Rene_ray的个人专页

生日月，朋友好貼心搵左間係我公司同屋企附近的小店同我慶祝🥰先要彈一下🥲朋友一早已打電話訂檯7:00，店員於6:35致電朋友，但我們在途中無留意miss咗，6:50已到達餐廳，店員表示因為無聽電話，所以唔留檯，what?，我們沒有遲到，還預早時間到，我們見到有張4人檯有擺上留座牌，就問可唔可以分開比張2人檯我哋呢？店員表示係其他客人訂咗位，如果要立即入座，就只有門口旁邊的吧檯位，我們當然不想，拒絕安排後，店員叫我哋轉頭先返嚟，我哋唯有去附近行一陣，已叮囑店員有檯打電話通知，當然最後係無打比我哋，係行左半個鐘先自己返去問有檯未……如果係confirm booking應該至小中午就要打電話問客人，唔係到訂座時間前半小時先致電，比人感覺十分不尊重，有檯亦唔主動聯絡返，其實真心好影響想再次去既意欲。好不容易等到早已預訂的2人檯😊坐下後立即點餐，因為已經又累又餓喇🌚我們點了一份前菜、兩份主菜、一份甜品；店員有溫馨提示我們注意份量，但其實媽媽在me time時可能自由自在地用餐 真的肚子係一個小宇宙呢！份量屬於正常偏多，傾下講下…我們最後真係食曬😆整餐飯不過不失，侍應亦好主動收碟及斟水，小店都有咁殷勤的服務，值得一讚，順帶一題，9:15左右已經要結帳及清場，晚市就略嫌太早了。…查看更多

店面細細，乾淨光猛，上菜仲好快，$49有三餸一湯，紅白米飯、腐皮粥、薑飯可以任裝😍仲要係素食，個人認為係屯門較小素食店的地方，真係好難得，腐皮粥仲要好香好綿，令人超級回味，蟹柳炒西芹都好爽口，東坡肉口感好真，饅魚卷都好好味，但份量有點小😅…查看更多

小妹忙於湊仔，好耐無寫食評喇🙈不過今晚去完試業中的鴨大哥，真心覺得值得一寫，當中有讚亦有希望改善的地方，總括來說都係抵食同精緻😊椒鹽豆腐炸漿唔厚，豆腐十分嫩滑，灑上小許椒鹽在上面，惹味又不油膩椒鹽雞軟骨香口美味，雞軟骨爽口以上兩款在等朋友到來做前菜，邊食邊傾邊等，一口接一口😋北京烤鴨有名叫鴨大哥，當然要試試招牌菜肉質嫩滑，鴨味香濃，皮薄香脆，最緊要無多餘的肥膏，食多啲都唔會有好「漏」的飽滯感覺，份量亦足夠唔洗搶食😆另外最欣賞有小火爐暖住餅皮，餅皮份量亦比外面的食肆多，唔會食到一半就唔夠包或凍曬，配菜有大蔥絲、青瓜、同兩款烤鴨醬，最為特別係有黑糖，感覺特別，有多款不同配搭及美味層次。希望改善位：配菜的大蔥絲、青瓜略嫌份量不夠，加返份量就更滿足😌另外小建議：黑糖可以改成爆炸糖，層次口感提升外，感覺比黑糖更特別及賣點更吸引。叉燒肉質結實口感好，略嫌玫瑰露重手左小小，搶左其他調味料的味道麥香黃金蝦咸蛋黃配上粟米片的黃金配搭，蝦肉新鮮彈牙，有紅肉火龍果鋪底，有幫助清新返味蕾，平衡返濃味的感覺，呢個菜式真心必食推介，無可挑剔😋荔枝山楂咕嚕肉咕嚕肉外脆內嫩，火喉岩岩好，配上山楂汁比外面食到的更開胃，欣賞將呢個餸既定既生果由菠蘿改成荔枝，感覺有新鮮感。希望改善位：將罐頭荔枝轉為新鮮荔枝，罐頭荔枝口感較實及帶糖水味，影響了這道餸的口感；新鮮荔枝口感較好會生色不少。另外小建議：荔枝未必一年四季都當造，可以改為時果，以當造的生果入饌，因時制宜🍊🍋🍓🍑🍈桂花雪梨脆蟮球擺盤精緻，一上檯令人眼前一亮，平時唔影食物既朋友都忍不住要一齊相機食先，打卡一流。不得不提配菜的啤梨，醃得好好味，可見廚師的用心💛希望改善位：蟮的泥味情況有點重，可能本人對泥味好敏感🙈可以改善到呢兩點就完美了！另外小建議：蟮球好真材實料，切得比較厚身，咬落去有小小困難，如果可以一開二就更好，可以食得舒服啲😉海鮮鴨湯泡飯今餐最滿意最有驚喜的一個菜式，砂煲上夠風味，海鮮同火鴨都超多，勁足料，湯底鴨香濃郁，加上配埋脆米，有畫龍點睛之效，令整個飯比人感覺唔止湯飯咁簡單，立即升LV，令人回味無窮。楊枝甘露 & 桂花糕甜品時間🥰原先食曬之前的餸菜，已剛剛好，見甜品的名字跟出面都一樣，以為無咩特色，好彩朋友堅持要飯後甜一甜，上檯時又係有驚喜…楊枝甘露—比外面的更濃稠，柚子無落澀味，配上新鮮芒果，令人一啖接一啖，超級美味！桂花糕—諗住都應該同外面買到既咁上下，估唔到用上又大又肥美的杞子，糕體亦好足料，唔會一拮就散曬，甜度適中，為晚餐畫上完美句號😍建議改善：名字太普通，如果起一個較有特色的菜名，應該會更吸引到客人想order😊燈光柔和舒適，檯與檯之間唔太密，亦有房間，傾計好舒服，私隱度高，圖中係今晚走既時候見到好靚既廂房。我老細好滿意🤭🤭🤭全餐飯都食得好開懷😚…查看更多

十年都唔去一次TKO，今日為左見客送貨。就由荃灣搭曬兩條地鐵線，轉兩次車過黎啦！成點半先黎到，極度十分肚餓呀！靚靚客人提議食Simple life經過門口已被佢既格調 同 雪櫃內的甜品吸引住喇！好好彩，眼見滿座的情況下都好快安排到位置，雖然張檯比較逼，但都好過要餓住肚子等9秒9立即點餐先，好多選擇呀，最近因為keep fit見到牛油果菠菜班尼迪蛋配藜麥沙律，就點左佢，藜麥係super food黎補血又有益，仲好飽肚，唔多餐廳有得食架客人點左芝士肉醬闊條麵；我地都加左$15跟餐飲同一個沙律或是日餐湯，上餐時間好快，沙律係用沙律醋酸酸甜甜好開胃，再配有新鮮生果，感覺好fresh；餐湯—南瓜忌廉湯，好濃好幼滑。主菜終於上場喇！牛油果菠菜班尼迪蛋配藜麥粟米沙律；比想像中大份牛油果蓉好豐富，蛋既生熟程度剛剛好，配合埋菠菜同烘過既包，好香但又唔會過膩，藜麥粟米沙律有咬口，好彈牙，最後到肉醬義大利闊條麵，肉汁香濃，配上芝士碎，香上加香，令人食指大動；餐飲點左果茶同熱咖啡，果茶偏甜左小小，咖啡香味好醒神，唔會有酸味，食曬已經食唔落精美既蛋糕喇，唯有下次再去食啦…查看更多

是日收早，趕得及同我位靚姨tea下；最近嘉樂冰室下年結業既消息一傳出，每日經過都不下十幾人排隊，誇張到排到過對面街。或者我細食同懶啦始終覺得大大份一野塞到你飽，又大排長龍，又要逼埋同唔識既人坐埋一個細細卡位既粗勞事唔岩我。我覺得食物要享受既，同朋友食野要舒適傾到計。而我位靚姨又想懷舊下，我推薦左去格離—蘭香茶餐廳。佢地既常餐簡直係「賣飛佛」份量適中，奶油厚多士夠金黃又夠脆；雙蛋火腿蛋邊夠香、蛋黃要黎點厚多士食，超正！；叉燒燴意，個汁好好味，又有粟米青豆粒，色彩好繽紛，勾起童年回憶。配埋苤芽好立克，完美！…查看更多

好耐無食過壽司🍣喇！經過峰壽司，過左晚餐時間，唔洗等位太耐無黎食喇，已經轉左電子下單，唔洗要侍應等住落單，又有曬圖片，可以慢慢選同看圖識食！點左北寄貝刺身做前菜，好鮮甜；又點左我最愛既赤貝壽司，好爽口，醋飯亦唔太大舊，唔會食幾件就脹住，可以試多幾款！面豉湯好足料，唔知有無人同我一樣喜歡將舊壽司飯撈湯食呢？仲點左飛魚子軍艦 同 我覺得好新奇既—秋葵墨魚軍艦，口味好新鮮，兩款食材出奇地match，作為秋葵控的我表示Like另一樣好欣賞既係火龍卷，聽個名好勁，大大份又好長架，先$68咋！抵食之選！炸蝦配合飛魚子同沙律醬，仲有估佢唔到既熱浪薯片，口感同味道都好特別，小朋友應該好like壽司拼盤$198全部食材都好新鮮，最緊要三文魚係真既，唔係鱒紅魚扮既，就無咩可以再挑剔喇最後食埋個炸蕃薯甜品，有小小雪過龍，同埋唔明點解糖漿唔係係廚房整熱再淋上蕃薯到。全個晚餐黎講都好滿意，係個甜品稍稍令人失望左dd…查看更多

同好耐無見既朋友暢聚，想搵個靜靜地可以傾下計的地方，突然醒起—白宮White House一間想試好耐，但一直未有時間去既餐廳，上網見好多好評，卡通咖啡精緻，環境都好可愛就一於去試試啦！一到達原來細心既朋友已訂左檯，店員帶我地到閣樓，好多影相位啊！仲提供埋小腳架，好貼心。我地點左All day breakfast 同 黑松露雜菌意粉；全日早餐擺盤好精美，滑蛋又香又滑，全部都熱辣辣，薯餅好脆；而黑露雜菌意粉，松露忌廉汁勁creamy，最欣賞係好多菇菌，食曬意粉碟底都仲有一堆菇菇控一定一定要點呀！飲品當然要試試咖啡啦，我們沒有指定要咩卡通人物，到上菜時，見到係熊大，好驚喜而另外點左杯蝶豆花菠蘿特飲，好香菠蘿味，顏色仲好有層次，好夢幻呀！…查看更多

心癮起突然想食麻辣火鍋，但得一條友點打姐:(好彩比我搵到抵食食堂—地皇food court入面有間麻辣燙，仲有重慶酸辣粉，一次過滿足曬姐的兩個慾望！自助形式選麻辣燙啦有個雪櫃擺好曬麻辣串，自己打開慢慢選就得喇，買五送一好抵食，款式都算多，今次我選左雞心、牛柏葉、雜丸腸仔、芽菜、油麥菜，當然仲有幼身既酸辣粉啦可以慢慢選無人催你架，岩曬我呢d眼闊肚窄，有選擇困難既煩人啦。選完後，就拎比姐姐計數，姐姐會問你會唔會全部都要麻辣，定部分要清湯，因本人十分喜歡食辣，但又受辣能力有限，決定串串全部麻辣，而菜類就用清湯，配合埋酸辣粉就剛剛好喇～加$5可以配汽水一罐，食辣飲汽水絕配也！…查看更多

一出荃灣站C出口就見到，好易搵，地點方便就腳！成個環境都係粉紅配米白色，舒服又唔會太過女性化令男士卻步。所以同蜜友歡聚 或 約男神女神去都岩。唔止環境舒適，地點就腳，食物方面都好正。牛油果蟹肉他他配竹炭薄片：好fresh既配搭，牛油果蓉好creamy，配合蟹肉及酸酸甜甜既蕃茄蓉，十分開胃，再用竹炭薄片承住黎食，口感及味道層次都好豐富，賣相亦都好靚啊！令人賞心悅目，食慾大增黑松露醬薯條：上菜好快，但肯肯定唔係一早整定，上檯係熱辣辣，即使花左小小時間去影張美照，口感非常香脆，配上黑松露沙律醬，無咁膩之外，完全係停唔到一條接一條係咁食水牛城醬汁雞翼：因為朋友係雞翼控的關係，去到邊都要來一客雞翼，起初我對「醬」都好抗拒架，唔喜燒成口黏住既口感，但HeSheEat呢個水牛城雞翼既醬係恰到好處，唔會好似出面食到既咁over，無食錯既話應該加左小小沙律醬，令到口感無咁漏，所以呢個雞翼我都比個like架墨魚汁黑魚扁忘粉：注意呢個係辣架！一入口唔覺架，之後回返上黎，唔食辣既朋友要三思呀！喜歡食辣既朋友不妨一試，回辣果下真係幾得意，墨魚十分爽口，完全無得挑剔溫馨提示：食完記得抹乾抹淨個咀啊！唔好好似大頭蝦Rene我咁帶住條黑色咀唇走，之後仲去左行街，真係失禮曬！飲品叫左杯果茶，生果比想像中豐富，有青蘋果，士多啤梨......好醒胃，但茶略嫌偏甜左小小，同我一樣唔太嗜甜既朋友仔，記得要叫少甜呀！最後......當然唔少得甜品啦！我地點左海鹽焦糖雲呢拿焗鬆餅🥞要等15分鐘左右，即叫即整。蛋味香濃，配合海鹽醬咸咸地好得意，有d拖肥糖既味道；而配合焦糖蛋味就更香更突出，雲呢拿雪糕亦夠香滑。兩個女仔傾下講下影下相咁就過左個愉快既晚上喇…查看更多

每次去葵廣都忍唔住要去整返個一人餐，$44可以選擇雞脾肉 或 雞翼3隻，次次我都會選擇雞脾，貪佢啖啖肉，方便食；而配菜可以三款，呢個時候選擇困難症又發作了......每次都好貪心想選齊所有生果，鳳梨、哈密瓜、芭樂.......但又想要招牌洋蔥、豬血糕、青瓜、高麗菜........最後因爲之後要返媽媽家食飯既關係，就選左罪惡感無咁重既鳳梨、哈密瓜同豬血糕，仲挑戰埋中辣畫好菜單，比錢後；大概幾分鐘就有得食喇！雞真係好滑好滑，連雞皮既皮下脂肪都呈半透明狀，好爽口；而佢地既香辛既配料配合埋新鮮香甜既生果，咁就十分無敵perfect match呀！Btw......其實荃灣都開左，但唔知係唔係情意結，硬係覺得葵廣呢間係特別好味…查看更多

去完韓國後，好掛住韓燒；立即去炑八止止癮一直都覺得分店多，方便就腳，而又唔係粗製濫造既韓燒就係佢。之前只係食晚餐多，今日試午餐價錢原來好驚喜，可以用抵食黎形容3大1小去食，點左3個午餐，有腩肉既炑八拼盤、蔥蒜牛肉、同埋豚肉，一坐低就上左海帶湯、醃物前菜，每個餐再有飯跟，我們加左$25要左蟹膏伴飯估唔到午餐都咁齊全咁足料，3個大人平均只係$120，果晚真係飽到晚餐都食唔落午餐咁抵，咁就可以去食多啦！…查看更多

上網見到$78任食下午茶，有意粉、西瓜沙律、班尼迪蛋 等等...好吸引呀！立即約朋友去試試佢地點鄰近元朗西鐵站，係YOHO1步行過去大約5分鐘就到達，好方便。$78任食下午茶，2:00開始，我們1:30左右去到，已經有人開始排緊隊喇！1:55左右安排入座，每檯可先點4款食物，到齊後可再點4款，如此類推，全店滿座下，大家同一時間點餐，上餐速度都算快，大約十五分鐘左右就到齊4款，第一次點可以先點果盤、沙律、意粉、牛油果包，因為沙律同果盤最簡單最快到，咁就可以食住等兩樣熟食，又開胃d個人覺得最正係意粉夠足料，雞翼薯條 同 班尼迪蛋都好好味，即叫即整，唔係預先整定，$78性價比夠曬高。抵讚既係，因為任食下午茶不包括飲品，飲品要另叫，店家會提供冰水，店員亦都好勤力不停斟水，完全無壓力要迫你叫飲品，$78再加一，性價比算很高了溫馨提示：建議大家早小小去排隊啊，因為分兩個時段的，遲去下一時段的就要排差不多一小時才可入座，雖然店家好好門外有放椅子 同 派冰水給等位的客人降溫，但人數太多，遮陰的地方同椅子係不夠的，夏日太陽伯伯的熱情，不可睇小啊。…查看更多

同閨蜜快閃午餐短聚，當然想搵環境寧靜可以傾下計，要食物好味、價錢公道、最重要係地點就腳，咁先可以好好享受1小時的午餐聚小小店鋪，座位充足，不用等位很讚呀！店員有禮貌，上菜快速又夠熱，午餐是和時間競賽的，點餐後十分鐘內到齊。食物味道保持水準，最重要的是，工作左大半日，個人開始跌watt，一杯香濃既咖啡，幫手回回魂，所以只要約了朋友午餐小聚都會想到cafe362溫馨提示：因為份量很充足，如果兩個女生去吃，建議可以好似我們咁，一個主食一個輕食，咁就岩岩好喇…查看更多