rila_foodie的个人专页

呢日同朋友去咗觀塘海濱坐下，走嘅時候諗住去醫肚，就發現海濱附近有間好高質又抵食嘅日式居酒屋刺身拼盤6點有三文魚，吞拿魚，大拖羅，赤貝，魷魚，池魚全部都好新鮮鮮甜，一啲腥味都冇，同埋真係好厚身，我特別鍾意個魷魚，師傅將佢捲到一朵花咁，邊邊位有燒過，有特別嘅口感，攤開有六七塊，份量好多，呢個刺身拼盤只係288蚊，咁嘅份量喺其他餐廳價錢隨時double，呢度真係好抵食跟住我哋仲嗌咗啲串燒同小食三文魚子茶碗蒸除咗面頭好多三文魚子，入面仲有蟹柳，海帶，魚片，好足料豚肉荔枝卷串夾埋荔枝一齊食，豚肉食落冇咁肥膩，有種清新感覺雞皮串我去居酒屋係一定會食雞皮串，脆扑扑好香口好好味雞尾串店員推介呢個雞尾串，我以為食落會好似雞pat pat咁，點知佢同雞皮有啲相似，都係脆脆地，冇騷味易入口雞爽肉串雞爽肉食落口感爽脆，唔同平時食開雞肉嘅口感燒雞翼一串有兩隻，做緊特價，味道正常發揮，抵食燒茄子超多蒜蓉好香呀，食落每啖都覺得好邪惡燒飯團驚唔夠飽所以嗌咗兩個燒飯糰，但其實食食下都好快飽，飯團入面係一絲絲嘅三文魚肉菠蘿串食飽咗再食多串菠蘿就可以解膩喇發掘到呢間餐廳我哋真係好驚喜，嘢食全部都好抵食，啤酒清酒仲有買一送一添，不過我哋今次係揸車嚟所以就冇飲到，下次要再過嚟飲呀#foodie #磯之水產 #觀塘美食 #牛頭角美食 #觀塘海濱 #居酒屋 #串燒 #打卡 #拍拖好去處 #hkig #hkfoodieblogger #hongkonger #foodblogger…查看更多

呢間舖係我同朋友好鍾意嚟食嘅舖頭，今次我哋嚟咗近宋王臺呢間分店，揀咗個專貴海鮮套餐，有專人介紹唔同海鮮同幫手蒸，九款海鮮加埋粥底好快就飽咗 加拿大野生大赤蝦比平時嘅蝦大隻啲同埋多啲膏，食落會甜啲 台灣九孔鮑魚已經去哂所有內臟，蒸得啱啱好唔會韌，點少少豉油食會更鮮味 韓國釜山珍珠蠔Size唔係好大隻，不過細隻更加食到鮮甜味 紐西蘭刀貝蚌唔使點豉油，好有咬口，一路咬一路食到鮮味 大西洋野生青口都係唔使點豉油，食到好重海水味，好新鮮 紐西蘭元貝新鮮又冇沙，點少少豉油更好味 太平洋饅頭蟹饅頭蟹係深海蟹，得幾個月捉到，平時好難捉，肉唔多，主要係食佢嘅鮮甜味 野生奄仔蟹奄仔蟹嘅膏好滑好濃，有種食緊蛋黃嘅感覺，而且肉都會多啲，可以撩佢啲肉出嚟慢慢食 澳洲青年龍蝦比起琵琶龍蝦大隻啲，食落肉質爽口啲 最後有蔬菜籃，仲有充滿海鮮甜味嘅粟米芋頭排骨粥，舖頭仲送咗椰汁雪燕俾我哋食，真係超飽超滿足 #foodie #宋王臺美食 #九龍城美食 #海鮮 #打卡 #拍拖好去處 #hkig #hkfoodieblogger #hongkonger #foodblogger…查看更多

朋友喺openrice見到沙田麗豪嘅buffet有優惠，於是我哋就抱住試伏嘅心態去試下，估唔到比想像中好好多，性價比好高喎 一入到嚟就俾海鮮吧吸引住，有長腳蟹，藍青口，澳洲海蝦同海蜆，長腳蟹係必食，大部分都算大條，可以拆到成大條蟹肉出嚟，唔使點醬都已經好鮮味，我再encore夾咗好多條，出面冇哂會再refill，唔使驚冇得夾，另外仲試咗青口同蜆都好新鮮 刺身嘅選擇唔算多，有三文魚，吞拿魚，鯛魚同希靈魚，我試咗三文魚同吞拿魚，都好厚切同新鮮 佢嘅冷盤同沙律吧都好多選擇，有唔同嘅煙三文魚，火腿，其他cold cut同埋芝士，都好新鮮好靚仔 原來buffet做緊葡澳主題，好多熱食例如有葡京叉燒，路環燒乳豬，荷蘭街特色蟹粥，個蟹粥都幾鮮甜有蟹味，其他熱食就不過不失 好特別嘅係buffet仲有埋打邊爐，每枱有一個藥膳鍋，可以喺出面攞啲唔同嘅菜，海鮮同肉，個藥膳湯真係幾香幾好飲 甜品時間，廚師會攞住個叮叮鐘，推住個火焰雪山蛋糕出嚟，望落都幾澎湃，不過我哋留肚試其他就冇試佢 呢度buffet有Movenpick雪糕任食，有最經典嘅四隻味，士多啤梨，朱古力，雲呢拿同咖啡，我哋每人都食咗三杯 另外每枱仲有一個朱古力火鍋，可以喺出面拎啲生果同埋棉花糖點嚟食，完全可以滿足童心，教大家一個隱藏食法，倒啲朱古力落Movenpick雪糕上面就可以變成脆皮朱古力雪糕 出面仲有唔同嘅甜品可以任𒳂，我最推薦芒果椰汁西米露，芒果唔酸好清甜，仲可以自己加啲涼粉同紅豆，又係發揮創意時間，加個Movenpick雲呢拿雪糕落去就變成超豐富嘅甜品喇，今餐真係超滿足呀 #foodie #自助餐 #buffet #酒店buffet #沙田美食 #香港自助餐 #刺身 #甜品 #movenpick #打卡 #拍拖好去處 #hkig #hkfoodieblogger #hongkonger #foodblogger #香港美食 #RegalRiversideHotel #沙田酒店 #沙田好去處 #酒店Staycation #Shatin #ShatinHotel #buffethk #香港麗豪酒店 #麗豪酒店 #自助餐 #dessert #濠餐廳…查看更多

冇諗過諾士佛臺除咗酒吧之外仲有高級嘅日式居酒屋喎，今次朋友介紹呢間日本嘢好食得嚟又高質 點都要嗌返杯酒意思意思嘅，我哋嗌咗杯荔枝西柚燒酌同埋巨峰燒酌梳打，荔枝西柚燒酌酸酸甜甜得嚟又有啲果肉咬下，巨峰燒酌梳打唔會太甜好易入口 凍蕃茄沙律個沙律汁係舖頭自家製嘅，我覺得有啲似蛋黃嘅味道，番茄凍冰冰好開胃 時令魚刺身（ 左口魚薄切）左口魚唔適宜太厚切，如果唔係食落會有筋，薄薄一片點埋酸汁已經可以帶出魚嘅鮮甜味 海膽吞拿魚卷呢個卷物面頭係海膽，跟住係吞拿魚同吞拿魚蓉，海膽好新鮮冇苦味，夾住昆布碎食好有鮮味，成個配搭得好唔錯 去居酒屋食飯唔少得嗌串燒，我哋就嗌咗幾串，有煙肉捲車厘茄，明太子雞肉，雞肉京蔥，牛舌，燒活鰻同雞翼，全部唔使特別調味，加少少檸檬汁已經好夠味，燒得唔會乾好好味，我最鍾意個燒活鰻，個皮燒到好脆肉又好嫩 手打稻庭冷烏冬可以按自己喜好將鵪鶉蛋，紫菜碎，蔥同薑蓉加落冷麵汁入面點，烏冬彈牙又凍冰冰，我哋好快就清哂喇 #foodie #一遊 #尖沙咀美食 #諾士佛臺 #居酒屋 #串燒 #打卡 #拍拖好去處 #hkig #hkfoodieblogger #hongkonger #foodblogger…查看更多

今次同朋友嚟咗呢間近太和嘅專食牛嘅西餐廳，估唔到大埔都有高級嘅扒房一開始嗌咗兩杯酒先，嗌咗一杯O同一杯Medium，O飲落好香菠蘿味同薄荷味，好易入口好啱女仔飲 ，Medium就酒精味比較重，女仔就冇咁啱飲喇跟住送上咗天然酵母手工麵包配餐廳特製嘅牛骨牛油，牛油比平時食開現成嘅軟身啲易啲搽，麵包脆卜卜，食完仲可以refill澳洲M9頂級和牛小排上枱係兩件牛小排，仲有啲用牛油烤香咗嘅配菜同埋薯蓉，我哋嗌咗五成熟，切開係啱啱好，食落腍滑重牛肉味加拿大頂級濕式熟成西冷牛扒西冷牛扒上碟都幾大塊，一樣跟埋薯蓉同埋烤香咗嘅露筍，一樣係嗌咗五成熟，可能冇咁厚所以熟咗少少，下次可以嗌三成都ok，食落冇筋肉味夠Main仲跟埋無限refill嘅黑松露薯條，薯條本身已經有黑松露鹽，再點埋黑松露醬一齊食，係雙重享受呀…查看更多

去咗大埔幫個朋友慶祝生日，book咗呢間近太和嘅鐵板燒，原來大埔都有好食嘅鐵板燒喎，我哋都嗌咗個8道菜嘅廚師發板套餐，每人688加一，再每人嗌咗杯啤酒啤啤佢 煙三文魚沙律沙律菜好新鮮冇苦味，佢個泡泡好特別係黑醋味嘅沙律汁嚟，撈埋沙律菜同煙三文魚食味道好有層次 前菜 乳酪Parma ham配菠蘿平時唔會將呢幾樣嘢拼埋一齊食，原來食落又幾夾 幾清新㗎喎 鐵板海鮮兩品我同朋友都各自揀咗唔同嘅海鮮，咁就可以share試到唔同嘢 蟶子用蘆筍同菇一齊炒，食落彈牙又有鮮味，海鰻煎到好香皮又脆，又啖啖肉無骨 扇貝用黑松露汁煮好香，南非鮑魚用蒜蓉煮，好嫩滑唔會韌，加埋蒜蓉食好惹味呀 鐵板肉類我哋揀咗一個豬同一個雞，雞我覺得唔使點醬都已經好夠味，豬我會點埋佢個蒜香牛油汁，食完扒之後食埋隔離嗰個好似蘑菇嘅櫻桃蘿蔔，可以解膩幾清新 蛋炒飯炒到粒粒分明又好多蔬菜粒 最後食埋個甜品 吉士紅豆可麗餅，紅豆大大粒又唔會硬，好有蜜味，食完真係好滿足呀 #foodie #大埔美食 #太和美食 #鐵板燒 #打卡 #拍拖好去處 #hkig #hkfoodieblogger #hongkonger #foodblogger…查看更多

朋友推介呢間喺灣仔船街嘅日式西式fusion餐廳，可以揀坐吧枱望住廚師整鐵板燒或者坐普通高枱，環境好有情調之餘食物仲好高質素 Fetucine Uni Carbonara上面嘅幾瓣北海道海膽好新鮮唔會苦，海膽醬都好濃郁好creamy，掛滿哂全部意粉，意粉咬落質地煙韌似係手工麵 New Zealand Clams其實就係清酒煮蜆嘅加強版，一上枱有塊昆布冚住啲蜆，揭開就見到好多隻蜆，size比平時大好多，索哂清酒同埋牛油味好香好鮮甜呀 Baked Wagyu Beef Cheek呢個和牛面頰肉好腍滑，加埋蘑菇同芝士一齊焗，配埋脆餅一齊食味道好夾 Fried Cuttlefish一上枱咋咋聲好澎湃，以為有啲係薯仔點知全部都係墨魚嚟㗎，舊舊都好厚肉好彈牙 Matcha Crème Brûlée最後食埋個甜品，Crème Brûlée上面個焦糖燒到脆卜卜，抹茶味唔算好出，清清地又唔漏 #foodie #灣仔美食 #fusion菜 #西餐 #鐵板燒 #打卡 #拍拖好去處 #hkig #hkfoodieblogger #hongkonger #foodblogger…查看更多

身為海鮮控嘅我，呢間已經成為咗我嘅愛店，好掛住佢個海鮮shake shake袋呀，今次再嚟食，個menu又唔同咗喎 我哋今次揀咗三種海鮮，扇貝，鮑魚同埋墨魚仔，揀咗雪梨酒忌廉汁，啲海鮮沾滿哂啲汁好夠味，扇貝同埋鮑魚各有三粒，size都幾大，食落唔會韌同難咬，熟度啱啱好，但我最鍾意都係佢個墨魚仔，雖然叫墨魚仔但係佢size都一啲都唔細，好嫩同新鮮，仲要有八隻食極都食唔完咁，入面仲有啲粟米，好甜，仲有原隻薯仔同埋腸仔，真係好豐富 我哋另外仲嗌咗個蟹肉卡邦尼意粉，呢度果然係海鮮專門店，連卡邦尼都要加蟹肉好少見，佢啲蟹肉俾得好疏爽，撈勻意粉啖啖都食到一梳梳嘅蟹肉 甜品我哋嗌咗個香梨批，一塊塊梨肉上面係焦糖脆卜卜咁，加埋梨蓉同埋批底食落好有層次 嘢飲我地嗌咗Nana Flow同Strawberry Flow，唔係純香蕉奶昔同士多啤梨奶昔嚟㗎，佢仲加咗啲椰汁同菠蘿汁，飲落香啲甜啲 #foodie #尖沙咀美食 #厚福街 #海鮮 #打卡 #拍拖好去處 #hkig #hkfoodieblogger #hongkonger #foodblogger…查看更多

呢晚同friend去咗諾士佛臺呢間樓上bar食啲嘢飲杯嘢chill下 避風塘魷魚鬚魷魚鬚分量唔算少，好多避風塘炸蒜粒粒，好惹味，用嚟送啤酒一流 卡邦尼意粉有蘑菇同埋煙肉粒增加咬口，意粉都幾creamy，夠味，如果份量多啲就好喇 四式芝士pizza一上枱就聞到好大陣芝士味，藍芝士令到個芝士味好強烈，我哋都接受到，pizza size都幾大，批底係薄嗰種 #foodie #諾士佛臺 #bar #西餐 #打卡 #拍拖好去處 #hkig #hkfoodieblogger #hongkonger #foodblogger…查看更多

同朋友嚟到旺角呢間樓上邊爐鋪打邊爐，298蚊位任飲任食，仲有刺身拼盤同海鮮拼盤送，好抵呀 小食係無限添加嘅，我哋嗌咗麻辣魚皮，麻辣雞軟骨同拍青瓜，味道唔錯 刺身拼盤有三文魚，魷魚，北寄貝，甜蝦，馬刀貝，全部都新鮮無腥味喎 跟住就係麻辣雞煲，店員幫我哋炒香咗，有洋蔥同芫茜炒埋好香好惹味，雞煲都係無限添加嘅，不過我哋要留肚打邊爐就冇再加 跟住就係打邊爐，我哋揀咗姬松茸雜菌湯，入面有好多茶樹菇，秀珍菇，蟲草花等等，好足料呀 送嘅海鮮拼盤有青口，沙白，海蝦，扇貝同埋鮑魚，全部都好新鮮，沙白仲可以再encore添，冇沙又大大隻好正呀 打完邊爐再食埋個雪糕，好滿足呀，我哋揀咗伯爵茶同豆腐味，伯爵茶味雪糕好少見，食落真係好重紅茶味 #foodie #旺角美食 #火鍋 #邊爐 #海鮮 #打卡 #拍拖好去處 #hkig #hkfoodieblogger #hongkonger #foodblogger…查看更多

同朋友去咗尖沙咀呢間平時好多人排隊嘅壽司店食飯，好彩早咗嚟到唔使等，坐咗一陣已經全店滿座喇 北海道帆立貝松葉蟹丼帆立貝有好厚切三大塊，新鮮冇腥味，丼飯鋪滿咗 三文魚子同蟹肉，蟹肉份量好多又唔會有碎殼，撈勻食啖啖飯都充滿蟹肉好滿足呀 三文魚三味壽司三味係火炙三文魚，配薑蓉同原味，都係正常發揮，新鮮，火炙食落入口即融，配薑蓉就辣辣地幾特別 另外仲叫咗左口同赤蝦壽司各兩件，左口壽司爽口冇筋，魚油香味重，赤蝦壽司新鮮彈牙，好味 刺身三點由左至右係間八，吞拿魚，鯛魚間八係油甘魚當中size算最大嘅一種，唔怪得比平時食開嘅油甘魚食落更重魚脂香味，吞拿魚好厚切冇筋，食落新鮮有魚香味，鯛魚相較下魚味light啲，好有嚼頭 #foodie #尖沙咀美食 #壽司 #刺身 #日本菜 #丼飯 #打卡 #拍拖好去處 #hkig #hkfoodieblogger #hongkonger #foodblogger…查看更多

呢排有事慶祝，同朋友去咗黃埔嘅九龍海逸君綽The Promenade食buffet，呢間buffet主打海鮮，第一輪緊係試下佢啲海鮮，冷盤海鮮我試咗龍蝦鉗，青口，長腳蟹腳，全部都好新鮮鮮甜 熱盤試咗芝士焗龍蝦 ，呢個有啲失望，因為龍蝦肉唔算好彈牙，用芝士焗食咗半隻已經有啲滯，另外個汁煮鮑魚好腍好入味，我哋encore咗好多隻，仲有和牛都煎得好香好有牛味 呢度刺身都有好多種類，三文魚，吞拿魚，油甘魚全部都係厚切，帆立貝係原粒俾你，三文魚子係放喺度俾你任不，簡直係刺身控嘅天堂，另外生蠔就不過不失，新鮮無腥味，不過排得有啲耐，size又唔算大，我排咗一次就算啦 呢度嘅雪糕係movenpick，有成十五隻味俾你任揀，另外甜品都有好多選擇，我試咗呢度嘅招牌芒果拿破崙，唔算驚艷不過芒果夠甜，另外呢度嘅紅白啤酒係任斟嘅 成餐飯一個人六百零蚊，唔趕人食到十點鐘，食物質素係好嘅，選擇都好多，間唔中食返一次半次都開心 #foodie #自助餐 #buffet #酒店buffet #黃埔美食 #ThePromenade #香港自助餐 #生蠔 #刺身 #龍蝦 #甜品 #movenpick #打卡 #拍拖好去處 #hkig #hkfoodieblogger #hongkonger #foodblogger…查看更多

大埔開咗呢間純白cafe都一段時間，成日喺網上見到有人嚟打卡，原來啲食物質素都好好 烤春雞配薯蓉春雞有半隻，已經切咗一半，兩個人share好方便， 隻雞一啲都唔乾，好嫩滑，個薯蓉好香好creamy，加埋沙律菜同春雞一齊食好夾，呢個真係好有驚喜 芝士牛肉漢堡配墨西哥脆片經典嘅burger配搭，塊牛肉好厚，成個burger食落好豐富，墨西哥脆片脆卜卜，牛油果醬比得好多唔手軟，食到有檸檬汁嘅味道，酸酸地幾開胃 士多啤梨忌廉牛角酥窩夫個croffle焗到脆卜卜，點埋cream同連埋士多啤梨一齊食，係冇得輸嘅配搭 抹茶鮮奶個拉花好靚，抹茶同鮮奶味道好balance 雜莓雪芭冰沙佢唔似平時飲好冰感嗰種冰沙，反而似係用好多雜莓打出嚟嘅果汁咁，我反而比較鍾意呢種，飲每一啖都好似飲到好多莓咁，感覺好fresh #foodie #大埔美食 #香港cafe #cafe #純白cafe #甜品 #西餐 #打卡 #拍拖好去處 #hkig #hkfoodieblogger #hongkonger #foodblogger…查看更多

大圍新開咗呢間日式居酒屋，平時經過見到都幾多人， 今次嚟到仲算早，有位就入嚟試一試， 餐廳算大，日式裝修同擺設，播埋日本歌有去咗日本嘅feel， 坐咗陣舖頭好快已經滿座 角切刺身和風沙律角切三文魚，油甘魚，三文魚子，同埋甜蝦，加埋沙律菜全部都好新鮮，好開胃 活平目魚餐廳推介呢個平目魚刺身，有12片，食落彈牙有嚼頭，越嚼越食到魚嘅鮮甜味，連朵花都係刺身捲出嚟嘅，千祈唔好miss咗，點酸汁食好fresh 雜錦天婦羅有三隻蝦，南瓜，冬菇，茄子，青椒， 粟米仔同魚， 個天婦羅皮薄得嚟又夠脆， 個蝦好彈牙好味，另外我好鍾意個冬菇，炸完都仲keep到多汁 西京燒銀鱈魚我同朋友都覺得呢個魚好滑又好好味，唔使點蛋黃醬已經好夠味，食完覺得好唔夠喉呀 福岡凍蕎麥麵天氣咁熱食返個凍蕎麥麵就最啱，佢有隻溫泉蛋，天婦羅脆脆，木魚絲同紫菜絲，撈勻嚟食有口感得嚟又夠味，凍冰冰好開胃 士多啤梨梳打 青蘋果梳打叫咗兩杯梳打，好靚好啱打卡，記得要攪勻先好飲，酸酸甜甜幾好味 #foodie #大圍美食 #居酒屋 #打卡 #拍拖好去處 #hkig #hkfoodieblogger #hongkonger #foodblogger…查看更多

同朋友喺K11 Musea睇完戲行完街，見到呢間新加坡菜餐廳裝修幾靚，價位又唔算高，就入咗去試下 文華海南雞飯食新加坡菜一定要試海南雞飯，佢分量好多，兩個人share都夠食，雞肉嫩滑又重雞味，有三個醬汁點，辣醬，薑蓉同甜豉油，油飯好香粒粒分明，仲有個熱辣辣嘅雞湯 特色鹹蛋雞翼四隻雞翼大大隻，沾滿哂炒香咗嘅鹹蛋黃醬，再加埋啲辣椒邪惡得嚟又惹味 雞肉沙嗲雞肉有六串，軟腍唔會嚡，沙嗲醬係唔辣，甜甜地好重花生味，我哋食完一串又一串 蠔油小棠菜食咁多邪惡嘢要食返啲菜，小棠菜分量好多好翠綠，加埋蠔油食又唔會太鹹喎，清清地幾好食 #foodie #尖沙咀美食 #尖東美食 #新加坡菜 #海南雞飯 #打卡 #拍拖好去處 #hkig #hkfoodieblogger #hongkonger #foodblogger…查看更多