CubixJenny的个人专页

啱啱開果時去食過一次,都ok冇咩問題,咁放假去開尖咀買完3咪諗住再去食lo~不過今次d野轉左wo,唔知點解變左任食,咁都坐低左又見唔貴咪食lo,我選左大蝦,我個fd選牛扒,我隻蝦ok呀,大大隻啖啖肉,不過我真係冇諗過我個fd件扒咁大件lo,痴線!同我去食百幾果d扒餐果件一樣大,我唔同佢share根本食唔晒,我就一般牛既,不過都幾淋,牛有牛味lo^^跟住叫左d三杯雞三杯蝦燒蠔紙包豬扒娃娃菜同菇果d,其實碟碟都唔係好大碟,我地女仔食啱啱好,況且加埋之前個牛真係夠飽,個三杯蝦我仲叫左三碟tim,lee個真係好味,d蝦又大隻,lee個好得!!!d蠔就都食得出幾新鮮~整體可能我勁like食海鮮,佢地d海鮮真係算唔錯,百零蚊,o晒啦~…查看更多

其實我之前黎lee間野食過嫁喇,果次就嘛嘛地lo==唔係話咩唔好食既,係樣樣都好似爭左dd咁lo...咁我琴晚經開俾個侍應係門口拉住,sale話而家唔同左,改善左,我個fd又諗唔倒食咩,咁咪上去試多次lo,開頭都唔抱咩希望嫁,,點知今次真係有驚喜wo,個小食相當唔錯,特別係個鹽酥雞,唔會係乾晒咁,and主菜果條魚,我都冇見過出面會成條俾晒你咁上枱既,支左少少檸檬汁上去食,可能我鍾意魚啦,我覺得真係得得地!另外我個fd仲叫左d串燒食,我就冇食到,but我見果隻燒大蝦都幾大隻,只不過係$22,其實真係幾抵lo~仲有特別一定要講既果個焗豬扒飯,我大愛呀~~~唔知大家仲記唔記得大xx以前個一哥焗豬勁好食家ma,但而家其實都食唔返既,完全唔同左咁,但我竟然係lee度搵返果隻味lo,完完全全係果隻一哥焗豬,超驚喜呀,成晚最like lee個~我地叫到成枱都係野食(er.....其實食唔晒....)埋單都唔使三百蚊,ok!p.s.其實我係第一次係openrice度寫食評既,今次會寫係因為除左d野真係幾好食之外,佢令我最滿意既係佢地真係好有心咁改善左,進步左,so我特登係lee度讚下佢地,希望下次再去食果時又可以有驚喜就好喇~…查看更多