laisumwa2000的个人专页

有睇開我嘅食評都知道我好鍾意食呢間餐廳今次就算唔順路都要特登去試見到佢轉晒新嘅Menu 今次係我食過咁多次覺得最好嘅一次價錢平 好食 大份 怕佢會蝕錢開頭以為佢沙律同湯二揀一 估唔到係兩樣一齊上 一個價錢 一沙律一湯一主菜 開頭以為係普通嘅餐湯 不過飲落去好香濃 而豬扒沙律亦都好新鮮 其實食咗個沙律同飲咗個湯之後已經有三四成飽🙂黑松露芝士焗薯條 我個人非常喜歡及推薦 好大份好足料只係$58 薯條炸得好香好脆 熱辣辣 配埋黑松露同埋芝士食真係一流 🥳比目魚一上枱嘅時候我同我個friend都驚喜得緊要 塊魚扒大過我塊面 煎得好香好多肉汁一啲都唔覺得油膩 唔使點任何醬汁都好食好重魚味 好新鮮 唯獨是係佢唔夠歐洲海鱸咁實淨 仲要配埋薯菜 加埋真係誇張 好大份 價錢只係$158 😝紐西蘭肉眼扒配薯菜 $168呢個價錢真係冇得輸㗎 呢塊嘢如果去其他西餐廳食 分分鐘過兩舊水仲要係散嗌 好食過之前嗰塊西冷 配埋燒汁煎嘅成數啱啱好 啖啖肉唔會太老 油脂分布平均 牛味亦都相當之唔錯 👍🥰🥰Ig搵番張menu 當晚食唔曬 飽到上心口 埋單都係一人二百鬆少少…查看更多

今日要去上水做嘢 收工入咗彩園食飯見呢間餐廳門面正正路路就入咗去啦但真係好一般 只係叫裝潢好少少到底係咪做街坊生意嘅餐廳態度都係咁一般米線一般 湯又無味 塊牛扒真係搞唔掂 一咬落去全部都係鬆肉粉嘅味皮蛋就還好啦杯飲品正常啦總之成件事真係填飽肚 …查看更多

今次返到一間我去親觀塘都會幫襯嘅西餐廳位於成業工業大廈一樓 之前都有介紹過餐廳裝修風格以英式舊紅磚牆為主晚餐時段我同好友兩人食見到餐廳都轉左新Menu 同之前都幾唔同由於真係好肚餓嘅關係我哋嗌咗兩個肉兩個湯 12小時慢煮法式紅酒燴澳洲牛面肉呢個牛面肉好香牛味同埋煮得好琳 紅酒汁相當夾 幾開胃 兩條甘筍仔就正正常常薯蓉同紅酒汁配搭反而驚喜 呢味Main隱陣55度慢煮南美風羊西冷配可可寶雲酥我個friend就帶咗呢個 我唔係特別鍾意食羊 不過幾好食鋸扒通常係牛多 好少食羊扒 肉質鮮嫩咬落去好多汁好香 最緊要係唔會有蘇味但係好香嘅羊肉味 隱陣法式洋蔥湯淡淡都係洋蔥 淡既酸香味 鍾意洋蔥嘅一定鐘意 隱陣兩main 兩湯 飲埋野埋單$500咁上下合理 正常西餐價錢 分量OK 服務OK 舒服嘅 人唔會好多 唔怕迫成件事幾隱陣…查看更多

今日又返到我經常去嘅觀塘公司做嘢啦成業工業大廈係出晒名嘅美食集中地朋友介紹 今日嚟到2樓嘅一間餐廳 十二點幾去食晏晝已經好多人叫咗兩樣嘢食 第一樣係安格斯牛肉滑蛋鐵板伴飯另一個係大啡菇雞肉配南瓜汁意大利繪飯食物OK 的 環境都舒適 多選擇 唔怕冇嘢啱食件事算隱陣 價錢見仁見智 如果日日食就未必不過個人唔太喜歡QR code落單/自助拎餐具枱櫈可以闊落啲 上菜速度快少少就會更好下次經觀塘會再試 就咁睇都幾十款食物 漢堡好似幾吸引…查看更多

上水老店茶記 細細個就聽過啦無咩特別都好少去食 唔算就腳位幾十蚊 有例湯 一杯凍飲 加碟飯其實茶記來講都合理 至少難食過佢既大有人在呢碟涼瓜雞絲飯 我又覺得穩陣其實呢類舊茶記唔會貴 只要唔中伏就ok…查看更多

火炭番工 合格午市飯堂喺火炭呢個充滿食唔知咩嘅地方閒閒地都五六十 仲要唔知食緊咩家樂餐廳已經成為頭幾間相當合格嘅飯堂佢唔做晚市 得午市五十幾蚊 有湯有杯飲品都算係咁大大碟福建炒飯 合格 環境乾淨過大排檔好多 …查看更多

香港疫情稍為回落 小妹亦都決定出街食下飯我之前有食過呢間1960 覺得OK 一直有留意到佢哋嘅社交平台見到仲有宣傳 知道佢哋堅持營業決定親身力行落去餐廳 幫襯下支持下佢哋粟米魚蓉湯 穩 仲有烤過嘅甜面包粒 好多魚肉蒜香辣茄汁海鮮貝殼粉 開頭食落去覺得辣咗仲唔小心咳咗兩聲添 不過越食越過癮越食越開胃而貝殼粉嘅硬度啱啱好 茄汁又唔會太酸食落蒜香味 海鮮份量都OK有蝦 蜆肉 帶子肉農場風香烤豚腩伴黃金粟米配白飯賣相已經冇得輸 粟米香甜唔再講 呢件豚肉大件到差啲連隻碟都裝唔落油脂分布豐富 咬落去不單止啖啖肉仲好香甜食嘅時候點一點甜芥茉醬件事升華好緊要非常穩陣大啡菇溫泉蛋熔岩芝士漢堡呢個我滿分推薦 真心爆分可以話係近呢一年食過最好食嘅素漢堡只可以話係太出色 所以我決定唔形容等大家去試一試絕對係唔會失望兼夾係一試難忘價錢唔貴環境真係幾舒服今次服務仲好過上次好似換咗人非常之穩陣…查看更多

火炭工廈海南雞套餐經過樓下見到好大個招牌主打海南雞飯有湯有嘢飲有涼拌前菜$67落樓正常發揮都算穩陣呢間工廈餐廳午市好旺場入到去幾乎爆曬味道份量環境等等都合格不過價錢水平唔平如果火炭來講接近$70食個lunch其實都有啲貴 唔會成日食不過都係穩陣嘅…查看更多

12月永遠都係瘋狂出去食飯嘅月份今次有朋友生日 四個人諗唔到食乜最後近近地去咗沙田食大喜屋放題都係果句 香港地閑閑哋出街食冇兩三百蚊都落唔到樓仲有好多時候都唔知食咗啲乜而家放題好多嘢食 中西日泰就連蛇羹小龍蝦都有不過最重點當然係刺身啦三文魚油甘魚劍魚腩甜蝦虎蝦等等全部都好新鮮特別係帶子同埋赤貝刺身美中不足係個Wasabi太勁 食多少少都會咳不過通常獨立包裝嘅Wasabi都唔會好好食我自己就飲咗幾罐啤酒 相當回本而生日嘅朋友最欣賞就係熱嘅清酒啦原支喺度任你飲 非常之大方自助吧有熱湯凍蝦 凍熟青口仲帶有其他飲品甜品雪糕等等穩陣到非常之高 掛住食都唔記得影相值得一讚嘅係座位非常之舒服唔會好迫 枱面亦都充足嘅空間擺食物出野食都幾快 各樣味道都穩陣唯獨成日都爆曬一定要提早去攞位如果唔係就有排等$300落樓 十分穩陣…查看更多

撞正Sogo 大減價 點都要去掃完貨見肚餓 近近地隔離商場有間食麻辣嘢嘅就上咗去啦環境上我就影唔到喇因為好暗同個friend兩個人食嗌咗一個酸菜魚因為驚多骨所以嗌咗桂花魚不過就貴啲呢個酸菜煮桂花魚真係失望嘅 除咗啲魚大嚿同埋份量足之外另加嘅配料其實得好少但加咗幾樣都要加$100 三樣嘢就係金菇牛柏葉同埋萵筍真心唔穩陣完全唔係酸菜魚味雖然埃中辣但係嚟到個酸菜魚竟然係橙色食落去仲有浸蕃茄湯底味唔知係咪我錯覺好似燶燶哋咁湯底京蔥炒羊肉呢個穩陣 好食但價錢都唔平一下穩陣但價錢都唔平水果茶解辣一流入邊都幾多生果睇落幾大杯不過其實啜兩啖就冇晒喇最後埋單七百幾蚊一碟羊肉一鍋酸菜魚三個白飯兩杯水果茶呢個價錢來講真係唔穩陣環境我就覺得一般好嘈好暗同埋個電視係咁播老細上大陸玩真係唔想睇…查看更多

今個星期喺觀塘返工 喺成業街食咗一星期 基本上好悶有晚終於經朋友介紹上咗間一樓工廈餐廳數字命名嘅餐廳喺香港一啲都唔陌生㗎啦呢間嘢環境氣氛都OK嘅四個人食嗌左幾樣嘢咁岩見到佢有個生日優惠7日內有效同店員講我老友聽日生日 咁就送咗一客鵝肝俾我哋啦其實都冇睇到身分證其實呃佢都得哈哈不過我哋真係有人生日㗎我就好少嗌湯嘅不過呢個南瓜湯就係好似買滿$180送嘅 雖然份量唔多不過南瓜味濃冇食鵝肝因為太重口味喇所以唔知好唔好食豐門口煎得火後唔錯 側邊薯仔翠玉瓜穩陣個人唔係太好鴨 所以呢個橙汁鴨胸食咗一舊味道幾香 穩陣嘅好似叫黑椒羽毛未食過 第一次聽呢個名食完都唔知其實係豬邊一個部位 不過呢個有驚喜 豐富油脂 肉嫩多汁多食兩粒士多啤梨碎又幾夾服務幾好 多後生做 埋單每人舊幾水 非常穩陣唯獨改善嘅係餐牌唔係真係好多選擇另外就係佢播嗰啲歌唔係我嗰年代…查看更多

又係喺火炭返工嘅一天平時如果火炭食開都係坳背灣街嗰頭食到悶悶地今日去火炭河嗰邊有啲村屋地下係餐廳嚟以我所知火炭得返一間粉麵檔而呢間我覺得穩陣嘅我嘅至愛牛雜河粉 走牛肚走腸 多多蔥牛雜OK嘅不過今日唔係最新鮮因為之前食過有比較 粉底唔錯 個湯都幾香 至於多蔥就冇得輸㗎喇凍檸茶少甜少冰 茶底OK好似 檸檬都唔錯嘅 都叫大杯係略嫌帶咗少冰 啲冰都仲係多得滯嘅午市時間去食其實都爆爆地 不過坐得尚算鬆動 又唔會污糟邋遢班姐姐服務都唔錯 有禮貌唔似某啲地方可能會呼呼喝喝你埋單四十幾 唔使$50落樓性價比絕對無問題總括而言穩陣…查看更多

今日返上水冇人陪自己食晚飯諗唔到食咩嘅情況下就入咗喺上水匯今次係我第一次喺香港食薩莉亞以前去台灣旅行都有食過 通常朋友一講起薩莉亞通常都話唔掂除咗平之外啦由於真係太肚餓嘅關係 我見到價錢平所以都冇諗 叫咗好多嘢食出色 呢個黑椒鐵板蜆係鮮味冇沙真心唔錯法式焗田螺都真係出色 我攞嚟送飯覺得一流好似係菠菜煙肉 相比上面嗰兩樣嘢就明顯比下去啦唔算差嘅但係唔好食囉羊架 三件 一般 唔老但無咩羊肉味 比較淡口不過唔算貴 正正常常仲嗌咗兩支1664細 買單唔使兩舊唔見咗張單好似係180幾蚊穩陣嘅亦都冇諗過咁嘅價錢竟然都食到出色嘅嘢有時平嘢都有好嘢嘅咁當然我相信佢都有嘢係似中伏嘅性價比真心高…查看更多

火炭區嘅餐廳都食到7788今日就試吓好多人講嘅燒味飯大概下午12:30左右已經好多人食緊非常旺場雖然佢哋喺一樓 但其實位置都唔難搵嘅餐牌都有好多嘢食不過我見佢主打明爐燒味咁我就嗌咗一個貴妃雞分題雙拼飯穩陣既 估唔到個配榨菜取代一般燒味飯菜心榨菜配白飯其實都幾過癮首先份量就係飽肚嘅貴妃雞都OK分腫啼個汁唔錯仲有好多塊腫啼味道同埋口感我自己覺得都係OK凍檸茶就差少少 無咩茶味 叫咗少甜小冰都仲係好多冰同埋好甜 所以有少少失望 Btw 埋單$58 都唔平下次試其他再講Ps: 火炭區 無湯 唔係地鋪 雙拼飯$58 如果唔掂嘅話 咁就無嘢好講始終同佢都仲有好多40頭嘅選擇…查看更多

火炭茶餐廳 呢間比較穩陣之前有係呢間食過快餐扒飯我就唔推薦架啦今日菠蘿雞粒炒飯外賣炒得幾乾身 雞粒幾多 菠蘿都唔少凍檸茶安全既位置幾就腳 係沙田商業中心 價錢正常安全穩陣 火炭區午餐選擇之一…查看更多