lorl622的个人专页

今日食Lunch難得自己一個人食，無乜諗頭，行行吓經過呢間茶記諗住試吓，入到去都幾多人，心諗應該都無死，因為一個人嘅關係好快有位，當然喺中上環普遍嘅餐廳內部空間都唔會好闊落，喺呢邊做左嘢咁咁耐都慣，間餐廳午餐其實都多選擇嘅，不過就無乜嘢啱我心水，最後點左個粟米吉列魚柳飯加凍奶茶，上餐都算快，奶茶正正常常無乜特別，個飯一來到⋯⋯我嬲9左⋯⋯我咁大個仔食左咁多年粟米魚飯⋯⋯呢間啲粟米汁嘅粟米都算少得可憐，張相你見到嘅粟米已經係全部了，無收埋，個汁係完全透明，無乜夾雜好多嘢，正常其他茶記點都會有好多蛋花，但呢度係大概得10%有蛋，其他芡都係透明狀黏液⋯⋯我立刻心入面講左句粗口，但因為肚餓關係，我都係要食，個汁味道都已經咁嘅賣相我就唔再評論乜，但個吉列魚都算脆生同夠熱，埋單$73，應該唔會再有下次⋯⋯或者係我叫錯左，因為我眼見其他人啲嘢食賣相都正常，今日個Lunch唔太開心🙂…查看更多

秋日環球海鮮盛宴自助晚餐 ，六歲以下免費我哋又黎食自助餐啦！而家折上折優惠！實在非常抵食！食物選擇多～甜品仲好啱我心水！非常適合一班朋友、屋企人嚟食架～桂花片皮鴨～籠仔蒸海上鮮麻辣海鮮煲新鮮即開生蠔、雪花蟹腳、海蝦、海螺等⋯星期五至日及公眾假期仲有波士頓龍蝦供應，非常鮮味泰式粉絲蝦沙律、日式燒牛肉沙律、意式海鮮沙律等⋯鮮甜刺身、壽司，雜錦芝士拼盤即開生蠔！好新鮮～即煎鵝肝伴黑松露汁、迷你酥皮焗黑松露海鮮、籠仔蒸海上鮮～原個蒸籠清蒸、食到海鮮鮮味！四川麻辣海鮮煲～有扇貝、蝦、花甲、藍青口、皇后蟹腳！好惹味～桂花片皮鴨～皮脆肉嫩配係桂花醬同薯片上，口感特別！後日好林！好多肉汁！限定口味！芒果好甜！芒果拿破崙榴槤雪條！超好味～每次必食嘅芒果拿破崙，芒果奶凍、榴槤忌廉蛋糕、雜果香檳啫喱、紅桑子朱古力蛋糕、熱情果慕絲蛋糕，榴槤班戟！Häagen-Dazs雪糕、窩夫、限定嘅牛奶日式焙茶同朱古力蛋糕咖啡、甜品迷唔好錯過！重點！6歲以下免費！太好啦！超正！係酒店 eShop 預訂，仲有高達 8 折優惠架～晚餐折咗平日$3百幾蚊一位咋！31/10/2019前身份證號碼有「8」、「1」或「0」可額外9折優惠！折上折呀！12/10/19生日仲免費添！…查看更多

下午經過屯門又唔知食乜好，是但見到間燉奶佬就走左入去，平常午餐都有食過，咁算可以！但是依家啲下午茶都唔平喎⋯不過都多選擇嘅，而且少有呢度係有中式糖水提供！一個下午茶餐咁樣就$38⋯質素越嚟越麻麻哋，西多士普普通通冇咩特別，粟米都幾甜嘅！雞翼炸得乾得滯！配咗個甜酸辣醬，食落就好啲！杯凍檸茶冇茶味⋯又唔夠甜⋯唔好飲！超普通的一餐下午茶，而且價錢唔平！下次都係唔好咁衝動，上OpenRice睇咗食評先食！哈哈！…查看更多

同小朋友去完反斗城經過見到間拉麵店，一見到拉麵就即刻衝左入去⋯點知入到去睇餐牌原來全部都係蝦味道嘅拉麵同湯底！死啦唔食海鮮嘅我，好怕會有浸腥味！原來除咗拉麵仲有飯、餃子等食物！帶住小朋友都有其他選擇~好彩雖然係蝦湯底，但係一啲都唔腥！味道幾香，湯底都幾濃郁，幾好食喎！連啲拉麵都有浸蝦味～都幾爽口喎！糖心蛋都好好食都好入味！叉燒就一般般啦！餃子外脆，有肉汁！都幾香囗喎！以後又有新拉麵選擇！唔使成日淨係食豬骨湯啦…查看更多

大型連鎖餐廳，品質一定唔會太差！每次來親呢度小朋友都話要食免治牛肉飯！個醬汁偏甜嘅，所以小朋友好鍾意！窩蛋叫佢轉做熟蛋！咁小朋友都可以食啦！份量都幾大同小朋友一齊食都得！跟餐嘅例湯，都幾好飲！唔似味精湯！另外嗰杯係熱菜蜜，夠甜味！常餐嘅沙嗲牛肉米線普普通通冇咩特別，米線偏淋嘅，沙嗲牛肉都幾多，都幾大碗！食完好飽～黑松露炒蛋，又幾鬼香喎！都幾多黑松露！炒蛋都幾滑～多蛋汁！唔錯～牛油多士係焗過嘅，好香脆！…查看更多

今日去咗荃灣搵食，見到間台灣野好似唔錯，就入去試吓先！清湯魚腐墨魚丸米線個湯底幾好飲喎！有杞子同雞湯味！清清地唔錯，而且份量都幾多！大大碗米線，爽口～魚腐同墨魚丸都OK嘅！肉操肥牛飯肉操就比較顯偏硬嘅！味道濃郁，老番食都唔錯！燒汁肥牛都唔錯，有牛味！有成兩大碗飯！最後食唔晒～小朋友都好鍾意食加咗個滷水雞翼，啲皮好淋肉好入味，都唔錯！今次又眼闊肚窄，食唔晒添！因為佢哋份量都幾多！下次可以叫少一樣，咁就啱啱好啦！…查看更多

今日出大圍搵食，見冇咩人又未食過所以就試吓呢間！一入間餐廳就聞到少少臭味⋯唔知係啲油味定膠味⋯餐湯係羅宋湯，唔夠味，味道好淡王牌叉燒牛乳炒蛋飯本身見隔離枱嗰碟又大碟又好似好好食，所以叫咗！點知原來麻麻地架咋⋯叉燒偏硬！有So味，雞蛋唔夠滑，個飯仲有啲涷添⋯諗住魚香茄子穩陣啦！點知都係麻麻地，唔夠惹味！睇吓啲汁勁多⋯普通醬汁撈飯！唔夠香！整個常餐，炒蛋都係唔夠滑！方包正常！最期待嘅瑞士汁雞翼公仔麵，點知係苦㗎⋯燶左陣苦味⋯唉！你睇隻雞翼黑蚊蚊咁，麵全部都係燶味，一啲瑞士汁嘅甜味都冇⋯好失望！原因之前食嗰啲都已經麻麻哋，所以費事叫佢換⋯…查看更多

哈哈！我又來食out back啦！未有小朋友已經成日嚟食！好啱我口味好好食！而家帶住小朋友都繼續來食！呢度有BB櫈，最重要假期都唔多人，可能冇咩人知呢度有間，午餐好抵食！黑糖餐包，暖暖地好好食！番茄忌廉餐湯同沙律，都好好食，食晒唔記得影相！叫咗個藍芝士漢堡包！正！分量足夠～肉汁豐富雞肉忌廉意粉，原來加咗少少黑椒，有少少辣⋯原本諗住俾小朋友食，佢話好辣唔啱食⋯我就覺得OK嘅忌廉汁好香濃！每次必叫嘅芝士薯條！最鍾意粗薯條又香又脆！仲有梗係炸蘑菇啦！大大粒蘑菇，超正！餐飲叫咗凍檸茶，又係好大杯！食到好鬼飽～午餐嚟食真係好抵！…查看更多

次次經過都未開，終於等到喇！今次經過終於開張啦！梗係要即刻幫襯啦～就係搵食市集隔離，正到爆以後唔使出九龍都有得食！原來除咗雞蛋仔格仔餅，仲有雪糕同飲品㗎！唔好睇佢價錢小小貴，因為佢真係物有所值！除咗平時食開嘅原味雞蛋仔，呢度仲有好多款唔同口味！有咸又有甜味！鹹蛋、香蕉朱古力、抹茶紅豆、紫菜粟米、金沙醬榛子粒！喺媽咪雞蛋仔買嘢食，要等已經係常識！哈哈～不過今日冇咩人，等左10分鐘左右啦！叫咗個原味格仔餅！外脆內軟！超級好食！超多醬汁！另外叫咗個香蕉朱古力雞蛋仔，好大底啊！有成三十幾粒！都係外脆內軟！超級好食～入面有新鮮香蕉肉，夾埋朱古力食一流！又香又甜！係大圍開咗，以後經過都要買！哈哈！…查看更多

每次見到都會想入去食嘅景霖米線！雖然唔係咁肚餓，但係佢嘅下午茶真係好抵食！一餸米線加飲品加兩隻雞翼$38咋！兩餸米線加飲品都係$35！今次我叫咗魚皮餃清湯米線～魚皮餃幾彈牙！米線好爽口！青湯底味道都唔錯！真係唔好意思！食到一半先記得影相，哈哈，我太為食啦～呢度嘅雞翼我覺得好好食！有麻辣同香草口味，我揀咗香草雞翼，超惹味！好香口～雞肉好食有肉汁！得兩隻真係唔夠喉呀！今日唔想飲凍野，飲品我轉左杯熱檸水，正正常常！仲有好多款配料！下次要試吓先…查看更多

好耐冇食過啦！以前返工附近有呢間餐廳，所以成日都去食！假期周圍都排滿晒人，呢間仲有位就食呢間啦！而且有BB櫈提供！今次餐湯係羅宋湯，酸酸甜甜好開胃！焗野菌汁雞扒飯份量適中，焗到好香，有少少飯焦～雞肉好入味，野菌汁好香濃～伴飯食唔錯！另外加咗個芝士焗薯蓉！芝士好香喔配埋薯仔食好好食！個法包係配餐湯嘅！外脆內軟～最後叫多咗個草莓撻！草莓好酸，但係我小朋友好鍾意食，個餅底唔錯，好香脆～加埋吉士忌廉食好鬼正！…查看更多

個仔要求要食拉麵！所以帶咗佢嚟豚王！叫咗最普通果款，豬骨湯底拉麵～有幾塊腩肉一，木耳同椰菜～湯底選擇普通濃度，都好香！麵條硬度適中！不過同小朋友食嘅話可能選擇淡啲會好啲！餃子！個皮煎到好香脆！入面啲肉好多汁，點埋啲醋幾好食！另外叫咗糖心蛋同紫菜！呢隻糖心蛋超級正！你睇下個蛋黃！仲流心㗎！半生熟咁超級好味！而且個蛋味濃郁！齒頰留香呀！呢度有BB櫈提供，外型設計時尚！有凍檸檬水～仲有新嘅限定王，山椒！鍾意辣嘅可以黎試吓！…查看更多

又食壽司啦！雖然係父親節，但係老婆想食壽司～所以就入元氣啦！呢度嘅帆立貝真係好新鮮！好好食，而且都幾大隻！每次嚟到必食嘅！仲有新鮮蟹柳，超級鮮味！鰻魚飯係我仔必點食物！好食值得一讚呢度嘅員工！係一個長得高高嘅男生，當日叫飛帶位都係佢，等位嘅時候已經好貼心，送貼紙比出邊等位嘅每一個小朋友！等小朋友等位嘅時候都可以玩貼紙！仲有主動提供兒童餐具！等小朋友食得方便啲！呢兩樣野係我食過咁多次元氣壽司都未遇過嘅！員工親切貼心，值得加分！…查看更多

我和啫啫有個約會！今次來係為咗挑戰呢個《摸蜆贏機票》個貝殼超巨型！入面裝住好多蜆呀！老闆仲好熱情！同客人傾計一齊玩！場內好熱鬧～大家都玩得好開心！我隻手都唔細架！哈哈！老闆仲教你秘技，點樣先撈得最多！哈哈！都唔少喎！一陣仲可以煮埋黎食，正！頭三名有獎品㗎！幾好玩！希望得獎啦～掛住食！個雞煲都唔記得影相！好好食好夠味！醬汁好濃郁！食完雞可以煮埋鮑魚同蜆食！鮑魚大大隻，好彈牙！蜆肉好鮮甜，最後煮埋個烏冬！超級好食～好夠味點解咁好食，有秘製啫啫雞醬汁！之後仲可以打邊爐，必食豬骨湯底，肥牛、蔬菜、出邊有自助材料可以自己拎～有六十幾款！款式都好多！新鮮蔬菜籃～仲有出前一丁！汽水啤酒飲品任飲，指定有貼價錢就要另外付款～兩小時任飲任食，啱晒我大食之人！…查看更多

老婆指定要食湯飯～好彩呢間有得買咋！尋美仨鮮湯飯$78都幾大碗喎！份量兩個人食都夠！魚湯底，不過似味精湯～食完好頸渴！有兩塊蝦餅、幾粒青口、兩塊魚、仲有炸魚皮、菇同蔬菜～都幾豐富！湯飯仲有另外兩款見到呢款咁得意又要試吓先！濃朱古力沙冰奶$38好大杯！朱古力味都幾濃，上面鋪左啲好似係啊華田粉，一路飲上面啲維他奶就會跌落嚟～都幾好飲！仲有紅豆同士多啤梨味！M5澳洲和牛炒河粉$62有點失望，冇鑊氣～牛肉同平時茶餐廳差唔多，唔覺得係澳洲和牛⋯啲河粉好碎，一夾就散晒！咖喱豬扒飯兩大塊豬扒炸得好香口，咖喱偏辣～跟餐嘅凍奶茶，茶味香濃夠滑！呢度仲有粉面食～都幾多選擇！…查看更多