lokyeelam062的个人专页

話說今日同男朋友黎過紀念日，啲嘢食上來我地已經係覺得好食㗎啦，跟住小妹唸住影相留念既時候就郁左一郁啲嘢食擺位，點知就唔小心整跌杯嘢飲倒到成張檯都係，就即刻同staff say sorry問可唔可以幫手，佢地都即刻衝過來幫手同埋係即刻俾紙巾我男朋友，顧及客人感受係先。個staff一路執我就聽到個老細行過去水吧叫同事整多杯啱啱我地整跌既嘢飲俾我地。嘩！感動到流馬尿！拋開個服務，呢度啲嘢食係好好食囉！個黑松露飯勁好食，跟住嘢飲全部唔伏！但係溫馨提示個水牛城雞亦係好辣既，同我一樣唔食辣唔好嗌，費事自己食唔到辣就賴人地舖頭話唔好食，我男朋友食辣就話好好食！綜上！呢間真係難得好店！如果今晚我地整跌嘢店員係另一種態度西面俾說話你聽，我估我地既紀念日都會過得唔開心，所以真係冇揀錯，下次都會再來！…查看更多