pkjanel的个人专页

暫時係人生食過最惡劣既酒店自助餐. 近期去過又能俾正常rating 的其它食客, 未知是否要求很底或者係受酒店讚助.一入酒店搭電梯落地牢已有陣梅味. 入到餐廳最初感覺還好, 但一坐下就發現餐廳無冷氣. 無錯! 係3x度天氣下只有很微弱既冷氣. 佢部吹風機仲吸引我打卡吸引過d 食物. 大家看看, 左下角全部係發毛既梅點! 全餐飯就係吹住呢部唔知幾耐無清潔過既風機.一坐下, 成張枱係搖既, 放左碗湯, 隻手一掂到張枱就好似搖搖版嘩另一邊彈起, 倒到成枱湯. 搵了待應處理張枱等如無搵, 因根本係爛左. 結果唯有換枱! 好在換枱時待應都好幫手.看見酒店的環境, 放在冰上的凍海鮮我唔敢食. 避風塘炒蝦, d 蝦腸黑到嚇死人, 食到一口沙要吐出. 蒜蓉粉絲蒸勝瓜上面d 粉絲係宿既! 家中老人家連埋蒜蓉一齊食就食唔出有問題, 但我同小朋友無連蒜蓉就試到臭. 基本上全部熱葷都係凍既, 佢既保暖做得差.不過都有好味既野. 乾燒伊面不錯, 好吃彈牙. 蟲草花燉響螺湯十分好飲, 我飲了兩大碗. 刺身質素ok 不錯, 在雪櫃即取即切, 感覺良好. 甜品賣相不錯, 味道一般. 雪糕係movenpick, expresso 味係我至愛. 中途有火焰雪糕，廚師即場倒著火嘅酒落雪糕蛋糕上面, 場面震憾!最後一段又要講番餐廳環境, 因太驚嚇! 中途有曱甴在取食區穿插. 有一隻在地上我差d 踩中, 大叫左聲, 待應來一腳極速踩死, 似乎經驗十足, 眼前都咁驚嚇, 廚房入面我唔敢諗. 全程全場地下油淋淋, 我一直叫老人家要加倍小心. 客人未離場, 已倒到一地垃圾水.外傳 - 廁所篇. 由於餐廳女廁3格裡壞了1格, 差不多完場時排長龍. 我問了待應, 話我可以上兩層(由地牢去1樓)的廁所. 遠遠路行了上去, 發現要du卡至可入, 咁我入去旁邊間餐廳借匙. 果間餐廳既待應叫我落concierge度問. 果刻我已好嬲. 我係酒店顧客, 去個廁所都要上幾層樓行幾分鐘, 去到仲掃走我. 結果要另一待應再出黎至肯借匙.總結, 貼錢買難受! 無下次!…查看更多

剛去到見有用雪糕筒圍定車位, 同埋經理出黎招呼, 感覺唔錯.入去坐底, 座位舒適度一般. 個酒櫃打卡靚! 但個人唔太欣賞佢個玻璃門. 幸好我唔係坐近門口果枱, 否則每當有人出入, 在背後塊玻璃又開又關咁閃閃下. 加上大玻璃隔聲差, 成餐飯過程外面馬路的車聲人聲都好響. 我坐餐廳中間位置也很嘈, 如合埋眼, 有d 似坐緊隔離大排檔.跟住經理介紹個openrice 特價錢的menu, 也講得不錯. 㺫上菜第一味鵝肝啫喱, 味道不錯, 開胃. 有d 花花陪襯, 感覺有驚喜! 跟住個湯(無影相)係海洋Cream Soupn 味道不錯, 多料!點知黎到第三樣, 魚子醬多士同鵝肝葡撻開始出事. 首先係所有菜式既presentation 一樣, 都係果堆花花, 係一模一樣! 個魚子醬多士得個咸字, 全無香味, 同我自己買48蚊已有一盒的假魚子醬一樣味. 個鵝肝葡撻係敗筆, 得個甜字, 無鵝肝味. 甜味也襯不出鵝肝鮮味. 失敗!主菜鵝肝牛柳. 牛柳煎得唔錯, 恰到好處, 但最可借無味無汁, 唔知食乜. 個煎鵝肝係一塊散的鵝肝,,全不結實, 所以煎完都散哂. 重點又係....無汁!! 牛同鵝肝都無汁! 唔通上漏左俾我? 以佢d 食材質素, 無汁唔掂喎!最驚嚇係回想waitress 同我落單時佢問我牛柳要幾成熟, 我答medium well 佢覆我"全熟好un架喎". 我再三向同佢確認佢識聽"medium well"呢個字至放心. 上菜時當然就和應番我個標題"椰林閣feel"...份牛柳叫"7成熟牛柳"..食飽去幫襯佢個廁所, 又係一絕. 回到茶餐廳的世界! 總結, 呢個價位也可去市區一d 中檔餐廳.,呢度比較適合用眼食多過用口食的食家. 幸好我用了8折無咁肉赤! 也有可能因係openrice特價餐質素麻麻.餐廳其實有心做好! 建議整好廁所清潔, train 好waiter (唔係態度唔好, 係質素唔夠), 再在味道落d 功夫, 做得更好!…查看更多

訂了賀年外賣盤菜, 仲揀了貴果個. 1700蚊6人份量. 食物有鮑魚, 花膠, 海蔘, 瑤柱, 冬菇, 髮菜, 蠔士, 籮白, 豬腳仔, 白切雞, 燒鴨, 蓮藕.料不錯, 味道好! 個砂煲仲好靚, 雖然食完後不知如何處理.本身菜單有12道菜, 師父執漏了豬腳. 橫財沒有了就手, 11 道菜. 十分不吉利的賀年盤菜....向經理投訴, 經理最初話送番蛋糕補賞或下次幫襯飲茶送炒飯, 處理手法令人失望. 最尾只肯退回198就算了, 不想再花時間及唇舌接受了. 長輩十分不高興!…查看更多