ON AND ON的个人专页

大隱隱於市，景記一向係上環人其中一個竇，因為景記藏身喺上環街市，要幫襯就要經過街市，靚女未必肯去。不過景記質素好，街錢又大眾化，所以都好受歡迎。上到去，個環境係一般熟食中心格局，無垃圾，地板很乾爽，不會濕淋淋的，一桌桌十人大枱，搭台就預咗嘅。當然唔會expect坐得好舒服，但係鬆動唔需要逼。要留意食完常常會沾上油煙味。星期六OT完，一於同同事食埋先散水！醒起星期六的景記有特別鐵板餐單，咁有緣份，即刻衝過去！因為想同同事share,所以請老闆唔使用鐵板上，而且可以請老闆幫我地切埋，更加方便！先嚟個湯除咗羅宋湯，好驚喜地仲有周打魚湯！仲要好精緻地於塊餅喺上面，湯入面真係有魚柳！飲落好creamy,街市內有呢個堅持同水準都想當難得!羅宋湯方面，同事堅稱好！我信，因為我見佢食到標眼淚！!!!!牛柳係招牌菜，煎得香噴噴的，好味無筋唔會韌！正！另外仲有豬扒雞扒同腸仔呢！配菜係焗薯，新鮮蕃茄及西蘭花。個焗薯入面有沙律醬，暖暖的超好吃！仲要叫咗啤酒飲，13元一支，大杯酒大塊肉，好滿足的一餐！…查看更多

半年無見的朋友，難得一聚，說要介紹我這位香港島島民到旺角晚飯，我真的甚少過海，所以大鄉里如我去旺角是會迷路的(⌒-⌒; )友說要到朗晴坊食樓上cafe，未聽過，原來在朗豪坊隔離，單幢商廈，一層一間食肆，原本想吃八樓Elsie Cafe，可惜已滿座，於是去五樓Dream Cafe,求其有位就坐。這是錯誤的開始。Dream Cafe大概是想營造情調，室內燈光非常昏暗，天花也漆成黑色。靠窗邊一排沙發，邊位全是爛的，店方用膠紙貼滿了爛的位，坐下來會𠝹腳，極度不舒服。:(點知仲要冷氣機滴水！店員都即刻關冷氣機，但無奈都係滴足全餐...:(打算食少少嘢就轉場，叫了二人餐，諗住大路嘢啦，又餐湯又沙律又餐前小食，點知...除咗個湯係兩碗之外，個餐前小食同沙律都係一個茶碟..當然我唔可以話佢，不過無諗過二人餐佢都食水咁深咁縮皮（−＿−；）味道都係無特別，個酥皮盒明顯係超市雪藏貨，酥皮超硬。主菜係鱈魚同牛扒，兩份都係配薯蓉，加雜菌。鱈魚真係有雪味~牛扒一半都係筋，食唔到，不解釋。醬汁亦無特別呢間樓上cafe我唔能夠用收費平去形容，尤其是食物質素同環境都唔太理想。識食真係唔使食呢啲。…查看更多

約了灣仔區工作的朋友兩點食late lunch，本來一心想到樂農嚐新，可惜樂農午餐只供應到1430，在街上見到新堡餐廳的大招牌，餐牌上有廿款選擇，而且價錢大眾化，頗吸引。店內環境有種"舊時"食鼓油西餐廳的感覺，有氣氛，有種回到七十年代的感覺。叫了英式雜扒, 美式燒牛肉酸青瓜油醋沙律, 巴西香煎豬扒伴焦糖蘋果上菜前當然有紅湯配了這個就很有懷舊感~蔬菜煲得很腍，酸酸甜甜幾開胃！蒜蓉包是意想不到的好吃，蒜香味很足！雜扒很豐富，豬扒雞扒火腿，配著蒜蓉燒汁，當然還有薯菜，份量很足，朋友都吃撐了！朋友是因為被焦糖蘋果四個字吸引而叫的！大約半個加拿蘋果般大小，吃下倒不覺有焦糖味，倒是沾上了豬扒的燒汁，味道也不錯。豬扒是一貫的巴西出品，煎得頗香口，不會韌。配合著燒汁，滿有老派西餐風味。燒牛肉配沙律，很清新的食法，牛肉不韌亦無渣，最喜歡一啖燒香了的牛肉，一啖灑了柚子醋的greens，中和了肉的肥膩，而且味道極為配搭，嗯～好味！…查看更多

翻新兼搬舖的太古城馬莎，全新舖位於APITA二樓，即溜冰場側，而且迎來了全新的M&S Cafe，位處新馬莎最內部，比鄰M&S food，要找到cafe必須經過大半間馬莎男女裝部。標榜賣的全都是M&S food的貨品，店內亦處處可見M&S food有得賣的標語，反而一些M&S food食品如冬甩、蝴蝶穌，cafe內並沒有供應。M&S Cafe採用半自助式的流程，一進門口先見一張雲石枱上放有五至六款蛋糕，Carrot Cake, VIctorian Sponge Cake, Bluberry Muffin...喜歡甜食的必定會被吸引！ （≧∇≦）我就是因為Carrot Cake ($32)的可愛造型而乖乖奉上銀両，再配一杯single macchiato ($16)。餐牌 (十分清晰)然後是一般快餐店連收銀的格局，全英文menu置於當眼位，一抬頭便會看到。當然，收銀處前有小本中英對照餐牌，方便街坊~店內陳設店內陳設有ikea感，卡座甚有美國diner氣氛，要注意某些位置冷氣較大。Carrot Cake 令我想起舊日在美國讀書的日子，那時的friendship family是很美式的家庭，host媽媽也會在星期日去完church後弄蛋糕，carrot cake正是她拿手菜呢~紅蘿蔔裝飾是軟糖來的，細味下居然真有紅蘿蔔味呢！濃郁稠密的甜奶霜，厚厚的舖在蛋糕上，蛋糕本身夠濕潤，而且有很多果仁碎，但不是很吃得出蘿蔔味，和奶霜一起吃的話，顯得奶霜超級甜！甜到牙關發軟，自問都食得甜，可是最後我也沒有食完那層奶霜呢！太。甜。了。Single Macchiato所以配小杯single macchiato，咖啡的苦澀中和了蛋糕的甜，一杯剛剛好。咖啡是公平貿易貨品，值得支持。*另外見到餐牌上有tea set for two($178),現場也有其他食客叫了，但見三層中scones也只給一個，感覺不太扺~*如果叫tea pot，是可以refill的，而且是經理親自替你拎去加水的, Of Couse自己去refill更好, 無謂做死經理或店員la！服務服務新店開張，服務都殷勤，店方願意提供暖水，店員不會對這些要求感不耐，經理亦會主動問食客對食物是否滿意，推介食客到food hall購買。由於太古城中有不少cafe，但都有人滿為患的缺失，現在M&S Cafe，價錢較另一新加盟太古城的Log-on Cafe吸引而大眾化，坐得舒服，而且沒那麼嘈雜，絕對是我在太古城中的cafe首選，希望這裡不會那麼快淪陷吧！…查看更多

等待回鄉證期間，在天悅廣場閒逛，見到有兒時常吃的小丸子食，馬上買四粒嚟過吓口癮！（$9）賣相不錯，舖上滿滿的沙律醬,燒汁和紫菜絲！吃下去該有的味道都有，當然我也不期望內有一塊章魚，平時去吃銀座可是要三十八大元呢~小丸子內還是有一塊手指尾大的章魚粒~過吓癮，算係咁啦~…查看更多

 一點半去到門口，有十四人大枱等@.@好彩都好快有位等MENU等水等餐具最快到嘅係咩呢？係 。 張 。 單 。叫了健康三色紅米飯(豬扒雞翼扎肉蝦片)雞翼腩片撈檬 配酸魚露生牛河眼見食物已預備好，只是沒人上桌，人手不夠是大問題，食物倒是不錯的。雞翼豬扒等都非常香口，係個蝦片淋咗。腩片不會韌，配撈檬凍食，很開胃！牛河等得太耐，上桌時牛已經熟唒，好彩我都唔係執著呢啲。眼見食物已預備好，只是沒人人手不夠是大問題，食物倒是不錯的。說真的，這個價錢去食越南菜是超值的，份量絶對足夠，口味也迎合得到香港人，只是這間餐廳的人手真的不太足夠，予人一種服務不太好的感覺。=_=…查看更多

在茶餐廳林立的筲箕灣道來說，要找一間以西餐作主打的餐館還真不易，海家小品在筲箕灣道算別樹一幟。大雨下  回家路上，打算食少少下午茶才回家。可是，下午茶兩點半才開始呢~所以叫了午餐:沙嗲牛肉麵配奶油脆豬無預期過會用出前一丁呢！沙牛的牛肉也不會韌，算入味奶油豬弄得不錯，須知道弄得不好的話，包邊會很硬很韌！泰式扎肉雞絲天使麵(涼拌)配搭新鮮，上枱賣相漂亮，有約干生菜絲.蘿蔔絲.扎肉.雞絲但天使麵還未來得及涼拌吃下去依然是暖的白汁焗腸仔飯等好耐，因為真係即叫即焗，白汁內有磨菇片，味道濃郁。…查看更多

媽媽去年成為了意粉屋會員，自此經常和她的朋友光顧意粉屋，今次輪到媽媽帶我去吃下午茶。嘩，未到兩點半，已經有十幾位在排隊了，這裡的下午茶真是太受歡迎了！幸好等了十分鐘便有位了！坐低前侍應會問你要暖水還是凍水呢！真細心~花多眼亂數十款選擇下，選了:公司三文治拌碟的薯片好似係珍珍，亦都已經放到乾晒-_-#但三文治本身好好味道，尤其係蛋沙律獎部份~沙律好好食，三文魚同風乾火腿外，伴着大量生果，好清新！Pizza面有少少辣肉醬,洋蔥青椒等，薄餅底很脆！茄蓉魚柳飯嘅飯粒呈黃色，圓圓短短的，食落煙韌特別。當然仲嗌咗酥皮湯啦！(+$13)是一頓滿足的下午茶！…查看更多

想在週日的銅鑼灣找一個坐得舒適而沒時限還真不是易事，腦海飄過風月堂的名字，沒想到已結業。只好轉場來到UCC午餐，當然是想坐得舒服，又不用有時間限制或被逼食完即刻起身讓位。星期日下午一時，二人枱也不用等，能馬上入座實在太幸運了！Menu內有超多款式，意粉、焗飯甚至扒類都應有盡有，患有「選擇困難症」的友人馬上心大心細，也不知要吃甚麼了！最後決定吃 咖喱味炸雞奄列飯和白汁磨菇雞燴飯，午餐加＄33便可享用沙律吧一們次，以及餐飲。店員先給一隻碗，然後便可到自助沙律吧了。沙律吧有約十五樣東東可以揀，包括據説UCC 的名物之一是薯仔蛋沙律、呑拿魚、罐頭菠蘿、螺絲粉、提子乾、啫喱等。（不得不説1，薯仔蛋沙律果然是名物，味道是不錯的~）（不得不説2，那個啫喱很有懷舊感，但超大粒，完全唔知點擺好？）和友人一人攞一大碗，很豐富！之後見到其實不少情侶把那個沙律建築得十分「穩固」，而且很有份量，吃完那碗沙律，主菜完全沒有動過，便直接請侍應打包了。而且waiter也不會白眼要你一人叫一個餐。既省錢又不浪費，厲害厲害，窮人如我下次要參考！主菜在友人還未裝完沙律已上桌，有速度！白汁磨菇雞燴飯味道超清淡，自問不算重口味人士，但真的超無味，整個飯包括雞肉，雜菌，金菇，味道zero。:(咖喱味炸雞奄列飯蛋包咖喱撈過的飯，每一粒飯都沾有咖喱色，吃下卻沒甚咖喱味。至於炸雞塊，也是厚粉朋友...:(這餐來說，許是中了伏，最出色的還真是那個沙律吧。不過要在銅鑼灣坐成兩個鐘食飽飽，UCC 還真算一個不錯的選擇。咖啡來UCC餐飲要咖啡是常識吧。友人要凍咖啡，Waiter會扲住咖啡壺在客人面前倒，但那個冰還真是超多，飲多都未必會"瞓唔著".…查看更多

爭鮮係主打平價的所以都唔會有好高嘅期望第一次食$32一盒做宵夜好似好抵喎但係仔細望吓就會發現有落力喺控制成本上例如舊花之戀係比一般嘅矮所以用嘅料亦會少啲啲飯係一夾就散完全唔覺食嘅係壽司其他配料用料都好*削*粒好細好削好乾嘅帶子仲要一開二三文魚亦一啲都唔新鮮其他係食而不知其味咁又唔覺佢值$32:(…查看更多

時來運到由以前在西灣河太安樓對面搬到現在筲箕灣南安里附近，一直是我家早餐午餐要隨便吃的茶餐廳。今次第一次到新店，比以往舊舖更光鮮點，而且冷氣依舊強勁，在這炎熱潮濕的天氣下，超舒服！大部分食客都是街坊，隨意的叫了兩個餐，吉列豬扒咖喱飯和粟米魚柳火腿飯。粟米魚柳火腿飯比較普普。尤其喜歡咖喱跟飯和豬是分開上的，豬扒脆漿很薄，不會成口"粉"，咖喱也不俗，相當濃郁。…查看更多

 一直不知道原來鈴木餐廳是有早餐吃的這天又要到澳門工作了出發前例牌和同事吃個靚早餐炸魚柳 炒蛋 雜菌沙律 多士配三文魚泡飯 加咖啡三十五大元以女生食量來說的話當真"大件夾抵食"尤其喜歡雜菌沙律配着柚子醋非常醒胃精神滿滿工作去！…查看更多

如果要在東區吃泰國菜我家的首選便是水晶晶了便宜的價格 而且坐得幾舒服這裡兩點開始會有下午茶午餐同下午茶是同一個餐牌的但下午茶會比以前午餐便宜十多元三十多元 相當抵食四個人叫了五個下午茶包括兩碗喇沙雖然餐廳是主要供應泰式食品但新加坡式的喇沙 水準也相當不俗美中不足只是配料相對的較少泰式乾炒河最喜歡吃泰式炒粉類了這裏的泰式乾炒河也好吃炒得夠乾身 不會油膩膩的泰式豬手飯超喜歡豬手飯的滷水味連伴碟的芥蘭也變得更好吃了泰式海南雞飯海南雞飯 雞肉夠哂嫩 而且沒有雪味餐飲除了一般咖啡奶茶可配泰式特飲如珍多冰 (+$6)內裏的芒果條多一點會更好…查看更多

去開吉之島想買午餐本來想買壽司忽然見到狀元香醒起每次經過都聞到好香嘅味仲見到有$35嘅便當 有五樣餸可以揀 價錢尚可接受而且都有人排緊隊 即管一試***原來咩餸都可以揀 除咗鵝翼但係要留意 有啲餸會貴啲 所以會揀咗會算做幾樣餸例如雞髀 會當嗌咗三樣餸而且能夠以隻計算的 就當一樣例如雞翼 雞腳一隻當一樣餸所以開頭以為五款配料會好多好飽其實都唔算~滷味配料方面都有廿幾樣選擇係唔見有滷水墨魚咁la~奈何都有好多人排隊午餐時間至少等十分鐘先有得拎叫咗兩個便當都係配烏冬都係雞翼 雞腳 豆乾 豆包 鵝腎 豬耳 滷水蛋我會覺得烏冬會好食啲因為係成烏冬連埋所有嘅配料一齊撈落啲滷水度煮跟飯則只會另上熱辣辣返屋企要成十分鐘都仲熱辣辣豆包好入味 鵝腎亦都好爽下次會試多啲滷味…查看更多

我本人不是熊本熊迷但我姊妹是 今次來光顧 絕對衝着熊本熊的!位置已經訂滿 只有walk in晚上七點鐘到 餐廳已是七成滿座了！有大約廿人在排隊門口的哥哥表示五人枱馬上有位！ 可惜人還沒有齊呢~直至人齊 都沒有五人walk in所以幸運地人齊馬上有得入！^_^門口有隻五呎高熊本熊俾大家影相是晚餐單保持章魚小丸子一貫做法內部應該加咗啲薯蓉再加芝士焗 好好味呀！面頭完全無嗰種微焦嘅感覺+_+飲品以上兩樣飲品嘅重點都係用返熊本熊杯除此以外 無特別其實今晚所有食物都冇咩特別亦都唔係特別好食完全係靠熊本熊餐具衝人氣室內人多 感覺比較嘈雜但服務不錯 非常主動加水食完九點幾 仲好多人排隊…查看更多