kamkam2009的个人专页

喺荔枝角附近番工啲人都知食晏好似打仗，而且農曆年後狂加價，所以尋日的起心肝，行多五分鐘過長沙灣嗰邊食飯。發現呢間超抵，食左艇仔粥，再加腸粉，都係15蚊！大家唔好忘記係午飯時段，仲有套餐價！碗粥比我想像中大碗，而且好多米，絕對唔係水汪汪冇米粥。腸粉就一般，但係兩樣都好夠熱！間舖唔係太多人，可以一個人坐一張枱。樓面啲姐姐好好禮貌，比起荔枝角嗰啲串爆姐爭好遠。仲有電視睇！下次要食下佢地啲豬扒！…查看更多

七點幾入到去，好多人咁，咪睇清楚有冇位囉，點知個阿姐話：冇位就唔好入嚟住啦！咁我地咪出去門口先再望入去囉，見到其實有位，先至敢行入去！我地叫左及第粥，聽講話的肉丸同及第粥都好靚，咪叫及第囉。入面啲肉丸係幾正，但及第嗰的料好唔掂，豬潤、肚、腸、腰全部唔掂，海皇都好過佢。啲粥好稀，好似飲米水。啲丸同的粥都好夠味，不過唔知係味精定係乜味。如果唔介意俾錢仲要可能俾人呼喝，同埋唔介意啲粥好稀，咁啲肉丸都可以一試既.... (佢地攞野出樓面時會大喝：全部唔好yuk，坐低！....我見到有個女仔本來相起身俾錢，忽然俾人喝，嚇到即刻坐低！)…查看更多

諗住早啲入去避開人潮，點知夜晚七點先做生意，又唔俾人入去坐住先，我地行到鬼咁攰，唯冇坐喺街啲櫈等左40分鐘！正七點先俾人入去坐！個friend 專程嚟食雞腸面，佢食之前猛話好期待，食緊同食完之後一句話都冇再講！我夾左佢一條腸嚟食，爽就幾爽，但係冇味，同幾"sang"，我覺得一啲都唔好味。我又想試魚角，又想試水餃，於是叫了淨魚角水餃，但我地兩個一路食一路研究，都分不清邊啲係水餃，邊啲係魚角！兩個的味道一模一樣，啲料又好似一樣....唔識分！啲味係ok，但我印象中香港啲水餃又大隻，又多料，有蝦有木耳又爽口，呢度......應該唔會再嚟。…查看更多

夜晚差唔多十一點先入去，唔駛等位，但都好多人，坐得好迫。我地每人只叫一碟蝦籽撈面，二十蚊一碟，好細碟，但我地都係諗住細細碟可以食多啲野，不過廿蚊唔係好抵。我一食落口，已經同個friend 講，好似有啲麻醬味，個friend仲答我可能落左麻油，睇番其他食評原來話落了芝麻！但都幾好味，唔覺話太乾，啲面都算煙un，ok啦！…查看更多

我地二人成兩點八先到，間餐廳三點關門，以為佢地會唔做我地生意，點知任我地坐，仲完全唔駛等位！葡式炒蜆又大碟又好味，有白酒的香味！蜆肉焗飯，個汁好味，好濃味。:)芥茉羊架，好味，但太多芥茉，撥走部份芥茉之後味道就啱啱好。啲肉好嫰，唔羶。可能呢段時間唔多人，全部即整，好夠熱又唔會過火。我見隔離枱嗰隻釀雞飯漲卜卜，一啲都唔乾身。不過奉勸各位，冇三至四個人唔好叫釀雞飯，否則乜都唔駛食！每個人食左大約一百蚊，比起嗰啲懶係葡式裝修又冇冷氣的葡國餐廳，呢度實在又抵食又好味，仲有冷氣，下次一定要再來！…查看更多