tamgeorge1997的个人专页

星期六的中午, 很久沒去火炭吃午飯, 今天我和家人選擇去"火炭冰室"午饍, 叫了兩個套餐來嘗試。套餐包含羅宋湯、主菜和一杯飲品。這裡是掃碼點餐的, 點餐後不久，便送上羅宋湯，湯水挺不錯，湯中的配料豐富，酸甜微辣的味道令人愉悅，非常符合我的口味，也能增加食慾。家人點了"鹽焗去骨手撕雞飯"，雖然大部份似是雞胸肉，但她認為味道入味肉質爽口，吃起來有咬勁。另一個主菜是"紅酒牛肋條意粉"，牛肋條份量十足，汁水濃郁但不過重，味道均衡，散發出家常的風味。意粉的硬度正好，是我喜歡的口感。整體而言，這道菜的味道相當出色。餐廳的環境相當舒適，地面乾淨不黏腳。服務人員態度友好，價格合理。…查看更多

望穿秋水，終於恢復晚市堂食。我同屋企人亦終於可以嘗一嘗呢間新店的晚市小菜。..首先，每位例湯一碗，是附送的。呢度啲例湯或者燉湯都一向清甜無比，是晚冬瓜湯清澈不混濁，家常湯的味道。..燒味三拼，我叫左叉燒、燒腩仔和燒鵝。其實先前禁晚巿堂食的日子，我都會有黎幫襯燒味外賣，但堂食燒味，始終好食過外賣，堂食切得靚、部位又正，而且溫度微暖又保持住肉汁。三拼最好味係燒腩肉，皮係脆的，唔係硬實嗰種，真係脆卜卜的。而佢地重點推介的燒鵝，我同家人就覺得偏鹹，這是個人口味有所不同吧，或許大家會覺得這叫惹味。..海鮮雜菜煲份量多(其實整晚菜式的份量都偏多)，老婆最怕食清菜，呢道雜菜煲便岩佢，鮮甜湯汁入晒落啲菜，好味好多。..咕嚕肉擺盤賣相好靚，似一個彎彎的月亮，即時聯想到佢哋個彎月形嘅招牌。咕嚕肉成日食，但呢碟就與別不同啲，配料有喬頭同皮蛋，同啲酸甜汁好夾味，大家竟然好喜歡呢啲喬頭，比咕嚕肉本身更受歡迎。..呢度必叫之一係炒飯，之前係舊店，次次都會叫蛋白炒飯。入口飯粒分明，亦不油膩，配上不少帶子粒及瑤柱絲，好好食。而且依家仲加左沙律菜，額外好吃。..海味燴伊麵，啲麵汁都頗濃味，亦帶點甜甜的，我同家人覺得伊麵稍為有點軟淋，亦有點散。..呢度無咩甜品，我地次次都只叫杏仁茶，真心好味，叫一碗嫌太少。..是晚未能試晒舊店啲招牌菜，下次我想食酸菜魚!........…查看更多

金悅軒已經搬了，新店叫金玥軒。作為金悅軒的粉絲，當然便急不及待前往新店試試。今日我們一行四人先試下佢嘅下午茶餐。..我叫咗干炒牛河，份量大，牛肉多。河粉有獲氣，惹味得黎又唔鹹。只係略嫌油了一點，碟底剩好多油。另外，餐茶我選了凍啡，相當唔錯。..老婆食星州炒米，一樣份量大，配料多。炒得非常出色，米粉有咬口，而且炒得鬆身，亦不油膩，保持舊店水準。..阿仔繼續揀佢最愛的肉絲炒麵，佢都係鍾情於油炸食品，卜卜脆嘅麵餅真係好有吸引力。阿仔吃後讚不絕口，整碟吃光。我本人不敢吃，除非唔怕生痱滋。..婆婆選了燒鴨瀨粉，食左一部份先記得影相。整體份量明顯較舊店時少，雖然今天很大方地上咗鴨脾，但肉質較實，變得有點難咀嚼，而且越食越鹹，婆婆不敢吃太多。另外，奶茶不熱，茶色也不均勻，婆婆不敢喝下去。..總括而言，新店的食物水平仍然唔錯而且抵食。但我較懷念舊店的食物，當時下午茶餐單有不少選擇，例如一口西多士，現在沒有了。..補充一下，新店比舊店大好多，而且座位舒適，希望盡快恢復晚巿堂食，便可去試試佢地嘅小菜!…查看更多

早前黎呢度食野覺得唔錯,所以是日晏晝十二點幾同老婆亞仔來這裏吃車仔麵,客人不多,不用等位,順利入座.呢度唔算好大,但枱與枱之間的擺放隔得幾開,因此與其他食客有一段距離,感覺上安心一點.我感覺呢度幾乾淨,地板亦不會黐立立.侍應有禮兼醒目,很快給我們下了單...我揀了豬大腸,辣豬皮同牛柏葉3個餸,選了油麵和清湯底.清湯唔錯,冇味精,辣豬皮令個湯有點辣...餸和麵份量唔算多,但質素唔錯.油麵沒有鹼水和油益味,較淋身,沾上清湯,幾好食.D餸味道唔錯,豬大腸洗得好乾淨,冇異味,雖然淋了點,但唔韌.牛柏葉亦爽口唔韌,辣豬皮亦好入味,唔會太硬或太淋.值得一提是凍啡,堂食仍用外賣杯奉上,早前飲覺得甜了些,但今次非常好飲...老婆要了米粉,揀了豬大腸,炸墨魚卷和生菜3個餸,生菜份量很多而且爽脆..亞仔選了油麵,加上腩汁.餸就依然揀他最鍾意同食極唔厭的蟹柳,仲有豬大腸和溏心蛋.估唔到溏心蛋做得唔錯........…查看更多

今天同老婆亞仔差不多兩點來到呢度食晏,唔駛等位,順利入座.呢度座位非常寬落,坐得舒適,侍應亦有禮...呢度有個只需199元任選2道海蠣菜式.最初我們下單時, 只選1道海蠣菜式,然後我們想改變主意, 改為2道, 以享受199元的優惠.可惜, 侍應回應我們已下單了, 所以無法更改, 令人有點失望...一上桌就送來這個小吃,味道還可以...海蠣煎米粉煎得好靚,好香口.配料除了海蠣,仲有豬肉同芹菜等,海蠣份量唔算多,而且好似黃豆咁細粒,但又幾濃味...莆田鹵麵份量幾多,上桌熱辣辣.鹵麵湯底較清,麵雖徧淋身,但好入味,每著麵都沾滿湯汁非常好吃,其他材料都唔少包括蝦,蜆,豬腩肉,芹菜同豆卜等,同D麵都好夾...媽祖麵線的麵線質地好軟淋,湯底則較濃,好重口味,乾蔥頭的味道極濃烈,與莆田鹵麵有明顯唔同。至於材枓就同鹵麵差不多,又係有蝦,花甲,豬腩肉,芹菜,豆卜同紫菜等,亞仔好欣賞麵上面的紫菜,話好食過四洲出品............雖然佢話好飽,但不自覺地把呢個麵線吃光.…查看更多

這晚同屋企人黎呢度食晚飯.呢度環境舒適,可能樓底高,不似一般酒樓環境很嘈雜,枱與枱之間有一段距離,不會坐得很迫夾,因此可以安靜地舒舒服服吃一頓晚餐...呢度d套餐幾吸引,我地一行5人選了一份4人餐龍蝦鮑魚宴...蒜蓉蒸開邊本地龍蝦(每位半隻)(金菇粉絲底)呢個餸蒜蓉味很重,龍蝦不算細隻,味道唔錯,肉質爽甜,侍應更提我們把碟上鼓油淋在龍蝦上,會更味美,真是值得一讚...原盅黑蒜燉螺頭雞湯(每位一盅)D湯真材實料,絕冇花假,味道濃郁,好飲..古法蒸金花龍躉斑條班蒸得恰到好處,好滑,唔錯...蠔皇南非鮑魚伴天白菇(每位一隻)最令人欣賞是鮑魚汁,調教得恰到好處,不會水汪汪或太傑.鮑魚沾上鮑魚汁非常美味.墊底的是一堆日本豆苗,亞仔本來唔喜歡吃菜,但沾著鮑魚汁吃的話,日本豆苗變得美味了,因此令他今餐破格地吃了不少...啫啫唐生菜呢個菜有D辣,配上魚干,很惹味..紅燒脆皮原隻乳鴿(每位一隻)乳鴿皮脆肉香, 食得好滋味...海皇炒飯炒飯很出色,乾身不油膩,D飯粒粒分明..蒸黑糖馬拉糕唔錯的甜品, 香噴噴, 軟綿綿...呢度食物質素唔錯,冇味精,份量亦足夠.今晚上菜很慢,食完1個菜要等一段時間才上第二個菜,令呢餐吃了差不多個多兩個鐘,但悠閒地慢慢享受每一道菜也不錯.…查看更多

晏晝同老婆亞仔黎呢度食魚湯烏冬.呢間小店座位不多,只有20個位左右,但座位之間都唔算太迫夾...我叫左花膠魚肚魚湯烏冬.呢間以鯛魚湯主打的小店,魚湯很夠水準,有魚的鮮味,唔咸,唔覺有味精,飲完沒有口渴的感覺,烏冬很滑,唔錯.花膠魚肚和烏冬份量不少,足夠一人份量,食完夠飽...亞仔order他的摯愛蟹棒魚湯湯冬,湯底味道同我嘅花膠魚肚魚湯烏冬相同.蟹棒有6條,份量不少,好食.亞仔要飲野,跟餐叫了青提疏打,一開蓋立刻沙沙沙聲,好夠"氣"....老婆叫左原隻波士頓龍蝦烏冬,以加熱爐上桌,賣相非常吸引.龍蝦好大隻,肉質食落唔錯.龍蝦亦令到魚湯味道更濃郁更好味,呢碗魚湯明顯比我同阿仔更加鮮甜味濃. 極力推薦!..我覺得呢幾款烏冬好抵食,材料質素和味道都做得很好,以呢度食物價錢,性價比很高.呢間小店只收現金,大家幫襯時要留意下........…查看更多

假期中午同老婆阿仔黎呢度飲茶,唔駛等位,侍應很快帶我地入座,座位之間亦算闊落,雖然侍應唔多,但佢地工作非常落力,反應亦快,有禮貌,服務真係值得一讚...食物方面,一分錢一分貨,水準真係好一般.此外,點心上桌時,並非熱辣辣,只是溫熱...春卷是脆的但難食,外皮好大陣油味,裡面係芋絲,又係滿滿的油味,裡裡外外都係油、同埋油...蝦蛟皇比較失望,皮好厚簡直前所未見,餡料亦做得麻麻...綿花雞的雞肉份量多,算較唔錯,惟味道偏咸.阿仔追食綿花, 似乎對綿花頗有好感.............蝦腸可說失敗之作,一條腸粉只有一隻蝦,粉厚蝦肉梅,不推介了...牛肉球不太差,以小點價錢,值得一試...燒賣味道同外觀一樣差,餡料不夠結實,很鬆散..整體而言,食完呢餐後,口腔感覺充滿味精.只能說埋單人均只係58元,仲有乜要求呢.如果飲茶唔想等位,對食物質素亦冇要求的話,平平地填飽肚子,呢度勉強可以解決一餐.…查看更多

今朝同阿仔老婆黎飲早茶。早兩星期前黎過，覺得幾好味，所以今次再回頭。...呢度轉左用手機點餐，我用wechat掃描座枱上的qr code，就會自動進入點餐系統，好玩又方便。...新增左自助茶煲，好快水滾。水喉連接住下面的大水樽（飲水機嗰啲），如水煲無水的話佢會自動灌水，手動按灌水也可以。...蝦腸粉，上次食過幾好，今次食就差少少，唔夠熱，感覺好似放涼左一段時間先至上枱。...相反，鳳爪排骨飯夠晒熱辣辣。味道正常吧，飯偏軟身。這個飯，搭配大碟又惹味的金錢肚，只需33.5，非常便宜。....蝦餃，上次食過，因為皮薄飽滿所以今次再叫。今次皮厚左少少、裡面又縮左少少。...燒賣，前面頭頂的蝦仁失衡跌低，扶番好佢再拍群照。以下係食燒賣大的阿仔的感想：「蝦冇蝦餃咁彈牙，但蝦餃本身好彈牙」佢講左啲咩... 好有哲學性的一句說話。...阿仔說：「牛肉球出面暖，裡面暖。」好奇炒的感受。...阿仔說：「個皮好脆，裡面就好似蓮蓉咁蓉。」呢個比喻都幾高分。…查看更多

今日星期四，假期，中午同老婆阿仔黎呢度食lunch。之前黎過好多次，相隔一段日子後，又再來回味番。...蟹棒，家中雪櫃已長期有貨，阿仔瘋狂愛上蟹棒，出街叫餐都仍然要食蟹棒蟹棒蟹棒蟹棒....我未拍照，佢就已經開餐了。.我唔敢搶佢啲蟹棒，只係飲左幾啖魚湯，魚湯真係極鮮味，也帶點點柴魚香味。...我叫左雜錦魚生飯套餐，只係$58，附魚湯，還有汽水。（學生價$50）整碗份量超多，我覺得有2人份量，努力之下終於食晒，好飽！魚生味道正常，我需要落好多壽司豉油伴食。至於飯，我覺得今次的質地有點濕淋。...老婆叫左呢個炸豬扒飯套餐，只係$48，附醃黃蘿蔔、魚湯、汽水，我留意到呢個套餐係最多人叫！炸豬扒超級大件，而且伴有沙律菜。.我試左一小件，覺得外層非常香脆，只是裡面的豬扒較乾，需要蘸大量沙律醬來吃。.份量大、價錢平，吃這個餐真係幾滿足的。…查看更多

今早在家叫早餐外賣，半個多小時就送上來了，我立刻搖醒阿仔起床食早餐，但當他見到早餐是多士時，即流露失望的表情，他謂想吃公仔麵多啲.......我叫左個辣雞多士，因為未食過，點餐時以為多士中間會夾住塊炸雞肉，但原來係一塊雞肉餅。.整件多士最大味道係啲醬汁，醬汁大甜大辣的，令我唔係好食到其他餡料的味道。整體都算惹味的，但我覺得阿仔嗰件好味啲。...阿仔食呢份，經典火腿芝士多士。呢件好味過辣雞多士，所有材料都超夾味。唯一阿仔唔滿意係中間嗰塊粟米蛋餅，佢怕粟米....搵次同老婆一齊研究自製多士，我覺得自家製也可能不比這件多士差的。...因為係外送，唔能夠享受即叫即食，所以多士軟身了，是意料中事。幸好來到的炸雞塊（共四塊），口感仍然保持脆卜卜。雞肉不太乾，味道適中，作為小食都不錯，阿仔最喜歡這個。...附上IMPOSSIBLE的旗仔牙簽，今次哪項食物用上了植物肉？…查看更多

只係因為搵位容易，所以入黎試試，一試就令人永誌難忘，呢度的食物突破傳統，製作出你無發想象的特殊味道。...阿仔一向熱愛燒賣，會一粒接一粒咁食。今次佢好客氣，食完一粒之後，就讓我食埋其餘全部。.首先燒賣的外型頗令人不安，顏色黃中帶點灰，不知道這暗灰色是如何產生的。此外，第一啖咬落蝦仁度，會食到像漿糊又像鼻涕的東西，一剎那間諗緊係咪啲蝦仁未熟，冷靜再想，便認為這些漿液應該係濕左嘅生粉。另外調味偏鹹，不合我口味。...阿仔只鍾情吃麵，所以叫左「鴻圖窩伊麵」。阿仔真係名付其實，自覺地添麵，但我就覺得有點難食。第一湯底一字記之曰：鹹，第二伊麵泡得太淋了，第三所謂蟹粉是瑩光筆的橙色，味道也難以識別出是屬於哪種食物，這種咁特殊的料理我是首次遇見。...叫左一份乳豬例牌，啲乳豬好乾，好難咬，油份不多，我即時聯想到，用氣炸鍋炸廿分鐘的話就係呢種效果了。...最後食埋個鮮竹卷，食到中途才補拍照。鮮竹卷口感散軟無力，味道偏鹹不夠鮮美。.整體來說，呢度啲食物似乎偏鹹，而且是像浸了鹽水的嗰種鹹味。此外材料感覺不夠鮮美，所以不夠好吃。…查看更多

今日同老婆阿仔黎食lunch，之前幾次都訂唔到檯，今次要早兩星期前致電才成功訂到。...安格斯牛叉燒。味道及口感跟叉燒幾乎一樣，一嚐再嚐，都覺得跟叉燒無異。肉質軟淋，叉燒醬汁又甜又惹味，肉味香濃，美味得很。..黑色係竹碳粉來的，外層脆卜卜，帶有鹹味。咬開薄脆的外層，見到裡面係白滑滑的豆腐，一黑一白的組合，真的很有驚喜，味道及創意兼備。呢個叫黑金豆腐。..蓮藕夾。蓮藕爽口又甜，中間夾住惹味嘅肉餅，食唔停口。..本來想食個石鍋炒飯，但阿仔堅持要食麵，所以叫左個燴伊麵。伊麵一到，佢又話飽唔想食，激死我！伊麵味道很好，調味適中。份量亦很大，可以分到五、六碗！..呢度啲點心味道很不錯，主要係因為調味不過火，不鹹、不重味。件件都口感飽滿、味鮮十足。…查看更多

呢晚一家五口黎食飯，正係做緊阿拉斯加帝皇蟹優惠，136蚊/斤，我地今次揀嗰隻係6.5斤，只係884蚊，抵到令人尖叫。..首先去揀蟹先。踏入九、十月啲蟹夠晒大隻，原先我地想揀隻7斤以上的，但揀來揀去，最大的只有6.5，唯有照收貨。..等左20多分鐘左右清蒸蟹便到了。我地急急拍照之後就開始起動，各人先拔走一隻蟹腳，蟹腳味道鮮甜到不得了。阿仔大讚蟹腳好味過日式蟹柳，那當然的啦.....食完蟹腳，我地預備好兩個碗，然後用力打開蟹蓋，並小心地將蟹黃倒出來，盛滿一隻小飯碗。我倒起半碗，用來撈白飯吃，非常美味，味道非常夾。.最後將蟹身剪成六份，份份都極之厚肉，要張大個口食。..當晚我地只叫清菜及伊麵。清菜份量多得嚇人，應該有兩斤以上...如果有淨伊麵就好了，用蟹黃來拌伊麵的話應該會相當滋味。..是晚大家都食到太飽了，但仲有蟹肉剩，唯有打包拎返屋企拆肉，整一味蟹肉炒蛋。.…查看更多

呢日與同事前來吃個午餐，今天只有兩枱客，共四位客人，人太少了，可惜了美味的食物。..Lunch係semi-buffet，我率先拎一堆沙律菜及cold cuts，沙律菜真的非常新鮮，我不禁添了幾次。蘋果沙律也很好吃，相信另一枱食客也有同感，因為我發現這盆蘋果沙律消耗得好快。..奉上了餐包及西式濃湯。到餐包差不多吃完時才見到餐枱上其實有油醋.....主菜我點了西冷扒，肉質稍硬，肉味未算突出，但看看價錢之後就不會要求得太苛刻了。同事點了羊架，我未有試味，但看上去好像不錯。薯條係好味的！熱辣辣又夠香脆。..吃完主菜就開始吃甜品了，整體味道不錯，其中兩款panna cotta都好好味，滑滑嫩嫩的，奶香濃味十足。..最後食埋冰條！我找到了奇異果味，吃著覺得根本係冰狀的奇異果，味道真實到不得了。.然後吃豆腐味的冰球，袋裝來的，我不懂怎麼拿上手吃，用叉篤住佢的話，未幾又滑下來....臨走前拿走了菠蘿雪條，帶著吃。味道又係真菠蘿來的，極好吃。.今餐用左指定信用卡找數，有85折。…查看更多