又到放lunch時間，觀塘區工廠打工仔既我又煩惱緊食乜好。周圍都係等外賣排隊放lunch大軍，今日係open rice發現新驚喜。比我搵到一間新晉樓上叫‘未嘗不可’既外賣，竟然係賣炊飯。睇完個餐牌好有驚喜，主打營養健康，方便快捷，最緊要平得黎送嘢飲。😄😄😄 我抱住1516既心態，order一個$38京蔥煙鴨胸飯。就算唔好食都唔心痛，因為真係平同埋唔使同人迫食飯。上到去攞外賣，老闆娘好有禮貌招呼。見到有人喺度買辣椒醬，聽啲人係社交平台講好似幾好味,原來呢度都仲有老闆娘自家製既辣椒醬賣。老闆娘俾埋辣椒醬我試。試完不得了，啱晒鍾意食辣又食唔到辣嘅我。最終買埋一樽$20辣椒醬45g。 打開個飯盒溫度啱啱好，賣相唔錯，食落去啲飯好乾爽同埋少鹽少糖少油，有咬口有層次感，飯入邊有京蔥，菜脯，煙鴨胸肉粒。我手多多加啲辣椒醬落去撈啲飯，勁惹味下。份量啱啱好，加埋嘢飲已經好飽。建議大家試一試呢間嘢，平民價錢，健康好吃，又有印花儲吓換其他嘢食。
…查看更多
…查看更多
