littlegirlgoodfood的个人专页

依家天氣咁熱，小女子都鐘意食冰凍嘅甜品今次就去試近來好多人討論南山邨嘅南山白汁冰白汁芒汁西米碗面舖滿芒果肉，芒果好甜，完全唔洗驚酸:)仲伴有好多西米，值得一提嘅係佢嘅西米幾大粒，而且口感軟糯，同平時食開嘅比較嚟講幾特別而個雲呢拿沙冰甜度適中，好清爽，好適合熱辣辣嘅夏天食不過小女子星期六夜晚去食都好多人排隊，所以要試嘅就要預返等候嘅時間啦…查看更多

之前係太子附近見過呢間餐廳，search之後發現評價都幾好，所以最近去到長沙灣見都有分店就決定試吓佢招牌海南雞飯個冬瓜湯幾清甜，而海南雞飯配有三種醬料，薑蓉，辣椒醬同特製醬油，佢個雞肉非常嫩滑，薄薄嘅雞皮唔會感覺太油，配上醬汁同油飯係完美嘅結合恐龍美綠(加$12)恐龍美綠都好濃厚，唔會太稀，仲有一把小傘做裝飾幾得意，用嚟打卡就一流新加坡白胡椒排骨茶配白飯油條(凍奶茶加$3)呢個係用瓦煲上嘅，連埋小小嘅蠟燭保温底座，可以保持住排骨茶嘅温度。味道方面，佢無好濃嘅藥材味，反而係白胡椒味比較突出，有一份辛辣同鮮香，唔太食辣嘅小女子一開始都覺得個辣味後勁好大不過排骨吸收咗白胡椒嘅香味之後整體變得恰度好處，唔會太辣之餘仲增添咗一種香味豆卜吸曬湯之後充滿白胡椒嘅味道，至於浸過排骨茶嘅油條，吸收曬白胡椒香氣更別有一番風味凍奶茶就係比較有東南亞風味嘅style，味道偏甜，茶香有少少香料嘅感覺呢間餐廳嘅座位寬敞，而且價錢同食物質素嚟講，性價比都高，想食東南亞野食呢間係一個幾好嘅選擇:)…查看更多

小女子突然想食燒肉，又唔想食任食嘅太多，所以揀咗呢間餐廳，有得揀一人嘅燒肉set，而且剛好有個set有8款肉，可以滿足到咩都想試嘅吃貨LIKE ALL STAR 和牛套餐$128配和風湯同迷你沙律加白飯(份量可以自己揀)(牛五花，牛舌，日本產和牛肩胛肉，雞腿肉，豬五花腩，豬上肩，牛小排，牛板腱）呢個set主要係有多款唔同嘅肉類，不過除咗牛舌有5片，其他每款都係1片，和牛嘅油脂豐富，而且分布平均，真係有少少入口即溶嘅感覺另外比較有驚喜嘅係豬上肩，肉質好軟熟，唔會燒耐咗就變韌，其餘都正常質素，另外佢有8款調味料，而小女子覺得加原味BBQ醬或者蒜香醬油都好好味，加適量海藍同黑胡椒令牛肉嘅原味更加突出牛五花和豬五花腩套餐200g$78配和風湯同迷你沙律加白飯綠茶(跟餐加$15)呢個set得兩種肉類，但係按克數份量真係比較多，想食飽d嘅朋友建議揀呢種有重量標示嘅餐呢間燒肉都幾多選擇，而且價錢算大眾化，唔洗$100都可以食到，加上一個人都唔洗驚尷尬:)一個人又想食好d都可以考慮呢間…查看更多

小女子放假同屋企人去放鬆吓，呢間之前同朋友嚟過感覺幾舒適，所以專登揀返呢間All Day Breakfast 沙律菜、熱情果黑醋醬、薯蓉、烤蕃茄、芝士大啡菇、煙三文魚、煙肉、紐倫堡腸、時令水果、炒滑蛋、秘製焗豆、迷你牛角包全日早餐配搭豐富，熱情果黑醋醬沙律，酸酸甜甜好開胃，煙三文魚香得嚟有口感，提子新鮮，入口清甜爽脆多汁，令成個早餐增加咗一份fresh嘅感覺炒蛋嫩滑鬆軟，牛角包表面鬆化，內裏軟綿綿的，不過美中不足嘅係，當日嘅大啡菇竟然賣曬，所以先用炒雜菇代替:(Mocha (hot regular跟主食可以半價$26加)啡啡味唔會俾朱古力醬搶咗，絲絲甜味好易入口而且口感順滑，加上精緻嘅拉花，令人感到賞心悅目牛角包呢個大嘅牛角包表面無咁酥脆，但比全日早餐嘅迷你牛角包更多軟軟嘅質感呢間cafe環境舒適，又有bar枱個種高枱櫈選擇，而且唔會太嘈，好適合放假同親友聚會…查看更多

之前小女子同朋友嚟過食，發現佢嘅點心每樣都好大件又抵食，所以今次嚟多次食順便分享俾大家光記蝦餃皇唔好以為蝦餃一籠得兩粒份量小，但其實每隻都非常大粒係平時一般食開嘅double size ，入面包住滿滿嘅蝦仁，自然都有double口感同滿足感墨西哥叉燒包一樣係大大個，外面脆得嚟入面鬆軟，入面有熱辣辣嘅叉燒，食一至兩個真係會覺得飽飽的銀蘿脆皮腸呢樣真係唔係間間酒樓都有，而且好考功夫，佢即叫即製，所以新鮮嘅脆皮特別香脆入面滿滿嘅蘿蔔真係做到一絲絲而且好鮮甜，口感非常好，小女子寫食評嘅時候都好想再食多次雖然呢間舖頭地點唔太近地鐵站，但係食物質量幾好，性價比幾高，係想飲茶嘅時候一個幾好嘅選擇，但係舖頭座位唔多，如果想試嘅話，小女子就建議早少少嚟，因為佢開到六點咋:)…查看更多

平時都好少去間呢區，但係有次見到呢間細細間嘅cafe，價錢唔貴就試下，點知發現性價比好高！食咗幾次都忍唔住要share下比大家全日早餐(炒蛋，麵包，沙律，大啡菇，蜜瓜，煙三文魚，雞扒) $92佢份量好足，雞扒有兩小塊，麵包好軟熟，配埋牛油好正，炒蛋份量正常而且又滑，仲有多汁嘅大啡菇同整到花花外型嘅煙三文魚，比較特別係有蜜瓜，唔係間間cafe嘅all day breakfast都會有，食過幾次都覺得甜得嚟好清爽，係一個幾正嘅配搭牛奶咖啡 (特別注意！set lunch價錢已包)單價$38Weekend去cafe食all day breakfast會包埋杯咖啡真係好少有，而且仲有靚靚拉花，整體體驗良好雖然要自己去買同攞野食，但cafe唔太大間還可以，而且以呢個價錢可以嘆到全日早餐包埋杯咖啡真係性價比極高，至於舖頭地點都好近石門站，好方便，如果假期去食就要早d啦，lunchtime 都多人排隊…查看更多

之前同朋友去元朗想揾間cafe坐下傾計，之前經過見到呢間環境幾好就決定試試Light Breakfast(鮮莓乳酪，芝麻豆腐，熱情果 焦糖香蕉，大啡茹，牛角包窩夫，明治牛乳炒蛋，沙律，串茄)呢個breakfast嘅combination好豐富，個乳酪好足料，有提子乾，士多啤梨，奇異果，脆脆，所以口感幾好佢亦配有好多生果，焦糖香蕉表面嘅焦糖脆卜卜另外覺得個牛角包窩夫幾正，真係做到外脆內軟，就咁食都好味其他都正常水準Sourdough Toast(牛油果醬，水牛芝士，車厘茄，酸種吐司)個多士邊邊好脆，中間口感軟糯，同其他配料好夾兩杯咖啡拉花都好靚:)Latte呢杯就揀咗nutty味嘅豆，咖啡味好香，唔會太苦澀Mocha整體嚟講唔會太甜，平衡到咖啡同朱古力香味，如果怕咖啡太苦嘅朋友都可以揀呢款感覺呢間cafe採光幾好，感覺幾休閒，而且位置都容易揾到，野食方面質素都幾好，出面仲有d戶外位置，想同朋友休息傾計都係一個幾好嘅選擇…查看更多

有次同朋友去黃埔睇戲，就醒起順便可以食呢間長期都要排隊嘅車仔麵，去到舖頭出面雖然排咗1個鐘，但係又點會難到為食小女子今次叫咗兩個三餸車仔麵金錢牛肚$17豬紅$12蘿蔔$12油麵$13(加香辣菜甫，牛腩汁)牛肚每舊係幼幼哋，而且係煮到好軟，所以一d都唔會韌，豬紅口感爽滑，蘿蔔充滿水份，又唔會有渣，好清甜，油麵都有口感，軟硬適中南乳豬手$16五香牛根$17辣味魷魚$17幼麵$13(加香辣菜甫，牛腩汁)南乳豬手幾大舊，而且好淋，好易咬開，五香牛根每舊都好淋好入味，完全唔洗擔心會太硬，每條大小適中，份量都唔少，辣味魷魚就係分開上嘅，但係佢個辣味真係幾辣不過魷魚都幾爽口，如果食得辣係會幾正，幼麵有咬口，正常發揮，佢個湯有蔥同牛腩汁，所以都好香好濃味凍檸茶(加$9)招牌蜜汁叉燒串$34呢個都係嚟呢到食車仔麵嘅重要原因佢係即叫即整，所以熱辣辣，而且保留到肉汁之餘外面仲有少少焦香，加上蜜糖真係好正，平時都無特別鐘意食叉燒嘅小女子都覺得好好味總括而言，呢間車仔麵幾高質，足料而且每款食材質素都幾好，又有叉燒呢個高質小食:)所以都好值得一試，不過真係長期都要排隊，要試就要預d時間排隊啦…查看更多

之前一直好好奇點解呢間茶餐廳咁多人排隊，所以出開佐敦就決定同屋企人去體驗一下佢哋嘅服務同上餐速度茶餐$58(牛油方飽，火腿炒蛋，叉燒湯通粉，熱奶茶)個方飽烘到好香，表面有輕微脆脆哋，而且方飽係厚切個種，所以更加突出到外脆內軟嘅口感，牛油溶入咗個方飽令到成個飽更香更好味另外個炒蛋真係名不虛傳，非常嫩滑，仲好香好水潤，唔會一舊舊個通粉就正常，熱奶茶都好香濃炒蛋多士$28炒蛋配多士唔洗講一定好夾，值得一提係蛋嘅分量幾多，配同樣厚切嘅多士真係幾正經歷呢一次”體驗”之後發現呢間茶餐廳上餐速度真係好快今次同屋企人等咗幾分鐘就有位，入到去仲考慮緊食咩，好彩無侍應催我哋，一入去個侍應哥哥仲讚我⋯⋯個史迪仔掛飾好得意所以成個體驗都幾好不過温馨提示呢到只收現金…查看更多

之前放工終於約到朋友一齊食呢間bookmark咗好耐想試嘅pizza，好彩7點到都係等咗一陣就有位Grilled Potato Chicken Chicago (Honey Almond Edge) 薯角炭燒雞肉芝加哥(蜜糖杏仁邊)(雙倍馬蘇里拉芝士，芝士條，忌廉芝士慕絲，炒洋蔥，蘑菇，Maru 香雞，薯角，蕃茄，蜜糖，杏仁片，糖霜，意大利香芹，BBQ醬)個pizza嘅芝士拉絲真係好正幾種芝士配合一齊又唔會太濃同埋蓋過其他食材嘅味道，而且口感非常煙韌，有咬口，雞肉嫩滑，配上BBQ醬風味十足，pizza邊邊又有甜甜哋嘅蜜糖同香口嘅杏仁大大提升咗小女子嘅體驗Honey Butter Fried Chicken with Coin Rib 蜂蜜牛油炸雞配粟米燒 $139/6件炸雞幾大件，外脆內嫩好香口，而且雞肉充滿肉汁，蜜糖嘅甜味中和咗牛油嘅油膩感，兩者好夾，粟米切到細細塊好易食，蜜糖甜甜哋好好味Peach Lime Iced Tea $48成杯唔會好甜，好fresh，好適合配pizza，好解膩呢間整體嚟講價錢中上，不過真係幾好味，而且兩個人食兩樣已經好飽，鐘意拉絲pizza嘅話呢間幾正:)…查看更多

之前約咗住深水埗附近嘅朋友出街，佢就介紹呢間小女子試呢間幾有特色嘅咖啡店，呢間cafe提供嘅體驗都係小女子第一次感受到，幾適合想認識咖啡嘅朋友:)Ice Drip Coffee之前無試過飲冰滴咖啡，今次一試發現比想像中好飲香氣純淨，味道濃厚，唔會有太過刺激同苦澀嘅味道，就可以更好咁感受咖啡豆本身嘅味道，而且佢配左少量咖啡粉俾客人聞吓咖啡本身嘅氣味，所以成個體驗好特別佢仲有附送一塊好香嘅曲奇餅添Espresso Tonic呢款就有tonic water另外上俾客人慢慢加入去，同樣配有曲奇，同埋咖啡粉，呢個仲有一小杯熱嘅espresso 俾客人感受咖啡原本嘅味道，一開始嘅比例上比較好，tonic water同咖啡平衡得比較好，比例平均，唔會搶咗其中一邊嘅味道，但係之後再加tonic water就變得越嚟越甜All Day Breakfast (德國香腸，雞翼，煙肉，法包，滑蛋，是日沙律，扒蕃茄，粟米)佢個全日早餐嘅部分配搭可以自己揀，自由度幾大，其中一款香腸入面有芝士幾好味雞翼幾入味，法包都好脆，其餘都正常發揮黑松露忌廉蘑菇意粉黑松露味幾香，唔算特別creamy，所以都唔太膩感覺呢間cafe嘅咖啡方面比較特別同有特色，食物就正常水平，如果想休閒咁飲杯咖啡，又想坐耐d，呢到有梳化位同board games俾客人選擇，又有露台出面嘅位置俾客人感受鬧市中嘅寧靜，都好適合放假嘅時候放鬆心情…查看更多

之前買咗利東街做優惠嘅coupon，可以買一送一食到牛角buffet午市60分鐘半自助餐嘅自選燒肉定食B中量級$108呢個set可以揀兩款肉，小女子同屋企人就揀咗牛五花(5片)同豚肉燒(5片)牛五花(5片)同雞腿肉(6件)牛五花燒過之後好香，可以同時鎖住d肉汁，配埋燒肉汁就更加濃香，豚肉燒薄薄哋可以燒到有d焦香，好香口，燒雞腿肉好需要耐性，燒得剛剛好嘅肉質好嫩滑嚟到牛角就緊係要食自製牛角飯啦，可以跟指示先加珍珠飯，再加適量蔥花同紫菜，之後淋上燒肉汁就完成啦，珍珠米飯好有綿滑，燒肉汁令到成個飯昇華咗，就咁食已經好好味仲有其他蔬菜，翠肉瓜燒過之後都可以保留水份，爽脆清甜，雞脾茹都好香飲品方面都有一般汽水，果汁同茶選擇，不過覺得蘋果汁就有d淡，汽水就正常甜品方面都有好多選擇，呢次揀咗馬卡龍，大福，窩夫，雪糕等等，窩夫可以自行加熱再配雪糕一齊食雪糕有伯爵茶，雙重吉士同扭紋選擇，小女子就覺得伯爵茶味幾清新，而且有兩款筒同杯，仲有好多雪糕配料可以揀，小女子就加咗酸沙可樂樽軟糖，迷你麻糬同KitKat碎，麻糬口感煙韌，加上朱古力脆卜卜，口感好豐富呢間食過幾次，燒肉質素幾好，lunch set有60分鐘半自助餐都算勉強足夠，如果lunch想食都可以考慮:)…查看更多

上次同朋友去屯門睇戲，之後行行吓見到呢間幾有特色嘅印度餐廳，小女子醒起幾年前都食過，所以就決定同朋友去食多次今次叫咗2人餐$205個餐包咗是日餐湯印式串燒五香雞件2款咖哩(咖哩雞，咖哩牛脷)蒜茸炒椰菜白飯和烤餅2杯野飲(凍檸檬茶)一入去未叫野食就送咗個小食醫肚先，個餐湯係雞湯，入面有雞肉，亦有胡椒味，清得嚟幾好飲個五香雞件肉質都淋，但係就幾辣，辣過咖哩嘅主菜呢次咖哩就揀咗雞同牛脷，兩款咖哩味道同顏色都有少少唔同，但兩樣都唔會太辣，咖哩雞嘅咖哩色澤比較淡，雞肉唔算特別滑，不過都好淋同入味，咖哩牛脷嘅咖哩就比較深色dd，而且每塊牛脷都好厚身，又好淋，所以好有口感蒜茸炒椰菜就正常味道，除咗可以配白飯，烤餅都比較特別，值得一提係個烤餅好大塊，而且口感煙韌，點咖哩一齊食好夾，好好味呢個價錢仲包埋兩杯飲品，而且唔洗加一，性價比都幾高，加上正宗印度野都唔係周圍都有，如果入到屯門都可以試試呢間 …查看更多

之前約咗朋友平日食晚餐，見到呢有得食泰國野船麵，自己又無試過船麵，而且見佢comments幾好，所以決定試試，早咗去到仲可以食到下午茶添黑豚肉船湯金邊粉$52船湯好濃郁，每碗都有脆卜卜魚皮，同埋有一堆香料調味，仲配有魚蛋，白蘿蔔同秋葵做配菜，黑豚肉每片都薄薄的，金邊粉幾順滑，配埋個湯幾濃味頂級美國肥牛船湯薯粉$52呢個都係揀咗船湯，配菜一樣多，牛肉幾淋，不過覺得個薯粉吸咗d湯之後偏淋身dd泰式香茅斑斕梳打特飲(可以跟餐加)佢有梳打水俾客人自己加，好似仲係泰國品牌嘅梳打水，個人覺得香茅味幾出，隱約有少少斑斕香味，味道幾特別又唔會太甜，夏天飲幾清爽:)呢間船麵就係iSquare隔離，好方便，如果鐘意濃味湯粉麵嘅朋友，呢間都係一個幾好嘅選擇…查看更多

上次同朋友放假去元朗打算食cafe，見呢間comments幾好，所以就決定試呢間ALL DAY BREAKFAST LITE$90(牛油果多士，烤大啡菇，車厘串茄，薯餅，沙律菜，炒蛋)平時小女子間中都會食all day breakfast，今次值得稱讚嘅係個牛油果多士，真係好正平時小女子都唔太鐘意牛油果嘅味道，多數都覺得味道一般，但呢個牛油果同塊多士好夾，牛油果份量好多好creamy，塊多士都好脆，成件事好match，食每啖多士個口感都好豐富個大啡菇好香，好厚身，又多汁，幾好味，畫龍點睛嘅係車厘串茄整到有d甜味幾特別，薯餅厚身表面又脆，非常香口，炒蛋都好滑Latte(加$25)個店員好有心機，拉花拉得好靚，咖啡嘅nutty味較重，加咗牛奶可以中和咖啡嘅苦味，唔常飲咖啡嘅小女子都覺得好飲呢間cafe坐位雖然唔多，但係野食方面幾有驚喜而且環境幾清靜，呢次坐面對窗嘅位置，可以靜靜咁欣賞出面嘅街境嘆咖啡都係一種幾好寫意嘅享受…查看更多