為食食客的个人专页

今日行街經過，熱熱地買杯野飲下，見到椰汁大王今日冇人排隊，整杯試下。椰汁有個價錢，樽裝$30，大杯$25，細杯$22。我就買左大杯飲，夠凍冇咩冰，味道就淡，飲都有啲應該椰絲喺入面。飲完就唔係好明點解咁多人幫襯。…查看更多

同老細行開街，想搵間冰室食下野，即刻上網睇吓，見到e間裝修有特式，就去會一會佢，仲有係拎過獎的。平日中午時間去到，疫情下都要等位，不過都好快，大約等咗15分鐘到，入到去比左個卡位我地坐。野食我就叫左個叉燒炒蛋飯，味道都唔錯但蛋就比較油咗啲，如果飯量可以多番啲就好啦，我老細食左常餐，都係蛋比較多油。見佢地門面大大個牌寫住佢哋係奶茶拎過獎，當然餐飲就試一試佢杯奶茶啦,都真係可以會一會佢。裝修真係都幾有特色，係整體係間鋪都好乾淨唔係好似一般冰室。我會間餐廳3.5分…查看更多

果日路經過間舖頭，見到人少少，加上我老細想食甜品，所以入去試一試。疫情期間真係無咩人，去店食，見到佢地已經在座位間加左板。食咗一個雷沙湯丸同綠茶窩夫雷沙湯丸就可以唔使試都得。不過鍾意食窩夫你地，可以試吓佢哋窩夫，食落口是好實在，唔似食空氣果隻，同佢地整到窩夫出面脆脆地，正。我地叫的時候都唔知有午餐，之後佢地主動比杯茶我，我再問佢到先知，職員幫我地轉左午餐，當然都是唔使另外加錢。我會比3分佢地的窩夫…查看更多

千兩終於都係德福商場開左間分鋪，大型連鎖店，仲要係有質素的，果日是平日中午時間，都多人等位，我兩人去食都要等左20分鐘先可以入座。疫情期間都見到做多左好多清潔，佢地用在膠板分間座位之間，我覺得感覺好左同私隱同又高左，唔錯。食物方面我好鐘情佢地的玉子，味道幾好食，其他的的壽司🍣味道都唔錯，起碼食完唔會肚餓。始終都係大型連鎖店食品嘅來源有一定嘅質素。不過果日就服務有點甩漏，要我追單。仲有我好欣賞佢地的Wasabi，有質素，唔質平常果d得個辣味。…查看更多

第一次黎食，由於疫情關係，好多人都會去左離島玩，我一家都一齊去左。入到島人山人海間間餐廳都好多人，見到佢唔使等位就沖左入去，仲要有出面海景位坐,唔記得左影個景，確實好正。到食物方面，我地都係叫左午餐，分別是豬排意粉，佢地用的豬排是有質素果隻，魚柳包方面有驚喜，似去面連鎖西餐廳果隻，味道都唔錯。餐湯同法包就一般，果杯咖啡....可以試飲其他野。 價錢方面要收加一，旁邊其他餐廳都唔使收，除左酒家，午餐都要收百幾1個餐到。我自會比間餐3星，個景是令我覺得最正。…查看更多

見到香港連續多日都沒有新增個案，加上政府又放寬限聚令。加上母親節就到，所以邀請左兩老一齊你食返個自助午餐，我哋一行六人。上openrice有優惠65折。由於安全起見，餐廳都要客人每次令食物時，都要帶口罩，我都多次見到有客人忘記帶口罩拎食物時，都被職員提他們要帶口罩。冷盤區都有蟹腳青口蟹鉗蝦。湯必飲五指毛桃湯。另外想特別介紹一下佢哋嘅叉燒同楊州炒飯，可能大家都會覺得好普通姐，想提一提大家帝苑酒店入邊有一間中菜廳，而叉燒同楊州炒飯係佢哋嘅出品，所以有質素嘅保證，而有食過佢地中菜，就明白我係咩意思。甜品方面帝苑始終都有甜品鋪，所以係款式方面都較多，特別要食佢嘅蝴蝶酥。魚生方面對我來講今次就冇驚喜啦。我自己幾會比4星間餐廳，職員收碟服務好好。…查看更多

第二次黎食啦，今次試下食晚餐，叫左套餐可以有任食沙侓吧，必需向大家介紹一下佢地的T骨，好大塊，友人話味道很正。我就食春雞提扒，味道普通。小朋友就食兒童餐，蔬菜生果夠平均，味道適合小朋友食。我仲叫咗個蛋炒飯同三文魚意粉自己會比3.5分…查看更多

去完海洋公園玩梗係要試吓酒店嘅自助餐啦間自助餐絕對值得一試，雪糕有兩款牌子H,M環境好正，食物質素好好，沙律嘅菜式好多款甜品質素好好，座位坐得好總評分4.5，值得一試…查看更多

大喜屋集團，相信唔少人都一定幫襯過。見到銅鑼灣呢間極尚大喜屋幾百個評語，就知道己有質素。我自己就好耐冇幫襯過啦，落單係掃描個QR code喺電話度落單，非常方便又環保，仲可以知道自己落幾時落單，野食方面魚生，一定係好好食，冇得輸。芝麻雞翼好食。其他野食都有一定質素有陣時覺得放題嘅質素仲好過食酒店自助餐總評分4.5星…查看更多

前門家常餅太油膩招牌生煎包更油膩，仲要話招牌，差棗泥拉糕，可以試食瑤柱蛋白蝦仁炒飯炒得夠乾身竹生荷花上素，唔錯銀絲卷一般質素賽螃蟹，一般糖醋海鮮菊花魚，唔錯總評分3星，唔會特別去試…查看更多

第一次幫襯呢間店舖見到無人排隊所以入去試一試啊分量因為成年人係足夠食味道一般招呼就好好台式大碗飯，豬排太晏，扣左分，台式腸幾好食餐廳有小朋友餐具好貼心，服務員招呼幾好總評分3星…查看更多

第一次黎食中午自助餐用OpenRice訂座有七折優惠今期呢酒店主打泰國食品，值得推介泰式冬陰公湯同豬頸肉。冷盤有長腳蟹，小龍蝦，海螺，青口，蝦，魚生有三文魚，吞拿魚，鯖魚，玉子。熟食方面有海南雞飯，點心燒賣牛肉球粉果，德國腸，蜜汁火腿，印度薄餅咖喱等等由於係平日去食所以個場只有六成滿人，環境方面係香港嘅自助餐嘅座位呢間都比較坐得舒適㗎啦。甜品呢有窩夫食，但係出奇地呢覺得木桶豆腐花好有質素，之前試過其他酒店嘅豆腐花都好差呢一間嘅豆腐花係滑，記得加紅豆。總評分比3.5星…查看更多

我都食過九龍多間素食自助餐，每日是值得推介比大家要食，前後去過4次，每次都有新野。服務是由於自助及自行收物品，所以先比3星。推介食品反沙芋（一定要食），咕嚕肉午餐$88位，嘩超值到總結我會比4.5分…查看更多

自助山，以前就係澳門食過，對比下香港的自助山不夠大間，但是佢無敵旋轉餐廳加維港景色，冇得輸。整體來講嘢食都好好食嘅甜品款式都唔差,凍海鮮品種多，有即開生蠔，長腳蟹，皇帝蟹，麵包蟹，龍蝦等等，我地帶左小朋友去熱食都好合適，自已特別喜歡食佢地奶茶味雪糕。因賞佢地的酒吧自己總評分4.5分值得推介…查看更多