LawrenceWangyaLam的个人专页

實在太過分，太心痛。明明第一次食嘅時候係幾咁好食，基本上每一日都會好想食多一次梅窩麻糬波波。今日喺灣仔呢間分店再食，老闆娘話係新鮮出爐，但係一拎上手係凍嘅，我就心知不妙。結果一食，簡直驚為天人，我完全唔係食緊一個麻糬波波，佢只係一個餅皮裏面有一舊圓轆轆嘅肉鬆。而且個肉鬆係完全唔黐實個麻糬，佢可以自由活動，好瀟灑。我真係好嬲，好嬲。希望灣仔分店唔好再侮辱梅窩麻糬波波呢個咁好食嘅品牌。另外就係服務態度，我買咗肉鬆口味唔夠10秒返轉頭，想問可唔可以轉做朱古力，佢話你離開咗就唔可以換㗎啦。我都明，但我其實真係行前咗兩步咋，會唔會太不近人情？…查看更多

終於係荃灣食到一間入到「我最喜愛系列」嘅米線舖啦！荃灣其實超多米線選擇，但食過好幾間都未係好岩我口味，今次朋友介紹下我終於搵到一間岩我心水嘅米線佢餐牌上嘅米線湯底種類都有別於一般，例如有沙嗲雞絲湯底，麻酸辣湯底等等⋯我本身係想試吓沙嗲，但係第一次食，都係穩陣啲食咗麻酸辣先我叫咗豬膶/南肉/蘿蔔麻酸辣（中辣）。一嚟見到湯底嘅顏色較淺色，心諗會唔會好淡口你知米線最緊要係個湯！點知又唔會喎，佢一啲都唔油，味道好香，同埋我都幾肯定佢唔重味精，我無叫嘢飲都唔覺口渴 麻同辣嘅比例好平衡，唔會因為太麻或太辣而失去咗佢雞湯底（應該係）嘅味道。我最鍾意就係佢同出面食嘅麻酸辣係有分別，佢有自己嘅特色值得一試！米線爽口，粗幼適中，係我鐘意嘅口感而餸方面就不過不失，無特別驚喜但都唔難食。而小食我叫咗腐皮角⋯不過就麻麻地啦。太淋啦，食落有啲唔似係酥炸⋯不過我為咗個湯底，下次會再試架…查看更多

同朋友係元朗工作完好攰，想食餐開心啲嘅午餐，行行下見到一番，好似唔錯😁就入去試下。其實我地坐低都兩點幾，但餐廳仍然好多人，望下餐牌，嘩！平到😂 有啲嚇親，仲驚係伏。就係呢個平民超脆豬扒飯，必點！鬆脆，厚度足，咬落去仲有肉汁😍 最緊要係佢只係廿幾蚊！不得了！我就叫咗呢個壽司set，最好味係魚子😋 三文魚腩同吞拿魚都好出色。因為好平，所以忍唔住叫埋其他單點嘅嘢食。登登！廚師發板刺身拼盤，三百蚊唔洗就食到咁多款刺身，仲有海膽呀大佬！海膽我估係用加拿大（估架咋，我無問😂），因為食得出佢好甜，同母好大陣嘅海水味！真心推薦！抵食度：⭐️⭐️⭐️⭐️⭐️…查看更多

同幾個朋友去完海灘，唔知點解特別想食泰國菜😋 於是係情急之下搵到呢間餐廳，8點幾walk in都仲有位，玩完一日戶外活動，終於可以坐低，享受下扮去咗泰國嘅節奏🥲雖然係求其搵，但估唔到好多嘢食都水準之上。先嚟前菜「柚子大蝦沙律」，佢同一般做法唔同，唔會太酸，仲有海鮮嘅咸味，幾特別。之後呢款「炭燒豬頸肉」同樣有好爽脆嘅口感 好彈牙～而且炭燒味好吸引我胃口，好香，好想繼續食。另外不得不提係呢個「生菜包」，真係好令我回味。佢酸咸甜嘅比例分配得好好，食落去有幾種香料嘅味道包住，但又唔會搶到肉嘅鮮味，出色。仲有其他，不過太餓唔記得影相😂😂 下次再食。食物質素 （4.5/5）服務（3/5）環境（4/5） *冷氣有啲凍…查看更多

「我到底係邊度食緊飯！？」呢句係當我飲完嗰啖龍蝦湯之後，第一句同朋友講嘅說話今次係跟住一個好識食嘅朋友嚟到將軍澳打邊爐。開頭我都唔為意，打邊爐咪打邊爐囉，有需要專登嚟到將軍澳嗎？點知我錯啦！係真係一定要嚟到呢度，因為佢只此一間😂😂今次我地叫咗個「火焰龍蝦鮑魚4人套餐」：唔好話咩，淨係見到隻龍蝦係湯到游水就知佢咩料啦 龍蝦嘅肉同精華都落入哂去個湯到，店員好緊張咁話：「你地一定要飲咗湯先！飲呀！」😂一飲，不得了，我地4個人不其然「嘩」咗一聲😂諗起都好笑。除咗「湯好飲，戲好睇」之外，佢地嘅海鮮都係非常出色，其中最正嘅當然係鮑魚：而另外好令我驚喜嘅係桂花蚌：呢個4人餐全海鮮奉上，4個人食份量剛剛好 唔會好似有啲蒸海鮮店咁，食完得陣風再加上佢地嘅龍蝦湯底真係飲極都唔厭😍😍😍我強烈推薦呢間餐廳！一定要再嚟食呀！食物（5/5）店面（4/5）員工服務（5/5）價錢CP值（4/5）地點（3/5）…查看更多

係一個風和日麗嘅下午，同三五知己一齊行下大尾篤，偶然下發現呢一間唔起眼，但係超令我回味嘅餐廳😍😍🌞環境（4.5 / 5）佢間鋪頭係用我最愛嘅天空藍為主色調，配合埋好天氣，完全係文青打卡嘅好地點！求其係度牆到影相都有好好效果😁 重點係一定要坐室外，會有一種好似去咗外國咁嘅幻覺❤️🤭🙆🏻‍♂️服務（3 / 5 ）由於係下午非繁忙時間，得一個人serve, 但尚算有禮貌，最後都有同我地吹兩句水👍🏻💯 食物（5 / 5）食物質素真係100分！我地叫咗5樣食物，最令我深刻係薯條同意大利飯😍😍薯條香口，加埋芝士醬都唔會覺得好漏👏🏼👏🏼 而意大利飯係一樣我好少食嘅嘢，因為我成日都覺得咪又係汁撈飯💁🏻‍♂️ 但呢間嘅意大利飯打破我舊有嘅認知，佢好出色地將整個飯嘅口感昇華，令我唔覺得有任何「痴立立」「一pet pet」嘅感覺👏🏼…查看更多

晚上，限聚令下嘅旺角街頭，惜日的「鬧市」風光不再，而位於橫街窄巷嘅小店更顯得寂寥。晚上收工之後，偶然行到山東街附近嘅橫街，意外發現呢一間令人眼前一亮嘅小店，二話不說，即時幫襯。員工超貼心，可能無咩生意，佢見到我想order即時主動比咗優惠我，並且好真誠咁為我介紹餐廳嘅食物。講返啲嘢食先，因為無得堂食，所以我係外賣返去食嘅。1）金菇肥牛茶漬飯 外賣會將茶、飯同主食分開，所以返到屋企應該對食物質素無太大影響。茶漬飯味道非常清新，唔會太淡口，飯嘅口感都好有咬口，唯一美中不足係茶漬有啲唔夠，令到個飯好快吸哂啲汁，食到後期有少少乾。金菇肥牛就水準之上，唔會太乾身，食落juice 👍🏻⭕️ 評分 ： 3.5 / 52）五花烏龍茶 （我唔記得叫咩名，餐牌上搵唔到）飲完一口會有回甘，解膩👍🏻👍🏻 作為飯後茶係好出色！⭕️評分：4 / 5最後希望大家呢段時間幫襯多啲小店，一齊捱過呢個寒冬。…查看更多

睇過好多食評，都大讚屋子生活好chill，食物好好味等等，於是乎今日趁住放假終於嚟打個卡，食個下午茶。結果係令我感到有少少失望。1）首先講環境，係舒服嘅，好適合邊飲杯咖啡邊傾計又或者邊工作。因為有一個好大嘅玻璃窗，陽光透射令人覺得好warm 。🌞環境 ： 4.5 / 52）服務方面不過不失，我眼見大部分客人都要叫2-3次先有人過去serve佢地，但員工態度係唔錯嘅，都好耐心解釋餐牌上嘅嘢比我地知。🙆🏻‍♂️服務：3.5 / 53）食物質素認真麻麻地⋯可能我係食下午茶嘅關係，成個便當餐好似好求其咁。先講關都牛肉，牛肉無口感，調味太甜，一啲牛味都無😔 另外我朋友食嘅吉列豚扒，同我係超市買嘅急凍吉列扒係一樣，有雪藏味，無咬口😖 唯一可以讚嘅係杯抹綠奶茶，好香滑👍🏻🙅🏼‍♂️食物：2 / 5下次唔會再試下午茶，希望其他食物質素會好啲💪🏻…查看更多

新發現！原本以為馬鞍山係美食沙漠（因為試咗好多間餐廳都好難食），但今次呢間初哥真係比到我驚喜。我叫咗3樣嘢食：1）初哥拌麵 - 佢用麻牆甜醬同沙嗲（應該係）撈埋一齊，出奇地夾，麵身爽口，好有細個嘅時候係小食店食到嘅味道！再加埋一個什錦湯，湯底好香，最好食係蘿蔔同豬皮，超入味！港式關都煮咁樣樣～2）一口炸豚肉 - 超香口，肉味香，有口感！3）粟米薯餅 - 標準水準，實淨有口感。我下次一定會試埋飯同炒麵😛😛😛…查看更多

終極良心小店推薦！平時都有食開呢間外賣，已經覺得都幾好食。今次第一次堂食⋯原來可以再好食多幾倍！店員話老闆好用心，每隻雞髀每日都會用水果去醃，所以雞肉先會咁滑；再加上即叫即炸，皮脆肉嫩！而且價錢相當合理，$46 已經可以飽到上心口 正呀💪🏻💪🏻另外推薦佢地嘅豬扒，同樣係超厚切，好多汁同夠入味。再另外，時菜！無錯，係時菜！雖然價錢係貴咗小小（$35），但佢唔知點解可以好甜，又唔似係加咗糖，係鮮甜。有興趣都可以一試。…查看更多

以前，如果問我全港最好食既米線，我一定係答星林居。睇住佢以前日日爆棚，到今日，晚餐時間得3檯。原因我相信好多食家已經知道。我知物價貴，你用料少左，我明。但少到得返幾啖就食完，豬皮得3塊，菜有8條，連肉碎都係得兩啖!!!係咪可以咁過份?????湯底以前係一流，但依家仲衰過我自己煮....我真係好失望仲有d所謂既服務生，除左落單同收野快之外，其他要求一律唔理你。…查看更多