shiakarena的個人專頁

星期六同朋友食完飯，冇嘢做，响PP行吓行吓諗住飲杯嘢，去到本身中層嘅餐廳諗住飲嘢，但係因為太嘈，佢哋樓底有回音，最後就嚟咗呢一層嘅游泳池湖畔餐廳，我哋叫咗幾杯嘢飲，呢間主要係食魚嘅，都幾多人，但係因為有半露天，所以都唔係太大聲，秋天呢啲天氣最好去飲兩杯都係呢啲位置…查看更多

星期日去，都預咗會好多人，好彩訂咗位，坐室外，而家氣溫啱啱好，七點就最好，七點開始有現場音樂，可以叫佢個自家製麵包，麵包會新鮮熱辣辣上枱，仲有個紅莓牛油，做得非常好，另外隨便叫咗啲食物，但係質素都係一般般。我哋一行四人過去式，最後因為都唔係太好食，所以都打包走，問吓同行嘅人，都係因為想聽吓歌，飲吓嘢所以就揀咗呢間餐廳，同埋最好嘅就係可以出邊免費泊車。外面仲有一啲可以比小朋友玩嘅地方，所以我哋去到嘅時候都幾多一家大細有埋小朋友一齊去食飯。…查看更多

其實入得樂園都知道食物唔好要求咁高，今次兩個人嗌咗兩個成個餐廳最貴嘅雜扒餐，建議大家如果好似我咁星期日去嘅話就要兩人分頭行事，一個人去攞位，令一個人就要搵嗰啲美食車，美食車可以將兩個餐放上去，攞完之後可以直接推返去座位。開餐入邊有煙肉、腸仔、牛扒、豬扒、雞扒、薯條，仲有燒汁，其實就麻麻哋好食，但係係樂園嘅食物都係咁上下，佢仲要排隊係新開餐廳牌嘅。如果食西式就一條隊，中式就另外一條隊，日式就另外一條隊，所以最後都係買同一間餐廳嘅食物，如果要買就要排幾次。…查看更多

晏晝諗住入去天水圍華嫂食個下午茶，佢都唔使等位，好快就可以入去。例牌叫咗個豬扒菠蘿包，帶咗碗麵同嘢飲，雖然見到個樣啲菠蘿包上面啲菠蘿塊跌晒落嚟，但係都好食，希望佢下次可以完整咁上。 …查看更多

7:30pm 入座，發現餐廳入面已經有唔少人，可能係訂咗位，我同朋友2人坐4人枱，都幾好。到8點成間餐廳滿座，仲要係星期三平日。一開始嚟嘅麵包凍到喊，好彩叫佢整返熱就好好多，提大家佢枱面靜係得olive oil,要問先會俾vingar , 鐘意食嘅記住叫，個甜醋好食👍🏼前菜係炸魷魚，正常好味反而個魚幾好食，d配菜係酸甜既青木瓜同芒果，夾埋又幾好味個牛一開始係幾好食，食食下可能凍咗就麻麻地，同埋呢個菜係冇配菜，薯條係要另加，大家可以試其他，薯片唔好食。最後講重點，佢有一本紅色本嘅cocktail menu,我呢杯好多心思，唔係好記得咩名，就第一頁第一杯好似係lindys之類。佢一開始黎咗個細杯倒咗杯花露水去另一個玻璃杯，可能冇預計倒所以有驚喜，本身仲以為有粒棉花糖，好彩佢話為提升花味，呢個係濕毛巾抺手，之後喝杯酒你嘅手就有花味，嗅覺味覺都有，真係花巧又趣致，女仔朋友去就試下👍🏼甜品 French toast 幾好 係個雪糕溶得好快…查看更多

Walk-in 冇訂位 見門口幾靚就入去食本身唔算好肚餓，所以見到有lobster rice Sharing dishes雖然好想食，但係以為好大份，所以冇嗌食食吓見到隔籬枱，個個人都叫，原來個份量都唔係好大～有啲後悔，但係已經帶咗好多其他嘢，所以最後淨係見到人哋食Iberico Ham 正正常常Pardon peppers 唔係好夠味Ham croquettes 好好食，係一啲蓉加hamMushroom croquettes 都好唔錯👍🏼Tomato bread 一般般Lobster roll 正常水平👍🏼叫咗兩個甜品，一個蘋果批一個焦糖布甸兩個都麻麻哋反而坐咗喺吧枱，係咁叫嘢飲，兩個Bartender都非常好傾 仲係咁整野比我哋飲😽所以我覺得反而係飲品枱，更值得期待…查看更多

正中午去，得一枱人，好好坐。記住坐低就好叫食咩，燒都要d時間。我哋因為太餓，第一輪未上枱巳經叫埋追加，lunchtime 時間大家都唔係好長。旁邊一枱6人全部應該趕時間，全枱叫飯面主食。早幾汆鐘，响 OpenRice 上面預約，全單有八五折，單點（串燒全部都係單點）大部分串燒都正正常常，雞肉、豬頸肉、魚片頭好食，燒魷魚唔好叫，食咗半塊就放棄…牛肉類一般般，波蘿係燒至脆皮，不錯。對於午餐有得食串燒，感到開心。…查看更多

朋友約嚟呢度食飯，嚟到先知原來係非常之港女嘅粉紅色主題全部都係玫瑰，影相係幾靚嘅。建議大家帶件褸，入邊都幾凍冷氣都幾大，諗住嚟打卡嘅地方食物都應該冇咩特別。反而想提嘅係服務員態度非常之好，無論係經理主管定係普通接待員，一開始我哋點左黑松露薯條，唔錯。之後點左兩三個主菜，再叫咗熱水同埋嘢飲嘢飲就真係一半半，見到我哋直情要叫熱水，服務員問我哋做咩要嗌熱水，原來佢係見到我哋好似好凍咁，之後仲幫我哋拎咗披肩非常之細心嘅服務員，雖然嘢食麻麻，所以去到最後食蛋糕嘅時候非常之有驚喜，因為個earl grey 蛋糕好好食!…查看更多

除咗要預先訂位，仲要訂埋食嘅食物因為鹽焗雞真係好好食😋但係冇得即時叫好彩早一日已經book咗今次叫咗鹽焗雞、蝦多士、椒鹽牛柳、黑松露蛋白炒飯、咕嚕肉、葡汁雜菜煲、桃膠糖水除咗鹽焗雞好出色之外其他都不過不失，蝦多士係幾好椒鹽牛柳（有少少過鹹）、咕嚕肉（同外面嗰啲唔同，冇咩汁，口感係幾趣，但係又唔覺得好出色）同埋炒飯就一般葡汁雜菜煲有少少唔係好靚，都係一般下次食糖水應該早一日訂個紅酒雪梨所以總結下次都係全部嗌訂嗰啲，應該會好食啲…查看更多

冇訂枱，好早去到餐廳，未夠6:00 ，已經開始肚餓，食夜晚飯所以朋友都揀咗幾款唔同嘅牛，啲牛就好似圖片咁，非常之好味，要入口即溶嘅肥膏版又有，要有咬口嘅都有。配菜有中華沙律、泡菜，都係無限添加嘅。唯一挑剔嘅嘢就係，我哋嗌左其他嘅嘢食，嗌咗個泡菜煎餅，點知感覺極度差，泡菜煎餅冇泡菜，煎餅又唔係熱嘅…所以總結，除咗叫牛之外其他嘢可以唔使，最少係泡菜煎餅千祈唔好叫最後埋單$900兩個人食…查看更多

星期四晚十點突然想食burger 間店完全冇人之前食過排好耐自助式餐廳好like醬料、水、餐具自己拎十一點先截單 唔嘈薯條超好食雖然食唔哂🍔👍🏻👍🏻👍🏻…查看更多

一早打去訂位點知唔係好多人冇叫百碟宴因爲得四個人叫咗個水煮魚辣到痴線個侍應仲要同我地講唔夠辣可以叫佢再比辣椒另上之後帶咗個生煎包有湯寫明話會好熱係幾好飲嘅啲湯係個包入邊但係個皮有點厚炒年糕再唔好食但係最多人食因為得佢唔辣…查看更多

星期三晚 7點攞位845先入得去食都巳經醒咗去咗尖沙咀其他地方行街不過都係真係等左好耐有人生日話要食冇辦法如果唔係我真係直接打電話落訂蛋糕就算似美國分店 樣樣野都好大份四個人食叫三個main course就夠如果你order佢要生日蠟燭響蛋糕度佢會成棚人過嚟同你唱生日歌所以今次我淨係同佢講點蠟燭拎過嚟我哋自己唱🤣🙈:)…查看更多

片皮鴨 、龍崗雞 、脆皮燒鵝 滿分大的要早一日訂龍崗雞很脆其他的菜式一般般 環境好 但也有不少內地遊客吃飯比較吵耳服務好 換了靜靜的餐桌蔬菜小炒的巢很脆 甜品要吃陳皮雪梨 ： 雪梨好吃但偏甜…查看更多

食小食最好十點前 因為十點後開始多人 多人程度到食唔到野 最好5-8人去包個爐 爐仔係好似個洞（包箱）十點前坐低 埋單會一張單過如果十點後到 會叫一杯即時俾錢有live band 但有點太大聲…查看更多