doradora1293的个人专页

前晚去咗呢間Supreme Steak & Grill🥩🥂呢間扒房主打抵食嘅晚市套餐同薯條任食地點就腳方便 喺銅鑼灣海都大廈樓下MTR行5分鐘到去到大概6:30pm餐廳唔算多人食到7pm左右就開始熱鬧建議想食嘅要早啲walk in或者book定位我哋嗌咗兩個餐一豬一牛 唔洗加一 值得一讚👍1️⃣西斑牙黑毛豬鞍(220g) 🥩💰$170呢款西班牙黑毛豬鞍，真係冇得輸！一拎上枱，已經聞到陣陣油香，未食已經流晒口水!切開睇到啲肉色粉嫩，仲有啲微滲嘅油脂，入口啲肉質嫩得嚟又有彈性，唔會乾柴，唔會膩😍另外仲有薯條任食，外皮炸得夠脆，完全唔係嗰啲軟淋淋嘅薯條，唔會太焦，亦唔會太油膩。2️⃣安格斯級封門柳(200g) 🥩💰$190牛扒嗌咗三成熟，煎得啱啱好唔會overcooked。牛扒比較厚身，表面有焦香，肉質夠嫩滑之餘，仲帶少少口感，唔會話散晒，油脂分佈平均，重點係牛味重(呢樣看似基本嘅要求，其實好多餐廳都未必做到)，果然係安格斯牛！封門柳呢個部位，真係夠juicy，咬開仲鎖住啲肉汁，未加任何醬汁都好好味!另外值得一提個黑椒汁，有濃郁嘅椒香又略帶甜味，啲汁牢牢掛住牛肉好惹味🥰最後飲埋凍檸樂，爽😆總結，大推呢間鋸扒，抵食又真心好食🍽…查看更多

前日去咗呢間人工爆燈嘅Layback Cafe & Bar🍽️喺銅鑼灣百樂中心17樓銅鑼灣站行過去5分鐘左右就到🚟—-—-—-—-—-—-—-—-—-—-—-—-呢間Cafe裝修好靚有好柔和嘅月球燈🌕同黑膠唱片💿忍唔住影咗勁多張相😂 📸打卡位真係太多太多—-—-—-—-—-—-—-—-—-—-—-—-—-—-—-—-—-—-—-—-—-—-—-—-1️⃣蟹膏蟹肉卡邦尼$🦀🍝158呢個卡邦尼好足料，食到最後一啖都依然係啖啖蟹肉同蟹膏，卡邦尼好creamy，芝士味超濃，同蟹肉嘅鮮味好夾✨2️⃣大澳虎蝦乾配北海道帆立貝龍蝦汁意大利飯$168🦐喺menu見到呢個配搭覺得好得意好有新鮮感，應該算係中西fusion🤔虎蝦乾好大隻，食落口感煙韌有種香甜鮮味，襯埋配埋個龍蝦汁好開胃。另外仲有四粒大大粒嘅帆立貝，火候啱啱好，鮮嫩又Q彈~個飯唔會太濕，好好味😋3️⃣八爪魚伴薯蓉🐙🥔 $118八爪魚好彈牙，鋪咗喺薯蓉上面，賣相好靚仔，薯蓉綿密幼滑，有一陣牛油香🧈😋4️⃣開心果牛奶💚🥛凍 $62朋友話呢間嘅開心果Dirty好正，但我夜晚唔想飲咁多咖啡因，就揀咗呢杯開心果牛奶💚成杯嘢勁邪惡，上面鋪滿咗勁多開心果碎，開心果味濃又唔會太甜✨5️⃣Pistachi-Yo! 💚🥥🍸$108朋友就嗌咗杯cocktail，呢杯cocktail由椰子水、椰子liqueur、rum、開心果牛奶調配而成，呢杯cocktail好有驚喜，第一啖入口係一種椰香，之後開心果同rum酒味就慢慢散發出嚟，係一種從來冇試過嘅味道，真係一試難忘，我本人本身唔算鍾意飲酒都覺得好飲✨😋6️⃣草莓抹茶巴斯克蛋糕🍓🍵🍰 $飯後甜品，目測周圍幾枱客都有嗌呢款巴斯克，所以我哋都嗌咗份，大大件蛋糕兩個人share啱啱好，抹茶味濃，但又唔會太苦澀，士多啤梨鮮甜好好味😋總結，呢間Cafe高質，啱晒打卡、食物都有一定水準，情侶同一大班朋友嚟慶生都好啱✨…查看更多

今日收工去咗食呢間天天海南雞飯我哋兩個人嗌咗四樣嘢食再加碗飯 恐龍美祿（凍）$35咖央醬炸饅頭（4個）$39喇沙海鮮小火鍋（份） $189天天海南雞（中份）（份）$169白飯/碗（碗）$19以呢個價錢喺市區食到人氣新加坡過江龍，抵呀！———————————————————————天天海南雞（中份）+白飯海南雞好滑好新鮮，一啲都唔「鞋」，仲有三種醬汁俾我哋蘸，包括黑豉油、薑蓉、同我最愛嘅酸甜辣醬，好惹味同開胃！——————2. 喇沙海鮮小火鍋超級濃嘅喇沙湯底，小火鍋有魚蛋、魚片、蝦、魷魚、青口等等，好足料，重點個煱開始乾嘅時候，店員係加湯而唔係加水！加分加分！—————————3. 咖央醬炸饅頭炸饅頭好香，個醬唔會太甜，淨係個醬已經值得我下次再返嚟幫襯—————————-4. 恐龍美祿（凍）嗌嘢飲我掙扎咗好耐，始終嗌咗咁多邪惡嘅美食，本身有諗過不如飲杯熱茶算，但最後都係敵不過兒時回憶嘅誘惑！決定飲杯N年冇飲嘅美祿！一飲，果然係童年嘅味道！總結，大滿足，會再幫襯！…查看更多

琴晚收工後同屋企人去食呢間居酒屋喺炮台山地鐵站行過去5分鐘內到1. 究極丼 $218呢個究極丼都幾大份幾足料！魚生種類多，除咗比較常見嘅三文魚之外，仲有油甘魚、左口魚等等，全部都係厚切大大塊，魚生同蝦刺身都好新鮮，海膽同吞拿魚蓉好香、唔會腥。仲有隻紫菜蛋黃，撈飯食好味，有驚喜！2.明太子雜菌地雞薄餅 $118呢個薄餅比較脆身 金黃酥脆 鋪滿咗新鮮雜菌同明太子 雞肉鮮嫩 屋企人本身唔鍾意食pizza都覺得好味3. 海膽右口魚邊蝦卷 $78平時食左口魚食得多 今次係第一次食右口魚 食落都幾驚喜 微微燒過充滿油香 好惹味個人認為左口魚比較結實 而右口魚就相對滑身 三文魚卷 $24三文魚好新鮮 肥美 即使細細嚿都食到好滿足蟹子沙律 $58蟹子量多 沙律好清新 解膩一流抹茶牛奶 (朱古力) $48抹茶牛奶茶味比奶味相對濃 ，朱古力唔會太甜，上面仲有大量cream，超邪惡！我哋7點左右去到 開始多人再晏啲先到可能要等位 建議可以預早少少攞定位呢間居酒屋裝修都幾有心思要行一條短走廊先入到去燈光比較柔和 播住日文歌都幾有feel 會再幫襯…查看更多

最近天氣凍想食啲暖笠笠嘅嘢行過灣仔見到呢間米線舖見唔洗點排隊直入 所以就入去試下店員好好笑容又好有禮貌嗌咗個二人餐 $248份量勁多 包頭盤小食 主菜 兩碗米線 湯 甜品頭盤: 昭通醬雞翼雞翼都醃得幾入味 昭通醬好香 雞翼肉質鮮嫩唔會太油 又有青瓜中和下 推薦👍🏻/湯：招牌氣鍋雞雞湯暖笠笠 好鮮甜 而且好多嚿雞好足料而且份量都好多 /豬骨清雞湯米線豬骨湯底好香 米線彈牙 /鮮菌蕃茄湯米線蕃茄湯好濃 唔會太甜/太酸 調味啱啱好米線彈牙 /主菜：滇池酸菜魚魚肉質滑溜，酸酸哋好開胃！湯底辣度啱啱好，唔會太過火。魚肉吸晒湯汁好入味。/甜品: 山水豆腐花豆味好濃、滑捋捋、唔會太甜，大推！總結: 算有驚喜，食得太多連鎖嘢想轉下口味嘅，大推呢間！…查看更多

最近轉咗新工喺北角鰂魚涌呢頭發現咗間「隱世」高質東南亞菜佢位置近鰂魚涌地鐵站B出口附近人流唔算多入到去有啲選擇困難我問老細有咩推介佢諗都唔諗就答「火山骨」既然佢咁果斷 我都即管試吓係咪咁正首先不得不提「火山骨」真係「骨如其名」成座火山咁超大份 一上菜 基本上係全場矚目店員即場灑酒 點埋火超級打卡able店員建議我哋直接用手拎嚟食佢哋都超細心 俾咗兩碗檸檬茶我哋清潔雙手火山骨脂肪較少 瘦肉較多炆到好腍好香醬汁酸酸甜甜勁開胃另外我哋叫咗個帆立貝喇沙湯底濃郁，有陣陣椰香，加上香料嘅辣味帆立貝有成四大粒 好新鮮好香米線索晒湯汁 超惹味小食就叫咗串燒(豬+雞)肉質鮮嫩好惹味點埋醬超好味椰汁紅豆冰大大杯 椰味超濃總結: 大推…查看更多

呢間漁匠屋bookmark咗好耐好多同事都話超好食特別係要試佢哋嘅魚生同炸雞所以今次就要慕名而來試吓有幾好食見到餐牌 老實講覺得有啲貴今次就叫咗個最平嘅醬油炸雞定食落單後店員就同我講要等15分鐘因為炸雞要即叫即炸所以返工放lunch嘅朋友要注意如果趕時間就唔好叫炸雞 叫返魚生丼嗰個就好等緊炸雞嘅時候店員會比定麵豉湯同飯你食住先等咗一陣炸雞終於到佢唔係KFC嗰種/韓式炸雞嗰種食落冇乜醃料嘅味道 反而有種新鮮嘅雞肉味外皮好脆 但一啲都唔油膩加埋啲檸檬汁食都幾清新個人覺得真係幾好味 不過重口味人士可能就會麻麻哋我自己就幾鍾意下次會再嚟食！…查看更多

喺屯門返工一定會去虹橋覓食今次就同同事嚟食呢間BYOB係工業風嘅cafe 餐廳幾寬敞 Lunch time唔算多人 Lunch time 食意粉為主我嗌咗個卡邦尼意粉賣相幾好 好足料 大大隻蛋好打卡able忌廉汁都幾多 好creamy不過我略嫌少少淡 之後試吓撈埋蛋汁 即刻香濃好多整體嚟講卡邦尼唔算超好食 但算係中上啦環境幾舒服 幾啱打卡價錢就正常cafe價啦 大西北嚟講有少少貴聽講佢哋嘅墨魚汁意粉、明太子意粉同鹹豬手質素唔錯下次有機會可以試吓…查看更多

早排喺屯門返工放lunch 成日好頭痕好多屯門「名物」都大排長龍本身想食雲川 但實在太多人所以就求其入咗呢間手撕雞舖我嗌咗個招牌手撕雞飯首先要讚一讚有一大pat蔥油令成個雞飯更香口更惹味至於主角手撕雞就正正常常唔會鞋口 唔會太油但都係expect到嘅味 唔算係好驚艷但四五十蚊呢個質素算係咁手撕雞可以encore 例湯就唔係幾啱我口味個人認為太油味道就鹹咗少少整體嚟講 算幾抵食如果lunch time行過卓爾居可以一試我見佢仲有其他餐仲有煲仔飯、麻醬撈等等下次可以試吓…查看更多

放lunch同同事嚟咗屯門嘅您的冰室，我叫咗個雞扒蛋包飯，落單同上菜都算係幾快手，賣相擺盆都唔錯，估唔到普通茶記都肯花心思擺靚啲嘢食！至於味道方面，個人認為味道都幾好 ！當然未至於超好食/驚為天人，就係正正常常好食嘅蛋包飯！出面層蛋皮唔會Overcooked ，飯嘅份量都算幾多，一定食得飽！至於雞扒，就係正正常常茶記質素！有啲沙律菜中和下，叫做冇咁漏！整體嚟講，呢個餐都算大份同抵食！如果去開屯門，都可以試吓！…查看更多

幾年冇食大家樂突然想食焗豬 一於落樓嗌返個幾年冇食我覺得都叫做keep到水準炒底夠香 芝士拉到絲但茄汁都係一如以往太少食到後面唔夠汁撈飯豬扒唔夠腍但五十幾蚊有個餐同嘢飲算係咁呀媽就叫咗個揚州炒飯份量好多 一個人食唔晒都算足料 好多隻蝦仁炒飯都算幾香跟餐包埋湯 但飲落有啲肥膩唔夠清家姐就叫咗個咖喱魚柳飯餐咖喱算幾香濃 有辣味但唔會太辣魚柳炸得好脆 飯嘅份量好多整得嚟講都算性價比高美食就稱唔上㗎喇但平平地快餐店質素算係咁…查看更多

最近上水開咗間日本嘢，於是今日帶埋最愛日本嘢嘅媽咪嚟試下！我哋叫四樣嘢食，鹿屋便當（$92）、限定濃厚龍蝦味噌湯拉麵套餐（$108）、赤貝壽司（$28）同三文魚壽司（$20）鹿屋便當有咖哩飯、刺身三種（三文魚2件，帶子2件，有頭甜蝦1隻）同味付螺肉。刺身好鮮甜，油脂分布平均，口感滑嫩😍咖哩醬甜甜地，有粒粒薯仔同蘿蔔，螺肉有蒜香同好彈牙，送飯一流😆限定濃厚龍蝦味噌湯拉麵套餐包勁多嘢，啱哂大胃王🤭單單係味噌湯就已經有成五六粒蜆肉，好新鮮；帆立貝同皇帝蟹棒好重蒜香同牛油味，呢個咁邪惡嘅配搭都食到我lam lam 脷😋；主角拉麵嘅硬度啱啱好，湯底有濃濃嘅龍蝦味，我真係成碗飲哂🫣士多啤梨卷蛋甜甜地，用嚟作結非常完滿！另外赤貝同三文魚壽司都係好有水準、好新鮮，呢間嘅刺身真係值得一讚整體嚟講呢間餐廳值得再食😆咁多嘢埋單只係$248，性價比幾高👍👍👍…查看更多

今日同朋友去食呢間英式扒房，首先不得不提餐廳嘅裝修好靚，好有古典特色好打卡able，忍唔住影咗好多相，影相影到夠先開始order😂😂我哋叫咗個Set dinner(💰388)頭盤係水牛芝士車厘茄沙律，芝士味夠濃，車厘茄好juicy、夠新鮮，唔會太酸，生菜好fresh，夠晒開胃。頂級牛肝菌忌廉湯牛肝菌忌廉湯超濃超滑，唔似用粉沖出嚟嗰種咁假，而且超足料超多牛肝菌碎粒，口感有層次！自家製A5和牛千層麵主菜係A5和牛千層麵。一個字，正！重點係牛味夠重，嫩滑，唔會overcook。千層麵軟硬適中，撈埋醬汁食落好惹味。黑松露薯條黑松露味重，薯條夠脆同埋薯條嘅鬆脆口感。點埋茄汁同松露醬真係好邪惡，食到停唔到！牛骨髓蒜蓉餐包牛骨包住餐包，呢個配搭好有新鮮感，餐包鬆軟，食落口感好豐富好特別。跟餐仲送杯凍檸茶，消滯消暑一流！總結: 正！大推！…查看更多

最近小西灣商場開咗間RUD燒肉呢間燒肉好似越嚟越多分店見佢平平地 一於試吓佢質素如何我嗌咗300g牛胸腹定食加咗$10 轉溫泉蛋紫菜飯啲肉雖然唔係高級和牛嗰隻但係以呢個價錢嚟講質素都唔錯感覺都算香 脂肪分佈平均加埋燒肉醬汁一齊食都幾惹味紫菜份量比想像中多 值得一讚店員服務都幾好 有禮貌仲會定時主動過嚟幫客人換烤網都算幾細心 值得一讚總括嚟講 唔算係超級好食但都算抵食 大份 未有假期去唔到日本食和牛留喺香港都可以叫頂下癮…查看更多

今日喺大埔做嘢，收工決定約埋媽咪試同事推薦嘅呢間一鳴丼食堂 ！餐廳裝修好似啲日式居酒屋咁，播住日文歌，好有feel 🤩。好彩我哋6:30嚟到霸位，啱啱好避過人潮，喺我哋食緊嘢個陣啲人已經陸續入嚟，外面已經排緊隊啦🫣我哋叫咗兩個定食，分別係鮭魚籽，鮭魚，油甘魚刺身丼定食 （$108）同蛋汁吉列豬扒丼定食（$78）。定食包咗一碗麵豉湯同兩個前菜，味道唔錯，夠哂開胃🤤！.鮭魚籽，鮭魚，油甘魚刺身丼定食 三文魚同油甘魚各有三大塊、好厚身，非常鮮甜、肥美，軟綿綿嘅日本米，配合爆汁嘅三文魚籽，真係好好食呀！.蛋汁吉列豬扒丼定食吉列豬扒好大塊，外脆內軟，配合嫩滑嘅滑蛋同醬汁，超級惹味！.總括嚟講呢間一鳴丼食堂都幾高質🤔，幾啱同家人、朋友飯聚，好食得嚟環境又好chill ~…查看更多