foodie.msdimsum的个人专页

係附近返工，平時見到覺得伏伏地都冇入架啦，咁今日太肚餓求其都照入試下啦，點知中大伏，我好耐冇食過咁伏既野，炸脾腸仔飯，佢個炸脾係唔知咩事，似叮返熱咁出餐，個皮係硬既又痴牙，完全唔脆，好恐怖！唔知係咪紅日冇打工仔食就咁處理啦，杯阿華田淡到媽都唔認得，呢間一定冇下次，食到人勁嬲！！…查看更多

慶祝朋友生日，去食放題就實冇死啦~ 想食咩都有麻，一定啱食啦呢到都幾有日本feel, 有好多colorful嘅日式旗仔做裝飾。座位方面亦坐得舒服，張張都係梳化嚟，張枱都幾闊落架!一坐低就叫咗個刺身盤先，落完都好快到，三文魚、帶子、甜蝦都幾新鮮，北寄貝、鮑魚片都幾爽口!呢到啲壽司細細件幾好，可以食多幾個唔同款!軟殻蟹牛油果卷、花之戀、吞拿魚壽司味道不錯，其中幾款幾特別嘅喺三文魚配魚子杯、黑松露帶子壽司、黑松露海蝦壽司，啱哂鐘意黑松露嘅你呀! 炙燒三文魚、炙燒海蝦有好香嘅煙燻味，入口即化~重點推介嘅喺海膽手卷，細細件可以食多幾件呀XDD 小食方面都叫咗唔少，海蜇酸酸甜甜幾爽口，羊架香口得嚟啖啖肉，蒜香黑椒牛柳粒有好香黑椒同埋洋蔥味；芝麻雞翼保留到肉汁，肉質幾滑，辣辣地幾莣味! 炸蠔香口幾重蠔味，焗蠔配埋牛油忌廉，味道更豐富! 炸物方面都幾出色，有我最鐘意嘅炸榴槤波波，榴槤蓉超香，炸糯米口感好QQ軟糯，喺必食之選! 炸鮮奶外脆內軟，外面沾有煉奶，味道非常夾!…查看更多

呢到環境氣氛不錯，空間感好好，光暗暗幾有feel岩哂鐘意食好野，又鐘意談心既foodies!! 叫左個縵魚蘢仔糯米、飯避風塘雞腿、蜜糖吐司糯米飯入口軟熟，最鐘意佢煙煙韌韌，同縵魚又幾夾喎，如果再肥啲就好😁下次想食埋個海鮮蘢仔避風塘雞腿正常，再入味啲會更好~估唔到個蜜糖吐司唔錯喎~唔好睇佢個樣好普通咁，個Toast係用左Danish，口感脆得黎好鬆軟~唔似平時食果啲烘白麵包，果啲比較硬身!蜜糖係楓蜜蜜糖既味道，唔係平時果啲假蜜糖味，簡單得黎又幾好味喎~…查看更多

最鐘意就係食鰻魚架啦~呢到一個午餐係包埋麵豉湯、蒸蛋、前菜沙律、性價比都幾高~條鰻魚好長，仲好大條，係厚肉添架!感覺有燒過黎，幾有心架~仲有啲蛋絲係面，鰻魚汁亦好夠，配埋個珍珠米飯，正！個鰻魚食極都仲有，岩哂鰻魚控呀💕好滿足呀😍估唔到呢個牛舌飯，好味過個鰻魚飯佢係好林，亦好有肉味，牛舌有燒香既味道，加左少少鹽花同黑椒調味已經好正!如果粒溏心蛋係一整粒會更好，事關唔夠喉呀~仲有蛋絲同紫菜絲芝麻餸飯，感覺好幸福呀😍…查看更多

今日想食清啲，就揀左生牛肉湯朦~估唔到呢間又做得幾唔錯喎～首先佢個湯底係比較清甜既，見到湯面個層薄油，就知佢有用真野去煲啦!配料都係新鮮既，係得芽菜唔夠脆，牛肉好重牛味，份量都算多，脂肪少得嚟薄薄地~湯底好夠熱整熟啲生牛肉!個朦粉份量好足，而且條條都好完整，絕對唔會碎濕濕一夾就散，呢個好加分~驚喜位係佢有舊大既白蘿白，吸哂湯入面啲精華之餘喺冇渣嘅，味道好清甜，贊👍🏼呢到仲好貼心咁跟左青紅辣椒、青檸，鐘意食辣野既我當然加哂入去啦😋…查看更多

想地方乾淨啲，又想食到大排檔嘅風味，嚟呢到就啱哂啦~我次次嚟呢到，都必點呢個薯仔牛柳粒，真係好好味架~佢個薯仔係炸過黎既，加左蜜糖黎炒，所以keep到口感脆得嚟又好香口!黑椒牛柳粒又厚又冧 又juicy， 撈埋啲蜜糖薯仔，甜甜地超惹味~其他小菜都唔錯既，酥炸小棠菜幾得意，中間夾住左啲魚肉入餡，口感非常鬆脆!炸魷魚好香口，而且好夠脆，完全滿足到食炸野既欲望!個風沙雞既肉質都夠滑既，配埋啲香料，覺得好似黑白配咁夾😂 …查看更多

好多時去九龍塘既話，都會黎呢到食飯既~呢到環境幾relax，仲可以望住啲人玩花式溜冰，不過相對都會嘈啲嘅~最鐘意佢個軟殼蟹沙律，今次仲叫左燒豬頸肉、意式腸pizza個沙律份量係好多架，堆到成個山咁高，啲菜仲好新鮮，仲有啲薄荷葉喺入面， 好清新架~個汁係酸甜既，食落勁開胃，配埋個熱辣辣又香脆嘅軟殼蟹，個軟殼蟹仲要喺啖啖肉既~第一次叫個豬頸肉，估唔到水準一般，唔太香口之餘佢陣味有點似蠟腸~Pizza嘅水準就一向都好好既，即叫即整，熱辣辣，啲芝士仲溶緊架~餡料足，個pizza有兩款意式腸，一個濃味啲一個淡味啲，味道都幾特別。…查看更多

睇見咁又多人食呢個三色丼，我又想好想去食，唔試唔知咁正喎！呢到環境都幾大嘅，座位亦唔會好迫~幾個fds一齊食嘢傾計都幾舒服!唔好睇佢三個迷你丼好似好細咁，其實好多飯㗎都，食完會好飽㗎~3個味分別喺香蔥呑拿魚蓉、海膽、 蟹肉蟹膏想概括講嘅喺，食材幾新鮮!香蔥配呑拿魚蓉，呢個組合一定冇得輸，啲呑拿魚蓉份量仲好慷慨，一定夠餸飯!海膽都新鮮，雖然味道唔算好濃郁，不過都勝在冇腥味冇苦味，而且份量唔少，呢個都值哂啦🙂 ~蟹肉蟹膏就埋到一個小山丘咁多，味道好好，蟹味好香濃!呢個丼喺幾抵食㗎，可以食齊3個唔同口味~我會再encore㗎~…查看更多

呢間舊式小店好有家庭feel，啲碗碗碟碟都喺住家style嘅，感覺都幾親切!店子小小，大約坐到10個人到啦~叫咗嘢食先~前菜叫咗照牌海蜇，重口味得嚟，又酸又辣好醒胃，好有東北菜風味，好好味呀!個韮菜餅竟然唔油膩，平時食開果啲會成口油，呢個肉汁多之餘喺light嘅，一啲罪惡感都冇呀!白菜豬肉煎餃一樣咁出色，熱辣辣，煎得好靚又唔會穿底，幾香口!個麻醬撈麵就普通正常啦，幾啱夏天食嘅~最後叫咗個南瓜餅，口感非常QQ，面層加咗薄薄嘅一層白糖，感覺幾得意😎埋單真喺覺得好抵，會再嚟!…查看更多

雞煲嚟講呢，覺得最好味都喺呢間架啦~點心小姐已經幫襯過好多次啦🤤兩個人少少，叫咗半隻雞煲，後加料打邊爐~佢啲配料喺好新鮮㗎，仲有成個紫洋蔥、芫茜，味道好甜㗎~香料亦夠香辣同埋夠哂麻~雞肉算喺幾滑嘅，講明先呀，喺好重口味㗎~食完啲雞就加湯，通常唔會加好多，因為想keep返個濃度😬今次叫咗好多素，有鮮淮山、綠色嘅荀、某牌子豆腐、粉絲、菜、墨魚滑、炸魚皮..啲料全部都好新鮮、食完喺飽到上心口㗎!!幾欣賞佢杯巨檸檬茶，用咗原個檸檬架，又夠凍喎~…查看更多

有朋友想食呢間，就一齊去啦~叫咗兩款牛油包，蟹肉龍蝦味同埋鰻魚味!我比教鐘意鰻魚果個多啲，熱辣辣又夠香口，鰻魚味都好重，不過唔算好厚肉!蟹肉龍蝦個包就熱嘅，不過啲肉就凍嘅，之前喺日本食過類似嘅都喺咁，不過我都喺鐘意熱嘅多啲🙂百香果吉列炸蝦沙律🥗我食唔慣甜嘅沙律😅個卡邦尼意粉唔錯，佢啲洋蔥喺出奇哋勁香，不過就喺creamy咗啲嘅~另外試咗個紅茶奶蓋!層芝士奶好厚身，而且好重芝士味，鹹鹹哋，溝埋啲紅茶飲可以中和返個味道，茶味亦香濃，不錯!杯果茶真喺幾好飲，建議要叫少甜，仲有好多新鮮生果可以食，又新鮮又大件，出面真喺少見，好正!…查看更多

平時行入呢條街喺幫襯間上海鋪嘅，今次想食拉麵，就是但入咗間啦，點知又幾好味喎~睇見佢個wallpaper介紹，知道喺日本有好多間分店，喺應該都幾出名~叫咗黑蒜豬骨叉燒拉麵 ，其實都心大心細要大定細size㗎啦!原本叫咗細size嘅，但見前後兩枱女士都要咗大size，咁我就轉呔另加錢加料啦~粗麵嘅口感好好，而且好掛湯~湯底味度啱啱好，好香濃嘅豬骨味亦好稠身，唔會過鹹幾好飲~叉燒肥瘦比例幾好，唔會過肥冇哂肉，而且冇腥味~後加嘅溏心蛋做得好好，蛋黃又香又好融~沾埋啲麵一齊食真喺一流呀!整體唔錯，不過覺得貴咗啲。…查看更多

以前沙嗲王新推出呢個煲，就變咗我個favorite啦~不過都唔會成日嚟食，但每次嚟到就喺必食嘅~近排突然好想食，就同個fd去食啦😋同之前一樣，個石鍋一嚟到喺熱到滾嘅~要小心啲唔好掂到個石鍋呀!好香蛋黃味，蟹肉都有好多，成個都充滿蟹粉~撈埋好滑嘅豆腐同埋好新鮮嘅青蔥，中和咗啲重口味，但都喺好惹味！餸飯真喺一流㗎!呢個配白飯，個份量又喺好多嘅，兩個女仔一齊share都夠食!每次食呢個，都會不奇然食咗好多飯架~唔知大家喺咪都同我一樣呢?…查看更多

近排都喺咁食麻辣嘢，好似有心癮咁😁呢間之前都有朋友介紹過架啦~但遲遲未去食!叫咗個自選五餸乾鍋，加兩個涼菜~個乾鍋有羊肉、肥腸、田雞、蜆肉、薯粉... 個鍋要咗麻辣嘅微辣~又真喺估唔到咁好味喎，佢啲香料勁香勁正，呢個辣度似譚仔4少辣!羊肉夠蘇，肉質亦好夠林。肥腸應該炸過嚟或走油，喺少脆㗎😆蜆肉、田雞正常~薯粉就粗咗啲，但口感喺幾好，不過就唔夠入味~而涼菜就叫咗川汁萵筍、拍青瓜，如果佢地凍啲會更好!川汁萵筍就酸酸甜甜好爽口，拍青瓜就幾清新，開胃菜之選!仲叫咗一個飯兩份分，兩枝茶解膩~…查看更多

嚟到澳門，一到步就食返個豬扒包先~鋪頭入面得好少位，好多食客都喺企喺出面等外賣，有啲就企埋喺到食哂先走~其實接近門口已經聞到好大陣好香嘅豬排味!落order嘅時候，我哋仲額外加咗個厚蛋!豬排喺即叫即炸嘅，厚蛋亦喺即煎。一口咬落去，你會知道呢個豬扒冇落梳打粉，肉質實在得嚟好入味。個厚蛋又林又足料，口感好豐富!個包都烘熱咗嘅，非常夠熱，整體不錯~食到咁上下緊喺要飲返枝凍奶茶降溫，呢枝樽仔奶茶口感好滑，茶味亦好香濃。正！…查看更多