alicelammm的个人专页

之前食過佢地嘅吉樂雞餐，已經覺得佢地嘅炸物非常出色熱辣辣，外皮脆得嚟啲肉又夠軟，可惜當時唔記得影相今次再嚟食佢地嘅炸雞粒同炸薯餅，同樣係保持到水準！炸雞粒微微地辣，外脆內嫩，拎返屋企（5-10分鐘路程）食仲係熱辣辣脆卜卜食到尾就算凍返少少都仲係脆！炸薯餅都一樣好味，又脆又冇油益味，食完真係好滿足想食炸嘢又唔想幫襯某啲連鎖店嘅朋友，可以過嚟過下口癮間鋪其實離葵涌廣場唔遠，過咗天橋行幾分鐘就到，好推薦大家喺葵廣掃完街過嚟試下！…查看更多

前幾日去觀塘諗住食個小晚餐，畀我search到呢間新開嘅小食店，就過嚟試下間鋪唔係地鋪，同埋冇咩指示牌，有少少難搵。不過啱啱開業，相信店主加返多啲指示就改善到我揀咗CLS炸髀餐，$36，配薯條同罐裝飲品，加咗4蚊轉做特濃芝士薯條炸髀炸到好香脆，入面啲肉又嫩，醃料又入味，滿足到我呢啲鍾意食生炸髀嘅人薯條就唔算脆，質感似焗薯條，幾濃芝士味，仲有啲香草調味，唔錯由於炸髀係即炸，要等得耐少少，店長竟然特登過嚟同我講唔好意思，又傾咗陣偈，仲好歡迎食客畀評語佢去改善，其他店員都好友善，服務好好舖仔細細，但完全感受到濃濃嘅人情味…查看更多