Pbaby的个人专页

經過見到咁有間新舖，一睇個招牌咁有港式懷舊風味仲以為係本地嘢，原來係國內已經紅極一時嘅曾三仙米線！啲款多到數唔到即刻上網搵下有咩好食，睇留言話肥腸同酥肉好肥，咁試下豬腰啦，應該爽口既，至於湯底因為太肚餓既關係揀左最能夠想像到既籐椒，辣度只有兩種：小辣/麻辣。初嘗過江龍當然由低試起揀小辣上台係熱騰騰既鐵窩，泡菜同配料（蔥、芫茜）係自助吧攞，配飲品價錢減半，想試既馬蹄椰子水無曬，估唔到呢百香茉莉茶都有驚喜，酸酸甜甜仲有啲果凍係底，唯一要挑剔就係會啜埋啲茉莉花。配料都好足，除左韭菜之外，仲有海帶絲蕃茄同埋木耳絲食食下聽到另一台男士走果陣講話好辣，店家叫佢可以同佢地講，另外提供一碗湯中和辣度，有啲驚訝因我同佢係一樣既湯同辣度，辣就唔講得上好辣，但麻就一定有，大家既接受程度不同。但令我讚嘆既係豬腰花既嫩滑度，係食豬雜粉都做唔到咁嫩滑！而且米線都好滑，可能有人會覺得太稔，但就比市面上既米線幼，我覺得好食就得啦！下次會試下四仙…查看更多

以前經過成日都以為無開門，經過YouTuber洗禮之後，假日既下晝已經坐滿，take away都要等半個鐘左右。但係好食既，岩香港人口味，甜酸辣都減低咁少少，但好有特色，尤其是薯仔包同炸波波，會慢慢試埋佢。試咗呢一個好特別既咖哩羊，幾creamy又唔騷。用咁腰果同忌廉煮所以唔辣，適合一家大細。以上係兩個set, $68 each，野似唔記得咗影，係好香既hot masala tea大家可以放心光顧，哥哥仔識講中文，係土生土長既印度人，可以叫佢推介下特色小食。…查看更多

一行三人，同朋友補祝生日飯，呢間收埋係諾士佛臺既樓上居酒屋，唔係朋友介紹都唔會搵到上嚟。環境有驚喜，坐得唔迫，平日夜晚嚟好多都卜曬台。睇menu價錢合理，食物超乎預期，尤其是個和牛sukiyaki真係入口即溶，同我係日本超市逐片買果啲差唔多咁高汁天婦羅都唔錯，我地揀左南瓜，因為仲有個海膽醬炸蠔，不過就好重口味，老人定食唔慣清酒店員同師傅會因應你食緊咩菜去幫你揀合適既酒，非常好串燒都一人一隻生雞蛋點真係好闊佬池魚刺身兩食超新鮮，條魚骨可以揀炸/煮湯。有機會會再嚟encore…查看更多

吃魚嚕！行過路過，唔好錯過，竟然俾我見到河內道K11開左太～～二！即係要去搓搓佢，仲要唔！洗！等！！一條友又如何？一條友食酸菜魚也是條好漢平日有午餐，1-2人既魚係明顯細啲，但都食得滯，兩個人食可能要加小食，跟餐既item無得更改。同大陸比個味道都差唔多，好似無咁辣添，不過十就唔係寬粉，少少失望…好彩個西瓜椰椰冰粉都好好食，好清爽，不錯！個飯有少少太濕，煮都煮唔切，餐內空間夠，位就唔多，今餐真係意外驚喜滿足滿足！…查看更多

孝順女#1就係隔一排要自動自覺同媽媽講不如今個weekend去飲茶吖？我請！因為唔洗理咩早茶優惠，訓醒就可以出發（當然又唔好太過份訓到太陽曬屁股）媽媽話海之戀呢間酒樓坐得舒服，啲野食唔差，又就腳，一落車就到，又唔難搵位，咁去到等左一陣佢安排位置，門口個阿姐係咁「水」人坐門口果枱，都傻傻地，呢一枱除左知客見到之外，點會有人無啦啦走出門口幫你收野加茶幾大都等！結果都有張海景 view孝順女#2母上話邊間好就好！佢話食咩就食咩啦！孝順女#3通常老人家知你請食飯都唔係好敢叫野食，我都係出盡奶力，三催四請先揀到兩個孖寶再加多個灌湯餃自私食要提一提怕蘇既朋友千祈千祈唔好點安格斯牛肉腸，好蘇！灌湯餃好正，個湯好清，好足料，啲餡唔會成pat漿蝦餃都好好，啲蝦又爽又大粒！上湯鮮竹卷個湯好好飲，但個餡唔得，又係果種食唔出乜野肉又一pat野咁薄飱中規中矩。不過要提一提窗邊枱係好view ，但無風口，怕熱怕曬就唔好揀呢邊啦要批評既地方係滾水唔夠熱仲有就係想叫廚部/燒味要11點先有，早起的鳥兒無蟲吃……查看更多

第一次去汀角路開餐，本身想試食泰國菜，但啲indoor位full曬（俾人卜左），適逢風暴前夕，坐outdoor感覺窄窄地，所以專食西餐。間餐廳好有特式，可能大家驚打風返曬屋企，所以假期前夕都係得1、2枱客，雖然伙記唔多，不過上菜既速度同show up都唔錯，又無食評講到咁差喎！紅白湯有講清楚白湯係豆湯。我地叫左兩個dinner set，本身想試燒春雞，但老細話驚麻麻，最後就點左一份rib eye一份羊架，都係7成熟。嚟到個湯合格，老細幾欣賞個豆湯，佢飲曬，跟湯個包仔有啲硬，都合格啦！沙有驚喜用料好足，係用左紫色同黃色蕃薯，再加啲哈密瓜定西瓜，夏天用瓜好牙煙呀，有變壞既風險，不過都照食啦⋯⋯份牛就真係過曬火，叫5成應該好少少，質素一般，羊架係有啲蘇味，不過份量好夠，燒得唔錯。甜品佢俾左兩款我地，預左我地share，我就一般啦。薯蓉有啲搞笑，佢個味令我唸起即沖果啲，不過佢真係用薯仔整既，係實的的唔係滑身果種，都ok啦，翠玉瓜都好甜！如果夏天日頭嚟應該都夠涼，因為餐廳加左好多部冷風機，而且侍應都好貼心幫我地係枱底點蚊香，不過可能疫情無live band，希望下次老細日頭可以帶我過嚟chill下！架車我地係泊附近咪表位，無泊入嚟，另一點要提係老細好欣賞佢套音響個聲唔錯…查看更多

同朋友係附近馬灣碼頭玩岸釣，之後近近地過嚟深井搵野食。今日同魚有仇，朝早食完炸魚薯條，夜晚就食烤魚朋友好貪心想叫雞煲同烤魚，但3個人邊度食得曬… 就試試佢個烤魚先啦！叫多兩個小食，酥炸蠔仔同酥炸魷魚鬚，兩樣都係即炸，而且個炸粉做得好好！幾欣賞佢個炸蠔仔連埋啲芫荽一齊炸，正！烤魚都好大條，3個人食加兩碗白飯岩岩好，叫左小辣，微微係咀嘴邊feel到灼熱既辣感，係香辣又唔會死辣/死咸。條魚都夠肥美，無泥味，想過癮啲下次可以挑戰中辣。睇佢都多人外賣自取返屋企食，多數幫襯粉麵，嚟緊會再去釣魚，相信可以慢慢試勻晒佢個餐牌！…查看更多

幫襯過兩次，兩次都係早餐時段，貪佢地點就腳又開得早。早餐做得唔錯，份量夠，side dish個fruit salad有誠意，咖啡可以，比較多外國人幫襯。如果口痕想食啲邪惡野配啤酒亦得，亦都見過有女士食唔曬成份nachos叫餐廳做半份走cheese，service嚟講無得彈，感覺呢種人性化既餐廳買少見少。但今次個Fish N’ Chips真係要彈，雖然佢係即炸，但個皮太厚，食食下都唔想食，而且炸得唔夠乾爽，魚肉滑得嚟無味，薯條亦都一般，失望！下次再返嚟會叫返早餐算…查看更多

趁住腦細放假同同事三缺一出去食十三姨，每次都鼓唔起勇氣試其他野食，見人地隔離枱嗌口水雞飯同冒粉都好似唔錯，但我永遠都唔捨得佢個酸菜魚encore佢個湯無論係麻定係香都做得好出色，酸菜無噏味，魚好滑，但稍嫌多碎骨仔。唔想食到洗曬鼻水咁辛苦我擇小辣算啦，本身跟白飯，但強烈建議加錢轉水晶寬粉，好滑身，索汁又煙韌…查看更多

之前食過明明好好食㗎，但係今日唔知係咪放工去，夜晚八點鐘，個櫃已經淨返伶仃幾舊壽司。已經係即場KO佢，可能雪左成日，啲飯超級硬，風味都OK嘅，但啲飯真係超級硬等我仲貪心豬嗌左兩舊添呢個價錢其實都幾貴，雖然個黑芝麻都幾香，但感覺個三文魚唔係好新鮮今次GG了……查看更多

裝修好台式，係台灣既古早夜市風格，可以棟係度食/買走。價錢少貴啦，不過話晒青衣都無乜選擇，試一次啦。揀左粟米仔同豬耳，味道唔錯喎！夠香，夠味，係無得揀辣，佢都無提供呢個選項俾我。豬耳都唔會太硬，有時台灣啲滷味硬到會un胃，但佢無。係有一種好獨特既調味，形容唔到，但睇個色水你應該會get到我講咩（掛？😅總之好食到清晒！…查看更多

京都勝牛（銅鑼灣）元祖炸牛扒套餐$158終於都放監，同閨密補食牛一飯，揀左呢間勝牛，係因為係秋葉原食過又好食又抵食😋雖然香港食就貴好多，但只係食到個感覺，味道都係差啲😞牛扒過熟，佢話3成但我唸7成都有，而且個程度不一。我呢份已經好啲，閨密果份再熟啲🤦🏻‍♀️椰菜絲沙律、蕎麥飯同麵鼓湯都係任添，呢三樣野就唔錯。卑微地希望佢地可以提供麥茶，因為食炸野唔多唔少都會有啲油膩感同熱氣，希望有啖茶飲下🍵…查看更多

金鶴（佐敦）開心既係今日食左碗好好食既拉麵🍜、母親節💐（🧑🏻母親節要對媽媽好啲，但媽媽話我好佢好，所以對自己好首先就係錫住個肚😘）難道有間拉麵開得早，風評唔錯，唔洗等位，就浦去試試佢😋平時試拉麵係由佢既人氣推薦/最basic款試，但見到居然有蟹濃湯我真係 #忍唔住 啦🥵呢款期間限定既拉麵，食第一啖已經覺得好好食💖最在個湯夠濃，麵好滑（偏軟，係我鍾意既質地），蟹肉又多，蟹既鮮味出晒嚟🦀 而且個麵又掛到準，叉燒整得好嫩滑🥰🥰🥰下次想再試埋佢個雞白湯，裝修風格好有格調，唔會太迫，service都好周到，呢個價錢值租。…查看更多

陳儀興玫瑰餐廳（新蒲崗）本身係打算去食方榮記既，但佢夜晚話東主有事，無得食咁難得同同事約到食晚飯，吊腳少少都去啦！間野個名係有少少台灣feel，又有啲「🌹🌹我愛你既feel」🤣一睇menu，淨係湯底定煲都實在唔知揀咩好🤷🏻‍♀️，花多眼亂😍最後揀左椰子雞煲🥥（半隻🐓），個煲一到超級香😙個汁好似椰漿咁濃，真係未食過咁濃郁，咁香既椰子雞💘 啲雞好多，食唔晒咁濟！個肥牛都好正，又稔又無筋👍🏻👍🏻👍🏻麻辣餃都正❣️大大隻爆晒餡，如果醬料選擇多少少就好啦😊連GG咁深閏都覺得可以encore，打呢篇食評都仲好掛住佢啲椰汁🤪 #係魔力…查看更多

今日終於有機會試三哥💁🏻‍♀️胡椒花膠雞清湯米線🍜原來係一個美麗的誤會，一直都以為係胡椒花膠雞湯·米線，但原來胡椒花膠雞只係一個餸🤣 個雞係幾有胡椒味既，不過個湯就無咯，花膠👌🏻唔韌唔腥，仲有3大舊。我加左竹笙，索湯得嚟超爽口我覺得都可以俾多次機會佢，不過會揀返糊辣或者麻辣湯底，食坦仔食辣開針啲🤣🤣🤣 但一定要嗌返少米（-$1），依家超飽🤰🏻奉勸打工仔最好係12:30前同埋1:30後打定電話落單，因為我之後想加單要個小土匪手羽已經打唔通啦⋯⋯…查看更多