geeleegooloo的个人专页

食飽飯，想買杯果汁，去o左Grove買o左一杯Strawberry Juice.Cashier 問入面做食物的同事有無Strawberry, 入面做食物的同事話果汁就有，Salad就無。但那是我仍未意會到問題 ─ 唔夠Strawberry 呀。Fresh就係幾Fresh, 我睇到佢攞住幾粒新鮮的Strawberries, 然後洗、切、放入攪拌器、再加(好多)水！加好多水因為只係用o左4粒Strawberries.:(之前來過好幾次了，無疑這裡處理食物是很乾淨的，服務也好，食物也不錯，但這趟，十多塊買4粒Strawberries ，就有點兒那個了結果當然係杯Strawberries juice 太稀了。…查看更多

早餐通常都係食包包，見東海堂做緊「套餐」，一個包加一枝豆漿賣12蚊，於是買左個朱古力漢堡。:)個包身幾軟熟:)，但就稍嫌細左啲，比平時嘅包細個啲:(，裡面啲朱古力是cream的質地，而且有幾濃郁的可可味道，朱古力cream份量都不少，是幾好的，鍾意朱古力的朋友可以試下。:)至於支豆漿，是細樽裝的，幾濃，同埋幾重大豆味，最重要係佢寫住係香港製造的，有信心啲麻。…查看更多

買左兩個餐，一個係家鄉雞皇飯，一個係黑椒磨菇飯，兩個都係配青檸菠蘿梳打特飲。睇番個餐嘅實際大小，係唔夠兩個人食嘅，所以我地加多左一個一人尊享套餐，咁就剛剛好啦。兩個飯都OK 呀，係細啲。個人就喜歡家鄉雞皇飯多啲，因為好似多啲唔同嘅餸:)。反而個特飲值得講一講，青檸菠蘿梳打特飲有一片青檸，可以用少少酸味令個梳打更加好味同埋令層次更加豐富，酸中帶甜。另外，佢入面真係有唔少嘅真菠蘿肉:)，唔係好似有啲餐廳嘅所謂菠蘿特飲，用有菠蘿味嘅糖水來做材料。仲要左個芝士粒，因為成粒食，試唔到可唔可以拉到啲芝士好長，暖暖地，軟軟地，幾好味道的。…查看更多

大熱天時，最好就係有杯冰凍飲品喺手。今日就喺come buy 買左一杯榛子奶茶。飲落茶味幾香濃:)，杯奶茶夠凍，都算大杯。除左可以選擇大杯同細杯外，:)仲有一樣好處就係可以選擇「甜度」，如果無記錯，應該係有五個甜度可供選擇，我要了中間嗰個甜度。但可惜榛子味一啲都唔突出，似一杯普通奶茶。:(下午時分，喺度買野飲就得忍受企喺條馬路旁嘅高溫，我嗰日就係企喺度等，都等到一頭大汗，所以，要有心理準備夏天喺烈日下等大概5-10分鐘都不是容易的事。…查看更多

:)下晏去太古城睇戲，就去埋大食代食少少野打定個底。選擇好多，最少都有10間食店選擇。最後去左學記粉面。點了一個牛什面，幾好:)。有齊晒料，牛榜、牛腸、牛肚等等。個面底幾爽同彈牙:)，雖然面唔係太多。另外，湯底亦都夠味，我仲自己加了好多蔥花呀、蒜呀、同埋醋落去，落咁多配料，想唔好食都難，哈哈。另一個牛腩面，差唔多，:(不過牛腩十分少，要牛什面抵食啲。加$7有個菜或者炸魚皮，我地要左個菜。這食店的水準是可以的。…查看更多

:)之前，嚟左呢間日本料理度食晏，其實之前都有嚟過幾次，水準都幾好，不過價錢貴過附近同類食店─砂煲。呢次，食左個鰻魚定食，個定食有個細細個嘅前菜(係一扎扎得好整齊的菜)、有個面鼓湯、仲有杯茶。主菜鰻魚定食，幾大碗用珍珠米做的飯，啲飯幾好:)。個鰻魚肉幾大塊又幾肥美，應該有成半條咁多，鰻魚上面有好多鰻魚汁。整體個定食符合水準，但不是太突出。呢度唔係地鋪來的，午飯時都幾熱鬧同嘈吵，環境尚可，不過檯同檯之間都幾靠近，如果可以比番多空間每一檯就會好啲。…查看更多

這天來到Sogo, 試了這裡的食物，要了一個煎/炸魚餅烏冬。個烏冬幾好味，幾彈牙，不會很淋，而且都ok大碗的。:):)塊魚餅是可以自選的，有雜菜魚餅、墨魚魚餅、仲有四款唔同嘅魚餅。六款之中，最吸引係雜菜魚餅同墨魚魚餅，因為佢地賣相比較靚。放o係個烏冬面幾大塊，暖暖地的，食落去就普通，勝在唔會好油膩。:(不過，food court 坐位如果係o係正店舖對面，就會比較窄，可能好容易會比後面行過d人撞到，要小心。…查看更多

Grove 從來就比人好舒服的感覺, 坐在位子上, 平日, 你可以看到出面熙來攘往的街道, 行人如鯽, 車水馬龍的灣仔.:)要了一個套餐, 燒牛肉panini，配一杯鮮果汁都只是加3元, 要了奇異果汁。一份幾大的Panini 裡面有好豐富的料, 當然有牛肉la~ 有生菜, 生洋蔥, 層皮是有少少脆的呀~~ 不過要小心裡而有汁滴出o黎. 下次會試埋其他!!午飯o黎呢度好快就冇晒位~~ 仲有好多附近做野o既人過o黎買salad, sanwiches...總括來說, Grove 的食物水準不錯, 而且我每次要套餐都會要鮮果汁, 哈哈 …查看更多

之前聽朋友介紹過呢間小店~~:)是專賣紅豆餅, 手卷的~~咁啱行過, 緊係要買一個o黎試o下la~ 賣$4一個我見個staff o係個保溫箱度攞左2個出o黎比我地等我仲以為可以睇下佢點做tim~:)幸好, 個餅還是暖暖的(staff話係剛剛整冇幾耐的), 個皮都幾香~紅豆份量適中, 但係我覺得d紅豆碎晒咁~~:(如果可以一粒粒d會好d~~…查看更多

自從1,2年前試吃過親友送我們這店子的曲奇後，覺得佢真係非常之香:)，好吸引到人再買來吃。:) 我發覺逢大時大節，呢度d餅都好好買，大概因為大家都慕名而來買給至親好友吧。逢大時大節，要買就要早少少，預左要等，仲未必有。:(今次，同事買了一盒4 mix o既曲奇，講番有幾多先，咁呢一盒就密密麻麻咁，一塊一塊企住咁排好。都幾多的。:) 個盒都是有主題的，是一系列的熊仔圖畫，幾classic feel.因為係4mix, 即係有4款，味道有牛油曲奇、咖啡曲奇、提子曲奇同有隻唔知有咩分別o既。我地最鍾意咖啡味，最香。其實一打開個盒，其他人已經可以聞到o的濃濃o既咖啡香味。我有個問題，其實佢落左咩野先可以令d曲奇咁香呢？有冇人可以答到。牛油味都好受歡迎，因為好鬆化。好味係要付出代價，而家個price比之前貴o左好多呀。…查看更多

:)身處一舊街中，有賣魚的、賣生果的、賣糕點的，在這街上總會找到你想買的。今日，因想買少少吃的，便來到這街上的一小店百事吉，那裡都算有很多不同種類的包。:):)包括花生粒軟包，裡而真的有花生粒的，幾香口，個包新鮮，所以都好軟:)。有pizza, 有海綿蛋糕、有藍莓醬酥、仲有肉鬆包等等。今日，我買了十個小蛋糕，分別係牛油原味、朱古力味，同埋咖啡味，個小蛋糕幾好味，特別係咖啡味最香，所以我買了最多。不過我建議朱古力味可以加少少朱古力粒粒入去，令蛋糕食起o黎更有層次感。十蚊有十個，幾抵吃的，可以當小吃。…查看更多

:):)前幾日去左uptown, 呢度個menu都冇點樣變過，都係o個幾樣，好似有龍利柳、牛扒、扒加腸仔…… 不過有樣野唔同o左，就係個沙律bar少左野食:(，但係仲有2款湯、沙律、冷盤、garlic bread… 我都拿了羅宋湯加少少沙律，碗湯幾多材料下(自己「北」的)。:)Main course 要了個西冷牛扒，因為上幾次o黎都吃過其他。送上o黎時真係估唔到，塊牛扒最少有6, 7寸長，煎得好夠，但係仲可以好淋，好軟，而且食落好好味，好肉汁。 碟邊有十多條薯條伴碟。淨係一份main course其實已經可以分2個人食，因為好大份，食完覺得飽飽。:)包餐飲，要了凍奶茶。呢度可以比一大班人一齊o黎，不過如果唔鍾意香煙味，就唔好去la, 因為o個度其實係一間bar, 食完個身一陣煙味的。…查看更多

呢度d奶茶，真係又香又滑，仲係好傳統o既絲襪沖的奶茶，所以呢杯茶係o黎呢度我一定會飲o既。不過唔建議食撈丁，因為味道很普通，個人認為鹹左d，但係又幾貴，自己o係屋企煮應該更合口味。:(個豬扒包就幾好，個包好香口，而且係脆脆的，塊肉仲保留到d肉汁，可以試試，但係就迷你了一點。其實，呢度貴就貴少少，但係呢d店子越來越少，難得佢地仲保留到懷舊風味:)，我覺得值得去試下。正如一d西餐廳，菜式普普通通，卻也很貴，原因是它的環境，氣氛吧。…查看更多

一日專搭車經過灣仔，因為聽過朋友介紹呢度d卡巴，所以就買了2件走。外賣係因為o個度位唔多，仲要開大門對住條馬路，而且d位大家一定坐唔耐的，因為實係唔舒服:(。:)要了一件Lamb Kebab:), 可能我期望太高了，唔係唔好食，但又唔會令我想一吃再吃。Kebab暖暖地，我覺得d皮做得幾好，裡面d羊肉又多，羊肉有番茄、生菜、洋蔥同埋芥末，yogurt伴著，味道很match, 而且吃下去好有中東風情:)。另一件烤雞肉就沒有吃過，不過應該不錯吧，包一杯野飲，都OK la~…查看更多

呢度食物、環境、服務一向有保證。所以一想到食中菜，呢度會係一個不錯的選擇。自己已經o黎過好幾次，:)覺得如果多人o既話叫餐都幾抵，可以試到個湯、前菜、點心，仲有甜品。但有心理準備每個"食送"都唔會話好大份，但係我地試過幾次都夠食。前菜係芽菜。我地今次都有要小籠包，d皮薄薄的，但很有彈性，唔會筴起上o黎就穿。剛剛蒸好時，熱氣騰騰，一咬落去裡面個湯熱烘烘的，非常juicy. 整體來說，呢度d小籠包個皮同肉比例o岩o岩好，值得一試。(p.s. 有另一款是有蟹粉的:))另外，仲有雞絲粉皮，個花生芝麻醬，有dd青瓜絲o係面，好好味，但係不太特別，同其他restaurant差不多。迷迭香排骨，個骨都做得幾夠林，幾入味，不過都係普普通通餐廳都食到。燈影牛肉，真係做到好薄好薄，真係可以透射少少燈光的，些少Chilly, 是可以接受到的，食落好似一塊塊好薄好薄，好脆好脆o既牛肉乾咁。好有特式，而且個色我覺得好靚，好似一件artwork.最後，要了一個桂花糕，有兩款，一款係明目杞子桂花糕，另一款係雪耳(?)桂花糕，兩樣都好好味。…查看更多