Liliyeung7373的个人专页

今日親戚來香港探親，我帶佢食中午飯，揀左正宗順德菜，叫左一煲湯和店長推薦兩三道小菜，第一道係天麻川芎白芷燉大魚頭湯，餐廳服務好細心，店員上湯時分好湯渣出來，一睇賣相就知足料啦，陣陣藥材味，雞腳好腍連骨都咬得爛，好夠火候，以為魚頭加雞腳會好油膩，但一啲都唔油膩，好飲，正！呢排天氣又雨濕濕，濕重頭痛好岩飲呢個湯，煲湯好大煲，每人飲兩碗仲要剩，最後打包返去晚上再飲。揚明四海瓦罉煎焗魚咀賣相好靚，上左枱先開煲蓋，熱辣辣，香噴噴，魚頭需要切開一半去煎，但煎得外脆香口又入味，食住魚頭睇住店中大魚缸，食得特別有鮮味，其實一人一邊剛剛好份量。成名脆皮咕嚕肉，呢個係我最愛，連我親戚食過都話有水準，因為唔咕嚕肉炸得剛好，肉係半肥瘦豬肉，甜酸醬包住脆皮又包住入面豬肉，有口感有層次，不是外面餐廳食果啲一咬成舊又粉又唔脆，加上甜酸醬調得剛剛好，醋味唔太重好岩小朋友食，一定要點呢個，冇得輸。炸物係好考廚師功力👍🏻讚！籠仔梅菜蒸菜芯遠，睇落好普普通通，用荷葉墊底，得菜芯頭和梅菜碎放面去蒸，以為好清淡，食過又唔係想像中甘樣，梅菜清甜唔會好咸，每條菜芯都係粗幼適中，通常菜心頭係好難咬斷，估唔到又嫩又易咬，配梅菜味道好夾，以為荷葉係裝飾，原來食住時會聞到荷葉清香，有令一番風味，親戚話佢覺得呢道菜有創意，會返去自己試煮。…查看更多

呢間coffeeshop係長沙灣c2出口行3-5分鐘就到，雖然附近有幾間coffee shop，但係呢間係位於長沙灣天主教中學對面，開放式設計，落地玻璃又開陽，一眼就見到佢，俾人一種舒適感覺。又光線充足，最重要影相打卡時特別靚靚🥰同閨蜜一齊點左幾個野食，我哋女仔食得少，所以嘢食有質素好味，但份量適中，甜品蛋糕又唔會太甜，好啱減肥中女士們🤭講到價錢中位，可以接受，我同閨蜜可以慢慢食慢慢傾。下次會再來幫teatime😘👍🏻大家都可以來試一試！…查看更多

長沙灣都有好多漢堡包店，呢間真係特別之選，素牛肉漢堡配薯條🍟牛扒都有素的，真係諗你都好健康，佢整到同一般牛扒嘅顏色一樣，色香味俱全，食落去真係好似肉質，黑醋汁甜甜酸酸咁，好開胃，麵包烤過好脆脆.....麻醬沙律菜中和左炸薯條嘅油膩，粗身既炸薯條，整個餐都係$46！價錢唔算太貴，起碼食得飽肚😉👍🏻另外我叫左杯金橘檸檬🍋可以舒緩一下炸物的熱氣😆店舖環境唔算太大，裝修有獨特的風格，紅磚牆既設計，加上黃色橙色鐵櫈，深啡色嘅工廠枱，有特色有心思既餐廳，打卡影相都得😉👍🏻下次我會同朋友再來幫襯🤪…查看更多

豬潤麵🤤奶茶🤤咖央西多👏🏻👏🏻👏🏻👍🏻呢幾樣係我最愛，每次都會叫來食，豬潤麵可轉米粉，減低卡路里，我係個怕肥既肥妹仔😂味道一樣甘正，米粉同麵一樣吸曬豬潤湯精華👏🏻😆加上主角又滑又嫩豬潤，真係難忘滋味😆👍🏻夏天來緊，一定會叫凍奶茶☕️佢地既奶茶用茶膽沖出來，好有茶香味，門口已經聞到啦🤪香港人，每日一奶茶就必飲架啦，返工先有精神😏通常有同朋友來，千萬唔好諗住呢度可以慢慢傾計慢慢食，因為間店唔太大，但要同其他人一起坐，加上門口長期排住隊，你如果想長時間談天說地就唔建議呢度啦！😊但有朋友一起來食，就可以叫多個咖央西多，馬來西亞既醬料放在西多中，好有風格又好味，與眾不同🤪👍🏻👍🏻👍🏻我呢d特發性幫襯既客仔，少食多滋味，多食就變肥婆啦🙈…查看更多

自從愛群裝修後，冇點來食野，還記得以前.....同三五知己來食牛扒，有講有笑😊最記得嘅事佢嘅牛扒餐，牛扒用鐵板上，新鮮滾熱辣🤗價格又平....起碼嗰個時候自己係學生時可以畀得起價錢！加上羅宋湯...係最好味既，又辣又好味，足料架！🤪今日一早去食左個早餐，原來都有驚喜😆👍🏻叫左個D餐，因為其他餐廳冇既，見佢獨特就叫來試一試，點知好大層油係面😭又辣又油😩呢下做得唔好羅🤦🏼‍♀️配左火腿奄列加多士，多士有一大塊，比起其他餐廳大方好多，成個餐大大份又飽肚，水準都可以呢😊怕肥朋友可以食麥皮餐，清清地....😆原來仲有即磨咖啡☕️🤤真提神👍🏻😆…查看更多

今晚公司請食飯😆慰勞一下工作勞心勞力既員工，即係其中一個係我啦😂雖然我地8個人叫左7個小菜！都已經食到滿載而歸，肚飽飽啦🤪第一道係宮廷御用鮮螺頭燉雞湯，真係好飲呢😆👍🏻清而不油膩，又好足料，哇，正呀👍🏻又食左第二道菜，千島大蝦球😊我好鍾意呢個菜，大蝦上碟做到外脆內爽口彈牙既大蝦，又有新鮮嘅水果沙律撈勻,好清新又健康👍🏻😆忍唔到口食左好多🤦🏼‍♀️真係好味架🤤最值得推介嘅係第三道菜，太子成名脆皮咕嚕肉，真係食落口外脆內軟，肉質柔嫩，唔使一陣公司成班友仔已經清左大半碟😅值得推介👍🏻接着係第四道菜係蒜子生扣珠江花錦鱔皇，真係肥美多肉又嫩又滑.....🤤👍🏻值得推介嘅菜式，雖然有少少油膩，難得一食再食也可以😆今晚注定要做肥妹啦！來都第五道菜真係有啲飽飽地啦🤪充滿骨膠原的菜色🤗成為女士最鍾意食既魚卜，又爽又重膠質，真係諗起都變靚靚啦😆👍🏻有西芹嘅配搭真係好夾，食落一啲都唔油膩👍🏻第六道菜更唔少得係食雞啦😆得獎銅盤蒸污糟雞🤪雖然唔明白點解改污糟雞甘既名😂覺得好好笑，一啲都唔污糟喎，仲好鬼好食添，又嫩滑又好味😆👍🏻最後一碟菜式係特色梅菜蒸菜遠😂唔知點解蔬菜會最後先上，我鍾意食咗清淡先再食濃味既野，但係呢個菜都好快手俾我地食清光了😂可能啱大家口味，真係好清甜又嫩又有梅菜口味😆👍🏻我飽住肚都食左幾條，唔執輸呀🤗食左一餐好野，呢間酒家有料到🤪哇....連法國🇫🇷藍帶，騎士勛章都有👏🏻👏🏻👏🏻西利西利.....我最中意呢間酒家特色係有一個大魚缸近入口附近，見識到特別大條既啜魚😜真係有口福又有眼福👍🏻😆老細話下次又來食多次😆👍🏻我諗起都開心....🤤…查看更多

😆食壽司來來去去都係佢呢間啦！分店又多，環境裝修坐得又舒服😝最欣賞佢係.....卡位可以坐到678個人，一班同學朋友來食野冇有怕啦👍🏻😆新出點餐服務，電子化.....真係好方便！見到店內得兩個侍應，當時唔習慣呢個電子點餐服務，唔識操作就問侍應，服務態度一流，有耐性解答你！可以慢慢點自已來食既壽司....最中意炸蝦壽司，三文魚腩壽司，牛油壽司卷，仲有最愛嘅小食炸雞軟骨....可慢慢點完一轉食完又點一轉😊每次都會由小火車🚄把壽司送到來你餐桌邊😆👍🏻好玩又好食......留低一個美好的回憶！…查看更多

同朋友食飯🤪朋友介紹我試一試呢間餐廳！一入到去見到特別嘅裝修環境，真係留下難忘的印象😊雖然地方細細， 音樂柔和唔會嘈親我哋傾計😆我最欣賞佢嘅Menu，係一本充滿旅行氣息嘅筆記本，貼滿左旅遊嘅相同食物，食物嘅分類方法相當特別，海鮮會寫「FROM THE SEA」，肉食會寫「Lone Travellers From the land」😆👍🏻每款肉類嘅旁邊都有相當可愛嘅動物小圖案，留意到這些細節位置，諗落真的相當有心思！令人有舒服又窩心的感覺......我今次叫咗杯Green Tea Latte , 侍應話係冇咖啡因嘅飲品，畫花好特別又靚，飲落有少少夾但係奶味真係好濃，都係唔錯架😆下次再試下其他野食先.....…查看更多

偶然午餐的時候都會去食一食呢間招牌黃鱔小窩米線🍜雖然店舖內面積不大，一到中午好多客人，好熱鬧，一定要同別人搭枱食😅我唔太介意，係覺得有少少迫，黃鱔小窩米線價格唔平，再加一罐可樂，真係好大碗，好飽肚,又有特色！😜味道雖然有少少辣，但係加罐可樂真係一流，原本想要咖啡奶茶解辣，可惜沒有水吧奶茶咖啡提供，只有可樂罐裝飲品😅呢一點有不足......都唔敢叫太辣😝額外叫多炸雞翼三隻，一樣好有水準！如果覺得太油膩，原來餐廳內有飲茶茶壺茶杯提供，俾每個客自由斟，好貼心又方便😆👍🏻…查看更多

公和豆腐店☺️裝修完之後第一次幫襯，每次都叫煎釀魚肉豆腐，豆腐花，豆漿😊👍🏻真係好正架....好多客既店......雖然店內面積唔大，但係裝修好有特色，客人都係快食快走的☺️👏🏻每次嚟到食都會打下卡留記念😎都會見到唔少遊客喺度影相打卡加食豆腐花🤩在左近連住有間賣小食嘅店，特別有得賣檸檬薏米水，好正架，去水腫美白一流！夏天特別鍾意去呢間野買，或買杯凍豆漿........也是超爽的😝👍🏻…查看更多

每次約朋友食早餐都會係呢間賓墟，每次叫雪菜肉絲米早餐，有半塊蒜蓉多士，炒滑蛋😆👍🏻佢嘅雪菜肉絲米好特別，有少少微辣，好好味😜呢間餐廳仲有即磨咖啡☕️好正呀！最啱我呢啲夜訓既人，飲完一杯先撐到一日忙碌工作☺️偶然都會飲滑滑的奶茶☕️🤪兩者都係我最愛.......同朋友傾一傾計，有時會傾左一個半鐘，店內的服務很友善，唔趕客😆👍🏻唔怪得有不少熟客仔幫襯！店舖座位好多，近門口嗰邊都有幾張卡位，有落地玻璃，光線一流😊我鍾意自然光的餐廳😆👍🏻…查看更多

記得第一次去長沙灣森記餐室飯店食黃袍叉燒飯，真係食過返尋味，又大碟又多肉，啲叉燒又諗又大嚿，我一個女仔係食唔晒嘅，但係一次過食晒一定會肥爆！炒蛋又滑又香，好夾到叉燒飯味道！加上蔥油醬，撈勻先食，真係肥多10磅都要食晒😆所以叫咗杯凍檸茶走甜去一去油膩🤪而家每一次去森記都會叫呢個黃袍叉燒飯，偶然開心一下都唔錯呀😊我朋友食完都話會推介比其他人👍🏻😊呢個環境又好又坐得舒服又大，有時候一班人嚟食嘢都容納得到👍🏻😉可以下次叫公司班同事來.....…查看更多

呢一間鋪歷史悠久，雖然裝修有點懷舊，有道地茶餐廳的味道，每次坐低都不忘地叫一杯奶茶，濃郁香醇美味可口.....🤤👍🏻每次都會奶茶上癮！佢全日都可以叫早餐午餐特餐😆但係我最推介嘅係炒飯系列🤪特別係楊州炒飯,西式炒飯,午餐肉煎蛋飯,芙蓉蛋飯......又大碟又好味，每次食完炒飯都會好滿足好飽肚，有種感覺三日都不用食飯了😂有時候下午茶可以叫一杯奶茶加酥皮蛋撻，真係好嘆㗎，同朋友坐低傾吓計，見到餐廳裏有好多熟客，呢間餐廳一定老字號，聽老闆講話睇住好多熟客長大，又見到啲侍應年紀唔細，都服務左呢間茶餐廳好多年，佢哋做嘢好有效率又有禮貌，整體來講值得推介👍🏻👍🏻👍🏻…查看更多

上次行街經過，見到呢間特色嘅漢堡包店，見到餐牌價錢實惠，望吓銀包自己食得起，就行入去幫襯下啦😆叫咗個特色漢堡包大約50幾蚊，加左一杯芒果梳打冰又叫炸洋蔥圈再叫一份黑松露薯條🍟哇.......兩個人食到飽....真係好豐富既午餐！🤪唔知要做幾多運動先至可以減到呢d卡路里，偶然食一兩次其實都好滿足，減肥就遲d先啦！😊🤤食得開心先最重要，我哋坐左兩個幾鐘都未願意走，服務態度幾好👍🏻😆餐廳環境設計得很特色，雖然店不大，食得舒服又開心！抵讚👍🏻…查看更多

☺️今日放假去旺角行街，諗住自己一個睇場戲，但行吓行吓有啲肚餓，諗住坐低食餐好美味嘅午餐，經過家樂坊附近，見到桂林夜市呢間小食店，好有特色，好多人排隊買小食，見到有一味新奇有趣又重口味嘅避風塘炒蟹炸豆腐😆見到價錢有啲貴，最終都忍唔住買咗試一試，即叫即炸，新鮮熱辣又好味，獨家嘅醬汁小辣，炸豆腐好鬆脆，內裏微微熱有口感，同煎釀三寶嘅豆腐唔一樣，真係好獨特有創意😉👍🏻另外叫多一串滷水雞腎，自己加咗甜醬同芥辣醬，係我最鍾意嘅食法，大家都來試一試，我見到有遊客影相打卡又分享，我都忍唔住要分享一下😊🎊🎉…查看更多