oscarleungty的个人专页

難得約朋友去食飯 平時去親都係市區今次就去左啟德 （第一次黎）個商場都幾好行既入番正題：我地四個人叫左一個船麵一個和牛炒河蟹肉蛋 （係泰國冇食到… 補數）炸雞翼 同豬頸肉所以食物既質素係在線既係細份左啲 四個人叫五個野都唔係好夠飽既環境方面當日雖然滿坐 但係空間夠大 傾偈唔使嗌 正常聲量都聽到 （呢個相當good)Staff都好好雖然傾耐咗少少但係都唔會趕人走最唔鍾意趕頭趕命食飯下次可以同屋企人嚟試吓（因為太肚餓所以有啲冇影相）…查看更多

同屋企人係旺角諗唔到食咁，太太就介紹呢間叫我地去食，相傳係第二度搬過黎既。店面有啲細，有啲迫。好彩早左兩步黎，雖然要share table，但好過要等位🤣回頭一望 出面排左近十人。有飯有麵，我就食個個湯烏冬。啲湯底選擇都多既，可惜唔多喜歡泡菜，所以就㨂左魚介湯底既牛肉烏冬。仲㨂左兩個小食（燒鯖魚，牛舌）。員主話 我地可以帶外來飲品 所以我就去左買。呢個真係要讚好，因為我唔想飲可樂果啲，又想飲啲凍野。個牛舌同個湯底，真係幾好，特別係個湯底，難怪會有人排隊。下次再黎！…查看更多

意外驚喜。本身想食同一條街既另一餐廳, 但去到又細(得兩張枱, 一張出面一張入面), 又要等位, 望一望menu, 都唔平。係如此酷熱既天氣之下, 果斷決定走人。向前行少少, 就意外地發現呢間餐廳。可能因為岩岩過左lunch hour, 又係公眾假期, 所以唔洗等位。不過本身入面都好大, 冷氣又足, 抵讚。一打開門, 一陣羊味湧出黎, 心諗"就是這個味!"叫左一個羊腩湯粉, 羊肉蔥花餅同一個牙籤羊肉。個湯好好飲, 羊腩又軟又入味。羊肉蔥花餅有芝士, 而且好重芝士味, 如果唔食芝士既人未必頂得順 (我就係唔多愛好芝士既一個人)。第一啖覺得, 哇, 好芝士。但第二啖又覺得, 其實件事係夾既。個牙籤羊肉係羊肉版既一口牛, 好惹味。因為得我同太太兩個人, 個單點既羊排就留番下次再試。最後發現, 原來佢北角新開分店既時候, 我已經食過一次。然後旺角都仲有分店, 所以決定下次去旺角都試下有冇一樣水準。…查看更多

經過好多次都冇機會再食，事關每次都排晒長龍，中午如果唔係準時衝落樓，都冇咩機會食到。今日好彩可以早少少放飯，等一張就入到去，之後就開始要排長龍啦。Staff Uncle好好笑容，就算要等 佢都好好禮貌，等都等得服啲。食過咁多間Laksa，係得呢間食過番噚味，湯夠濃但唔會過咸，係好難得既，絕對係香港Laksa既首選。本身想叫埋個咖央多士，不過今次太飽，唯有下次再黎過。P.S. 呢間野係會有少少趕既感覺，食完就好走。…查看更多

太太最好的泰國餐廳, 講左好多次, 終於黎食。有勞太太排隊一小時, 我收工過到黎岩岩好入得。聽聞以前係人手落單, 因為有限時75分鐘, 只可以落一次單, 冇得加單。但依家升級左QR code自己落, 唔夠食就可以加單, 又或者落住先又好, 唔洗咁緊張話一定要一次過叫齊。上菜速度快, 唔洗幾耐啲野就齊晒。4個人, 叫左生蝦, 冬陰公湯, 醉貓海鮮炒金邊粉, 烤牛肉, 同燒鰂魚, 外加三杯沙冰。除左個冬陰公湯太咸之外, 其他野真係好食。依家好後悔冇叫烤雞亦同烤豬頸肉。可以一戰。…查看更多

內容和食評並無太大關係, 純粹記錄當日感想。第一篇食評, 要寫一件比較特別(烏龍)的事。當時和太太初相識, 尚未開始拍拖。二人相約聖誕節一同晚餐, 來個second date (最後是third date, 因為我意外地買到張敬軒平安夜的演唱會門票)。在挑選餐廳時, 大家都各自在家看世界杯決賽, 互相whatsapp了幾間餐廳, 而大家的focus都放了在美斯和麥巴比。最後決定了這家餐廳, 我就在OpenRice 預約了。Fast forward到約會當日, 在尖沙咀meet up了, 然後一起前往這家餐廳。當時太太有提及, 咦, 不是在尖東嗎?我說, ummmm, 地圖說在美麗華附近。當時大家也不以為意。當到達這家餐廳, 坐下時, 太太問, 我們是訂了這家嗎? 我不記得有看過這家餐廳矣。然後我們再看看對話記錄, 發現…我訂錯餐廳了。當時我那一個尷尬啊, 哎喲喂, 真係搞唔掂, 哪有人會second date  + Christmas就book錯餐廳,還要未開始拍拖,還要是聖誕節食墨西哥餐廳。直到依家我都唔明這件事如何發生,  我也搞不明白, 為什麼她還會和我在一起, 沒有鬧我, 也沒有拍枱走人。麻~ 反正到最後, 她沒有走人, 然後當晚食飽, 去影燈飾, 順手把她的手給拖住了, 她也沒放手 (這個各有各說法, 她堅持沒有給signal, 但明明她就有, 還怎麼都不承認)。然後我們明年一月就結婚了。餐廳我訂錯了, 但老婆我是帶回家了, 我依然是最後的贏家。睇個食評都要放個閃 😎最過份是, 我寫個食評連一張食物照都沒拍哈哈哈哈哈而原來想要去的那家意大利餐廳, 在聖誕後一個月也去了, 味道滿不錯的。正題:環境尚可, 食物尚可, 甜品尚可。Pulled Pork Tacos可以一戰。小插曲:坐隔離的一對情侶, 由我們坐底就開始鬧交, 希望那位不知道做了什麼錯事的男主角最後生還。(估計不是訂錯餐廳這麼"小事", 共勉之💪)…查看更多