認識呢間澳門冷門水蟹粥宵夜店都算係本人既幸運, 因為香港人去澳門食水蟹粥永遠都離唔開官也街既誠昌; 但係我認識呢間美食店不得不多謝9年前認識某間酒店既bell boy, 係呢位人兄極力推介我去此店品嚐"一哥水蟹粥". 每次去香港以外既地方我總會問當地人有咩好介紹, 因為品嚐美食唔一定要有"品牌效應"先係叫美食, 始終都係"猛虎不及地頭蟲"先係真. 
生滾水蟹粥: 一人一碗份量有一整隻小既水蟹, 好有鮮甜味, 粥既質地好有住家feel並無太多味精. 一讚!! 豉椒炒蜆: 夠鑊氣, 新鮮, "野"味, 味道恰當! 椒絲腐乳炒通菜: 同樣夠鑊氣.雖然此店並唔係大街大巷既食店, 但每次到此一食永遠都會見到好多澳門既街坊幫趁. 9年前初嚐此店, 9年後再到此一食. 水準仍然保持. 正!還有不得不提及既係: 此店絕對係抵食, 炒野都真係幾大碟. 此晚2人進膳
…查看更多 沙田茵這間餐廳是我在80年代時巳經算是我喜愛及最懷念既餐廳之一, 兒時聽到阿爸阿媽話70年代最多人來呢度拍拖食飯, 原來係一個拍拖勝地. 事隔巳經都20年好想懷緬這間餐廳既食物同地點.
沙嗲: 唔洗講.. 仍然原用10幾20年前既炭爐上, 但唯獨是有不同之處係而家唔係用炭去"慶"住D沙嗲. 不過味道仍然係好好味. 呢個真係一絕, 佢地既沙嗲汁都係好懷舊好好味. 正! 春卷: 新鮮炸起好脆, 好特色. 好味 印尼炒飯: 真係好懷舊既味道, 幾十年都係如一. 正 珍多冰: 細路仔既我時. 阿爸成日都覺得我係好鐘意飲珍多冰, 因為好特色有綠色既涼粉條, 上面有一層白色既椰汁, 最低層有一少層既糖漿, 每次一坐底仲會第一句問我" 係唔係珍多冰" 以前覺得呢一杯既珍多冰好大杯好似飲極都飲唔完. 而家長大左同樣都係"珍多冰"唔該. 但係老闆仍然用返以前既玻璃杯. 感覺好似少左D. 但係幾好飲幾特別而家出面都好少有呢一種飲品喇. 總體上食物水準各樣都係可以保持到幾十年, 只係環境上少了一個小朋友最喜愛玩既滑梯. 食物好味固然係最梗要, 但係可以一代傳一代既家族式餐廳係呢個20世紀都見少買少. 可以令人回味到過去既味道呢一樣先係最難得最值得. :)…查看更多
…查看更多
