oceanfairy的个人专页

和壽星女一行三人，到這裡補祝她的生日，這裡的放題也是和松屋、蒲和的一樣，任點任吃，價錢、食物都好像差不多，味道算是OK。壽司刺身OK，不是特別新鮮，不過吞拿魚剌身的賣相略為遜色，有點似豬肉，馬刀貝好味。串燒味道好香口，味道好夠好適中。燒羊扒也是一樣，燒得好香也很夠味道。燒蠔是限量每人一只的，面有沙律醬洋蔥一起燒，不過內裡的蠔是生的，不知是刻意或者意外，雖然蠔可以生吃，不過總是怪怪的，應該是未夠熟罷。芝麻和綠茶雪糕都好好味。…查看更多

POST左原本，先發現遺漏了一張birthday cake嘅相，呢個紅魔鬼蛋糕，都幾好味架，好得意！至於係餐廳送，定係要錢買我就唔係咁清楚啦！哈哈！麻煩OPENRICE幫我加返呢張相去原文啦，TKS!…查看更多

今次黎呢度係為左慶祝朋友嘅生日，我地一行十三人，點了好幾款食物，這裡環境怎樣？我覺得沒什麼特別，只是餐廳門口有一張後備席椅，裡面掛了幾張相，同埋個Menu比較特別，男仕們就話個廁所幾特別，至於點特別法就自己去睇啦，話晒都係講野食重要D，哈！食物方面，整體都幾好味，我們點了“芝士菇”、“凱撒沙律”，兩樣都OK，豬扒好淋好好味，“龍蝦意粉”第一啖食落去覺得D意粉好有蝦味，第二啖就覺得好重蝦”殼”味，有點怪怪的，不過味道唔係唔好食。“水牛雞亦”好一般。最特別係“足球牛油面包”，牛油上印有足球圖案，好得意，面包OK軟，不過送埋餐湯就PERFECT。至於PIZZA，我們點了芝士味&海鮮，中意食CHEESE嘅我覺得芝士PIZZA幾好味，海鮮PIZZA都OK。至於個birthday cake，都好好味架。…查看更多

好耐無食過壽司啦！呢間野在我家附近，一直都好想去試下，因為食過銅鑼灣分店，記得好好味，今次唸住近近地再試過。我地2個人，食左好少野咋，都係幾款壽司，加幾款熟食，味道係點?? 我覺得所有野都OK好味！個蟹柳壽司係特價野，好似$9一客，不過都好大舊好鮮甜。想講一講嘅係環境衛生問題，我地原本係坐order枱，不過一坐低，見到好多小飛飛係近牆位置飛來飛去，一抬頭就有，而我地張枱係泊牆坐，感覺唔係幾好，之後要求調去Bar枱位，好在果時係夜晚9點幾，仲好多位揀，感覺上先食得安心D，如果能夠改進呢個問題，就好好啦！…查看更多

好耐之前黎過食buffet，覺得好正好好味，所以好期侍今次再同同事們黎，我地一行8人，食左3個鐘。呢度冷熱食物各佔一半，一向都唔食生冷野及大部份海鮮嘅我，實在係...好蝕底，同事話個蝦好甜好好味，刺身都ok，生蠔有d人話好味，有d人話好咸，而熟食就好一般，連個牛扒都係一樣好一般，同埋有少少韌，見d三文魚好似好靚，而我又唔食得生野，最終我忍唔住叫左碗熱騰騰嘅湯麵，然後再夾幾塊煙三文魚落去一齊食，嘩！好正呀真係。唔可以唔提嘅係芝士，相片裡果2舊都好好味呀，特別係有果粒果舊，一試難忘。…查看更多

呢間野真係好罕有，lunch時間位於謝菲道但唔洗等位，好少見，點半鐘成間野已經得返一半人，感覺好奇怪。我點左個“肉醬意粉”，加埋碗“蕃茄湯”成為一個set，埋單$53，其實都幾唔抵，因為無餐茶，“蕃茄湯”我覺得幾好味，好多蕃茄肉，好似無咩味精，個“肉醬意粉”份量都夠，岩岩好，味道我覺得淡左少少，整體都ok。不過我同事叫左個薯仔雞飯，佢話有少少酸酸地，不過個侍應話係菲律賓口味，少少酸係正常，可能係個同事食唔慣吧！…查看更多

呢度食物質數真係好一般，所有comment已經打晒係D相。服務態度可以用差睇形容，個“豉汁醬爆鱔皇丁"係生的，同埋超腥，估唔到第一次食鱔就係咁，同個女侍應講可唔可以換過一碟俾我地，佢死都唔肯，不過我地真係腥到食唔到，死都唔肯罷休要佢換，結果佢就叫廚房炒返同一碟熟嘅出黎，我地再嘗試去食，我食左2舊就想嘔，因為仲係好腥，於是我地再叫另一個部長黎，問佢可唔可以換，佢初頭都唔肯換，仲同我地講“鱔皇”係腥腥地，唔可以換，我地又係極力要求佢一定要換，最後佢換左個“椒鹽鮮魷”俾我地，不過，價錢要我地俾返鱔皇價，即係我地點樣都蝕。呢間野最特別之處就係一路食，一路見到隔離左右有人投訴，一係話d野食唔得，一係話冷氣滴水(請注意，人地擺到滿枱都係食物，佢正正喺人地D食物上面用條餐巾去抹D冷氣水，D冷氣水就一路滴返落D食物度，我接受唔到囉，好唔合衛生。)，一係就收貴人地錢，攪到我地好忙好多野睇。…查看更多

我和同事一行四人到這裡午餐，這裡環境算是高尚，侍應將我們安排到一間細房，地方不算夾窄，不過一邊吃一邊覺得好煙，因為廚師們在出面大廳鐵板炒東西。至於服務方面，侍應們的態度都OK，只是這裡上菜、埋單等等都比較慢一點。食物方面，我們都點了一樣的菜式“和風牛肉定食”，整個套餐包括有芽菜仔、沙律、面鼓湯、和風牛肉、白飯、甜品多款。“和風牛肉”的味道我覺得好一般，平時在家都可以做到，反而見到隔離枱吃的刺身飯好吸引，所以我想在這裡吃刺身會好一點。…查看更多

原本與老公去mega box是想去行下果度新開的宜家家私，點知有俾我發現到呢間新野，我地一見到“墾丁”呢兩個字，就好有興趣想試，好唔好食都唔理，不過好在佢無令我地失望，D野都幾好食，好有台灣風味，連佢D特飲，都好OK呀！紅燒牛肉湯麵 ~ D牛肉整得好淋好入味，個麵同湯都OK，好有台灣風味。$42汁燒鴨肉湯麵 ~ 鴨肉都好夠味，個麵同湯應該都同牛肉麵嘅一樣，亦好有台灣風味。$37熱蜂蜜果茶 ~ 好香甜呀，唔太甜，唔係好似“先X岩”果隻得個甜字。$17凍梅子蜜果茶 ~ 呢個都好香甜，我覺得有少少似荔枝味果汁。$20P.S. 見到隔離枱個炸洋蔥好似幾好味，下次試，哈！其實佢環境都唔錯，不過若然佢開喺海邊，好似赤柱、淺水灣、石澳呢D地方，我唸更加有墾丁風味，期待！…查看更多

雖然訂左枱都要再等位，因為之前留俾我地果張枱D人埋左單都唔走，不過個RECEPTION好好，不斷想補返張枱俾我地，可惜我地5個人，佢全部都係4人枱，最後佢答左張枱俾我地，迫迫地好過無啦。食物方面：1) 黑糖麵包~ 個包好好味好軟熟。2) 爆谷蝦~ 朋友話一般，我無食。3) 炸洋蔥花 ~ 好好味，不過真係好熱氣。4) 芝士煙肉薯條 ~ 依個都好好味。5) 海鮮意粉 ~ 好一般。6) Choco Choco Cookie ~ 朋友話好甜，我又無食。 …查看更多

係呢頭睇完醫生，突然好想食PIZZA HUT嘅香蒜肉絲意粉，可能比較香口，所以一路都好中意食呢個意粉，呢間好似食過幾次，以前嘅唔記得了，不過今次好記得，呢度嘅香蒜肉絲意粉都一樣好香蒜茸味，不過我食唔到有咸味，要落好多芝士粉先有返D味道，套餐裡包一杯飲品，我叫左個“港式奶茶”，OK好飲喎，我最怕用茶包沖的紅茶,再加奶，一D都唔好飲，好在呢度唔係，套餐仲有個湯同蒜茸包，都OK抵食。…查看更多

星期日下午大約二時半，和剛剛睡醒的老公到這裡吃點東西，剛好這個時間不用等位，老公點了午餐“咖哩牛腩飯”，而我就點了剛剛是時候的下午茶“叉燒炒意粉”，先來的是老公的“咖哩牛腩飯”，我試了一口，一點咖哩味也沒有，我覺得似，薯仔炆牛腩飯多些，雖然好肚餓，但是我想等自己點的“叉燒炒意粉”，一等等了我廿分鐘，我老公都把飯吃完了，好過份，店裡只有三、四枱客，眼見其他比我們遲來的客人都有東西吃了，於是我叫了那個沒精打采的男待應來問，例牌的敷衍了我幾句，好在，女侍應見狀立即前來道歉及跟進，好明顯是漏單，結果我這碟“叉燒炒意粉”足足等了廿五分鐘，。這碟“叉燒炒意粉”，可能是下午茶的關係，吃完也不覺得飽，$26加多杯奶茶，一點都不覺抵。…查看更多

原本唸住返娘家食飯，點知老豆話好熱唔想煮，提議去“太極樓”食上海菜，一聽到上海菜我就立即say no，因為本身覺得上海菜好油膩，又無咩菜特別岩我胃口，之後join埋媽咪問佢想食乜，佢第一個提議都係講呢間嘢，話係新開，又平又抵食，既然二老都係咁講，我地就決定去試下啦。環境：一去到係一個樓底幾高嘅地方，環境感覺OK舒服，佢有一半地方仲裝修緊。食物方面：炸子雞 ~ 一般，唔夠香口，亦唔係好夠味道蔥爆羊肉 ~ 依個OK喎雞絲粉皮 ~ D粉皮好爽口，撈埋一齊食好OK鎮江餚肉 ~ 依個都好味，又爽口小籠包 ~ 個皮好薄，夾時唔容易弄爛，好多汁，好好味高力豆沙香蕉 ~ 一D都唔溜，好香甜乾扁四季豆 ~ 好香口，好夠味，用黎餸飯最岩。…查看更多

星期日下午五點幾，和老公做完GYM，唸住行下街，行行下又想食野喎，於是黎左依間餐廳，我地每人叫左個餐食，老公叫嘅係“法式巴拿馬火腿軟包”，個包好軟熟，而果塊巴拿馬火腿我就一般，因為係生冷野，不過老公話OK，而我就叫左個 HOTDOG，“司華力腸大熱狗”嘩！超大個呀個包，味道呢~都幾好，個包都係好軟熟，不過當TEA食真係過份左，晚餐就差唔多，太大舊啦！好滿足呀！…查看更多

這間名叫“夢見屋”的餐廳，原來是屬於“Italian Tomato”的，吃的也是差不多，意粉/飯、餐湯、飲品，好像多了一個沙律，最大的不同，就是這裡是上菜形式，而不是一向Italian Tomato的自助形式，服務不同了，即是…要收加一啦！我點的是“蕃茄白菌意大利粉”，味道很好啊！可能有我最愛吃的蕃茄&意粉啦！我覺得好好味！而老公點了的是“漢堡扒飯”，他也說好好味呢！ 我們都加了錢要湯、飲品&蛋糕，至於蛋糕方面，我們就點了“香蕉忌廉”&“榛子芝士”蛋糕，我覺得“榛子芝士”好好味，而“香蕉忌廉”就一般，個餅底仲有D硬添呀！總括來說，這間都是好味的，大家不妨試試啦！…查看更多