jjc666的个人专页

甜牙牙都有幾間分店。今次係食屯門呢間。環境：好細，枱放到密密麻麻。坐得唔舒適。服務：人手少。食物： 香蕉雲呢拿pancake - 食完唔知自己食緊咩！pancake冇質感，食落去乾巴巴，鬆、散哂！好難食！香蕉都俾佢拖累，雪糕普通平價果種。總結：好差！唔明點解仲一直咁多人幫襯，價錢又唔平，大家係咪為影相？係⋯賣相幾好，但我接受唔到食呢啲唔值得擺唔入口嘅甜品。想食甜品就想開心，點知中咗伏。冇下次，有人請都唔想食！飲品選擇好少！食完好口渴！淨係餐有杯茶，唔好飲。…查看更多

今日行過v city，買一盒6隻嘅泡芙，今次仲有hello kitty盒裝住！泡芙好新鮮，外脆內軟！買咗朱古力味同原味。2款都好正，入面嘅cream好滑，又凍，有啲似雪糕！即刻食會好食好多，因為我留咗一隻第二日先食，放喺雪櫃，第二日食已經明顯冇咁好食，但都唔錯！所以建議即買即食！價錢6隻around $100…查看更多

今次行屯門一趟，因為係假日，所以夜晚要搵間餐廳食餐飯都難，因為我地唔想浪費時間排隊。所以我哋就嚟到安定新翻新嘅呢個商場，去「經典㕑房」。環境：位於屋邨附近，店內環境大，裝修簡陋，有一種平民嘅感覺。㕑房外面係玻璃，所以睇到好多㕑師。食物：（1）紅燒龍躉扣 - 味道好似太濃！（2）油泡龍躉 - 太油（3）薑汁芥蘭 - 煮得啱啱好，唔會太老！（4）貴妃雞 (半隻) - 幾嫩，ok（5）咕噥肉 - ok，脆口。但汁都未撈好就上咗枱，有幾塊都未沾哂汁。服務：待應有禮貌。總結：平民酒家。食物唔洗等好耐就有得食，價錢平。中規中矩，貪佢唔洗排隊！…查看更多

喺銅鑼灣，我同2個朋友第一次嚟到呢間cafe！環境：舖頭入面主要係白色，加上白光照落去好有乾淨嘅感覺，所以喺到食cake覺得舒服。我哋嚟果時仲冇咩人，所以夠靜！食物：（1）芝士蛋糕- 有隻朱古力甲蟲喺上面好cute！芝士味、質感啱啱好，唔會覺得太甜。（2）朱古力蛋糕- 甜道適中，但冇乜驚喜。（3）檸檬mousse蛋糕（應該係）- 普普通通，同市面上賣嘅差唔多！價格：略貴服務：店員態度好，會主動介紹蛋糕，有禮貌！總結：同三五知己嚟食個下午茶都ok！最緊要地方環境好，唔多人！…查看更多

喺荃灣shopping完，見肚餓就貪方便揀咗譚仔食米線。因為平日，所以當然唔洗等位！環境： 店面細 枱唔多 但都坐得舒適，ok嘅！服務：我哋未嗌嘢食，就有待應俾咗張隔離枱嘅單我。做嘢有啲馬夫，之後嗌咗個雞翼，食哂成碗麵都未嚟！又聽到啲waitress好亂咁問對方啲食物係邊張枱。好似佢地都新嚟，好混亂咁。食物：（1）肉腩豆腐卜荳芽米線 #$31（唔辣) - 唔好食，雖然話清湯底，但米線同個超級清湯好似2個個體咁，唔入味！米線份量多！（2）香草新疆雞翼 #$19（唔肯定個名）- 幾好食，脆卜卜，但可能唔係個個鐘意果隻味。價格：算平！但唔好食就會覺得$31都唔想俾。總結：建議食其他分店，因為真係唔一樣！ …查看更多

經過開咗多幾間分店嘅抹茶館，就決定嚟個下午茶！基本上叫得抹茶館，當然三分之二嘅甜食同飲品都係抹茶啦。但除咗甜食，仲有熟食，好似拉麵咁。不過下午茶都係鐘意食啲輕食甜品開心下。今次嗌咗個（1）「抹茶軟雪糕白玉餡蜜」- 抹茶雪糕唔錯，唔會太甜。生果唔太新鮮、底下的無味啫喱物體好難食，唔知咩嚟;（2）「什錦銅鑼燒」- 雪糕ok，但唔會話好好食，銅鑼燒質感差，食一啖已經覺得好乾，似乎用料差，又唔香口。失望! ;（3）「焦糖香蕉忌廉銅鑼燒」- 失敗。得香蕉放得落口。環境: 嘈，因為多人。有開放式廚房，不過冇乜野好睇。總結：又要等，又要唔好食，價錢又唔係特別平，得個樣。失望！ …查看更多

下午茶，嚟到「靠得住」。原來呢間餐廳賣嘅食物種類都好多，粥粉麵飯實有樣啱。下午茶時段仲有更實惠嘅套餐，好似我今次嗌咗（1）混醬腸粉，再加錢嗌咗碟菜。- 好食，皮滑，又夠熱！（2）餐飲嗌咗冰震奶茶。- 茶味太重，不過真係夠冰震！（3）仲嗌咗皮蛋瘦肉粥 - 中規中矩，好熱幾新鮮，灘咗好耐先食得。其實總體都ok，野食選擇多係賣點，下次會再幫襯其他分店。…查看更多

大約2點鐘經過Delifrance，見到原來佢地已經唔只賣麵包、輕食同早餐，仲慢慢連主食都sell埋，即管一試！當然唔洗等位啦，不過就冇乜service 㗎喇。嗌咗3個意粉，都好一般，但唔會話難食，但就覺得唔值，$60-80。轉凍飲加+4。我個雞肉菇意粉連餐有沙律送。不過好難食 卡邦尼意粉就太油，好似煮法唔太正宗？蕃茄肉醬意粉普通啦。凍檸茶冇味，難飲下次唔會再食可能會買麵包啦 …查看更多

嚟開元朗，當然要一試名氣十分之大嘅華嫂冰室啦！坐朋友車靠google map搵到個空擴停車場，好多車位，所以又唔洗等嘅 但係要食好嘢就冇得唔等喇！ 一去到當然要攞飛啦！一開始見到坐滿哂其實想放棄，唔再等落去 ，但後來發現人流都去得幾快。不過都等咗大約35分鐘先到我哋。嗌咗(1)蕃茄豬扒通粉 - 蕃茄底好rich係特點！通粉好難話特別好食嘅。豬扒有啲太un。(2)招牌茄蛋菠蘿油 - 對菠蘿包內脆外軟、好香好食！蕃茄同蛋都好鮮甜但我食落覺得好似同菠蘿包係兩個個體嘅感覺，唔太和諧。(3)凍奶茶，夠冰夠凍夠fresh價錢: 飲品同包都只係十幾蚊，粉麵大約三十幾蚊，實惠地方就一定唔夠大嫁喇，位置供應實唔夠需求多，所以就算每日多人排隊都冇辦法。所以要食就一定要預排隊㗎喇。俾我就唔會突登嚟食，除非嚟開元朗啦…查看更多

今次嚟到銅鑼灣食韓燒！經朋友提議下決定提早一日訂定位，make sure有得食。當日因為朋友們提早到達，又想早啲搵個地方坐下食住嘢傾下計，所以就打去餐廳問:「可唔可以提早一個鐘嚟？ 」最後當然得咗啦！嚟到時間差唔多6點鐘，見到有好多空位，間餐廳幾靚，睇得出有花心思裝修。地方又夠大，唔單止可以容納好多人，仲坐得幾舒服！之後我地就嗌嘢食，諗咗好耐都唔知嗌咩好，好彩冇人催我哋。我哋食量唔多，嗌咗個魚餅、鹽牛肋肉（regular size) 、同埋㷈制過嘅雞肉。食物嚟到，覺得食物一般般，冇驚喜，所以換來失望。（1） 前菜不過不失，對薯仔印象深刻，好食！（2）牛肋肉冇乜味，需要燒烤後用醬汁先覺得ok；（3）雞肉相比下好食！夠入味，肉質都幾嫩；(4). 魚餅，失敗之作！冇乜魚味食物份量都幾大份，三個要食哂都幾難，飯後仲有三小片西瓜同每人一小杯維記雀巢雪糕送，呢點都算貼心！不過論美觀可言，俾多幾塊西瓜會更好價錢方面： 我們一共3個女仔，around $168/per person價格略貴，好似唔多值，不過同一班朋友嚟食個飯都ok嘅！不過就唔好expect會有咩驚喜。…查看更多

今日經過屯門置樂 見到新開冇耐嘅「豪大大」炸雞店又開分店。終於可以一試，因為冇人排隊！嗌咗個下午茶餐，$48，包一pack 炸雞、2塊雞排、一pack薯條(不過我改咗轉炸蕃薯)同2罐飲汽水。幾抵食！即炸，夠哂熱。雞排最好食！炸得岩岩好，好脆好juicy！雞肉又嫩唔老！正！炸雞塊就冇咁好食，炸粉好似多咗啲，肉質都冇雞排咁嫩，一般般！炸蕃薯條就一般啦，因為本人鍾情脆卜卜嘅炸物，而炸蕃薯條又唔脆，蕃薯又唔係太甜。所有份量都好多，食到飽，2個人食都食唔哂，仲會有濟哂嘅感覺，所以真係幾抵食！…查看更多

今日經過「豪大大」炸雞店。終於可以一試，因為冇人排隊！嗌咗個下午茶餐，$48，包一pack 炸雞、2塊雞排、一pack薯條(不過我改咗轉炸蕃薯)同2罐飲汽水。幾抵食！即炸，夠哂熱。雞排最好食！炸得岩岩好，好脆好juicy！雞肉又嫩唔老！正！炸雞塊就冇咁好食，炸粉好似多咗啲，肉質都冇雞排咁嫩，一般般！炸蕃薯條就一般啦，因為本人鍾情脆卜卜嘅炸物，而炸蕃薯條又唔脆，蕃薯又唔係太甜。所有份量都好多，食到飽，2個人食都食唔哂，仲會有濟哂嘅感覺，所以真係幾抵食！…查看更多