Kate chan的个人专页

店員態度非常友善，尤其店長四眼哥哥係忙到飛起既時候態度依然親切友善，簡直係仆心仆命式招呼客人(地板有油，佢鞋底太滑，仆親兩次，好慘)食品推介：豬腩肉，肉醬，豬腸，墨丸真心好好食食左兩次第一次小鍋米線酸辣湯，小小辣，一飲湯底有驚喜，真係湯底一流，食左唔口渴，食到最尾撈埋啲肉碎黎食，好耐冇試過食得哂成碗米線，好食到全清，十個讚啦第二次食小鍋米線胡椒麻辣湯，一飲湯底好似無乜特別咁，但食下食下食落有後勁，有麻辣得黎但又不失有胡椒味，食完又係唔口渴，不錯…查看更多

是晚同屋企人食飯，早到左半小時，身穿黑衫，頭上有紥辮既男店員遠處見我攞住蛋糕，就二話不說主動幫我冷藏，服務態度非常好，又會主動幫客人燒肉，又問使唔使幫我哋影相，又會不厭其煩教每枱客人技巧，細心，好到不得了👍🏻老實講句，餐廳肉就其實一般般，牛肋骨好食，雞肉正常，豬就冇下次，人蔘雞好味精但食既時候服務好加重分，真係食得好開心！到尾聲，埋單，出櫃枱埋，個藍色衫既肥經理收錢態度衰到貼地，無尾音加鄙視眼神(可能佢未瞓醒)問我邊張枱，我指住遠處唯一一張冇人坐既枱，佢燥住問我『咁姐係邊張？』😮‍💨大佬我係度做咩，點知啫⋯⋯態度係好不知所謂，點知黑衫哥哥一見狀況就即刻衝出黎解圍，話比佢經理知係幾號枱，我攞現金，佢等緊個樣好似我浪費緊佢時間咁，頂～受氣，完！…查看更多

凍凍地搵地方食lunch，周圍都勁多人，經過見到呢間小鍋霸，入面人唔多，環境清靜，見環境舒舒服服就坐低，然後點左個台灣藥膳椰子雞湯雞米線，一送到黎熱辣辣，湯底乃白色，望落啲雞似新鮮雞，飲一啖湯，超濃郁嘅椰子味，清甜，實在太清甜，入面有紅棗同圓肉，睇到都覺得補身，食落啲雞確實係新鮮雞，不過啲雞一般，肉唔夠滑，米線係一流嘅，煮得又唔會太過淋，又不會太硬，啱啱好，結果成碗米線加湯比我清哂，好食，呢間值得再嚟。順帶一提，員工服務好好，三個員工三個都好有禮貌！…查看更多

啲野食已經唔係好食，啲呀姐態度真係西到暈，串過碼頭咕喱，問親可唔可以個答案都一定係『唔可以』，今次冇叫涼伴，叫麻辣燙，問你可唔可以比幾粒風味豆試下，因為上次叫涼伴冇要到，而家想試下睇下好唔好食，即刻好似攞佢條命咁，西聲西面咁講『麻辣燙係冇架喎，有既會比你架啦！』🙄我咪就係知冇所以先問可唔可以比囉，如果本身有，我就會叫你比多啲定少啲啦！你哋咁唔識靈活處理，個個呀姐老細上身咁，唔再改下啲態度，成個太子居民都會抵制你地，等執粒啦～拜拜…查看更多

疫情期間夜晚想搵好嘢食都好有難度，夜晚10點幾見肚餓，仲要突然泰國菜癮發作，就行過深水埗搵下野食，行行吓見到呢間泰國食店有開仲開到凌晨兩點，嘩！當時乜都唔諗，即刻試一試佢啦！點知⋯⋯一試難忘，當晚點左個鹽燒烤魚，個size喜出望外，勁大條，大條到個盒都放唔晒又厚身，燒得啱啱好，魚肉濕潤滑嫩，魚鰭位置魚油味重，非常好食，價錢只係128，絕對抵食！呢條魚簡直係驚喜，深小埗小店有如此性價比高出品，正！質素絕對拍得住九龍城大店！…查看更多

慕名而來初試傳說中好食到爆嘅牛，可惜⋯⋯牛肉本身唔靚，冇牛味，仲用了大量鬆肉粉導致到牛肉冇左牛肉應有嘅彈性，老實講句，真係食咗舊牛都唔知原來係牛Btw賣相係ok既~至於個忌廉咖喱烏冬，係好食既～其實個pat淡忌廉有冇都冇乜分別，應該話冇佢會更加好食另外點左杯紫薯latte，中伏～叫latte跟本就唔係latte，半滴咖啡都冇，只係杯伏到不得了既紫薯粉溝奶再加pat忌廉係面🤦🏻‍♀️成杯野無味架，問店員乜latte唔係應該有咖啡架咩？但就當聽唔到不作回應…查看更多