cky2的个人专页

今日第二次去食, 第一次已經覺得好唔妥....點解碗麵個味咁似我2x年前美孚食個間車仔麵既? 再望一望個老闆娘...咁熟口面.....小弟嚴重怕羞...唔敢問, 食完就走...今日食晏完去, 今次見到老闆, 堅唔妥, 又咁面善.....食飽膽粗粗問下佢廿幾年前係唔係美孚做車仔麵, 點知真係佢.....佢仲話我已經唔係第一個認得出佢地講返野食, 我係車仔麵控, 車仔麵老手, 食左咁多間, 我只會推薦元朗合興, 深水埗文記, 石硤尾肥哥, 同埋呢一間合興同呢一間係一二之爭, 文記只係可以排佢地之後, 永年士多直頭係晒氣p.s. 千色米之蓮車仔麵....真係名過其實得太緊要....今日廿年後再食, 同老闆傾, 業主加租, 做到2月.....…查看更多

留意左呢間餐廳好耐, 一直好想試琴日收工就同朋友落去食晚飯菜色唔算得好特別, 但係食得出係用心機整, 價錢合理又大大碟推介咕嚕肉片同埋個窩貼小棠菜咕嚕肉就食得多, 一般用肉排, 但佢用左肉片, 唔係度度有得食, 對上一次食到既咕嚕肉片係灣仔越華會, 估唔到呢度都有!窩貼小棠菜好多都係用墨魚膠, 比較硬身, 呢度係用蝦膠, 食落鬆軟好多埋單都係每人一百蚊左右, 唔貴, 而且水準不俗, 地方亦都企理, 可以再去…查看更多