HKPigFood的个人专页

米線關注組推介必食米線之一？由大角咀開到新蒲崗，宜家連荃灣都食到喇😍試咗呢度人氣招牌豬頸肉燶邊微脆夠香口，肥瘦均勻份量勁多！另外豬軟骨都好好食，炆到勁腍入口即溶😂好似食緊滿滿骨膠原咁～湯底推介酸麻辣偏稠身，米線好掛湯酸味比麻味強，重口味但唔會死鹹米線軟硬度適中👌🏻 下次會想試埋其他配料同湯底😗.皇牌豬頸肉米線(沙喇湯) $55豬軟骨米線(酸麻辣湯）$55魚腐/冬菇+$9凍檸茶 +$3凍豆漿 +$5香炸雞翼 $35/4隻…查看更多

為咗食餃子可以去到幾盡？.石籬有間街坊餃子小店聽講係每日人手新鮮包有9款餡料，全部都係豬肉餃最正係雙拼都唔洗加錢👍🏻湯餃跟無味精靚湯，大大隻脹卜卜🥟煎餃脆得嚟唔會硬崛崛今次試嘅紫菜豬肉、粟米芝士豬肉煎餃麻辣白菜豬肉同椰菜豬肉湯餃都唔錯～.就算唔食餃，呢度都仲有米線、小食等選擇米線熱辣辣用砂鍋上，仲有原隻鮮雞髀🍗足料苦瓜鮑魚排骨燉湯啱晒夏天飲☀️估唔到嘅係呢度竟然有酸辣魷魚同鮑魚調味好有泰式feel，海鮮爽彈！如果中意食蒜嘅，可以試埋佢哋嘅蒜泥白肉白肉係厚切，同平時食開薄過紙嘅唔同🤣.湯餃 $48/8隻 $52/10隻煎餃 $52/8隻 $56/10隻鮑魚涼瓜排骨湯 $48泰式酸辣鮮魷 $78泰式酸辣鮑魚 $88蒜泥白肉 $48麻辣鮮雞髀米線 $75香煎肉餅飯 $58跟風手打爆檸鴨屎香檸檬茶 跟餐+$18…查看更多

同同事朋友食飯最煩係要諗食乜，估唔到今次喺觀塘見到間新開乜都有得食嘅小店🤣.呢度嘅麵類都幾多選擇，可以轉刀削麵、陽春麵或米線😋 湯底標榜即日熬煮，最近仲新出咗一系列牛肉菜式，味道同份量都唔錯，牛骨湯底飲完都唔會口渴～ 特別中意呢度嘅水冷麵夠清爽，煙韌冷麵加埋酸甜汁幾開胃，仲有幾片蘋果增加口感～ .另外仲可以加配唔同小食、飲品、甜品，鮮蝦雲吞比想像中大粒足料同爽口，涼拌牛肉份量算多，食落唔會太重口味😙 桃膠雪耳同牛乳燉花膠都夠哂養顏，見午市套餐都係$46起，新開仲送豆漿，都幾抵食！.QQ牛肉大冷麵 $65蘭州牛肉拉麵 $62大手拉小手醬油拌麵 $56香辣涼拌醬牛肉 $42紅油鮮蝦雲吞 ( 跟餐$20 )樽仔泰式奶茶 ( 跟餐$15 )桂花烏龍冷泡茶 ( 跟餐$16 )桃膠雪耳/仙草芋圓 ( 跟餐$20 )北海道3.6牛乳燉花膠 $36…查看更多

超脆千層酥皮葡撻！.本身係諗住嚟試忌廉芝士包，點知見到個撻好吸引🤩 賣相已經好得，層次分明嘅酥皮焗到酥脆鬆化，包住滑溜蛋漿唔會太甜～麻糬老婆餅焗到金黃，麻糬可以拉到絲但份量就唔算好多😂 仲有買五送一！名物忌廉芝士包大大個夠鬆軟，入面夾住兩層cream cheese，甜甜鹹鹹真係幾好食😋…查看更多

關注即享低至半價❗️咁抵？仲開到凌晨添！.元朗呢間深宵食堂做緊優惠，只要CLS就可以用低至半價食到刺身、壽司、炸物、燒物、生啤、甜品雪糕等，真係超抵！.最抵應該係刺身壽司，六品刺身盛合有帆立貝、蝦、油甘魚、三文魚、北寄貝，連海膽都有都只係$259🤩 油甘魚、鮮帶子壽司除番開都唔洗$10件😚.燒物方面推介牛油蒜蓉焗蜆，粒粒漲卜卜夠哂惹味～肉質爽彈嘅大頭蝦、鮑魚都近半價，嗌多幾隻都唔心痛🫣 A4日本和牛粉嫩juicy，$87就食到😏.半價飲品除咗各款生啤，仲有芝士奶蓋乳酸沙冰！勁大杯好抵飲，芝士奶蓋同爆珠都好多，飲一杯都飽🤣.呢度嘅拉麵同烏冬都好掂！試咗芝士辣湯底讚岐烏冬，豬軟骨夠腍夠入味！配料豐富，仲有一隻溏心蛋🤤.價錢參考 (🌟為分享優惠價)🌟六品刺身盛合 $259🌟油甘魚壽司 $19/2件🌟鮮帶子壽司 $17/2件🌟三文魚籽壽司 $27/2件🌟磯燒大頭蝦 $17🌟磯燒鮑魚 $24🌟牛油蒜蓉焗蜆 $41🌟椒鹽雞軟骨 $33豬軟骨讚岐手打烏冬 $92厚燒牛舌串 $36燒豬頸肉串 $30🌟活乳酸沙冰芝士奶蓋 $30🌟生啤 $47…查看更多

晚市$108兩小時任飲任食燒肉+火鍋?! 生啤都任飲！-燒肉同火鍋配料種類都幾多 ，唔同醃料嘅牛肉、雞肉、豬肉、魚、蔬菜類、丸類、餃子等，仲會不停refill！自助區有各款壽司🍣，加$40仲有刺身任食！熟食除咗有熱盤，亦有一盅兩件點心、碗仔翅、茶葉蛋、炸物等，選擇勁多🤣.除咗燒烤，$108仲包埋打邊爐，有日式豬骨湯/日式清湯/壽喜燒湯，加肥牛、肉丸淥吓就得😬甜品方面最特別係有自助冰粉同唧雪糕，再加唔同配料～生啤、清酒、梅酒、啤酒都係任飲！.呢個價錢當然唔期望會有啲超高質素嘅食材啦，但呢度嘅選擇豐富，整體嚟講性價比極高，$108食到兩個鐘嘅燒烤+火鍋真係抵到爛，飲多幾杯生啤都回本😚.成人價錢參考(兩小時)7:00pm前離座/8:45pm後入座$1086:00後入座$158最平嘅下午茶係下午1:45入座$88 *任食刺身另加$40*另收加一服務費…查看更多

元朗性價比高日式居酒屋🏮.呢度嘅食物種類選擇好多，壽司、刺身、燒物、炸物、小食等，每晚8點半後入座，部分食品仲低至半價🤣.想豪食嘅可以嗌原板馬糞海膽，夠晒鮮甜😋 刺身厚切肥美，除咗拼盤，都可以自選單點～ 中意食蠔嘅亦有3種揀，大大隻夠新鮮🦪 火炙壽司拼盤夠吸睛，即場點火睇得又食得🔥天婦羅都炸得唔錯夠酥脆🍤 山葵燒安格斯牛扒一定要趁熱食，肉質軟嫩～ 另外仲有好多串燒、燒物，送酒一流😬 大大個啤酒塔都做緊半價優惠，like & share就有😱.舖頭有室內、室外座位，亦有獨立房間私隱度夠高👍🏻.原價參考原板馬糞海膽 $298火炙芝士壽司盛盒 $98法國生蠔 $48什錦天婦羅 $88山葵燒安格斯牛扒 $128芝士焗黃金蠔 $90/2西京燒銀鱈魚 $148黑毛豬豚肉串 $52厚燒牛舌 $52風味芝士玉子燒 $42炭燒油甘魚頭 $98各款刺身Beer Tower $340/2L…查看更多

元朗西日放題第2位半價😆.午市3小時、晚市2小時任食放題～ 食物有成128品好豐富！壽司、刺身、海鮮、燒物、炸物、鍋物應有盡有😗 食材用料都幾靚，人均二百幾就食到，回本冇難度😉 .想食得豪啲嘅，每位可以追加$190升級😍 任食即開新鮮法國生蠔、松葉蟹腳、拖羅刺身、海膽、松葉蟹鉗甲羅燒、焦糖菠蘿鵝肝等，超級抵食！.甜品都有驚喜🌟除咗普通嘅雪糕雪條，仲有芝士撻、鯛魚燒等，升級仲可以試到水信玄餅、焦糖布丁、Bailey’s雪糕、吉士銅鑼燒，連macaroon都有😛 超滿足！.午市放題成人$238起，晚市放題成人$248起根據不同時段收費，優惠詳情可向餐廳查詢🔍(第二位半價不適用於追加升級)…查看更多

開業18年嘅和食居酒屋，每樣都大份抵食，啱哂同屋企人或者朋友一齊嚟食多幾款🤣 .嚟到必食嘅巨型蟹籽沙律，份量十足爽口，4個人都食唔晒🤣 大過塊面嘅吉列大雞扒炸到外脆內juicy，啖啖肉🤤清酒煮蜆大大隻，加入指天椒🌶️ 微辣，連湯飲都得！刺身款款鮮美，拼盆仲有半板海膽真係超抵食🤓.鰻魚西京燒串都係好大串勁厚肉！蟹味噌甲羅燒勁濃，配鱈魚干食，而且份量俾得好足😋咩都想試就最啱嗌個串燒拼盤share，有齊雞翼、金菇牛肉卷等5款串燒，火候掌握得好好👍🏻最啱嗌番杯啤酒🍻.蟹籽沙律 細$60 大$72八品刺身盛盒 $468麻辣風吉列大雞扒配他他醬 $88鰻魚西京燒串 一本$68清酒煮海蜆 $95串燒拼盤 $108蟹味噌甲羅燒 $68生忌廉吉士銅鑼燒餅 $45…查看更多

荔枝角竟然有間咁正嘅越南菜😬 玩埋火咁誇張🤣🔥.餐廳主打新派越南菜，價錢唔貴但份量幾多幾足料，適合同家人朋友聚會，而且菜式好睇又好食，宜家仲做緊每日晚市唔同優惠！.火焰鐵板美國肉眼 ( $268 )簡直係吸引全場目光🫣 牛肉燒過之後有微微嘅焦香同酒香，食落軟嫩好juicy，份量都幾多～ 椰汁喇沙燴青口伴油條 ( $148 )幾有趣，青口大大隻，椰汁好濃好稠，一條油條唔夠點🙈.牛板腱火車頭雜錦湯河 ( $98 ) 湯底用牛筒骨、牛骨髓等餚成，味道好濃郁！建議要食咗幾塊肉先，過熟就唔好食㗎喇🤣 仲有牛丸牛柏葉等配搭，勁大碗幾抵食～.甜品嗌咗越式Tiramisu ( $78 ) 入口即溶，帶啲啲苦，酒味幾香😋 芋圓椰汁凍 ( $68 )係勁大碗奶凍版椰汁糕，椰香味濃，食落又唔會過甜，最底仲有紅豆蓉，勁滿足～…查看更多

大圍甜品店發現沾醬麻糬！凌晨一點都食到😝.小店新開冇耐，甜品選擇唔多，但試咗幾款都高質，夠哂足料抵食👍🏻 主打以新鮮椰子🥥同斑斕🌿製作～.呢度嘅signature甜品係各款配搭好嘅「甜頭」 ( $42-$52 )，中意椰子嘅記得要揀大甜頭，有兩球新鮮椰子整嘅椰子雪葩㗎～椰汁椰肉特別濃甜🤩椰枝甘露 ( $45 )用新鮮芒果+椰汁，食落夠天然冇假甜㗎😋 除咗金柚同西米，再加埋椰子肉，更有口感😙沾醬麻糬 ( $42 )配海鹽奶蓋，麻糬粒粒煙韌，Oreo/椰子脆脆增加口感～.仲有好吸引嘅新鮮斑斕甜品，斑斕椰汁糕有漸層嘅打卡效果，好有心思😍…查看更多

香港都飲到台灣第一奶茶！.The Farmhouse Deli同台灣人氣茶飲店Soma聯乘，推出多款招牌同限定飲品，首次將呢間台灣第一奶茶帶嚟香港！.原味珍珠茶歐雷 ( $35 )VSOP珍珠茶歐雷 ( $78 )茶香奶滑，茶底用咗幾款茶葉混埋，濃到有少少似港式奶茶☕️ 甜度冇得揀，預設已經用咗低糖配方，所以飲落唔會太甜～VSOP嗰款加入酒調配，有淡淡酒香，又唔會蓋過茶味奶味，好易入口！.做到9月18號咋！要把握機會去試喇～…查看更多

人氣港式糖水店，主打自家研磨糖水✨.招牌開心果豆腐花 （ $48 ）聽講成日都賣晒🙈開心果糊味道幾濃，有少少酸，反而豆花味道唔算好出🫣 幾好食幾滑，但如果有淨開心果糊就好🤣 另外合桃露湯丸 ( $48 )質地幾杰同濃厚，堅果味香～ 芝麻湯圓爆餡，唔會太甜！.除咗堅果糊，咁熱都要食番啲凍野先得😂 鮮果冰系列份量唔算大，大約一人份～ 榴槤冰 ( $58 ) menu寫1碗冰=1/4個榴槤，的確用料幾足，滿滿榴槤蓉🤓 推介大家加多$20有榴槤球，啖啖榴槤肉好滿足🤤 至於蜜瓜冰 ( $49 )相對普通，味道較淡😗 面頭都有唔少椰果爆珠增加口感😂.留意返堂食最低消費一人一碗糖水，用餐時間45分鐘…查看更多

旺角大滿足韓燒放題🔥成枱都係勁豐富😆.晚市120分鐘放題 ( $298 )，任食20款肉類、韓式前菜、韓式小食料理等～一坐低已經會上部分肉類，其餘可以自己掃code落單😬 整體嚟講啲肉都唔會話好薄，肉味都夠，上菜速度都快同冇漏單，每碟份量少少咁就唔怕食唔晒做大晒鬼🤣 .4人同行送原條蒲燒鰻魚，每4人仲可以抽一次獎，大獎全單免費😍 韓牛西冷就係4獎，肉質軟嫩油花好靚😋.另加$88海鮮刺身啤酒放題，刺身質素唔錯，件件都厚切👍🏻 海鮮多達14款，扇貝、墨魚、青口、鰻魚都有～最正係韓國啤酒同藍妹生啤都係任飲🍻.仲有成個雪櫃嘅韓式前菜任夾，搭配燒肉食就啱晒😝.甜品方面有即製窩夫、軟雪糕同刨冰俾大家diy🍧…查看更多

灣仔人氣台灣菜，新推出期間限定fusion菜式😋.帶子海膽豆腐魯肉飯 ( $158 )超澎湃嘅三文魚子，加上大大碗香菇滷肉飯，仲有炙燒刺身級帶子同海膽豆腐，配料好豐富，啖啖都食到餸，大滿足🤤.威士忌A4和牛麵 ( $198 )將點著咗嘅台灣威士忌🔥🥃淋上和牛，即時逼出牛油香，再慢慢加入熱湯，和牛熟度剛好，嫩滑香口！配上每日新鮮製作嘅煙韌手工麵，連湯底都好味到全部飲晒🤣.瑰香東坡肉飯 ( $86 )大大舊東坡肉，層次分明有酒香，送飯一流👍🏻.黑糖珍珠威士忌復刻奶茶 ( $78 )就咁都聞到極香嘅威士忌～ 第一啖飲落茶味會比較出，之後先到酒味，配埋啖啖煙韌珍珠，係大人版珍珠奶茶😆…查看更多