taiyaki.couple的个人专页

今日行經旺角，唔知食咩好，見到間新開既店，門面裝潢得幾靚，叫「指月」，就咁聽個名，唔知係食咩，有啲好奇，所以就入左去試一試。🔹🔸🔹🔸🔹🔸🔹🔸🔹🔸🔹滑蛋牛肉飯呢碗飯啲滑蛋好滑好嫩，用左蘭王蛋，勁有蛋味，飯粒都好香好軟身，一嚟一啖都好有嚼勁。啲蛋汁伴住啲飯同牛肉，味道好正。🔹🔸🔹🔸🔹🔸🔹🔸🔹🔸🔹牛面珠牛筋米粉牛肉係用左騸牯牛，騸牯牛係大約在1歲左右就會閹割，經過閹割過既牛，脂肪會均勻地分布在身體不同部位，牛肉特別好食。呢碗粉啲湯底清淡唔會太濃，牛面珠牛筋煮得好軟好入味，入口滑嫩，好好味。🔹🔸🔹🔸🔹🔸🔹🔸🔹🔸🔹酒燒雞翼啲雞翼燒得啱啱好，啲醬汁入味，啲肉質鮮嫩，啖落去都唔會太乾，啲骨頭都好易啖。啲酒香味濃郁，啲甜味啱啱好，食完啲雞翼都想再嚟一份。🔹🔸🔹🔸🔹🔸🔹🔸🔹🔸🔹檸檬薏米水呢杯檸檬薏米水好清新，啲檸檬味唔會太濃，啲薏米口感好好，啲甜味啱啱好。飲完一杯，就覺得口渴消失咗，好舒服。🔹🔸🔹🔸🔹🔸🔹🔸🔹🔸🔹山楂烏梅茶呢杯茶啲味道好特別，啲山楂味同烏梅味混合，啲酸味啱啱好，啲茶香都好香。飲完一杯，覺得口腔清新，仲可以幫助消化，好健康。🔹🔸🔹🔸🔹🔸🔹🔸🔹🔸🔹總結：依間店既野食都幾有特色，味道都唔錯，用料實在，係用心既製作，有興趣試新野既朋友仔可以試下。❤️💛❤️💛❤️💛❤️💛❤️💛❤️…查看更多

依間卜卜餃子店之前上網見過，好似都幾出名，今日行開西九龍中心，所以買左2盒返屋企試試味先。依間卜卜餃子店係外賣店黎，開左係西九龍中心既9樓，所以建議直接搭升降機上去會比較快。🔹🔸🔹🔸🔹🔸🔹🔸🔹🔸🔹佢既招牌大大隻字住「餃子世一，新鮮為你而造」，而且佢標榜住自己係用健康既食材，不含味精，同埋無添加防腐劑，比起超市買既會食得更加安心。而且餃子標榜全人手包製，包製過程中嘅細緻同精湛技巧。🔹🔸🔹🔸🔹🔸🔹🔸🔹🔸🔹三拼豚肉餃 三拼豚肉餃入面分別有3種口味︰芹菜芫荽、白菜、芝士粟米。芹菜芫荽:餃子皮薄而滑，餡料量適中，呢款有好香嘅芫荽味，而芹菜味就比佢蓋過左陣味。調味方面岩岩好，幾好食🤤芫荽🌿控必食！白菜:估唔到白菜仔豬肉餃又幾好食😋！白菜仔保持到爽脆，提升左餃子餡料嘅鮮美，呢款不論係口感同味道都做得不錯😋👍🏻芝士粟米:食落去有芝士味，加左粟米就甜甜地，比較之下，我更喜歡加左菜嘅餃子。呢款可能會試下用煎嘅方法更加香口美味🤤！🔹🔸🔹🔸🔹🔸🔹🔸🔹🔸🔹西洋菜豚肉餃西洋菜: 咁多款之中，我最鐘意呢隻口味。西洋菜獨特嘅香味，加埋好新鮮嘅西洋菜，做到清脆口感！而且咬落有爆滿肉汁，好juicy，滿足感十足呀！下次都會再買！🔹🔸🔹🔸🔹🔸🔹🔸🔹🔸🔹總結︰卜卜餃子既餃子都係全人手包製，但都可以包到粒粒都一樣樣，店主既包餃功力果然精湛。而且餡料既味道調得岩岩好，選用既食材都好新鮮，價錢又唔貴，CP值十足，係一間用心經營既小店，值得支持。❤️💛❤️💛❤️💛❤️💛❤️💛❤️…查看更多

最近，香港開左好多手打檸檬茶既野飲店，今日行開旺角見到間，就買左幾杯黎試下。依間「林香檸手打檸檬茶」都幾多人係到排隊，見佢寫住「一口上癮 ，人間清醒」，好想試下係咪真係咁勁。🔹🔸🔹🔸🔹🔸🔹🔸🔹🔸🔹依間「林香檸」係100%手打香水檸檬茶，選用左香水檸檬，將檸檬果⾁、果汁同經過精細拉絲工藝「兩倒三拉」既茶完美融合。而且林香檸係自設多個香水檸檬果園，選用左特選既香水檸檬。香水檸檬既檸檬果味濃郁，酸度適中，香味獨特，好岩用黎沖檸檬茶。我地叫左3杯檸檬茶黎試。🔹🔸🔹🔸🔹🔸🔹🔸🔹🔸🔹招牌手打檸檬茶招牌果然係招牌，係我最鐘意既，檸檬同茶完美結合。檸檬味酸酸甜甜，有一種清新既感覺。而茶底既茶味都好濃郁，飲完有少少回甘。而且夠凍，簡直透心涼。🔹🔸🔹🔸🔹🔸🔹🔸🔹🔸🔹鴨屎香檸檬茶鴨屎香個名幾搞笑，係一種烏龍茶既茶底黎，佢既香味好獨特，少少清新，一試難忘🤩加埋香水檸檬既香味都幾突出，飲落比「招牌手打檸檬茶」更清新。🔹🔸🔹🔸🔹🔸🔹🔸🔹🔸🔹渣男手打檸檬茶有好多檸檬渣，飲落有D口感，檸檬味最種，茶底既茶味都好濃郁，係檸檬茶之中既重水味，中意重茶味同檸檬味既朋友仔一定要試下🔹🔸🔹🔸🔹🔸🔹🔸🔹🔸🔹總結︰依排天氣好氣，最岩飲檸檬茶黎消消暑，解解渴。如果要叫既話建議7分糖，甜度岩岩好，但唔建議走冰或少冰，因為店員話茶和冰既比例係黃金比例。😋❤️💛❤️💛❤️💛❤️💛❤️💛❤️…查看更多

今日行開旺角，行到攰攰地，想食個麵醫下肚仔，就係附近搵左間拉麵店試一試。依間拉麵上網查左一查，原來係日本既過江龍拉麵，叫得過江龍，咁應該質素都有返咁上下。🔹🔸🔹🔸🔹🔸🔹🔸🔹🔸🔹海老辛醬背脂煮干 - 湯拉麵 $108 (麻辣肉碎 +$15)係重口味類既拉麵，滿滿既濃厚感，我地揀左小辣，所以唔算好辣，湯底有好濃既蝦鮮味同香氣，而且唔會俾辣味蓋過，仲配左洋蔥碎同木耳絲增加口感，整體感覺都幾夾。佢既拉麵係比例粗偏身既，掛湯能力好強。另外，我仲配左麻辣肉碎，肉碎麻而不太辣，岩晒D想食麻辣又唔食得太辣既朋友仔。🔹🔸🔹🔸🔹🔸🔹🔸🔹🔸🔹特製背脂煮干 - 湯拉麵 $98 (2倍背脂 +$5)一黎就試左個湯底先，湯底味道好濃厚，有好香既豬背脂油味道，個湯係用左沙裂魚同豚骨餚製而成。因為個湯有好多豬油，所以KEEP得住個拉麵既溫度，食到尾既時候，個拉麵同湯都係熱辣辣。拉麵夠彈牙又唔會太硬，仲好掛湯，好夠味。個拉麵仲有2塊大大塊既叉燒同糖心蛋，超豐富。🔹🔸🔹🔸🔹🔸🔹🔸🔹🔸🔹靜岡綠茶可樂 $20係綠茶同可樂結合，口味幾獨特，飲落清涼解膩，但可樂味比較重，綠茶味比較少。🔹🔸🔹🔸🔹🔸🔹🔸🔹🔸🔹靜岡蜜瓜梳打 $20未飲已經有好香既蜜瓜味湧出黎，飲落好香蜜瓜味，但又唔算太甜，梳打水都好夠味，好好飲。🔹🔸🔹🔸🔹🔸🔹🔸🔹🔸🔹總結︰拉麵店唔算大，環境都好乾淨企理，燈光都夠，唔會好暗。店員服務態度幾好，出餐時間快，唔洗等好耐就有得食。食物味道好好，CP值高，值得鐘意拉麵既朋友一試。…查看更多

呢間咖啡店好似係Error 成員193開嘅，見今日早收，就呢試下啦！餐廳裝修好簡約清新，環境十分寬敞同明亮，仲有好得意嘅橙黃色狸貓🦝就連天花板都有以嫁 ，好可愛，真係岩哂打卡呀！🔹🔸🔹🔸🔹🔸🔹🔸🔹🔸🔹軟殼蟹蟹籽三明治$98軟殼蟹蟹籽三文治用咗原隻軟殼蟹，食落脆卜卜，而且大大隻好夠料， 另外我仲加左$20煙三文魚，都幾多塊下，口感就會再豐富D。個口係唔夠大食哂整個三文治，咬落去滿滿嘅蟹肉蟹膏，醬汁都岩岩好，好滿足！呢個麵包係由ʙᴀᴋᴇʜᴏᴜsᴇ出品，非常脆，酥脆到食完張枱都係麵包碎，好似食緊薯片咁，而且相對其他吐司佢係較重牛油味！整體好好味，唯一唔好就係有D貴。🔹🔸🔹🔸🔹🔸🔹🔸🔹🔸🔹Norwegian Brunost Cheese Croffle$98鋪滿咸香挪威芝士碎，係由挪威牛奶同羊奶製成嘅芝士，帶有焦糖香，加上柔滑奶香味十嘅忌廉。Croffle餅底係Bake house牛角包，食落去外脆內軟，中間帶點煙韌，好有牛油香，整體味道好豐富，咸咸甜甜，口感有層次，真係好好食。非常推薦。🔹🔸🔹🔸🔹🔸🔹🔸🔹🔸🔹帶子明太子忌廉墨魚汁意粉$138。帶子大大粒，食落好鮮美，表面煎到香脆。意粉好掛到汁，每條麵都沾滿明太子籽同墨魚嘅醬汁，非常Creamy。另外配料有煙肉粒同洋葱粒，增加左鹹香味同口感，食落冇咁單調，口感上更加豐富。🔹🔸🔹🔸🔹🔸🔹🔸🔹🔸🔹Matcha Latte $48以日本小山園宇治抹茶，茶味香醇濃郁，口感順滑，甜度適中，好高質！🔹🔸🔹🔸🔹🔸🔹🔸🔹🔸🔹 朱古力咖啡 $45香滑嘅朱古力配搭特濃咖啡，飲到好濃郁嘅咖啡香味！🔹🔸🔹🔸🔹🔸🔹🔸🔹🔸🔹總結：餐廳除左環境好有特色，岩哂打卡之外，食物方面都係十分好味同高質，特別鐘意佢嘅Croffle，整體而言，下次經開呢頭有機會都會再呢食！呢間Café真係值得一試！…查看更多

好耐冇打邊爐，今次去左荃灣食「牛大人」。上次食過佢既「極上和牛吃到飽套餐」覺得幾唔錯，所以再黎多次試下唔同既湯底。上次試左番茄湯底都唔錯，今次我地就試左「紅燒牛骨鍋」，個鍋好香，仲有大大支牛骨係入面，真材實料咁，haha。🔹🔸🔹🔸🔹🔸🔹🔸🔹🔸🔹肉類今次我地都係叫返「極上和牛吃到飽套餐」，依個套餐有三款牛肉：「精選嫩牛」、「美國 SRF 極黑牛」同埋「澳洲極上和牛」。最好食既就係「M5和牛牛肩卷」，脂肪比例高，肉質好嫩滑，一入口即溶！另外，除左主要食牛肩卷，我地都叫左d「SRF黑牛後腿肉」黎食，SRF黑牛後腿肉就有口感一點，而且肉質新鮮，牛味十足。值得一提嘅係佢哋嘅和牛牛肉丸，我地可以免費試4粒既澳洲M9和牛牛肉丸。依個和牛牛丸同一般嘅牛肉丸相比，牛味更濃郁，口感更彈牙。非常推薦，真係冇得輸。🔹🔸🔹🔸🔹🔸🔹🔸🔹🔸🔹蔬菜至於蔬菜大部分都係自助式黎既，QR Code點既話，就有水蓮，平時係其他店好少見，但我1鐘意食，又健康，口感又好。🔹🔸🔹🔸🔹🔸🔹🔸🔹🔸🔹漿類依到漿類都好有特色，有好多款色，我地叫左蟹籽墨汁漿、澎湖花枝漿同埋章魚珍珠漿，味道好好，每款都有獨特嘅風味。🔹🔸🔹🔸🔹🔸🔹🔸🔹🔸🔹小食台式香腸、甜不辣、同埋鹽酥雞都好好味，不過我地都係focus係打邊爐，冇食到好多小食。🔹🔸🔹🔸🔹🔸🔹🔸🔹🔸🔹飲品有好多自助飲品，包括冷泡茶、汽水等等，如果用qr code 仲可以叫d特色飲品，例如珍珠奶茶同冬瓜茶，好多款式。🔹🔸🔹🔸🔹🔸🔹🔸🔹🔸🔹最後，我哋仲有一人一杯MOVENPICK雪糕，我哋揀咗朱古力同埋曲奇口味，好好食。🔹🔸🔹🔸🔹🔸🔹🔸🔹🔸🔹總括而言，牛大人雖然唔算好平，但CP值高超，食物種類豐富又有特色，服務態度都好好，鐘意打邊爐既朋友仔都可以黎試試！❤️💛❤️💛❤️💛❤️💛❤️💛❤️…查看更多

係荃灣行街，街到餓餓地，見到依間KIKI麵店裝修幾靚，係日式木系既裝潢，仲有D貓味擺設，好可愛。同埋都見到幾多人食，所以入去決定入去試一試。成日係超市見到KIKI麵，一直都想買黎試試，好似都幾出名，但一直都未買，趁住今次，試一試佢既麵係點既先。最後，我地叫左個Kiki全日餐、蛋餅同埋一個飯，兩份食。🔹🔸🔹🔸🔹🔸🔹🔸🔹🔸🔹Kiki全日餐 $148蔥香鵝油雞拌麵、蒜片台式腸、凍皇牌珍珠奶茶 (+$18)、生乳銅鑼燒(原味)蔥香鵝油雞拌麵拌麵入面既鵝油係KiKi左秘製黃金香鵝油，食落有鵝油味。雞做得好滑，拌麵份量多，口感煮得岩岩好，🤩食完都幾飽肚同好滿足蒜片台式腸同一般台式腸黎比，佢既腸冇咁油膩，肥瘦比例岩岩好，配埋蒜片仲將個味道提升左，好好食！生乳銅鑼燒皮同cream既味道都唔錯，好香，不過有D細粒，唔係好夠我食，haha。凍皇牌珍珠奶茶珍珠都幾QQ，同埋珍珠都幾多，奶味就一般啦，茶味會比較重d，岩晒我依d鐘意茶味重d既人。🔹🔸🔹🔸🔹🔸🔹🔸🔹🔸🔹寳島滷大排飯用既係帶骨既大豬排，豬排係先炸後滷，食得出滷汁好足料，一D都唔馬虎，調味恰當，個豬排都好大塊。肉質方面，好軟嫩！🔹🔸🔹🔸🔹🔸🔹🔸🔹🔸🔹起司鮪魚玉米蛋餅蛋餅賣相都不錯，打卡好靚。外層脆脆地，有少少既蛋香味，仲有豐富嘅芝士。個餡係鮪魚加玉米，D餡好多，爆晒出黎，食完好滿足。🔹🔸🔹🔸🔹🔸🔹🔸🔹🔸🔹總結︰個裝潢好靚，如果坐窗口位，仲可以對住個荃灣西海景成麵，無敵享受。食物質量唔錯，上餐都算快，而且職員既服務都好好，好滿足。可以一試。食完仲可以立即係到買返幾包kiki麵自己返去煮下。❤️💛❤️💛❤️💛❤️💛❤️💛❤️…查看更多

今日行過旺角，想食下拉麵，就係附近拉左間拉麵小店入去試下，入到拉麵店，地方唔算好大，但好有日本特色，好似入左間日本既拉麵店咁，好有感覺。🔹🔸🔹🔸🔹🔸🔹🔸🔹🔸🔹濃蝦湯香煎虎蝦拉麵 $109拉麵入面一隻煎香左嘅大蝦，肉質都算彈牙。依個拉麵嘅濃蝦湯好正，用左自家製蝦油同新鮮蝦熬煮，味道好濃郁鮮味，好有蝦味。拉麵煮得岩岩好，幾彈牙。整體嚟講，成個拉麵好唔錯，如果食到辣嘅嘢話，可以加辣椒粉，呢度有三款，不過辣度都幾辣下！🔹🔸🔹🔸🔹🔸🔹🔸🔹🔸🔹招牌三色拉麵 $128拉麵入面有三種肉，分別係：慢煮A4和牛、慢煮薩摩雞同炙燒豚肉。依個招牌三色拉麵都係濃蝦湯，相對上大虎蝦嘅湯底更有蝦味。慢煮A4和牛係用鹿兒島阿久根西冷，肉質超嫩，牛脂香味好足。炙燒豚肉口感好軟，肥肉瘦肉都有，淡淡油香好好食。慢煮薩摩雞滑嫩好食，但要比較既話，都係和牛最好食。🔹🔸🔹🔸🔹🔸🔹🔸🔹🔸🔹啤酒食拉麵🍜一定配埋啤酒，解渴又清爽！🔹🔸🔹🔸🔹🔸🔹🔸🔹🔸🔹總結：食物質量好高，不論係和肉定蝦湯，都做得好出色，價錢唔算貴～👍🏻職員既服務都好好，下次黎會想試下沾麵😁😁❤️💛❤️💛❤️💛❤️💛❤️💛❤️…查看更多

平時都好鐘意雞翼，見到呢間$188放題雞翼加任飲汽水，即刻想呢挑戰下，睇下可以食到幾多隻雞翼😋10款口味包括：水牛城醬呢款雞翼表面淋左好多水牛城醬，味道酸酸辣辣～泰式甜辣醬泰式甜辣醬再加炸香蒜，呢款最普通嘅醬汁，但同雞翼真係好夾，食極唔厭，仲好開胃！紐奧良香粉加左紐奧良香粉隻雞翼幾香口，表面香脆可口，裡面仲包留到肉汁，呢隻味都唔錯～黑芝麻海鮮蜂蜜加左蜂蜜，味道偏甜，似甜麵醬，面頭仲加左d黑芝麻點綴，食得多咸味嘅，都可以試吓呢款甜味為主嘅雞翼。黑椒檸檬表皮撒滿黑椒粉，加埋檸檬汁，味道係比較酸，都幾特別。死神醬呢個死神醬都幾辣，開頭食左隻冇咁多醬嘅，就以為唔辣，後尾食到隻好多辣醬嘅時候，先發現佢嘅辣真係唔野少😆鐘意辣嘅朋友可以試下！BBQ咖啡香味未食個陣諗住應該怪怪地，食落又正常，加左咖啡粉，會有一陣香味，味道又唔差。巴馬臣芝士蒜蓉滿滿嘅巴馬臣芝士🧀️，食落有少少嘅芝士味同蒜香味，呢個組合幾好，如果可以再濃味d就好！蒙古燒烤呢款就係加左孜然粉，似平時食雞翼串燒嘅味道。田園風味表皮有陣層層嘅粉，味道似酸忌廉洋蔥味薯片，呢隻味幾好食😋總結：環境好有特色，啱晒打卡。雞翼款式好多種，上台嘅時候全部熱辣辣，咬開雞翼係會出煙同好多肉汁，炸雞翼嘅水準幾好，價錢又唔算貴，我地兩個人都食左40隻雞翼，不過如果只食雞翼，都會有啲膩，好彩呢到仲有好多唔同不同嘅小食選擇。鐘意雞翼嘅朋友，快啲呢試下啦！…查看更多

行開如心，見到一間門口好有特色既餐廳，門口放左條魚尾獅，原來係新加坡菜，見個餐牌都幾抵食，所以就入去試試。入到去，個裝潢仲靚，天花板左好多燈籠🏮，好似牛車水咁，成條美食街咁，好岩打卡。🔹🔸🔹🔸🔹🔸🔹🔸🔹🔸🔹砂煲藥膳牛肋肉 配白飯 $78牛肋肉煮到好入味，藥膳有味道很不錯，唔會太苦太過重藥材味。食完好暖身，飲得出湯入面好足料，牛肋肉都有好多舊，仲搭配左好多雜菇，好味！🔹🔸🔹🔸🔹🔸🔹🔸🔹🔸🔹招牌去骨星馬雞飯 (配油飯) $63雞肉好嫩滑，亦都去左骨，岩晒我地依D懶人食。點醬有3種有甜豉油、薑蓉、同辣汁，我自己最鐘意既係辣汁，辣汁味道夠惹味，又唔會過份地辣。油飯都OK，但如果可以再油多少少會更好。🔹🔸🔹🔸🔹🔸🔹🔸🔹🔸🔹沙嗲串燒拼盤 (雞肉&牛肉 各2串) $55雞肉同牛肉既肉質都岩岩好，外面唔會太乾，入面仲保持到肉汁。就算咁唔點醬，都好夠味，但點左沙嗲醬就更加惹味，好香花生味，我地就比較鐘意雞肉，口感上幾好。🔹🔸🔹🔸🔹🔸🔹🔸🔹🔸🔹爽爆檸檬茶(套餐價) $5檸檬茶都夠清新，茶底唔會好苦澀，檸檬味都夠，好岩用黎配串燒食。🔹🔸🔹🔸🔹🔸🔹🔸🔹🔸🔹貓山王榴蓮麻薯 $39麻薯波波用左貓山王榴蓮，有榴蓮味，香甜，而且外皮就唔算煙韌。仲配左D綠色既啫喱同椰奶，啫喱就似大菜糕個種口感，幾鐘意佢嘅椰奶底。🔹🔸🔹🔸🔹🔸🔹🔸🔹🔸🔹總結︰整體黎講，餐廳既裝潢好有特色，夠晒誠意，好岩打卡。食物方面，價錢親民，性價比高，好抵食。職員都好有禮貌，想係大商場搵抵食既野，佢係一間唔錯既選擇。❤️💛❤️💛❤️💛❤️💛❤️💛❤️…查看更多

係沙田行街見到有間Cafe ，依間cafe係開放式既，店員頭上帶住🍊帽仔，好特別。餐廳裝修係以白橙係主色，好清新既感覺。🔹🔸🔹🔸🔹🔸🔹🔸🔹🔸🔹韓國蜆肉紫蘇飯 $118個飯唔算好多，不過入面既蜆肉份量就好多，仲加左韓式辣醬同泡菜黎炒飯，味道好好，有鮮味，又辣辣地，好惹味。個炒飯加左紫蘇葉，食落仲有紫蘇既獨特味道，而且口感幾好，米飯唔會太淋，口感好豐富，幾好食。🔹🔸🔹🔸🔹🔸🔹🔸🔹🔸🔹蟹籽雞蛋薯仔蘋果沙律 ＄68沙律有蟹籽、雞蛋和蘋果。蘋果清甜爽口，雞蛋充滿蛋香，薯仔軟軟嘅口感，最後加左蟹子提升左鮮味，呢個組合好夾，好難會出錯😋🔹🔸🔹🔸🔹🔸🔹🔸🔹🔸🔹初夏開心果窩夫$122窩夫底好厚身，外脆內軟，食落好香蛋味。忌廉好多，奶香味十足，忌廉下層鋪左開心果醬，cream味比較重，有少少遮蓋左開心果醬嘅味，食多有少少膩，但加埋士多啤梨會冇咁膩，酸甜味仲帶點清新！整體寄夫用呢打卡好靚，好似藝術品咁，而且味道都唔錯，唔會太甜，見到好多枱都有點窩夫，睇呢呢到窩夫都幾受歡迎😋🔹🔸🔹🔸🔹🔸🔹🔸🔹🔸🔹濟州柑橘乳酪 $68加入咗柑橘果肉嘅乳酪，酸酸甜甜，乳酪比較稠身，味道濃郁，果肉滿滿，整體係一款好清新開胃飲品。上面放了一個挖空了橙肉嘅橙皮做裝飾，俏皮又可愛！好岩打卡～不過乳酪比較細杯，好快就飲完😋有少少意猶未盡。🔹🔸🔹🔸🔹🔸🔹🔸🔹🔸🔹熱洋甘菊桂花茶$48桂花香味濃郁芬芳，洋甘菊味道清甜，簡簡單單既泡茶，但味道相當濃，特別係好濃嘅桂花香，但都唔錯，可以慢慢享受。🔹🔸🔹🔸🔹🔸🔹🔸🔹🔸🔹總結：食物方面水準不錯，擺盤都好漂亮，好岩打卡。餐廳坐得都舒服同開揚，好岩同朋友黎食下野，傾下計。❤️💛❤️💛❤️💛❤️💛❤️💛❤️…查看更多

講真，平時都真係好少食印尼野，今次聽朋友推介黎左依間係尖沙咀既峇里堂食印尼菜，感受一下異國既風味。入到餐廳，餐廳都幾光鮮，仲有個落地大玻璃望出去彌敦道，感覺幾正。🔹🔸🔹🔸🔹🔸🔹🔸🔹🔸🔹峇里堂海鮮煎$88依個海鮮煎🦑，有D蝦片埋係個煎蛋下面，成座山咁。🤣🤣🤣 個海鮮煎蛋入面有魷魚、帶子、蝦，食落有好香既蛋味。煎蛋上鋪滿左芽菜同青瓜，配埋個甜甜地昸醬汁，食落味道好豐富，用黎送飯一流。🔹🔸🔹🔸🔹🔸🔹🔸🔹🔸🔹雙色咖央多士 $40雙色加埋賣相擺盤好靚，好岩打卡。微熱多士搽左咖央醬，再夾住塊凍牛油，食落甜甜地，又脆口，如果唔係舊牛油太邪惡，都想再叫多一碟ENCORE。🔹🔸🔹🔸🔹🔸🔹🔸🔹🔸🔹炒豬肉配米餅 $100用左甜甜地既醬汁黎炒既豬肉，味道好惹味，除左米餅之外，我地仲加多左個白飯黎豬肉碎撈飯，超好食。另一個食法就係將D豬肉絲放上個米餅一齊食，鹹鹹甜甜又脆口，口感好特別。🔹🔸🔹🔸🔹🔸🔹🔸🔹🔸🔹鮮青檸梳打 $38梳打水加入青檸汁，好FRESH，沒洗篤粒青檸都已經好夠味，好岩用黎醒胃。🔹🔸🔹🔸🔹🔸🔹🔸🔹🔸🔹清．島風 $54都係用左梳打水做底，再加入左好多香料，例如︰香茅、檸檬葉、青瓜、青檸、檸檬。味道好豐富，飲落好清新。🔹🔸🔹🔸🔹🔸🔹🔸🔹🔸🔹總結︰環境裝修都好多文青feel+異國風情，食物既味道都唔錯，好岩幾個朋友黎食下野，傾下計，職員既服務都好好。如果平時鐘意試下唔同國家菜式既朋友，可以黎試試。❤️💛❤️💛❤️💛❤️💛❤️💛❤️…查看更多

Set Dinner Menu$438前菜芒果蝦肉牛油果他他加＄38 三層他他食落酸酸甜甜幾開胃～黑松露意大利雲吞加＄10黑松露醬非常濃稠，黑松露味道好濃郁，雲吞皮偏厚，食落有D煙韌。主餐虎蝦,小龍蝦,龍蝦汁扁意粉加$28醬汁好香蝦味，鮮味十足，蝦有三大隻同一啖一隻嘅小龍蝦肉，意粉口感岩岩好，每條意粉表面都佈滿醬汁，食落有少少沙沙地嘅口感，🦐德國豬手扒,德國腸去骨豬手表面豬皮脆卜卜，幾鐘意佢嘅炸薯條，熱辣辣夠香脆，仲好有薯仔味。藍色美人魚$58酸酸地嘅菠蘿味，加埋氣泡水，好冰爽，賣相仲幾靚。見到都幾多枱有點到。三色世界$48多種嘅果味，味道都好豐富，顏色層次亦非常分明。總結：餐廳環境都幾靚，好岩打卡，呢到仲有設烏籠設計嘅座位，但就唔多。想呢試下呢間餐廳嘅朋友記得預先訂位啦。…查看更多

上網見到有人介紹依間日系café，佢同其他café唔同既係，佢只有2款食物，就係大阪燒同日系烤蛋糕，聽聞水準幾高，值得黎試一試。入到去係木系既風格，播住d日文歌，非常relax同舒適，好似去左日本d cafe咁。一場黎到，我地就叫左一個大阪燒同一個日系烤蛋糕試下。🔹🔸🔹🔸🔹🔸🔹🔸🔹🔸🔹丸久小山園焙茶醬烤蛋糕 $138依到既烤蛋糕即叫即焗既，所以預返時間等，而且佢既烤蛋糕係六吋既，超大份，2個人食都有d多，食得好滿足。烤蛋糕用上宇治丸久小山園既焙茶醬，茶味好夠濃！🔹🔸🔹🔸🔹🔸🔹🔸🔹🔸🔹エビ大阪燒（蝦） $88大阪燒有四種口味，但我地就揀左蝦試下。蝦唔算好大隻，但勝左夠多，差唔多啖啖都食到有蝦，蝦都夠彈牙，配埋玉米、蟹柳、椰菜等等既配料，成個大阪燒既口感相當豐富。大阪燒既上面仲放左好多醬料、灑滿蔥花跟木魚碎，味道好足夠。🔹🔸🔹🔸🔹🔸🔹🔸🔹🔸🔹芝麻豆乳$58豆乳係用左日本既進口豆乳，加埋芝麻既香滑，味道好醇厚。🔹🔸🔹🔸🔹🔸🔹🔸🔹🔸🔹鳳梨檸檬梳打 $38鳳梨好出，加左檸檬既梳打，酸酸甜甜，好好飲。本野都黃黃地，係燈光之下，好靚，好岩打卡。🔹🔸🔹🔸🔹🔸🔹🔸🔹🔸🔹總結︰餐廳既位置比例隱世，係係一個小商場入面，店面唔算大，但都幾多人食，木系既設計都令人有溫馨既感覺，食物質素冇得頂，大阪燒同烤蛋糕都好好食。十分推薦依間café。…查看更多

最近行銅鑼灣見到依間朋友介紹過既放題餐廳，於是就同朋友去試下依間餐廳。 依到既食物既種類好多，中式、日式、泰式等既菜式都有，而且價位都實惠。我地食既時候係$259一位，再加 $138升級，任食生蠔、海膽刺身，任飲生啤！🔹🔸🔹🔸🔹🔸🔹🔸🔹🔸🔹刺身我地一開始就點左個刺身先，裡面有各種刺生，包括冰山、蚌角螺、赤蝦、油甘魚、八爪魚、三文魚、鮑片、馬刀貝同希靈魚等等。特別推介三文魚︰油脂豐富，有奶油香，食得出好新鮮。吞拿魚︰鮮甜爽口，味道新鮮。八爪魚︰爽口彈牙，有咬口。🔹🔸🔹🔸🔹🔸🔹🔸🔹🔸🔹 生蠔大大隻，肉質滑溜飽滿，品質唔錯，非常新鮮，帶有淡淡的海水味。🔹🔸🔹🔸🔹🔸🔹🔸🔹🔸🔹海膽帶子厚切帶子，肉質有彈性，帶子中間夾住海膽，好似個漢堡咁，海膽味道甘香，味道好豐富。🔹🔸🔹🔸🔹🔸🔹🔸🔹🔸🔹炸物都好多選擇。有天婦羅、芝士年糕、黃金豆腐芝麻雞翅、炸香蕉、炸芋球等。我最鐘意既係芝麻雞翅，炸得非常酥脆，而且肉質又嫩滑，外脆內嫩。🔹🔸🔹🔸🔹🔸🔹🔸🔹🔸🔹 熟食有多款泰式小食，例如︰生菜包、串燒、豬頸肉、炸蛋、冬陰功湯、金邊粉。尤其馬拉盞通菜，十分推介，炒得好有鑊氣，味道好好，一定要試。🔹🔸🔹🔸🔹🔸🔹🔸🔹🔸🔹最後，緊係唔少得甜品同雪糕。甜品櫃有Tiramisù、布丁、泡芙等等。雪條方面，有榴槤雪條同椰子雪條。🔹🔸🔹🔸🔹🔸🔹🔸🔹🔸🔹總結︰依間放題係銅鑼灣黎講，真係性價比超高呀！餐廳裝潢都幾靚，又新淨，坐得非常舒適，而且服務員既服務都非常周到。食物水準高， 服務貼心，十分推薦!!!❤️💛❤️💛❤️💛❤️💛❤️💛❤️📍瀛豐放題料理專門店 @yingfeng_food銅鑼灣駱克道491-499號京都廣場10樓…查看更多