ariel_yu的个人专页

星期五夜晚，諗住快食之後行下街，就去咗food court ，scan枱上唧qr code就可以落單，幾方便！天氣熱所以就揀咗呢間有涼麵食，而且價錢都好抵跟住惡夢就開始，友人食嘅另一間燒味飯已經到咗一陣，我見咁耐都未有就出去問吓姐姐，開頭阿姐用唔咸唔淡嘅廣東話問我點咗啲咩，講完俾佢聽，佢就走去整其他嘢，咁我就繼續企喺旁邊等。前面拎完餐個女仔有禮貌地同姐姐講，啲辣椒油冇哂，可唔可以fill啲出嚟俾佢畢，姐姐應完佢又繼續做其他嘢，女仔過咗陣又再問阿姐，阿姐突然爆發，用普通話勁大聲問佢到底想要乜嘢，話自己好忙好唔得閒招呼佢冇辣椒油呢啲咁小事😨個女仔都好無奈咁望咗我一眼，阿姐就呼喝叫女仔拎個碟俾佢裝😨跟住阿姐就走去收錢，帶住隻藍色手套收錢找錢，之後直接用同一對藍色手套執涼麵配料🤮麵底，雞絲，青瓜全部都用手拿🤮大佬呀，明白你好忙唔得閒換手套，咁你可以用鉗仔夾食物🤮你咁樣我同直接奶張銀紙有乜分別🤮之後我當然都係被呼喝一輪先拎到我個餐，已經冇哂胃口，諗起啲銀紙，再望下自己碗麵🤮疫情雖然已經過去，但你做得飲食，仲要係open kitchen ，呢啲咁基本嘅門面嘢，你都做好少少吖，仲要不停俾你用普通話呼喝…查看更多

星期六大圍搵食，大部分食店都好多人，經圍Cozy，睇到menu都幾啱食，見到店內都差唔多滿坐，入咗去問吓staff，樓上有位唔洗等，不過就每人最低消費$100，因為我哋本身都諗住食埋嘢，所以肯定超過$100店員俾咗menu我哋，自己行上去搵位坐，再問吓staff原來係自己要落返樓下order同先俾錢😅好彩會有staff送餐上嚟樓上都差唔多滿坐，我哋係最後一張枱，店舖採用大量玻璃加自藍色設計，加上當日好好天，就算店內滿座都唔會焗促，但可能因為樓上係半層中空設計，加上樓底唔高，好嘈😮‍💨連樓下咖啡機運作嘅聲都聽得清楚，我同朋友傾計好似鬧交咁😂大蝦明太子飲管粉2隻大蝦，明太子醬比較杰身，好足夠掛到喺每條意粉上，但味道冇驚喜，大蝦唔新鮮，2隻都好梅肉眼都睇到有幾梅煙三文魚Egg Benedict煙三文魚冇煙薰香味，朋友覺得有啲腥，水波蛋過熟，冇蛋汁流出，荷蘭汁唔太夠酸味，呢份嘢只可以用「唔難食」嚟形容Iced LatteIced MochaLatte啡底唔酸但偏苦，冇乜層次Mocha 友人話普通呢餐食咗$330，可以話試過就算，絕不encore現時香港cafe風氣重視打咭多過質素，而且定價愈來愈高，想搵一間可以做到哂2樣嘅真係唔容易！如果想食一個合格嘅pasta，有時情願行入酒店食好過，俾多少少二百零蚊一個set lunch，起碼質素唔會太差，而且安靜舒適…查看更多

屋企人喺附近返工，食lunch時見到新開咗間泰越菜，菜式同價錢都好吸引，一於試試佢😍第一次去呢個熟食中心，都算易搵，觀塘站行過嚟大約7,8分鐘，估唔到夜晚呢到都幾多食客，地下嘅食店都好多人幫襯，行上一層就見到我哋今晚食呢間泰越菜🤭原來佢係2個鋪位，一邊廚房，一邊堂食，地方闊落👍🏻Menu上樣樣嘢都好吸引🤤仲有我最愛嘅蕃茄蟹肉湯檬，突然見到隔離機上咗但咖哩農夫包，但menu上又搵唔到就問吓店員，原來係隱藏菜式😍生蝦刺生生蝦雖然唔算大隻，不過新鮮爽甜，有成10隻，酸辣汁帶甜又唔會太辣，十分開胃越南春卷之前去越南旅行食過當地正宗嘅越南春卷，皮薄香脆，一試難忘，呢到呢一個春卷絕對係正宗口味，唔會似其他越南餐廳食到嘅又乾又韌，一定要配埋辣椒魚露食🤤屋企人都話正，同出面食嘅好唔同炸蝦餅熱辣辣👍🏻十分香口，仲配埋醃菜，感覺冇咁熱氣冬蔭公明爐烏頭湯底香料味夠，酸酸辣辣👍🏻勁開胃。條烏頭都好食，冇泥味。見到隔離枱都食清哂😆茄蕃蟹肉湯檬我對呢個菜式簡直係expert😆每次食越南嘢必點，但香港唔多越南餐廳有呢個湯檬，唔知係咪工序繁複🤔一上枱超香😍湯底蟹味好鮮，超多蟹肉，仲有豆卜 札肉 豬紅，檬粉索啲湯👍🏻正，仲有呢碗嘢好足料好大碗，大滿足咖哩軟殼蟹農夫包嘩😳超大個，而且勁多料裝到好滿，感覺快要瀉出嚟😂軟殼蟹好大件，似係一開二，而且肥美多肉，唔會炸到好乾👍🏻泰式黃咖哩汁入面有蛋花，咖哩香味十足，泰式黃咖哩係偏香甜，食唔到辣嘅朋友都話正，成個包食清哂🤭樣樣菜式都有水準👍🏻上菜快又夠熱，可能因為位處熟食中心所以街坊價錢👍🏻💰埋單要過廚房門口，聽到入面2位廚用越南話溝通😲唔怪之得口味咁正宗！其中1位廚砌緊一大盤嘢，多口八掛吓，店員話係越式火鍋，眼見有海鮮又有肉，滿滿咁圍住個鍋邊🤤下次一定要再嚟過🧹見到砌緊火鍋料嘅廚有帶手套👍🏻抵讚…查看更多

假期前夕晚上8點零，店內人客唔多，只有4,5枱客人，入到鋪完全冇人理您，要自己行入收銀問吓侍應有冇位，佢指咗我哋坐其中一張4人枱，座位都算幾寬敞，過咗幾分鐘，侍應過嚟掉低咗張單喺枱上面冇講嘢就走咗，正當我哋四圍望搵menu之際，先醒覺原來呢到係QR code落單，其實而家好多餐廳都係QR code自己落單，不過都會溫馨同講人講一聲當晚我哋揀咗2個有🌟推介嘅鍋1.台式麻辣鍋麻辣鍋我哋加錢加咗牛肉嘅份量，入面乜都有啲，丸每樣一粒，娃娃菜，粉絲，半個公仔麵，仲有啲蜆同魚肉，都幾豐富，湯底就只有食到一樣冇後勁嘅辣，而麻就感覺唔到，個人覺得湯底都幾夠味，可以唔洗點豉油2.香蒜牛肉鍋香蒜牛肉鍋蒜味係可以食到，但唔算濃，一樣係乜都有啲，2片嗚門卷好難食，好粉好淋又冇味，其他都係正常表現，牛肉值得讚嘅係滾好耐都冇嚡，但牛味就冇乜，成個鍋最有印象嘅就係超甜嘅粟米包2杯台式飲品埋單$33X價錢可以接受，但侍應嘅態度真係不敢恭維，而且店內枱櫈，地下，枱上嘅醬料全部都黐立立，好似有層油喺面咁，應該唔會有下一次…查看更多

星期三到Aeon supermarket shopping ，咁啱3點零有啲肚餓，喺supermarket 嗰層得咗個圈搵食，外面都有啲food court ，但想搵間坐得舒服少少，見到呢間環境唔錯，tea set價錢大約6,7十吉列三文魚柳配薯條沙律三文魚柳炸得剛好，皮脆多汁薯條都係即叫即炸，鹽嘅份量恰好，沙律菜亦新鮮爽膽腸配薯條沙律2條豬肉腸加1條煙燻腸，正常味道，薯條沙律同樣新嘅雖然係tea set，仲份量唔算細包2杯餐飲，二人埋單大約$140，座位舒適，員工有禮…查看更多

之前幫襯過幾次都係買麵包，homebake嘅麵包都算吸引，不過價錢屬於中上，一般都二十蚊以上，喺中環地區還可接受。之前買麵包嘅時候見到收銀位置旁邊嘅英式早餐望落幾吸引，今日終於有機會一試!英式早餐可以有三個選擇，煙肉，豬肉腸，另外一款忘記了😅因為我麻麻哋豬肉腸，所以就揀咗煙肉，每款早餐仲配有炒蛋，薯仔，車厘茄同埋兩片多士，飲品方便我就要咗一杯Latte(加$4)煙肉又乾又硬，好似狗零食咁😓蕃茄仔好酸好開胃，薯仔調味剛剛好，炒蛋可能keep住保溫嘅關係，比較老，多士嘅味道有啲似牛角包，好香牛油味，不過可能因為凍咗，口感比較硬咖啡不錯，用明冶鮮奶沖的🥢整體味道好一般，如果想嘗試Homebake還是選擇麵包會比較好…查看更多

已經係第二次幫襯，對上一次食，都好幾年前呢間店仲未咁出名，上次食咗迷你佛跳牆一直對呢個湯底念念不忘因為我超鍾意飲湯，所以上次成碗清晒一滴湯都冇剩今日咁啱去開大圍，就梗係嚟呢度晚飯啦本身都驚要等位等好耐，大約8:00去到，前面只有兩位等緊位，咁我哋就睇定Menu揀下食乜先等咗大約10分鐘就已經可以入座上次食咗迷你佛跳牆，今次想試吓其他，所以就叫咗海龍皇湯，我亦都推介第一次嚟嘅男朋友要試迷你佛跳牆，落單時店員仲介紹今日有特飲，不過經過上次嘅經驗，食晒佢碗麵已經好夠飽，所以我哋冇特別再叫小食同嘢飲其實好多款都好想叫，睇嚟要嚟多幾次先得海龍皇湯好濃嘅蝦味海鮮味，蟹肉份量都OK，墨魚滑我就唔太喜歡，因為唔夠彈牙，廣島蠔煮到啱啱好唔會過熟，仲有兩隻大蝦，蝦肉彈牙爽口舖頭亦都好細心，會跟埋濕紙巾俾你搣完蝦殼抹手男朋友叫嘅迷你佛跳牆同上次一樣咁好味😋呢間舖頭嘅麵可能好多人會覺得價錢有啲貴，但我覺得絕對值得…查看更多

突然想食壽司，但銅鑼灣嘅壽司選擇唔多，一直想試立鮨，但真心唔識欣賞立食文化，朋友就話不如去板長，平時經過成日都見到好多人，應該也不錯吧？8點30分黎到，門外一個客人都冇，再望下今日有會員八折，都幾抵喎！店員安排咗我哋喺2人卡位，唔知點解，有種茶餐廳卡位嘅感覺，店內嘅陳舊裝修，有口音嘅店員⋯⋯即刻回想，對上一次食板長，應該係N年前，記得當時嘅板長係屬於中上價位嘅壽司，但質素絕對對得起價錢，再望下眼前嘅環境…痴笠笠嘅坐位同枱面店員有介紹今日嘅會員優惠，知道我哋唔係會員，亦都好樂意告知我哋即時做會員亦可享有優惠。登記完會員之後，就用qr code落單。發現Menu同N年前都幾大分別⋯⋯等到壽司上枱，我哋就知瀨嘢了壽司嘅擺款同放題差唔多，一擺上枱就亂哂，好似有人夾過咁軍艦嘅紫菜，一望就知淋哂，即時冇晒食慾軍艦上面嘅餡料，少得可憐，特別係蟹膏蟹肉，完全係凹陷狀態，舊唔知咩蠔軍艦，放入口真係唔知食咗啲乜仲要，隻蠔爛晒都照上俾客人三文魚係好長好大塊，但完全冇光澤，我真係從來未食過呢個口感嘅三文魚，又梅又腥刺身都係一樣，好後悔叫咗，d蝦梅到個頭扁晒，北寄貝乜味都冇有8折埋單係算平，但係勁驚會有腸胃炎！真心免費都冇下次…查看更多

去完大嶼山郊遊，返到東涌已經7點，落巴士有d肚餓，就不如喺東薈城食埋晚餐先再搭車返屋企。印象中呢個商場有好多野食，不過因為呢幾日太熱氣搞到牙肉腫痛，只好食得清淡d兜咗個圈，醒起呢到有春水堂，可以食碗麵就唔怕熱氣啦春水堂喺台灣就食得多，香港就第2次幫襯，上次喺沙田食。好彩今日唔洗等位，填完資料量體溫就可以入坐menu上好多野都好吸引，特別係鹽酥雞，好耐冇食過，不過今日狀態不佳，唯有下次先叫熱氣野啦功夫麵 $53麵質似上海麵，但比較煙韌，口感好滑，啱哂好怕食淋麵嘅我！麵上面嘅應該係肉燥，香而不咸，亦不會油膩，仲有d冬菇粒，幾有咬口！伴有牙菜同葱，感覺健康d麻辣牛肉麵(半筋半肉） $82友人表示牛肉麵好一般，麻辣唔夠香，而宜成碗麵較多油，幸好，牛肉份量都算多烏龍豆乾 $33有2款豆干，今日揀咗一款唔辣嘅，好鐘意豆干嘅口感，豆干入面都滷得入味，醬汁偏甜，食到有鰹魚碎喺入面，增加鮮味！另外仲叫咗2杯野飲，埋單總共254蚊總體，不過不失，始終不及台灣好味，服務也差很遠，價錢方面，本人覺得有點貴！不過係冇得去旅行嘅情況下，想懷念一下台灣味都ok嘅…查看更多

星期日，因為約咗屋企人晚上喺屋企韓燒，所以晏晝要出donki買肉，屋企人提議先去食德美壽司lunch，話說前年喺沙田分店食過晚飯，覺得超水準而且好抵食，一直念念不忘去之前打過電話去問，店員表示午市不設訂坐，所以都預早咗15分鐘去等位。一開𨋢門估唔到晏晝都幾多人，眼見起碼要等5,6張枱好在等候區有櫈可以坐。不過等候時間算快，大約15-20分鐘已經到年地喇，太好了！店員指示我地去左邊門入，以為係坐房，一開門原來係室外坐位都幾好，冇室内咁侷促！喺等住時已經急不及待睇定menu揀野食，所以一坐低即刻order，我叫咗牛肉烏冬+6件壽司set，lunch set有跟埋沙律同茶碗蒸沙律醬唔孤寒，夠撈哂每一條青瓜絲茶碗蒸都幾香，不過就唔太滑三文魚子壽司十分新鮮，就連平時麻麻三文魚子嘅我，都要大讚佢好咸香又唔腥油甘魚都好夠甘香，吞拿魚蓉入口即溶唯一美中不足係帆立貝有小小沙。牛肉烏冬嘅牛肉很一般，凍肉舖平㗎貨色，有點失望店員有禮貌，亦有笑容，仲有問我地冷氣會否唔夠但係我同屋人都一致覺得，沙田分店嘅驚喜度比較大…查看更多

終於有空閒寫返之前嘅食評其實係大半年前同朋友黎晚飯！我地預先訂枱4位，但係去到都要等大約十五分鐘，好彩門口有幾張凳可以坐下。場內裝修全部都係卡位，夠哂私隱度，好方便傾計天花仲吊咗好多星星裝飾，好有氣氛好浪漫海鮮煎餅好足料，好多海鮮同葱，而且熱辣辣，好香口，個個都大讚好食， 忍唔住encore 多咗一份芝士豬肋骨其實我本身麻麻地豬肋骨，因為我好怕帶甜味嘅肉，不過outdark嘅豬肋骨真係好好味唔會太甜，卷埋芝士一齊食，真係停唔到口話外話，朋友話之前喺旺角分店，店員會幫手卷埋芝士，但呢到就要自己黎，有點手忙腳亂！可能係太多客人所以未能貼身服務蒜香炸雞除咗炸雞之外，仲有炸薯條同炸薯格， 炸雞嘅醬汁份量啱啱好，唔會太濕，有蒜蓉味之餘仲帶點甜味，但雞肉唔算太滑！ 都值得一試另外仲叫咗個DIY飯團都好好味呀又得玩又有得食有位韓藉嘅staff好好禮貌，唔知係咪老闆黎…查看更多

久不久都會去荃灣拜神，而呢間粉麵店亦係我必經嘅，每次都見到店內人頭湧湧！門口有d即煎嘅生煎包，好鬼香！今次買咗6個糯米糍，3個花生3個豆沙！花生糯米糍大大粒，好飽滿！外皮好軟熟，花生餡好香，食到好多花生粒粒，正呀而且唔會太甜，啱哂我口味！一口氣食咗2粒！另外嘅紅豆糯米糍，因為我唔鍾意食豆沙，所以冇試到，但朋友表示一樣係咁好食！ 豆沙餡好幼滑， 一樣係唔會太甜！下次想試下佢人手包嘅水餃雲吞，見到好多人排隊買…查看更多

返工忙完一整日，收工同同事去食宵夜chill吓！同事推薦red chicken! 位於天文台道十字路口，好易搵，而且收零晨2點，係宵夜嘅好選擇我地差不多11點到達，應該係比較夜關系，所以唔係好多客人，店員幫我地量完體溫，就帶我地入座。menu上好多野都好吸引，樣樣都想試，但我地得4個人，加上太夜唔想食好多，我地只係order咗炸雞，芝士泡菜煎餅，炸薯條，真露同啤酒。印第安洋葱粉炸雞(無骨)因為本人唔like有醬汁嘅炸雞，所以就揀咗洋葱粉，味道有d似鬍鬚佬薯片嘅洋葱口味但呢個係偏甜小小！食得出炸雞本身都好夠味，而且又嫩又多汁，雞皮香脆得黎又唔會油膩同事果然冇介紹錯，red chicken 應係係我喺香港食過最好食嘅韓式炸雞芝士泡菜煎餅比食開嘅泡菜煎餅較為軟身，唔知係咪加咗芝士嘅關系，而且碟底好多油！但味道係好食嘅，芝士仲做到拉絲嘅效果！芝士同泡菜係絕配，辣辣地可以balance 返芝士唔會太膩炸薯條係粗身，熱辣辣好香脆送啤酒啱哂，但掛住食唔記得咗影相但4人枱坐得有點迫，又野食又野飲，好d唔係好夠位放！呢一次之後，我成日都好住red chicken 嘅炸雞，下次一定要去試吓其他口味…查看更多

太耐冇去旅行，好掛住泰國!今日約咗朋友喺千色附近等，但朋友會遲，起身仲未食野嘅我，就喺周圍搵吓食先！本身諗住食隔離西餐，但menu唔太啱胃口，就入咗呢間，仲有我到愛嘅泰式奶茶lunch有湯飯餐，但由於起身第一餐唔慣食飯，就揀咗船麵，同埋，呢到應該係以船麵為主題嘅餐廳，一定正啦！點知……三餸船麵，豬手 扎肉 豆卜+冬陰公湯底失望泰國野點解會係中式豬手，一心諗住係入口即溶嘅泰式豬手，定係我諗多咗！豆卜好硬，完全索唔到湯！圠肉正常！湯底唔酸唔辣唔香，又得好少湯！D金邊粉又碎濕濕泰式奶茶反而幾好:)夠濃味又唔會太甜撈兩撈已經冇哂湯總括:好一般嘅港式車仔麵，而且份量唔多，女仔啱啱夠，男仔應該要食2碗！價錢同質數唔成正比，應該冇下次！…查看更多

之前曾經幫襯過幾次樂富分店，食物同服務都唔錯，但經過今日嘅奇遇，我會永久black list呢間餐廳！經openrice訂咗位，原本8:45分，但剛好友人都早咗到尖沙咀，大家都喺附近，當時7:30，詅住上去問吓會唔會早d有位,如果有位可以早d食，冇嘅話再行吓街先！朋友向門口嘅職員問:"我地訂咗8:45，但早咗到，請問而家會唔會有位?"店員望一望booking list，就答"而家冇位"，當友人擰轉面打算落樓時，店員大聲講"痴線嫁，點會有位呀！冇病嘛？"跟住有另一位店員行黎問佢咩事，兩人對話"訂8點幾問而家有冇位喎，點俾佢呀!"同事更大聲咁用普通話回應"傻的嗎"如果貴店係不歡迎客人有任何查詢，可以喺門外貼出告示！…查看更多