dzz的个人专页

去警署報失旅遊證件，離開時見到有餐廳開張，人頭湧湧。八八卦卦就去睇下有乜嘢食，原來係點心店雖然已經食咗早餐，但係好難得可以撞啱人哋開張去戥人哋高興一下小籠包皮薄多汁有鮮味，我鍾意咬穿個皮飲晒啲汁先，慢慢再食個肉餡，最後先至點啲醋食物果皮至於個棉花雞，啲雞蒸完出嚟仲有肉汁嘅，而且係用雞件有骨有皮，啱晒我。魚肚亦都係厚身有口感。我連汁都飲埋，真係好鮮味難怪店主夠膽開響嗰個位置，面對街角轉彎人頭湧湧嘅對手，相信會出現良性競爭，實在是消費者之福。…查看更多

在休閑假日，響郊區有樹有海。突然間你見到有個鋪頭，竟然有嘢食買有嘢飲仲可以坐低。簡直係上天賜比我嘅禮物。跟大隊，點咗個叫B3嘅早餐。美味的香腸煙肉，最盞鬼有兩粒冬菇有薯餅又豆真係冇諗過盒鄉村地方有咁嘅嘢食.爽啦!香腸仲好Juicy添. 杯奶茶都OK喎…查看更多

唔打唔撞，因為門口有個車位可以方便泊車，停低就衝左入去。點咗碗日本火車頭湯河另加一杯青檸梳打。買單＄60。湯底味道有點過火地咸，我加左啲青靈同埋辣椒成碗湯比我飲晒。牛肉牛丸牛柏葉正常，可惜牛腩有啲鞋。下次試其他野…查看更多

好耐冇食過呢啲港式西餐。用牛腩邊位煲嘅濃厚羅宋湯雞扒大大塊，皮脆肉嫩，加一條茄子和什菜，同埋一塊煙肉/腸仔/雞蛋。本來想試意粉，不過始終覺得黑椒汁係應該配飯嘅。最可惜係杯奶茶一早就到咗，掛住食，到飲奶茶☕️時已經凍咗。$48 一個午餐有咁嘅質素確是超值。…查看更多

上午11點幾去，因為遲咗起身，落樓下簡單食碗米線。$49 蟲草花雞肉米缐，成堆雞胸俾我，唉....一件都冇食。湯底味道係好味嘅，可惜係雞胸。四家姐食麻辣肥牛米缐。我嘅雞胸俾晒佢食。…查看更多

一心去食阿拉斯加蟹，點知去到賣晒5:30pm 打電話去問蟹大小，因為喜歡吃大蟹，所以聽到有7斤，即刻飛車去。當時已經知道今晚冇得預訂蟹，要先到先得。用咗45分鐘先由元朗去到將軍澳，直衝入魚池一隻也沒有了，沽清。$188/斤係宇宙最平。變陣，改食原隻西澳龍蝦。$19.8/兩，人小小點咗隻2斤。上枱，睇落都夠斤兩。上湯焗，味道剛剛好…查看更多

一行12人話要食海鮮，有人提議名門，ok 其實最緊要好味。買海鮮用在$2500加工費連小菜等$2800平均$445/人唔算貴。本來想試燒鵝，但是沽清。改點燒腩仔，唉，冇乜味，有點硬，但皮十分脆。煎焗頭腩夠香夠味椒鹽賴尿蝦，叫咗啲唔係太大隻嘅，冇咁貴。 呢度整得幾好食。可惜啲蒜蓉唔係咁夠味。馬友粒焗石頭飯，但飯底比較濕，好彩食到有馬友嘅香味。欖角骨，肥瘦適中，味道濃郁啱晒我豉汁炒聖子，配煎米粉一般啦！薑蔥炒蟹啲蟹係好味嘅但係如果加多一匙羹蠔油就更加好啦…查看更多

小食店嘅格局，大酒店嘅價錢潮式豬肉腸粉Not my cup of tea. 一pat pat, 有咩好食，冇味！蠔仔粥，正常味道炸芋圈，算香口炒薄殼，鮮味不足2個人食咗$265我地唔識欣賞，跟著去買雞亦食！…查看更多

一行四人，四餸一麵先來沙爹肥牛粉絲煲唉，一上枱，簡直驚嚇！牛肉湯？冇沙爹味，肥牛嚡，水汪汪椒鹽鮮魷夠香口，但咸味不夠，問佢攞淮鹽，加咗後超美味干燒伊麵冇油冇味冇靈氣雞肉蝦醬西蘭花味道出奇地夾，如果再濃啲就好了。後加個乾葱豆豉雞煲，合格…查看更多

晨早流流食點心，叫咗4樣嘢！其實食唔晒，打包咗4個包包。葱花炸兩，腸粉內的油炸鬼是脆的！！是匪夷所思的好味！豉油調製得咸甜適中棉花雞都算美味，但係果2件竽頭有D乾，扣少少分。…查看更多

$68 有一碟牛肉！其它配料任食！蔬菜任食！汽水任飲！丸類任食！雪糕任食！根本係肥人製造所！食物質素不錯！任食一小時，夠啦！如果係食肉獸，可以要90分鐘則美國牛肉任食！香港咁多肥人，你要負責！…查看更多

向來對荷葉蒸飯沒有好感！但今次這個原籠泡菜豚肉飯，原全打破我嘅想法！這裡早市是原盅蒸的，平幾蚊！但我到這裏已經到達宵夜了，所以是原籠蒸，用荷葉托住啲飯蒸。沒有想過這個配搭，有清新嘅荷葉味！呢個係我有生以來第一次食蒸飯可以食到荷葉味$36 原來已經係全店最貴的一款食物，難怪晚上11點還有這麼多客人！飯身軟硬適中，比起一般店出色。泡菜微辣，配上有丁點脂肪的豚肉。真心希望佢可以keep住呢個水準！一個飯搞掂我，埋單走人！…查看更多

接近零晨二時，突然想食小炒同飲湯。即刻飛去太湖。臨近收工，伙記冇乍形點咗兩個孖寶：老火湯配碧綠炒鮑魚。芝麻雞配豉汁蒸鱔。個蒸膳超級彈牙同埋成吋厚，好像滋味！炒鮑魚夠鑊氣…查看更多