ChauHoKwan的个人专页

呢間泰國菜，長期喺晚市時段都大排長龍今晚就去試一試佢咩料一係入到佢門口，已經佈置得充滿泰國風情。帶位嘅同事好似仲係泰國人黎添一坐低，打開餐牌，見到食物嘅選擇非常多。樣樣都好想食前菜我哋叫咗一個泰式鳳爪，一個鴨肉生菜包。鳳爪作為前菜都非常大碟，酸酸甜甜，唔泰勒，好開胃。生菜包嘅肉碎，份量好多，炒得好香！之後我哋叫咗兩隻焗蠔，都非常大隻，上邊係牛油炒蒜蓉加埋芝士，激邪惡之後都點咗個馬拉盞炒通菜，諗住清一清腸胃。點知佢個菜都炒得好好食，好惹味最後我哋嗌咗個椰汁雞湯，佢係成個煲上碟，中間仲有過火熱住佢雞肉，同埋配料都好多，好好飲！下次黎會試埋佢餐牌入邊其他嘅嘢食，例如係冬陰功，串燒……不過想來嘅朋友記得早啲嚟攞定位啊…查看更多

喺大圍住左咁多年，去買餸期間，見到有幅好靚嘅壁畫。睇真啲原來係一間韓國餐廳。望吓餐牌，見到啲嘢都幾抵食，一於入去試吓。我哋兩個人，叫咗一個二人套餐。有前菜，沙律，主菜，甜品同埋飲品。乜都有齊唔使煩揀乜嘢食前菜有一個炸雞沙律，啲炸雞上邊嘅甜酸醬好惹味同埋開胃之後有一個肉餅小食，咬落幾juicy! 個套餐仲有一個豬手粉絲鍋, 啲粉絲朔晒豬骨湯嘅味，好好味🤤🤤主菜叫咗一個邪惡嘅芝士泡菜炒飯, 芝士份量好多，每一粒飯都有芝士味飲品有唔同嘅梳打，或者水果茶做選擇。我就揀咗一杯提子梳打飲品, 夏天飲一流!!甜品係一個waffle, 配埋雪糕，做一個完美嘅句號.兩個人食到飽一飽，買單都唔係太貴，非常抵食。黎開呢區可以再嚟食…查看更多

今日見到沙田有間日本餐廳，睇睇餐牌竟然係食西餐餐牌望落都幾吸引，仲跟埋個半自助餐添就入去試一試…餐廳環境非常闊落，店員好好，我哋兩個人都安排咗卡位！沙律吧嘅食物選擇一般，但驚喜嘅係，有吉列蠔任攞差啲唔記得講主菜我哋叫咗兩份扒，啱晒我呢個肉食獸我哋叫咗個頂級美國肉眼牛扒，同埋一個法式寶雲羊架！🤭牛扒非常厚身，面頭先度有少少脆，肉質都好林，配菜嘅薯條份量非常多！而羊架嘅做法好特別，面層有一層脆脆嘅麵包糠，係完整嘅羊架上碟。切開羊假生熟程度啱啱好，肉質幼滑閂晒仲有好多其他嘅選擇，下次你要試埋其他先得而甜品方便都有得喺出邊攞，選擇都唔少，但係因為食得太飽，都唔係好食得落了😆😆…查看更多

喺朋友屋企附近堅肚餓，想食一碟燒味飯。見到有一間燒鵝專門店，掛出嚟嘅燒鵝都燒得幾靚入去叫咗個燒鵝飯，連埋嘢飲都唔太貴。燒鵝份量多，層皮又香又脆。燒鵝嘅肉都好滑，滿滿肉汁正…查看更多

喺尖沙咀行街行到肚餓，入去食呢間著名嘅蝦湯拉麵。叫咗餐牌上邊推介嘅湯底，再加多一個蝦味飯團🍙。飯團嘅份量好足夠，都幾大個。可惜嘅係，佢入邊嘅配料唔多，主要係食有蝦味嘅飯。拉麵嚟到之後，蝦湯味道比較清淡，下次可能會點龍口湯底會比較嘢味。…查看更多

今日同阿媽慶祝母親節，上OpenRice book枱，打埋要坐吧枱，餐廳都有幫我哋安排到，非常好一坐低都有唔同嘅套餐選擇，揀咗一個有鵝肝，大蝦，A4和牛等等既套餐，都係八百幾蚊一位十分抵食。最精彩係個大蝦，用蝦膏造成嘅醬汁，好好味！A4和牛入面包住一堆本菇，仲有炸到好脆既蒜片可以夾住食！！因為order左薄切，所以唔太油膩下次有其他節日,諗唔到去邊,都會考慮來返呢一間,試吓佢其他套餐。:)值得一提嘅係，我地今次既主廚喺日本師傅…查看更多

今日嚟到深水埗買電腦嘢，發現街口有一間台式牛肉麵。望到入邊嘅室內設計，好有台灣嘅古早味，決定入去試一試打開餐牌，食物嘅選擇非常多。有麵食，又有飯，仲有好多小食同埋甜品選擇。加上飲品餐牌都非常豐富，真係樣樣都想叫最後叫咗一碗牛筋牛肚米粉，可以試晒啲牛筋同埋牛肚有幾招牌😁再加一個青瓜做小食。上菜後，麵嘅份量十足！牛肚同埋牛筋都好淋😋😋滷水嘅味道好入味。米粉配埋個紅燒牛肉嘅湯底，簡直係perfect match!個湯底一啲都唔油, 飲多幾啖都唔怕肥😆😆個青瓜就中規中矩, 當餐前小食開下胃都唔錯。最後叫咗杯檸檬愛玉做飲品😋因為太飽飲唔落珍珠奶茶啦😆下次嚟開深水埗買嘢，都會再來時下佢其他麵。💪🏽🔥…查看更多

今日黎到青衣商場。見到間cafe環境幾好，有時間就入去坐下。佢用餐時間係90mims🧐, 可能始終係商場入面，lunch hour都多人等位。叫左杯焦糖燉蛋latte, 奶泡上面有一層薄薄既焦糖，食落真係焦糖燉蛋味！好飲既主菜叫左個雞胸risotto，個雞胸焗到有d乾，不過好在係薄切，都叫咬得入。份量足夠，味道不過不失:)最後叫左個甜品又係焦糖燉蛋可惜唔及頭先杯latte好味..最大敗筆係個焦糖。整得太厚，就咁用匙羹係幾乎篤唔穿。食左一塊仔.. 極甜，又硬又痴牙..最後要不走左一半焦糖塊 齋食燉蛋…餐廳整體質素一般，價錢中等，但環境一流。叫杯飲品係鬧市中休息下都唔錯。…查看更多

呢間街口嘅西餐廳，評價一直都唔錯，見佢換咗新餐牌，就去試吓。一入餐廳，就俾佢棧大水晶燈吸引咗目光。柔和嘅燈光，令人入到去好放鬆。餐牌上邊選擇都唔少，大部份係類似西班牙菜，佐酒小食咁樣。啤酒選擇仲有幾多，有香港嘅手工啤飲！小食我哋叫咗一個鴨肉生菜包，細細件可以用手拎住食。鴨肉上邊加咗少少燈籠椒辣椒醬，有微微嘅辣味，同個鴨肉好夾。加埋生菜同埋入邊嘅蕃茄粒，味道好清新！另外都叫左個水牛城雞翼，雞翼新鮮炸出嚟，好香脆。上邊嘅酸辣汁味道都啱啱好，唔會太辣。加埋一杯香港手工啤，正呀！🤪我哋仲叫咗個蘑菇湯，入邊食得出一粒一粒嘅蘑菇，真材實料！主菜非常精彩叫咗一個經典嘅fish and chips, 一上枱見到咁大份，嘩左出聲🤩件魚肉雖然大嚿，但係肉質都好嫩。兩個人食，差啲食唔晒餐廳仲有兩部大電視，可以睇波添得閒經過大圍，會再嚟食多次👍🏼👍🏼…查看更多

今日特登訂咗枱嚟呢一間好出名嘅雞煲食飯。佢哋點喺正旺角中間位置，好方便。搭lift直上就到。😙lift門一打開就見到一個好長，好靚嘅魚缸，估唔到一間專食雞煲嘅舖頭，都可以見到咁有心思嘅佈置。打開餐牌，雞煲嘅選擇好多。有辣有唔辣，仲有啲魚翅，花膠等等高級嘅選擇不過今次想食返佢嘅招牌，重慶麻辣雞煲！因為得兩個人，叫半隻雞，份量啱啱好。我哋唔太食得辣，所以叫咗BB辣。雞煲一上枱，有火爐一邊加熱，食起上嚟暖粒粒😚雞嘅辣度啱啱好，有浸甜甜嘅醬料香味。肉質都唔錯，好滑。食完雞煲，叫侍應加咗清湯落去打邊爐。叫咗一碟牛肋排，招牌嘅芝士響鈴，手工雲吞，仲有啲蔬菜。牛肉每塊都有啲厚度，食落牛肉味好濃。蟹肉雲吞嘅蟹味好出，感覺到係真材實料。重點嘅芝士響鈴，啱啱炸起就上枱，仲係熱辣辣。入邊嘅流心芝士好正！以後食雞煲都會選擇返呢一間🤪…查看更多

今日行街經過尖沙咀，有啲肚餓，搵間嘢食食個下午茶。😋☀️見到呢間台灣野喺正街口，行到攰就入咗去坐。一睇餐牌，估唔到佢店仔細細，食物選擇都好多👀 有台式飯，面，鹽酥小食，涼拌小食……今日見唔太肚餓，就叫兩個小食試一試！叫咗一個芝士粟米蛋餅，同埋一個甜不辣🤤佢嘅食物係即叫即整，上到枱熱辣辣。炸物好脆。甜不辣外脆內煙韌，上邊諗咗一啲照燒醬，好惹味。佢哋雖然係炸出嚟，但係一啲都唔油。蛋餅分量十足，一個人食都差啲食唔晒。入邊嘅計時份量好多，有拉絲嘅效果！粟米亦到唔少，每一啖都有粟米同埋芝士，好夾🤤🤤呢間小店嘅服務都唔錯，店員們都非常有善。可以喺尖沙咀呢個鬧市入邊，有一間小店可以坐得舒舒服服，take 個break, 非常唔錯!…查看更多

喺商場嘅超市隔離，竟然有一間咁日式，專門食牛扒嘅舖頭！鋪面嘅裝修好靚，座位都好好坐。詳上邊仲有一張發光嘅牛，上邊用日文寫住唔同嘅部位。呢間舖嘅設計係要客人去櫃檯自己落單嘅。櫃檯隔離嘅雪櫃，入面放咗唔同款式嘅牛扒，望落都好新鮮，可以睇啱先揀食邊一款😋我今次就揀咗西冷，300g。係prime級嘅。睇住師傅將原件西冷牛扒，放上砧板，切出厚厚嘅一塊肉俾我🤩之後就攞咗入廚房整了。返埋位等咗一陣之後，牛扒就準備好了！我叫嘅套餐有沙律，日本白飯，同埋蒜蓉油淋喺肉嘅上面肉係鐵板上熱辣辣，本身大概3成熟，可以自由喺鐵板上煎出想要嘅熟度。枱頭有黑胡椒，同埋喜馬拉雅山岩鹽比你調味～～塊肉嘅質素非常好，牛肉味好濃300g對一個男人黎講都好足夠，食到好飽。食完咁多肉又有力做gym了🤪💪🏽…查看更多

紅磡本來就有好多嘢食，搵到一間有日本人主理，正宗日本餐廳。佢係一間日本嘅烏冬餐廳，開咗嚟香港。😃😃入邊除咗烏冬之外仲有好多魚生，同埋日本居酒屋嘅嘢食選擇！我哋叫咗個番茄湯大蜆烏冬，燒牛肉冷烏冬，同埋兩件中吞拿魚腩壽司。一冷一熱嘅烏冬可以試晒佢哋兩種質感。呢間舖頭用嘅烏冬係比較幼身😍但係都非常彈牙。蜆肉非常新鮮，冇沙。蕃茄湯亦都好足料，淡淡蕃茄肉。燒牛肉冷烏冬上面嘅牛肉都好香，好似西餐牛扒嘅質素😮吞拿魚壽司嘅魚質新鮮，中規中矩。晚飯時間需要等一陣位，但係都非常值得。…查看更多

今日嚟到鑽石山搵嘢食。見到呢一間日本餐廳，裝修好靚，餐牌網絡都好吸引，就入咗去食。😃$3入邊選擇非常多，有前菜，主菜，甜品都有好多選擇。😚特別嘅係佢成個餐牌都係用雞蛋做主題。我哋叫咗一個薯仔沙律，黑松露意粉，玉子燒，仲有個焦糖燉蛋添！😄薯仔沙律上邊有一隻半熟蛋，仲有沙律菜。菜都好新鮮。黑松露意粉上面都有一隻溫泉蛋，撈埋一齊黑松露味好香。玉子燒總共有五隻味，每隻味都各有特色。魚蛋本身嘅生熟程度啱啱好，好滑。最後一個焦糖燉蛋個甜品本身都好滑好好食😋…查看更多

週末時間，喺旺角想搵間好嘢食，有時都唔容易。人又多，餐廳好多時都要等位。行過家樂坊見到地底有幾間嘢食冇乜人，環境有幾闊落，就決定試一試。星期六嘅中午，都有提供午餐優惠。有好多款台灣麵，同埋飯嘅選擇😋我哋揀咗一碗酸菜魚麵，同一個肉燥撈麵。每個麵餐都有幾碟嘅配菜，有麻辣豆腐，涼拌魚皮，麻辣鴨血等等。佢哋細細份，但都好好味，麻辣汁非常入味。辣到適中，但係平時如果唔食得辣，就可能要叫杯嘢飲。午餐叫台式飲品仲有半價優惠，大大杯非常抵飲。🤩酸菜魚麵入邊有好多魚片，非常足料。我肉操撈麵亦都唔錯，肉操嘅味道煮得啱啱好，唔會太鹹。👍🏼👍🏼兩人入座，都有得坐大沙發，好舒服。我見到其他食客都有啲坐好似Cafe咁樣嘅枱，環境都好好。旺角又多一間高質素餐廳…查看更多