Tse Tin Yan的个人专页

今日同同事食lunch,實在太慘痛了,寫下以防自己再犯明明暑假仲要星期五,但1點鐘係坐滿晒人,成堆學生哥係度.位又排得密,背對背咁濟天氣又熱,冷氣又唔夠,好彩食10小辣,唔係熱到跳樓都似.叫左墨丸+雞肉,墨丸standard野,但雞肉....碎到細個手指尾...點食呀食完之後成身汗,埋單43蚊,下次25度以下再黎.…查看更多

今日同屋企人一齊食環境....就普通酒樓,晚上所以冷氣夠,坐位唔會太密,碗筷ok乾淨(單純係富臨太離譜....次次都有積)點左燒肉+蒸紅魚set,西檸雞,南乳齋煲,送甜品紅/綠豆沙燒肉ok,個皮ok脆,但芥末醬無味,可惜我唔食魚,但聽屋企人講d肉好硬西檸雞幾甜,但幾乎無雞肉(薄到feel唔到)....味道就過得去南乳煲味道一般,standard野,仲要南乳味唔重甜品....算吧啦,一般野.綜合黎講,口味淡既人可以試下我記得上次個沙律海鮮盒(炸野)唔錯,D生果幾好食,但老人家唔鍾意,算數了但埋單4個人4百蚊.....我都係乖乖食大家樂算了.…查看更多

小弟第一次寫食評,因為個包實在太好食,要紀念一下.一開始無諗到咁好食,所以無影相,搵返佢facebook張圖算數.我一向都係幫襯開隔離間天龍樓,因為屋企人鍾意.一開始見到呢間茶餐廳,心諗都係standard野,無乜興趣.尋晚見到有個下午茶漢堡餐,$36有包有薯條有野飲,膽粗粗就今日去試下.一開始見到個包既材料,太陽蛋,煙肉,雞扒,沙律,芝士,個名叫做GTR唔知咩,我心諗,咪又係果D野.點知一等就等左20分鐘,冷氣又唔夠,間舖平時又坐唔滿,心諗好似中左伏.第一口當然係食薯條先,方形薯條黎,比廣告牌既又粗又長,不過勝在夠熱,唔錯.至於個包,第一眼我見到既反應係,條煙肉長過個包,塊雞扒又薄,又唔蓋上面既包上去,認真奇怪.但我食落口,我第一個反應就係,第一次食到咁完美既漢堡.首先,煙肉係彈牙既,通常我食開早餐既煙肉通常都係煎到乾晒,最多都係軟口,但居然係有彈牙既煙肉.第二,個飽脆得黎軟口,平時食快餐真係好難搵到,一係硬得滯,一係就咬唔開.第三,太陽蛋夾落個包度,蛋黃就夾爆,蛋白又夠薄,完全食唔出平時食開果D臭蛋白味.第四,雞扒夠軟,味道又夠淡,唔似得大家樂大快活果D又硬又實既雞扒,雞油味又重.第五,菜同蕃茄既草味完全被芥末沙律醬蓋過,沙律醬咪又唔會太濃,係可以分到蛋黃味,煙肉味,沙律醬味,同淡淡既雞扒味,四種味道加上夠淡既芝士味同時都享受得到.整體個包食落係唔覺得口乾,完全無一個部分係覺得硬.每個食材都係有心去處理,呢幾年真係無食過咁有心機整既野食.我自己寫完都覺得仲誇張過寫小說,但係個包真係咁誇張,誇張到我懷疑食唔到第二次.…查看更多