，糖水好似有D薑味唔會得個甜字~通常食熱，暖笠笠^^入流浮山點可以唔食蠔?!?!尼間炸蠔不可錯過! 完成唔覺佢有粉，真係食到咩叫新鮮!!有次撞岩有蜜煎金蠔，即刻買返屋企諗住晚餐加餸...點知係巴士聞住佢香噴噴已經偷食左一半XD無記錯的話雖然要成$10隻，不過係值得的! 老闆娘都好好人架~笑咪咪又好禮貌有次有班女仔幫襯炸蠔~話岩岩係元朗食完豆花所以唔叫，老闆娘都照畢左D俾佢地試~佢地話真係好食D等天氣好入去影日落再食過…查看更多

之前已經想試，不過咁岩係weekend摸門釘 (勁樣衰XD)今次放工捉個同事一齊去~第一次去工廈食野，一上樓梯已經好有新鮮感~店主搜羅左好多特色牌做掛牆裝飾，好有味道每枱都放左candle~應該無女仔唔中意的 木枱+蠋光=絕配我地點左2個set dinner share* 首先黎左個包，睇住係新鮮由大焗爐拎出黎暖笠笠~食落好香香草味! 薄揸少少牛油已經好開胃蘑菇湯超濃郁~滿口蘑菇蓉*v*田螺薯蓉無野可以批評，好creamy呀同事點左尼樣要食得勁小心嘅野! 不過佢D汁好好，唔太多，又唔會乾爭爭~ D蝦好爽呀!!!!食完勿忘對身邊人笑一個喔LOL另一set點左牛柳鵝肝~以$200黎講略嫌細舊左D(女仔手掌咁大啦~可能係我貪心)我好食得生所以叫3成~不過佢應該唔止，但仍然好好好食呀!牛柳好林，汁唔會太濃搶晒牛味~ 鵝肝好薄，唔捨得吞呀XD薯條都值得一提~味道唔似係cheap野雖然佢唔大碟頭，但食到尼個moment又幾飽wo~最後甜品係焦糖燉蛋~個面卜卜脆，蛋好滑好香!!好想食埋我同事果杯呀唔記得左餐飲tim~ 我地揀左薑蜜，清清的都幾岩配西餐~飲到尾有D辣，果晚落雨凍冰冰岩晒!環境好好~侍應都好有禮貌，不時提醒要小心D焗碟好熱~係有個唔知係咪老闆娘嘅物體，明明都唔多人，佢就好急好大動作咁走黎走去，無事忙!!已經諗好下次要試沙律啦、唔知牛定豬肋骨啦、hamburger啦....XD…查看更多

之前食過沛公嘅檸檬芝士千層~好好食所以媽咪生日，見到佢做團購即買~$188一個6吋D24榴槤千層蛋糕,可惜分左3份，基本上大家都得一啖榴槤...一開盒都無榴槤香拎果陣嘅態度唔好，黑口黑面可能因為果陣有另一個客問長問短，我明係好麻煩但都唔影響影響對其他客的態度唉...失望啦, 唔會再食佢榴槤野啦…查看更多

一直都中意幫襯小店~款式可能唔夠大集團fight，但就有一種獨特的滋味。大學畢業之後就好少黎尼邊了~咁岩約個同學返尼頭，緊係過黎搵食啦~一路都最中意食佢個忌廉飯~今次本身想試忌廉拉麵，但特別貴又無料~所以都係揀帶子拉麵了 我好怕食麵遇到超淡嘅湯底~但尼度唔會~雖然無咩特別，但都係好食的~如果佢唔浸死我D帶子就更好了早幾個月去大阪但無食大阪燒係一個遺憾>< 見尼度有就試下~OK多料唔會得D粉，又唔會太乾or太濕~好食的另外食左牛肉薯餅~一如以往的好味 :))朋友的~都係另上炸物會好D~…查看更多

而家搵間可以坐得舒服、唔催你埋單、可以自成一角嘅餐廳幾乎係無可能>< 所以今次2個墟(haha~6條女)決定走去試私房菜~同老細講好左budget$2百幾啦、人數啦, 佢就propose左個好吸引嘅海鮮menu啦*V* 第1次好期待呀!一上去老細就安排左間房俾我地~ 好闊落呀, 新裝修好乾淨, 有成排窗一D都唔局, 有電視tim~員工出入上菜都會how下門先入黎, 尼一part已經令我地好滿意!打頭陣係大白菜燉豬肺湯~一飲已經feel到真材實料，再畢埋一大碟湯渣黎食，無得呃人啦~豬肺超難洗，所以媽咪一路都係XX工坊買俾我地飲，D豬肺我食左一舊就以後blacklist左。但尼度D豬肺好新鮮，完全無果浸內臟味! 又有豬肚呀、白果呀~湯怪的我飲左幾碗跟住嘅花雕蛋白蒸蟹令我地嘩左出黎!超酒香~ 好大碟，但D蛋白竟然可以唔老，隻蟹又好好肉~有個fd敏感, 一食已經證明到夠新鮮，因為佢即刻口痕XDD但仍然忍唔住食多舊，好搞笑!跟住籠仔荷葉糯米雞，又搞到我地嘩嘩聲(老板娘可能已經頂我地唔順XD) 真係成隻雞入面塞滿左糯米飯~老板娘好細心咁幫我地湯開隻野 (掛住嘩唔記得影解體前個樣) 再問我地中唔中意花生同蔥, 撈埋落去~其實我平時對糯米飯一般，因為覺得好滯, 但今次我食完再翻畢=O= 隻雞又好入味，食胸都唔會鞋/淡mou mou.唔洗多講，食親炒餸黃金蝦幾乎係必點嘅~老細好闊佬呀, D黃金多到唔見蝦咁滯XDD當然要襯熱食啦，如果唔係會林油.士多啤梨骨係另一驚喜! 個皮脆脆地，好match個酸酸甜甜嘅汁 (終於唔洗再好似生炒/沙拉骨咁悶啦T.T)~我怕酸唔中意食士多啤梨，但尼個點埋D汁一D都唔酸，狂食! 唔記得左係咩魚...又滑又新鮮~ 搞到畢左D豉油撈白飯...鮮魚湯雜菌~雖然我已經好肚脹, 不過仍然忍唔住飲左成碗@.@老細話有糖水送，本身以為係紅豆沙果D例牌野就算啦已經好飽~原來係木瓜雪耳~好啦咁, 搬食甜品果第2個胃出黎啦XD 好清甜~岩晒岩岩食完咁多野總括今次真係超滿足呀! 可以他他條條咁慢慢食慢慢吹水，唔洗好似出面咁怕牙住人地張枱。又可以訂自己想食嘅野~下次有得3/4個人嘅gathering真係會再黎 …查看更多