DCSF的个人专页

今晚與家人共進晚餐，太太選了一間在官塘工廈內的私房菜，這間私房菜原來開業已有13年之久，能夠在官塘這卧虎藏龍之地開業至今，必是有口皆碑之店。 滷水鵝肝鵝腎~這款前菜小食是店家送給生日的朋友，份量亦不少。鵝肝非常粉嫩細滑，鵝腎爽口，兩款小食滷得入味。 滷水鵝~師傅細心巳將滷水鵝起肉拆骨，吃起來非常方便，鵝肉軟嫩滲出滷水香味沒有多餘的咸味。 黑毛豬叉燒~叉燒以厚切方式足以証明店家定招牌菜色極有信心，果然肉質鬆軟，蜜味不會過濃搶去黑毛豬肉味，最喜歡他們可以做出少少濃邊，識食當然是揀濃邊叉燒，除了某間米芝蓮中菜之外，暫時吃過最好味叉燒。 蒜蓉粉絲蒸大元貝~原隻元貝配上蒜蓉及粉絲簡直是絕配，元貝肉質鮮嫰，粉絲充滿元貝汁再加上蒜蓉，已經分不清誰是主角。..蒜蓉蒸特大蟶子~蟶子非常大隻，火候恰到肉質爽口味道鮮甜。 香芒沙律大蝦球~以芒果做成的芒果醬汁包裹著原隻香脆大蝦球，蝦球脆中帶爽甜，伴隨的鮮果沙律亦非常醒胃。 古法蒜子炒大肉蟹~以砂鍋盛載，蒜子及葱香氣令大肉蟹鑊氣十足，蟹肉口感扎實鮮甜！。 醬香菌皇乳鴿砂鍋飯~店員在上菜前，淋上小杯醬香茅台，令砂鍋炒飯加添香氣。以砂鍋炒飯比平常炒飯更俱鑊氣及乾身粒粒分明，鴿肉與茅台酒香令飯更有層次。 店家在餐後送上抹茶布丁，為這餐美食完美句號。離開前見到VIP房內有客人興高采烈地喝酒，這原來是免開瓶費，非常適合喜歡美食靚酒的大班朋友共聚。…查看更多

這每日都有兩款抵食$29粉麵早餐，以價錢已經完勝同街其他兩間茶餐廳，今日叫左五香肉丁太陽蛋麵配熱即磨熱咖啡，雖然是$29但味道與份量不會偷功減料，絕對抵食之選。…查看更多

之前經過鯉魚門市場內有間坐滿食客的燒味茶餐廳，今日有機會試下，正值下午茶時間，食客多到必須搭枱。下午茶燒鴨瀨粉包熱飲都係$36蚊(凍飲加$3)，嘩！好少有茶餐廳燒味與湯粉分開上，燒鴨皮雖不算脆但勝在肉嫩骨香，湯粉亦夠味，不過小弟愛吃辣，加左少少辣椒油吊味，仲要係我至愛潮州辣椒油，呢個價錢比起什麼太x贏晒。餐廳有其他潮州粉麵供應，見到有個五寶燒味餐，有飯有湯有油菜都係$78蚊，比起連鎖餐廳絕對要支持本地小店。味道抵食…查看更多

冷雨夜正值晚飯時份，經過觀塘內街，餐廳侍應在門外殷勤推介下，價錢又合理便入內試試。問了侍應有什麼推薦，她推薦招牌菜3D芥蘭、胡椒豬肚浸大蜆，另外我再叫多個胡麻醬牛柳粒。胡椒豬肚浸大蜆：我最鍾意胡椒豬肚湯，用小木桶承載滿滿材料，豬肚軟嫩沒有內臟腥味，大蜆又肥又大隻，湯色夠奶白飲一啖即時暖意上升。3D芥蘭：原來是變奏版生菜包，將芥蘭葉切碎再炸，脆到好似吃薯片，芥蘭莖原條生炒爽中帶嫰，豬肉碎簡單用辣椒蒜頭乾葱爆炒，再連芥蘭葉一併用生菜包著吃，完全跟泰式生菜包有異曲同工之妙。胡麻醬炒牛柳粒：醬汁包裹牛柳粒，牛柳粒夠軟淋，再加上舖上七味粉，非常惹味。整體食物質素夠鑊氣，侍應服務好，見到很多人吃火鍋，氣氛夠熱鬧。…查看更多

夜晚7：30去到仍有大約10款小菜選，眼見有西蘭花炒大蝦，其實都預左唔會俾多蝦你，去到要揀餸時有個阿姐將所有大蝦撥埋一邊然後拎個大盒裝起晒，目測起碼20隻以上，装到剩2隻裝唔到收手，之後將盒蝦放後面，剩返成盤西蘭花。心諗自己要食都唔好甘張揚，過份左少少囉:(呢間嘢味道不過不失，但款式日日都係嗰幾樣野…查看更多

筲箕灣少有呢類鍋貼店，行過見到新舖支持下，買2隻生煎包3隻鍋貼共＄15，回到家發現少左1隻生煎包，$3本來唔係咩一回事，不過味道只係普通不過，鍋貼生煎包冇汁，一般貨式。…查看更多

1) Lunch Set Menu唔包飲品，要另加錢。即係A-La-Carte2) 所謂全單半價，又係取考。只有少量打星標記先有折3) 食物質素屬中等4) 服務普通, 不會主動給客人清水5) 冇準備足夠找贖，要客人等…查看更多