kokoko_chan的个人专页

試過喺九龍灣同將軍澳食同一款麵包，但係口感同味道都係九龍灣嘅好食好多🧐雖然將軍澳店服務都好好，而且仲可以堂食但如果可以做到質素更加穩定就好啦！🥲整體我覺得Beans嘅包係價錢合理又好食㗎…查看更多

喺社交媒體網站見到好似好吸引咁，特登走過去食，叫咗荔枝龍眼冰、榴槤窩夫同埋一個唔知咩芋圓。個龍眼冰勁難食，咁大個女，第一次食到咁難食嘅冰，又唔甜，又多渣，啲冰又大😩😅。唯一一個優點，就係個樣算靚。跟住個榴槤窩夫，啲榴槤肉小得可憐🥲。成個甜品都冇乜榴槤味，雪糕係普通牛奶雪糕，係窩夫個面有少少榴槤汁。窩夫個質地係正常嘅，算係三樣入邊最好食雖然佢價錢係平，但我寧願佢俾多少少榴槤肉我！跟住嗰個芋圓，唔知浸咗幾耐糖水，勁死甜，一啲芋頭味都冇。…查看更多

呢個牌子未試過聽聞係過江龍，門面裝修簡約舒服見到冇乜人，唔洗等叫咗一杯熱嘅Matcha latte takeaway 第一啖入口，感覺就係：嘩，好甜呀😬原本以為會係偏甘嘅抹茶味但佢完全唔係嗰回事奶質地ok ，不過味道對於一個鍾意抹茶嘅人嚟講就爭啲 🫠 $50黎講，有更多更好嘅選擇建議可以嗌少少少少少甜😵‍💫…查看更多

今日喺附近返工天氣轉凍，買咗一杯熱朱古力🍫暖暖手味道中規中矩，少少偏甜不過感覺都係用心製作，面頭會有拉花呢個價錢，環境同態度都係合格之上👍🏻店員哥哥好友善，主動問我係咪附近返工俾咗個九折優惠😊下次可以再試吓佢地嘅咖啡☕️…查看更多

今日去airside做野，見到呢間麵包蛋糕舖🎂舖頭顏色好少女左手邊有蛋糕🍰右手邊有一排好靚嘅牛角包🥐，重有唔同口味bagel、麵包價錢大約$15-$30 不等講真好食嘅話，又唔貴wo !店員好有禮貌咁介紹啲包俾我認識最後揀咗一個芋頭麻糬牛角包（個名好似係咁🤣🤔） 麻糬好軟糯！！內餡應該係吉士+芋頭蓉牛角包都夠鬆軟 😋唔錯唔錯👍🏻 值得支持！ 係路過會想再買嘅麵包不過唔知係咪新開張，無咩人幫襯🧐反而隔離美心集團旗下嗰間bake house 就好多人🥱 要多啲支持小店，先有更多美食係香港出現！💪🏻💪🏻…查看更多

買咗燒賣同粉果，兩樣都係皮厚，比較硬身特別係燒賣，真係好失望，食緊一舊粉咁…粉果餡料又唔係特別好食辣油夠辣，但又唔係特別香唯一可取係服務員姐姐態度友善同埋價錢係唔貴嘅但都可一不可再🥲😵‍💫…查看更多

第一次去，因為疫情緣故，就冇咗堂食不過唔緊要，因為主要都係去睇🐱🐱😆貓貓全部都好可愛，好乖，又肯俾人摸❤️佢哋仲會主動過嚟搵你玩😆同埋空間都好夠大見到啲貓貓成日跑黎跑去，關係都唔錯咁🐱想輕鬆一下，玩下貓貓十分推介✨✨✨😆…查看更多

可愛既狗狗，柔和既陽光，美味既食物❤️休閒渡過一個下午🐶❤️🥞🥯🥑🍳🍹🍸🍴🌤*藍莓pancake略嫌過甜可以選擇其他食物❤️會想再黎既Cafe😊…查看更多

琴日又黎到旺角，每次都好似有新既飲品店😅😅呢間上次黎已經想試，因為寫住係台南引入嘅台灣飲品😆同埋門面幾靚😂仲要有我最鍾意嘅抹茶🍵❤️☺️今次試左「小山園抹茶拿鐵」加珍珠（珍珠係可以免費加！）抹茶夠香濃，加左黑糖珍珠令成杯嘢飲更加有層次！如果單單飲抹茶拿鐵， 就略嫌單調左少少😉而家買兩杯，第二杯有半價，所以男朋友就叫咗杯茶（唔記得叫咩名😂🙈），都幾好飲，茶味好濃，又唔會苦。下次可以再試呀～～～～～😆…查看更多

第一次飲，一入口就好似食緊榴槤糖一樣，有一陣假假嘅榴槤香精味😅😅😅😅但佢打正旗號係貓山王🤨感覺很一般😅試過坊間其他嘅榴槤奶蓋，都唔會咁香精嘅感覺勝在價錢唔算貴下次路過，都可以試吓其他嘅🤨🤨…查看更多